吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我勁嬲，鄰居隻狗抓損了我個女

自由講場今日: 406|主題: 1364051

收藏本版

發帖

返回列表

跳至頁

樓主: Charlie妹

4 5 678

積分: 4061

121^#

發表於 16-4-22 11:26 |只看該作者

妳先同妳鄰居傾o左先睇下佢俾咩反應妳先諗下一步會好d...

話晒大家係鄰居...妳同佢又有養狗

私人傳訊

lovebabyking

珍珠宮

積分: 49879

開心吸收勳章最關心BB問題熱投勳章畀面勳章

122^#

發表於 16-4-22 11:27 |只看該作者

Charlie妹發表於 16-4-22 09:40
我地暫時無報警，因為經商量後，我老公覺得個狗主眼神怪怪地，平日同佢打招呼都唔應。加上佢自己俾狗抓傷多 ...

你咁C6咁諗又冇錯,不過touch wood怕有第2次發生咁你點算

私人傳訊

PandaRabbitttt

子爵府

積分: 13009

123^#

發表於 16-4-22 12:13 |只看該作者

claudia 發表於 16-4-22 09:06
我覺得人同狗都係一條生命, 站在這點上, 人同狗有甚麼分別呢? 幾多禽獸不如的人傷害其他人 ...

多謝你，可能係我表達得唔好

我就係呢個意思！
生命本是平等
我都心痛樓主個女受傷架

私人傳訊

claudia

禁止訪問

積分: 26738

好媽媽勳章

124^#

發表於 16-4-22 12:19 |只看該作者

提示: 作者被禁止或刪除內容自動屏蔽

私人傳訊

PandaRabbitttt

子爵府

積分: 13009

125^#

發表於 16-4-22 12:27 |只看該作者

Charlie妹發表於 16-4-22 09:30
我俾你睇係咪親身經歷

好傷

但想問清楚係呢一次整到？
定已經幾次發生在你或你家人身上？

睇你形容，我以為今次第一次被攻擊
但好多jm形容到「多次攻擊行為」
就因為樓下管理員話多次攻擊行為？
搞到我好亂

同埋你心底裡想控訴隻狗？定主人？

唔好意思，知你而家一定好心痛！
我見到個傷，老實講比想像中恐怖
我都會好嬲！

但有人留言要「人道毀滅」
你看到嗎？
你都認同嗎？

我係為呢4個字心寒
唔關樓主你事
報警都無問題，但請指責個狗主

祝你女女早日康復！

私人傳訊

kiko_mami

水晶宮

積分: 54193

2018復活節勳章 wyeth冷知識勳章好媽媽勳章醒目開學勳章畀面勳章

126^#

發表於 16-4-22 12:42 |只看該作者

mandysio 發表於 16-4-21 19:26
咁貓咪要唔要剪指甲?

要,如果唔剪會生倒勾,貓抓好尖好利唔剪自己痛苦

感激遇上你~

私人傳訊

nyfng

侯爵府

積分: 24792

127^#

發表於 16-4-22 13:08 |只看該作者

回覆 Charlie妹的帖子

我先幾日就係比鄰居隻狗抓到有幾寸長嘅傷痕响膝頭哥對上（又係指甲又尖又長，話剪唔到指甲喎），好鬼痛！我屋企人見到都話做乜咁誇張。不過我知道隻狗只係熱情撲向我，唔係有心襲擊我，所以算了。
另有一次，我和一個男人同lift，佢突然響我面前狂抓jj，抓到硬曬！佢比我先出lift，咁我知道佢住邊層，就諗緊好唔好報警，同某鄰居講尼件事，佢話嗰個男子好似有精神病，咁我就（暫時）算了。之後再有機會遇到呢個人，留意到佢真係有少少問題，可憐佢控制唔到自己，但自己又有點害怕，所以之後唯有自己避之側吉。

小妹妹被抓到流血，仲要係唔識嘅狗狗，主人又對唔住都無聲，樓主又嬲又心痛正常的。
可惜無法分辨狗狗是惡意攻擊還是過分熱情，而且其主人你又懷疑有精神病，就正如樓主所說，今次暫且原諒/ 放過他，唯有自己小心。希望小妹妹不會因此有陰影，也希望樓主一家不要因此討厭/歧視所有狗隻和患有精神病的人。

私人傳訊

淘寶

侯爵府

積分: 21738

2018復活節勳章

128^#

發表於 16-4-22 13:15 |只看該作者

引用：今日下午在大堂管理處，我個4歲女找管理員

原帖由 Charlie妹 於 16-04-21 發表
今日下午在大堂管理處，我個4歲女找管理員叔叔打招呼，由於當時隻狗嘅主人也正在同管理員傾計，婆婆便叫我 ...

報警，我有屋企人做警察，佢話呢啲case處理唔少。

首先要去醫院驗傷，捉隻狗去漁農處，如果你當時無報警，佢地係會幫你做埋傷口同狗爪對比，証明係隻狗整傷。

如果係事實，你絕對有權叫狗主賠償。

如果隻狗被認定有攻擊性，好大機會會人道毀滅

私人傳訊

aidan08

侯爵府

積分: 21094

129^#

發表於 16-4-22 14:38 |只看該作者

本帖最後由 aidan08 於 16-4-22 14:47 編輯

呢度D留言大部分比我想像中正常....我以為會有好多愛狗愛至盲目地步的人士會跳出來講說話。

見得太多愛狗愛到離咗譜的人士，咩都係狗無問題，只係人有問題，狗做咩都值得原諒，因為佢哋無惡意、唔會無端端咬人、無人教之類......

我角度係，唔理咩原因，隻狗攻擊咗人，第幾次都好，佢都係有攻擊性，報警唔係針對邊個，而係件事，同埋要搵辦法令佢傷害到其他人的可能性減到最低！

就算係人，攻擊其他人一次，只要一次！都可能有罪啦。輕重之分啫，但懲罰的目的都係令其他人減少受佢傷害的可能性。

仲有，唔明點解會有人覺得狗唔會無端端咬人？我同意狗係有靈性的動物，但佢始終係四隻腳的動物，唔係人，咁會無端端咬人有幾出奇？所謂無端端，係指人類唔明的原因，咁係人類防範唔到的。就算係人，都有精神病人會無端端斬人啦！

仲有，事件中的狗主極度不負責任，隻狗連主人都咬，可想而知嗰種攻擊性。自己控制唔到隻狗，帶佢出街周圍傷人就預咗啦，根本自私到極點。前幾日先睇到youtube上一段影片，一個人拖住隻洛威拿行街，隻狗突然咬住個細路唔放，個細路當然嚇到尖叫嚎哭，周圍D人係咁幫手扯開隻狗，個細路比隻狗拖行，好彩後來隻狗鬆口。但試諗吓個細路，幾大陰影！而且隻洛威拿係可以咬死個細路的，只是嗰次個細路好彩而已！個狗主又係當無事急急腳走人。呢D人自私到離譜，帶住隻咁大嘅狗，仲要出名有攻擊性，竟然唔幫佢戴口罩，根本置其他人的安全不顧。

所以，好頂唔順D人自命愛狗係有愛心，人都未識愛唔好學人講愛心啦！更有好多人將狗睇得仲大過人，人比狗咬隻狗無心就大晒，真係上晒腦！