抺茶雪糕 發表於 16-10-3 10:35
有人未夠兩歲就識，又有人四五歲先識，不過其實咁細個識晒又冇咩大作用，個個大個都會識
...
又咁講, A-Z要兩歲前已識定係4歲先學,好視乎家長自己要求, 但唔可以話早d識「又冇咩大作用」。
兩歲考K班, 普通學卷幼稚園都會問alphabet,當然, 家長如果覺得入邊間都冇所謂, 甚至完全冇任何要求(連近唔近屋企都唔在意,因為近屋企果間都可能超搶手), 咁其實兩歲唔識A-Z係冇問題。
K1跟教育署課程, 學卷幼稚園都會教哂A-Z。當然,好多幼稚園唔會考試, 只會有評估, 如果家長又係唔介意小朋友跟唔跟到教育署定立課程的進度,咁其實3歲唔識A-Z亦係冇問題。
K2, 跟教育署課程, 學卷幼稚園已教寫A-Z。如果家長又係唔介意小朋友寫字進度,咁其實4歲唔識A-Z亦係冇問題。另一情況係健康院指引,4歲要去檢查視力, 檢查時視力表上會顯示數字和英文字母, 如果4歲未識哂字母,會影響檢查結果。當然, 家長可以遲d先帶小朋友去驗眼,只係有機會錯過黃金改正視力的時機。
到小一, 已經要串字默書,如果幼稚園階段, 只係識A-Z,冇學過phonics, 唔識vowels, consonants, blending, 串字認字只能靠死記硬背,咁家長一係要EQ好高, 接受小朋友默書成績差,或者默得好辛苦, 同時又要諗方法令小朋友唔好怕左認字默書。一直以為的「快樂童年」可能上到小學就冇哂,亦好難再諗方法去推行「愉快學習」, 因為適應唔到, 點可能愉快?
我自己好實際, 人要面對現實, 明知自己唔會移民,亦冇財力去讀IS, 將來只會參加大抽獎讀津小, 我唔想小朋友一上小學就好似世界末日,亦唔想第日幫阿女溫默書時變左癲婆瘋婦。所以我定下目標, 幼稚園階段培養佢閱讀興趣,有興趣先會愉快和主動去學習。
要閱讀, 就要搵方法令佢盡快認字,所以我覺得早教alphabet及phonics, 上小學再教佢phonetics,對佢好有幫助。我working mum, 阿女返全日班, 放學後我都未放工,如果佢已經有能力自己睇書又睇得明白, 好過俾佢日日睇cartoons或玩ipad。所以佢有閱讀能力, 亦係配合家長湊養照顧。
唔好將早教妖魔化, 每個家長要求唔同、家庭資源唔同、湊養方法唔同, 按自己需要及信念去教自己小朋友。小朋友早d掌握閱讀方法, 佢自己有興趣主動閱讀、讀得開心, 睇唔到點解會冇左童年。
發表於 
唔通想升到小學，同學仔個個都默寫句子，自己小朋友先岩岩學識abc？
我教做功課指住“1” 問依個咩字，佢停左成分鐘，我話你識ga wo, 依個(指住“2”)咩字？ 又dead air左成分鐘, 我諗唔多對路明明識ga!我用英文問佢，唔洗一秒答我“one”“two” 
返回列表
