==> 係呀, 我係一隻超級 planning 獸, 三個都係 3, 4 月出世, 大家相差係 within 2 weeks, 每個隔三年, 都係我預算之內, even 係仔都係我預算之內...
係呀, 三個係好過兩個的 (唔係因為我有三個先咁講) 因為就係要人佢地學識 politics 啦, 呵呵...我依家放長雙眼睇住第日老大夾埋老二點蝦老三, or 老三點同老大夾埋杯葛老二, hahaha...好玩, 佢地就係會響當中既 bargaining 中學識更多與人相處之道啦, 唔係下下唔係你就我 (if 兩個) , 有時兩個人都有佢"辛苦"既地方架, 就係唔鍾意另外個個都冇得揀 or take a break 避開下丫嘛...hehe...多一個就多個投靠, hehe 亦等另一個冇人同佢玩個個要反省下點解人地怕左佢啦....
不過, 我知好多 family 因為人手問題, 收入問題, preference 問題, etc....真係唔係個個會生三個的, so 我認為兩個都好架 (起碼好過一個), 得就最好三個咁啦, 四個又真係好似多左d...因為四個就好易變成小圈子的 (兩個一 group , 各不理啋) 你睇大人去飲都知喇...一枱 12 人, 咪又係各自兩個係樹 chat ...所以人太多又係冇乜用既....
一個又冇用.....要學識 sharing, respect others, 同 appreciate others , 唔係乜都 take it for granted 係較有兄弟姊妹既困難, 所以我又唔支持, 但當然, 凡事唔可以一刀切, 我講既係一個 general trend 啦, 家長作任何決定都一定有佢地認同既理由的, 呢點我好明白的, 畢竟感受係自己架嘛, so 人地點決定, as long as 佢地覺得冇問題就得架喇...
我唔會再生 no. 4 了, 一來原因上面有講, 二來我老喇, 我唔想我 8x 個仔仲讀緊書個停....亦想真係老來可以 relax 下, 有番自己既退休生活, 唔駛下下仲為d細路掛心, 佢地個個可以 take good care of themselves 我就於願足矣喇....
而家都排緊政府做評估, 自己就去左私加做, 都話佢口肋有問題. 會同佢上trainning.
==> 咁依家知 result 未呀, 之前我識另一個媽咪小朋友都係要做D language therapy 的, 可能唔完全同你 case 一樣, 不過想你知, 佢依家完全冇事喇...so 只要適當 training and handle 係好 OK 的, 俾心機呀...
我本來唸住今年尾同佢考過另一間學校, 等佢出年repect一年k1做大仔. 但因為我覺得而家呢間學校唔多掂(私加), 所以想而家出去搵過第二間(插班有i位個d), 想問吓你知唔知邊間幼稚園會好d (荃灣or 九龍城區附近)
==> 荃灣區我唔係好好熟, 所以只可以 recommend 一兩間有 mom 同我講過話 OK 既俾你, 但我信 there should be more good choices ge....
Tsuen Wan 可考慮:
1) 荊冕堂
2) 浸信會
你亦可以考慮d有教會背景既學校, 因為佢地辦學有教會睇住, 都唔會好差的.
另你個 case 你會唔會考慮俾佢去幼兒園 instead of 幼稚園呢? 因為幼兒園係時間較長, 對 train up 小朋友既語言能力係會較好架.
==> 呵呵....this is a good question, 本來我見到你呢個 "topic" 即時已經浮起左成千字咁既 response, 不過又怕睇到人 zzz, 就決定改用長話短說既形式
我做唔做一樣野係好睇 two things : (1) 做左有乜得著, not only now, but also in future (2) 唔做係唔係就係可以避開到d 唔好既野呢 (因為決定唔做當然係睇到d -ve points la)
so 你問呢個問題, 我會諗:
1) 先睇你自己點睇 "politics" 呢個字喇...好多人認為 politics 唔係好, maybe this words look at bit more -ve, 咁我用另一個字 "diplomatic" 會唔會 feel better? 好多書本入面都講過 conflict is not a bad thing, 就好似 stress 一樣, 完全冇的話人只會不思進取, 變得 lazy, 問題既核心係"如何去睇呢件事 and how to deal with it" la...
所以, 在我黎睇, 學習與人相處既過程裡面一定甜酸苦辣既 feeling 都有, 唔會 all fun, 事實上, 人生既 fun 就係要靠自己既 learning 去 build up , 再配合自小建立既一個 +ve 既 value , 咁小朋友睇出去既世界既 colour 就 could be very different.
再者, 小朋友看世界同大人好唔同, 佢地唔會因為 sense 到有 "politics" 既存在, 所以佢地可以之前打哂交, 之後又勁老友, 大人我相信就唔易做到了, 因此, 我地更要響佢 feel bad 既同時, when they emotionally calm down 就要開始 facilitation, 幫佢地去 +ve 咁睇 politics 呢件事, eg....有人夾埋唔同佢玩, 點解, 我可以點睇呢件事 (唔一定係夾埋, 只係人地想轉下 partner 同第二個一齊, and we should respect others' choices ar) , 又...學習下自己娛樂下自己 sometimes, 唔係下下要人陪玩的, 世上永遠冇人有義務去咁做, 要人欣賞自己, 係要靠自己 earn 番黎的, nothing should be taken for granted....etc...呢d concept, then 佢就會睇 politics in a more constructive way.
2) 再者, 即使冇三個 kids, 家裡都唔會冇 politics, 問題係 politics 唔出在 kids 身上, 係出在其他人身上 la, 有人既地方就唔會冇呢樣野, 細路唔去玩, 睇到你大人玩 (有時見老爺同奶奶同新抱又係樹角力) 都一樣有啦, 再唔係表兄弟妹黎玩又係有, 第日返學都有, so 避得幾多呢? 當然, you may say, 咁起碼唔會親人都係咁, 但我反而睇就係因為親人先冇隔夜仇, 因此可以 "practice" (但家長就係要從旁幫助, 事情發生之後而協助佢地建立正面既睇法, 唔係一齊鬧埋一份, otherwise 就死梗) e.g. 細佬打阿哥一鎚, 有d家長好快會話, 咁係細佬唔岩, 我地唔好啋佢, OR 有d 會話, 咁係細佬唔岩, 但你係阿哥, 你要原諒佢, 因為佢細個...
Both answers are not good answers in my eyes, 首先 (1) 俾人打就唔啋人, 呢個唔係樂觀積極既做法, 只係 avoiding mode, 點解唔問下自己 why 人地打佢, 之前是否自己都係做左d 挑釁性既野 to others 人地先打佢, 又若 really 冇做任何野, then what can 哥哥 do in order NOT to 被人打 suddenly in the future 呢...??
反而應該係要教個細佬同阿哥講, say sorry, 明白 why 自己行為不對, 而阿哥就係因為細佬 say sorry 呢個行為而接受地去原諒佢, 唔係因為佢細就要原諒佢, these are two different things.
so you see, 有 politics 唔單止佢細路既 learning 亦係 train 大人既好機會, 要做一個 +ve life coach 唔容易, 因為大人都有 emotion, 就係呢樣野令到有 conflicts 既出現, so 正面d睇, 唔係人人都會 lifelong learning 咩? so if that is the case, why 避..??
不過我知要 strike the balance 唔容易, 就好似"自由"同"放任"往往都係一線之差, 但.....唔做就點見到結果呢...??? so I am learning at the same time too la...
Nike 以前都用 "nothing is impossible" 去睇事情喇...依家仲改埋 "impossible is nothing" ==> 對, 人就係要有解難既能力先會進步嘛~~~
==> 先咁睇, 有新移民唔係問題, 有 "uncivilized" 既新移民先係一個問題, 你可以去睇睇個間幼稚園d學生如何, e.g. 企唔企理, 家長帶小朋友番學時如何處理小朋友, e.g. 曳會由佢定教佢先, so these are also factors 去 conclude D peers 掂唔掂...
1) 我記得你講過peer influence很重要,應如何取捨?
==> 若情況真係唔好彩, 係我上面講個種d家長唔理仔, 細路曳又冇人教, 又 lei fei..etc 咁就制唔過了, 好似我以前話齋, cos this will affect 你個仔既 value building, 若真係咁, 我會寧去一間d細路家長都較積極正面既廣東話 KG 好過....PTH 可以用 other ways to learn 既, 唔一定要 PTH KG, 得個三個鐘上堂, 唔好 expect 太多 (尤其小朋友 back home 都又係翡翠台個時)
2) 有沒有其他幼稚園以普通話教學?
最有名做 PTH 教學既有蘇浙喇...仲係一條龍可以上佢小學, 不過佢響北角, 你問得大圍 KG , so I assume 你住附近, right? so if you dun mind 地點距離既, 我會 take 蘇浙
再唔係, Victoria 都有雙語班的, (English + PTH) 不過學費都會幾貴, 你岩 budget 既都可以考慮
==>well, yes, 你可以咁講 (壓力是無咁大) 但從另一角度睇, why does that happen? 唔多唔少外國就 social security and welfare 來說都比 HK 好 (雖然又即係 = 要交多d 稅) , 基本上生活唔係一個太大既問題, even 讀書, 雖則都係有壞學校, 但外國地方大, so 仍然有大把好學校等你去, 真係有少少"唔憂讀", 唔同 HK, 好既學校來來去去就真係得個幾間, 政府亦無盡力做好 welfare planning, so HK 人自少就被 trained up to 諗 : 我要做社會上揾到錢個浸就要做乜乜乜...etc (e.g. 讀名校, 要英文 lak lak 聲)
又或者咁講, most HK 人既 value 係, 以 "achievement" 去 comment 一個人, i.e. 做咩工, 揾幾多, 有幾多手下, 公司有幾大, 屋有幾大, etc 呢d "quantifiable" 既野去 measure 一個人既 "success" instead of 去睇 whether he/she is living a meaningful kind of life.
外國孩子大多唔會側重只一方面, 即係 "career" to them is only part of their lives, 所以佢地唔係唔讀書, 但都一樣好比心機去玩, 咁呢點亦係一個雞先定蛋先既問題, 即係, if 佢地真係 live in a society, 你唔搏命向前排隊, 就會不斷有人響前面打尖, so under such circumstances, what will you do? 由人打尖, 定係你都會開始 push 前呢...??
So if 只係一小撮人追求 fun fun learning, whereas the majority 既人都係口不對心的話, the scene won't change, 因此, 我睇到既係, 只要一日生活在 HK, the rule of the game here will never change.
==>呢點我有同感, 同感 in a way you said "外國小孩子由於風氣較開放" 同 "中國人較為斤斤計較" , 中國人一向係 protectionism, 晨早d 人都會話 "教識徒弟冇師父" ga la...我就真係諗極都唔明, D 師父怕乜? 怕佢地 take over their jobs, right? But if 佢地真係驚 , then why don't they ask themselves 點解佢地企唔住腳, 而係先去話人搶走佢份工?
中國人就係少左份 self assessment 既能力, 有事發生, 第一個反應係先話人, 而唔係成件事去睇 : what makes that happen?
Not only China, probably .. I would say, is ASIA..睇我 push D 老細們去 take 360 feedback 已經想死... 反而我 AUS D staff 會主動同我講 they wish to review their blind spots, so...see...好多野, 心態上唔 ready (attitude) 叫佢做乜都冇用.. (behaviour) 更遑論要佢 learn new skills or think differently la..
不過話說回來, 每樣野都有個 price, 即係你講既 : "外國小孩子由於風氣較開放而容易學坏"....我就咁睇: 未必一定係壞既, 係早熟喇...我有朋友同我講, 佢個仔依家11 歲, 讀 International school, 已經對 condom 不知幾熟悉喇, 響校園完全唔係乜野禁忌, ... 但在 chinese 來講, 呢d係相當出位既行為, 但響外國, it's just like eating and drinking! so take 唔 take 就好睇家長用一個咩眼光去睇成件事喇..so 每個 decision 都係 give and take, I would say.
但我信, people can be influenced, give time la...我好 positive 既, 我信中國人會做得更好.