一）祟真的而且確係歷史悠久，但歷史悠久唔代表佢就會好，香港好多學校都開左好多年喇．．又唔見間間係名校？最重要係佢地既教學質素，我又唔見祟真呢方面有乜咁出名喎．．．若話佢係英文幼稚園，咁我寧願信Kentville or St Catherine多ｄ喇．．．
二）祟真一向搞幼稚園都唔算出色，只係近兩年請左以前九龍塘禮賢個譚校長過檔先大肆發展，但我一向揀學校係著重其過去政績多過佢地”話會做乜做乜”，因為”講”之嘛．．係人都識喇．．．我夠話俾個官你做都得喇．．．你睇個間”浸會大學附屬幼稚園”就知啦．．當日佢開校時夠話下年就有小學咯∼∼∼所以就吸引左班家長貪其”一條龍”就將個小朋友轉去讀K3搏升上小學啦．．．結果．．．你有眼睇喇．．．間小學個banner我都未見過呀∼∼所以老實講．．個校長又話學校會點會點我係唔會信既．．我只係信佢地以前做落個ｄ野，(this is in HR what we called "behavioural interview"嘛 ）我唔可以話佢將來唔會係會更好，但若我有得揀，我一定唔會要自己個仔去Take risk lor~~~~
七）若你聽講過有人話沙田祟真中學（一條龍中學）係Band 1學校，咁你要小心，我真係唔多聽講過人地提佢係Band 1 wor....沙浸我就知，講個小事過你聽，有一日我搭巴士，坐我後面有兩個年青人，佢地唔知講開ｄ乜（之前我聽唔到不過呢句就好清楚），其中一個就話：”祟真？！Band 1？Band 1 佢個頭，我讀咁耐都唔覺wor...."．．言談之間好似都好唔滿意咁，雖然我唔可以憑佢一句就話祟真唔好，但從心理學角度黎講，若間學校係好，佢ｄ學生應該好proud of it，佢咁講即係佢都唔係好鍾意間學校啦！你有冇聽過ｄ喇沙仔拔萃仔自己話佢地間學校唔好丫？？
八）最後，若祟真只係收你個仔讀下午班，我建議你可以唔留位，因為一來你又唔係咁想個仔讀下午，二來就算佢收上午你又唔一定讀，三來以上年經驗，有個媽咪（另一個，唔係上面講個個）有次同我講，佢個仔收左但冇去註冊留位之後都有再打電話叫去佢呀∼∼∼所以回應我上面所講，真係佢驚你唔去多過你驚佢唔收喇．．．而且以上年既經驗，祟真去到五六月時打電話去問下午班都仲有位，所以你定wor．．．就算你依家唔留位，第日walk in 都一定收．．．因為去到五六月時係ｄ家長要”立定志向”俾個小朋友讀邊間喇嘛．．（之前一向都係一個人霸四五個位ga la.... )，而祟真一向drop out rate都係咁多名牌學校之中較高ga la，所以我一句講哂，若你最後真係想俾個仔去讀第日都一定有位，唔駛怕wor.... 不過若係我，我會寧願佢去Kentville or St Catherine之類的私校lor.....（若另一ｄ一條龍唔收的話），起碼呢ｄ學校都有其出名之處嘛．．祟真我就真係唔覺勒∼∼∼
發表於 
返回列表
