oooasis 發表於 15-4-27 20:11 
人地指出美國治安差，犯罪率高，槍擊案多，失業率高，負債累累，全球徵稅，都係事實，都係想指出有人一味話 ...
而且美國咁大，一定有D地方好住有D地方唔好住，淨係西岸同東岸已經大不同，都未計夏威夷、德州、阿拉斯加呢D又另一種生活方式，仲有D州郡少D香港人去，生活真係唔可能想像到係點。我估呢度有D住美國嘅會員會覺得有問題就係以偏概全，大家講出自己情況，唔係想要炫耀D咩，美國會果邊我地成日都講好多情況俾考慮移民、將會移民及剛剛移民嘅會員聽，只係想俾多D唔同角度大家睇吓，世界上真係冇一處天堂，香港先天已經係比較好，起碼天災威脅少D，最多都係打下風，唔會有咁高機會地震海嘯，但人禍度度都難以避免。大家網上討論當長下知識又好吹下水又好，事實大家都係星斗小市民，國家大方向我地有能力左右幾多，都係求個生活安穩。
花旗太太生活在花旗國，留意時差，你問我未必即時答到。
，而我喺度又真係見到好多公海出帖問移民俾人鬧，好多人不滿現狀，住美國嘅會員講自己經驗有人會睇成炫耀或者隔岸觀火，邊度仲有討論空間喎？其實你講得啱架，其實我住咗美國11年，真係有好多有趣嘢，又有好多攞命嘢，真係分享都可以講好多，10日10夜講唔完。我睇完呢個帖至睇到另一個帖，的確果個樓主知其一不知其二，我估佢俾人點，50萬美金投資移民已過時，而家冇100萬都唔好諗，而且移民美國根本未必係果個樓主所想，美國唔係天堂，嚟度都要捱，只係捱嘅嘢同喺香港唔同，咁自己OK就得，我成日講改變唔到人就改變自己，而家另一個帖嘅樓主係自己個觀點有問題，移民一定唔可以幫佢由地獄走去天堂，如果香港都係地獄的話，去邊都係死路一條。
發表於 
，理得你死，首先放低1千個先。
返回列表
