國家地區媽媽會 今日: 0 | 主題: 20266

積分: 37317

好媽媽勳章醒目開學勳章畀面勳章

121^#

發表於 09-4-25 22:53 |只看該作者

嘩，我啱啱睇完map，
我响KL落腳嘅地方同你好近喎，

我地又係離KLCC十至十五分鐘（如果唔塞嘅話）
你有無去行下Great Eastern Mall?

我都係結咗婚好耐先夠膽生BB（十年）
經濟加上唔知响邊個州住，
前途唔明朗，
所以係明白你所講嘅。

呢度特別多大型昆蟲（如甲蟲、嬋），
可能天氣比較熱適合昆蟲生活，
佢地一飛我就驚驚。

原帖由 puffer-fish 於 09-4-25 16:35 發表
各位:*一次答哂大家

怡保白咖啡係好好飲呢,上次去金馬倫高原途中趁機去飲,hehehe
如講到3合1我就喜歡super果隻怡保白咖啡,好正呢

我唔係住wagsa Maju,係就無咁慘,話哂多d野睇,我住Keraxxx,係比好多馬拉k ...

私人傳訊

Semall

積分: 2636

畀面勳章

122^#

發表於 09-4-27 14:50 |只看該作者

嘩..我無黎一排.. 變左咁熱鬧
Elefant老婆.. 你都係住係penang o架? 我都係喎.. 得閒約出黎吹下水喇..

我同puffer-fish 一樣.. 有一個女.. 一歲半喇.. 佢個女大我個女少少..
我2005年結婚.. 跟我老公一齊住係penang.. 黎左都四年喇

私人傳訊

puffer-fish

積分: 4346

畀面勳章

123^#

發表於 09-4-27 17:13 |只看該作者

我有行Great Eastern Mall,但唔係成日,因為無咩野睇的,通常去開我果間生仔醫院Gleneagles時先去囉,因為隔離ja ma,我個女睇兒科都係在果處睇

Semall,我地個女得16個月ja,唔好幫佢地報大啦,女仔唔喜歡ga ,hahahahaa

你就回HK,一定好開心

私人傳訊

Semall

積分: 2636

畀面勳章

124^#

發表於 09-4-28 15:27 |只看該作者

唔緊要喇.. 我唔係好記得我個女宜家有幾個月大喇..
前幾日我個女終於識叫媽咪喇.. 不過叫叫下就變左叫mimi.... 跟住就成日叫我mimi 喇

係呀.. 今個星期五就上機喇.. 唔知點解penang 去hk o既flight schedule 鬼c咁早.. 朝早六點幾就要到機場喇.. 都唔知我個女會點添

私人傳訊

積分: 284

125^#

發表於 09-4-28 22:51 |只看該作者

hello各位~幾日無黎!
皆因我過左黎大馬呀!

今次係最後一次以女朋友既身份過黎喇..
下次就會係過黎結婚了....
今次過黎係同我男友搞新屋裝修同籌備結婚既野..忙到就黎癲啊....

btw....
呢幾日kl都好熱好熱.....
我諗有35度以上呀....
熱到好似個火爐咁..
整到我個人日日都好累...好難頂呀...><

私人傳訊

積分: 676

126^#

發表於 09-4-29 10:31 |只看該作者

係呀..近呢個星期呢頭冇咩落雨熱到傻呀>_<
結婚真係好多野攪,不過都要有足夠睡眠,做個靚靚新娘子呀hehe,係呢...你影左婚紗相未呀?喺呢到影?滿意嗎?我仲未影呀,唔知邊間好?因為當時冇擺酒果D所以冇去影,想慢慢睇吓先囉
咁大家可以分享吓去邊間影婚紗相嗎?又有邊間係覺得麻麻架呢?

私人傳訊

積分: 37317

好媽媽勳章醒目開學勳章畀面勳章

127^#

發表於 09-4-29 12:24 |只看該作者

puffer-fish，
我都覺得Great Eastern Mall無野行，除咗Apple同Cold Storage。有時出開去返黎，順路唔想迫都會去果度食同買野。（我記得佢地有Strudel、Haagan Daaz同Alexis唔知依家仲有無）我果邊除咗Naan Corner嘅鋪頭之外，就真係無咩野食（全部馬拉野無啖好食）另外去UKay Heights嘅果條路，都有一檔賣麵飽嘅小cafe，佢D麵飽同fruit tart都幾好味，早餐有set同鮮搾橙汁，但就一D都唔平。如果唔係就要去Ampang Point果邊，食都多D選擇，但係果邊好難泊車。

PS:sorry，我指大粒果D係D datuk/ tan sri 果D，唔係領事館嘅人。

semall,
你星期五返HK？你就好啦，祝你地玩得開心D，食多D好野！^^ 我地雖然未見過面，但都用過MSN傾過計㗎！不過我依家好少用MSN啦。我通常搭朝早第二班機，去到HK啱啱好食lunch，因自己知自己事我實起唔到身

咁早我一定趕唔切。記得唔好帶水或飲品入閘，上次我一時醒唔起買咗杯coffee諗住等上飛機時飲，點知唔帶得入去呀。一本丟咗一本飲咗。好嘥！

私人傳訊

積分: 37317

好媽媽勳章醒目開學勳章畀面勳章

128^#

發表於 09-4-29 12:29 |只看該作者

sisiluretta，bebe818

Penang呢邊差唔多日日都落雨呀，35度真係好熱呀！

呢邊商場真係大，香港果D就一味高。不過大D又闊落D。推住架BB車又無咁易俾人撞，行商場當做運動啦。

私人傳訊

積分: 284

129^#

發表於 09-4-29 12:44 |只看該作者

我地上年十月影左婚紗相喇~
我們唔係響kl影,去左高雄影呀!
影出黎都幾自然, 好滿意呢!
如果響馬來西亞影, 我諗我會揀去bali影,又近kl, d景又靚!
可惜我已經影左, 唔會再影lu...

希望呢邊快d落場雨啦..
再咁乾煎真係命都無呀...

私人傳訊

puffer-fish

積分: 4346

畀面勳章

130^#

發表於 09-4-29 16:09 |只看該作者

datuk/ tan sri 就唔駛諗啦,我無咁有米同仍地住在附近,hahahhaha

我呢邊日日都勁大雨,我開風扇都見冷,家下出面都落緊雨啊

我當年係在香港"法國婚紗"影的,貴到死,但佢地好好人囉,我果日黑仔都咩咁,竟然在化妝時搞肚痛去左toilet 最少5次以上呀,尷尬到....佢地叫我改期但我老公果時行船的,無時間,只好頂硬上,但我一見到相機就好似人地"上身"咁,即時變到好精神,連個攝影師都話我唔似病到咁勁,我諗係職業病,果時做記者影明星都係一見相機就咩都拋開,只記得要做野,hahaha我用左兩萬幾影相,現在後悔呀,早知影d平d

私人傳訊

積分: 284

131^#

發表於 09-4-30 22:55 |只看該作者

原帖由 puffer-fish 於 09-4-29 16:09 發表
datuk/ tan sri 就唔駛諗啦,我無咁有米同仍地住在附近,hahahhaha

我呢邊日日都勁大雨,我開風扇都見冷,家下出面都落緊雨啊

我當年係在香港"法國婚紗"影的,貴到死,但佢地好好人囉,我果日黑仔都咩咁,竟然在化妝時搞肚 ...

影結婚相時肚痾...都幾慘喎..
不過如果影出黎OK既, 辛苦左都值得呀!!

BUT你響法國婚紗影2萬幾蚊, 我覺得都幾貴呀!
因為我地去台灣影圍返都係2萬5蚊左右!
又可以順便去埋旅行! 計落好似化算D!

今日我OUG呢頭都有落返雨, 無咁熱啦!!

私人傳訊

積分: 676

132^#

發表於 09-5-2 14:07 |只看該作者

之前midvalley有婚紗展我同老公去行過,台灣果間'青樺'依家吉隆坡開左分店,我地睇過佢D相都好似唔錯而且唔會好貴,都有諗過去台北影,而且我都好鍾意台灣好多野食,次次去都係咁食食同埋食,hehe,舊年同老公去一次之後又同妹去一次,都係食>v<,但我老公話如果係為左影沙灘,樹林果D(因為我想影呢D)佢話馬來西亞都可以有好靚嘅景啦,唔想咁辛苦喎,除非係冬天去囉,咁又係嘅...
不過如果喺番馬來西亞影唔知邊間好呢?

私人傳訊

積分: 284

133^#

發表於 09-5-2 23:28 |只看該作者

我同男友都有去前兩個月midvalley 個婚紗展!
但我個人覺得無咩睇..因我地主要真係想揾衫..但個展主要都係sell 影相!
有一樣得意既野係唔同hk...佢地既婚紗展有埋家居用品既booth..eg地板,mattress...好搞笑..!

大馬既青樺我同男友揾衫時都有去過, 我地去SS2果間~
HK既我知道佢地影相都幾靚, 同埋我去過尖尖金馬倫道果間見佢擺出黎既衫都錯!
但呢邊既衫我睇相就麻麻...
不過真係各花入各眼呀...可能只係唔岩我眼緣..因我覺得太成熟啦~

bebe你老公都有道理架~~
如果係影山山水水大自然既野..馬來西亞真係大把...唔需要特登去台灣影既....我見d人去bali影既真係幾靚呀!!
我去完台灣影, 返到黎kl見到bali先醒起呢度好近bali..都有d後悔....hahha~~
不過唔緊要啦, 影得靚就ok啦!!

雖然我唔知呢度邊間影得靚, 但我有去ss2既TOUCH租衫, 睇過佢地擺出黎既相都幾自然幾靚! 佢地都有做去BALI既 package, 你同老公可以去睇下!

私人傳訊

puffer-fish

積分: 4346

畀面勳章

134^#

發表於 09-5-3 16:06 |只看該作者

都係幾唔化算的,但因為果時我老公在郵輪上工作,佢地要半年到一年先可放一次無薪假的,所以果次我地係得一個月時間要做哂所有野,影相,搞結婚的東西,擺油,試衫etc,點會仲諗去第2個地方影咁浪費時間,當時我真係倦到半死,邊有人結婚要好似我咁慘>_<但嫁得佢又無計啦!!好在d相影得好靚,所以我都覺得值得一點,當年我都有睇下大馬的婚紗相,但果時都無呢d咁靚的,通常都唔多好睇又老土,衫又唔靚,現在好好多,如我現在先結婚都可能選大馬影,平好多的!!我見我老公的細佬上年在大馬影都好好呀,d質素真係幾好,只係幾千蚊,平過我果d好多好多@___@

私人傳訊

積分: 676

135^#

發表於 09-5-4 02:06 |只看該作者

係呀,都係HK婚紗展多野睇好多,呢到主要係影相
其實我見呢到D質數都好似唔差,未睇之前仲諗住會比HK娘D冇咁靚影得,而且又未睇過其他人嘅,但見佢地有幾間D質數都好好而且又比HK平喎,大多數都集中喺SS2果頭幾方便,不過都要決定去邊到影架喇,因為遲D番完HK返番嚟就會努力做人仔喇...>v<...hehe

puffer fish
你同你老公D兄弟姐妹果D感情應該幾好呀係嗎?你就好啦,起碼有咩都可以問吓佢地,得閒又可以約埋一齊去邊到玩吓咁幾好...我老公得兩個家姐,一個嫁左去外國一個喺怡保,D阿叔阿姨果D差唔多全部都喺外國,吉隆坡一個親人都冇呀>_<,我朋友又唔多,有時有野都唔知可以問邊個?又唔想下下打比99問喎,好似D野要喺邊到買呀?果D點煮架....!!唉....有時諗吓諗吓就想咸,好掛住阿媽同HK呀~嗚~

私人傳訊

積分: 37317

好媽媽勳章醒目開學勳章畀面勳章

136^#

發表於 09-5-5 01:53 |只看該作者

各位，題外話：啱啱睇到上年改咗例，攞spouse program visa 可以做野呀（唔知係咪我後知後覺）

http://www.imi.gov.my/eng/perkhidmatan/im_SpouseProgramme.asp

私人傳訊

積分: 37317

好媽媽勳章醒目開學勳章畀面勳章

137^#

發表於 09-5-5 02:13 |只看該作者

你地講緊婚紗相，
我果時無影，
只係行禮同夜晚先有影咗D相，
仲影得唔係咁好（雖則係免費）。

所以D錢洗咗落擺酒同度蜜月，
係呢兩樣洗得比較甘，
俾我依家可能會選擇洗少D响蜜月果度。

不過安慰自己，
都係一生人一次。

你講起睇電視，
我由亞仔一歲開始，
即呢邊做大長今之後，
就無乜點睇過華麗台（直頭無！）
真係晒鬼晒D錢，
諗住想停咗佢先。
其實依家真係好正，
有咁多電視節目，
Astro又有咁多野睇
（613嘅選擇仲正過香港果D）
以前發瘟朝早係無電視睇嘅，
tv1-3除咗祈禱有D畫面，
其如時間要到差唔多兩點係先開台，
凈得NTV7朝早有畫像，
不過係shopping channel。

果時晨早八點我就醒，
朝朝掃完地，就悶到我死死下，
後黎忍唔住三個月後就去PC Fair買咗部電腦，
學下做網頁，
上網睇蘋果新聞同明週（果時海外係免費任睇）仲俾埋錢訂一週。

真係如果唔係電腦，
我諗一早悶死我。
我老公屋企人又係响外國
（62+99移咗民去澳洲，姑仔又係嫁咗去美國）
所以我地都係無人幫，
有咩事都自己攪掂，
雖然KL有親戚，
但我地又唔响KL度住，
都幫唔到忙。

私人傳訊

積分: 37317

好媽媽勳章醒目開學勳章畀面勳章

138^#

發表於 09-5-5 02:18 |只看該作者

semall佢星期五上機，
之後香港就宣佈有H1N1個案，
我知道咗都有D擔心，
希望佢地平平安安，
玩得開心D返來！

私人傳訊

積分: 676

139^#

發表於 09-5-5 14:12 |只看該作者

elefant
原來你都係咁架,開頭會唔會都好似我咁好徬徨囉?好似冇人冇物喺我嘅世界入面只得我老公.
雖然我99同老爺住喺怡保,我地間中都會返去住一晚,但始終唔係自己阿ma嘛>_<,而且我99.....點講呢...同我嘅生活習慣好唔同,佢唔係唔好而係咩都話唔健康,唔好食,冇益,要自己種菜食自己養嘅雞蛋唔好用咁多化學野10點前要瞓覺6點要起身做運動(返到Ipoh我真係要咁架,好在一個月先返兩次咋!!)....其實佢講嘅係有道理我自己平時都食得好清,但對於我呢D喺咁唔健康嘅城市長大嘅人嚟講要照佢咁做會有壓力,我老公都係好講究健康但有時都頂佢媽唔順呀,所以佢會明白我係會唔慣,不過我都已經慢慢咁有D改變自己嘅生活習慣架喇,希望遲D會好D啦,所以我盡可能都唔會打比我99問佢野,但有時都唔知可以問邊個?!

私人傳訊