吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 終於忍唔住，請走左個未來弟婦 18/9 updated #1249 #133 ...

婆媳關係今日: 5|主題: 27764

收藏本版

發帖

返回列表

跳至頁

樓主: maggieyhy

終於忍唔住，請走左個未來弟婦 18/9 updated #1249 #1339

5 678 9...136

積分: 26054

121^#

發表於 15-9-14 01:02 |只看該作者

回覆：終於忍唔住，請走左個未來弟婦

我唔明點解你仲俾佢去你屋企坐月

私人傳訊

maxifoxy

大宅

積分: 2074

BK Milk勳章

122^#

發表於 15-9-14 01:05 |只看該作者

回覆：終於忍唔住，請走左個未來弟婦

Book唔到酒席咪齋簽紙，你做咩唔企硬？

私人傳訊

cholewong29

男爵府

積分: 6534

123^#

發表於 15-9-14 01:10 |只看該作者

回覆：終於忍唔住，請走左個未來弟婦

123

私人傳訊

啵子鱼Ceci

別墅

積分: 616

124^#

發表於 15-9-14 01:14 |只看該作者

回覆：終於忍唔住，請走左個未來弟婦

追。。

私人傳訊

maggieyhy

複式洋房

積分: 116

125^#

發表於 15-9-14 01:19 |只看該作者

****

果個星期六，我全日都留喺屋企，我爸媽細佬都無出街(事後先由細佬講返，佢地原來驚我做傻事，之前一晚細佬瞓廳都係怕我會亂諗野做傻事，因為我d反應好奇怪, 佢地驚我有事)。

到下午，我整理好哂d結婚訂野的單，收據等等，放哂落個folder度，叫c6落樓下管業處拎(細佬幫我拎落樓，我唔想見到c6)，我都計埋條數同細節，寫左落個excel度email send左俾佢。

過左陣，c6大嫂打俾我，我其實一時間諗唔起佢係邊個，因為我同c6大哥大嫂只見過幾次，當年佢地結婚幾個月，大哥就發生意外走左，99同大嫂講左句' 點解你一入門我個仔就死左'. 大嫂過左一排就無同我地再聯絡啦。如是者過左幾年，我都差d忘記左佢，到左我同c6要結婚，我地打過俾佢請佢來，佢都婉拒左我地。

當日，我同大嫂講左成件事，佢好冷靜咁聽我講完，之後就問我，係唔係放棄c6, 我好似係答，' 唔係我放棄佢，係佢放棄左我地，佢只會揀佢屋企人，我唔會受得住'。跟住大嫂問我星期日會唔會出街，我話唔會，話我想靜下。

接住果晚，我細佬同父母都收過c6電話，我無理到佢地講咩，果刻，我都唔知我地算係分手? 仲拍緊拖? 定其他，我只係好想靜下。

第二日，星期日，原定我過大禮的日子。朝早起身就梳洗好，因為覺得頹夠啦，之後星期一係要返工，點都唔可以再係咁落去。跟住我同全家人去左飲茶再返屋企。大概2點鐘，有人按門鐘，細佬打開大門見到c6, c6姑姐，6299上左黎。我父母問佢地上來做咩，佢地話想傾下。

開門請左佢地入黎, c6第一時間行來我度，唔知點解我好自然咁向後退左一步，c6望住我，問我可唔可以俾次機會佢。我話我同你已經取消左結婚的事，其他野我地遲d再傾。

跟住6299就同我父母講，呢件事係佢地男家對我唔住，所以今日上黎睇下件事仲有無商量的餘地。我爸爸同6299講，唔好諗住蝦完佢地個女，上黎諗住講兩句就會無事，話佢個女唔嫁都只會做'盛女', 一樣過得好好。

至於我媽，就問我6299, 點解要我就佢地，依家搞到件事咁，點會唔係叔仔同弟婦上來。點知c6姑姐話佢地去左弟婦屋企過大禮, 聽到呢到，我只係講左句，'連我過大禮d野你地都俾埋佢地用，你地仲上黎做咩? 想還返錢俾我的話，我俾戶口number你地'

而我細佬，已經起身開門送客。呢個時候，c6突然跪喺我面前，捉住我隻手，求我俾多次機會佢。我抽返隻手出來，同佢講，'你保護唔到我，我要學識保護自己'。

6299呢個時候行埋我身邊，我又自然咁退一步，之後同我講，件事係佢地對我唔住，中間婚禮讓俾叔仔牽涉的錢，叔仔會俾返我地。佢話佢地上黎係想同我地傾過個好日子，想婚事唔好取消，只係改期。62話佢可以親自打俾我所有女家親戚解釋，講明係佢男家教仔(叔仔)無方，而家要委屈我遷就男家，係男家嘅錯。

咁6299講到咁，我爸爸都唔方便講咩，只係叫我自己諗清楚，與此同時，c6拎返隻求婚戒指出來，當住全部人向我求多次婚，佢話佢知道今次我對佢好失望，但佢會改，以後會以我為重，學識分輕重。

而我好無用地，當下俾c6感動到，再次收左隻戒指，但講明唔定婚期住。

*****