講左一大堆老公既壞話，今次講下佢既好先
發生呢件事之後，其實我老公變左好多，對我好細心，好照顧我，當我女皇一樣。
每日都車我放工，而且電話任我睇。
我所有的無理要求都一一包容。佢愛我既方式係支持我，鼓勵我做任何我想做的事。
例如辭職走去讀書兩年，屋企開支佢一個擔起，考車考四次先得(棍波真係好難考，哭) 佢付出大量時間金錢去叫我唔好放棄。
嘈交時，我成日一時意氣講d好難聽既話，例如: 我都唔明點解要嫁比你？ 跟你幾年都係白過 ba la ba la ，貶低人自尊既說話。佢都默默忍受。
我地同佢屋企人一齊住, 係6個大人一齊住！
每朝爭廁所爭到癲，只要遲十分鐘起身廁所就比人用，好大壓力！我老公為左唔洗我遲到，會早d起身安排家人用廁所時間。有時可能會同屋企人嘈一兩句。
基本上，結婚後我係過了兩年女皇的生活。而且我感覺到結婚真的會令男人有改變！
但物極必反......可惜我之前不明白呢個道理！
發表於 
返回列表
