hugoma2015 發表於 15-10-5 23:45 
梅宗主既角色比靖王複雜得多，灰色地帶多得多啦！佢為左搞低謝玉，喺景睿生日搞咁大場大龍鳳，間接累死左謝 ...
以前學演戲時導師教要將個角色立體化，要為個角色講故事，就算只有幾句對白嘅角色都要為佢作一個profile出嚟，年紀、性格、經歷、喜愛等等各種特性，於是不同profile就會有不同反應同演譯手法，我見人casting嘅時候最學到嘢，因為唔同人演同一個人物都會有不同，我地以前成日講潛台詞，即係冇講到出口嘅台詞，所有好演員就算冇台詞都可以交到好戲出嚟。我冇睇過王凱以前嘅戲，佢仲要係中央戲劇學院本科畢業添。講起佢把聲，其實有鎡性幾好聽，但佢講台詞冇節奏，好似想快快講完咁，加上我D國語麻麻，有時唔睇字幕係完全唔知佢講咩。佢唱插曲唔及另一個網絡歌手好聽，唔只把聲唔夾赤血長殷嘅古風曲，唱歌時首歌聽唔到感情，音冇上落冇感染力。
梅長蘇係一個悲劇人物，前半生享盡一切目光，金陵最耀眼天才少年，文武皆精，又好多愛錫。一次被陷害慘案將佢推向陰暗面，為了翻案，佢可以鐵了心去做以前不屑做嘅嘢，可以成為佢自己最睇唔起嘅人，可以利用無辜嘅人，甚至係設計以達到自己目的。佢何嘗唔覺得失去蕭景睿呢個朋友可惜，但其實呢個亦都係景睿嘅命運，難得景睿自己睇得通，唔會再自苦，但對於梅長蘇始終心中有刺，佢覺得根本呢份友情或者就係為求目的嘅踏板，只要係可以成事，有邊個唔可以拉落水？只係唔好彩係佢自己。成為梅長蘇嘅林殊雖則設計去達到洗脫沉冤，佢為求目的不擇手段，甚至利用朋友同無辜嘅人，但見到呢D舊人，佢其實更痛苦，相見不能相認，有幾多人感受到佢嘅心情？當其他人講番當年慘案，佢要故意扮成局外人，要無感無受，心入面嘅傷口其實正在滴血，返到金陵就係將佢一身已結痂嘅傷口再次揭成，仲要受人冷嘲熱諷，呢個角色好難演呀！拿掐不好就會覺得好矯揉造作，誇張不真實，而家梅長蘇有血有肉，我完全可以原諒佢嘅所作所為，仲會為佢搵籍口，點解呢？因為個角色嘅感染力大。
花旗太太生活在花旗國，留意時差，你問我未必即時答到。
發表於 
返回列表
