lottieclee 發表於 15-2-14 09:51 
如果你冇係美國長時間生活過，移民係好大考慮。我自己由Chicago搬返香港再搬來LA，都覺得Midwest同西岸好唔 ...
其實香港D手作功課都唔少嘢，而且擺明係家長競賽添，我FB見朋友N班仔女整花燈整過年裝飾，複雜程度根本係小學三四年級都整唔到，三四歲唔係父母整我打死唔信，我自己個妹都同我講，佢同個仔一齊整（佢個仔都有D藝術天份），好多嘢係我妹教個仔整，個仔整咗90%以上，到份功課得獎，冇人信我妹只係幫手10％唔夠，所以你可以想像其實係幾誇張。我對仔女讀P果陣都係，每年有一樣功課話係親子project，但原來個個都係媽媽做，我唔知，真係同個仔一齊整，佢當然唔會做得好靚，我由得佢揀圖自己剪再貼，我就問完我仔再幫佢寫字，點知喺堂上面老師叫每個小朋友出去自己講解一次，因為我仔有份做，佢可以講到晒成個project內容，其他小朋友唔識。後來老師同我講讚我仔，我話係我仔自己整我幫手，所以我仔會識講，好快傳開咗我仔份功課俾老師讚，於是我有小麻煩，因為好似有D家長唔多友善，其實佢地果D整得好靚架，我仔果陣間學校好多日本人韓國人家長，果班女人手藝真係好好，每年D曲奇餅點心好似去參賽咁正。
感覺其中有好多家長都將自己小朋友比較，我盡量唔咁做，但都有壓力，小朋友有時都感覺到壓力，而家間小學雖然好多大陸家長，但仔女兩班家長好多都唔錯，又肯幫老師手，又會互相幫忙，去FT唔係只顧自己仔女，我都算好彩，見到其他朋友有時呻到樹葉落。
最近校區改高中數學科課程，好多家長出咏嘈，但嘈嚟嘈去都係一班覺得自己仔女叻過人，唔想就其他人讀番一D較淺課程，於是就反對全個理念，其實只要要求唔好one fit for all就得，新嘢點都要適應，但唔係見到新嘅即反，今年開始Common Core又係好多人嘈，我自己覺得又唔係太差，不過教數學又真係辛苦好多，因為要小朋友明白答案一樣都可以有唔同演算方法。你果邊駛唔駛改？我地呢度而家好多家長搞緊petition要求7年級保留Algebra，其實唔係唔教，只係survey發現有好多7年級學生都未理解到，校區想安排8年級9年級學Algebra，但好多家長聽到就嘈話點解7年級會冇咗，有D甚至話會浪費咗整整一年時間，因為佢地仔女已經ready，我自己仔女未到中學，我唔係好知實際情況，呢D家長只係睇到一邊唔理另外一邊，好多嘢都係溝通問題。
花旗太太生活在花旗國，留意時差，你問我未必即時答到。
發表於 
老公申請我過去。。但我乜都唔知, 只揸住個tourist visa.. 要幾耐先拎到green card?
返回列表
