美容扮靚 今日: 21 | 主題: 138077

積分: 3637

121^#

發表於 04-10-18 12:43 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

哈~哈~剛趁老細走了就即刻貢入o黎報o下料先 :mrgreen:

琴日朝早帶兩個小朋友去睇醫生，9點幾未食早餐但穿哂衫褲波鞋上磅 (加條揹帶tim~)，62.3kg = >> 137磅，左減減、右減減我諗我現在應該136磅o掛。

琴晚去完飲喜酒後，我正式向老公宣報我開始減食，以每日1500卡路里為我自己的單位，暫時定了一日食六餐，除三餐主餐外，每餐之間會有小吃。

希望定了小食多餐的目標後，自己可以打醒12分精神留意食物的種類及份量啦~ 唉~一諗到每餐只能夠食兩隻麻雀size的肉類時，就覺得好慘啊。

另外我飲的花茶唔係乜乜牌子o架，只係在媽媽買開茶葉果間野度買，入面有d普利、玄米、玫瑰花......，我都唔係諗住靠佢減肥，只不過希望腸胃好返D幫到我去廁所就OK了

呢兩晚我都開始做點運動，就係訓係床上雙腳提腿30o下，效果會好似做sit up一樣修實小腹的肌肉，但冇sit up咁傷腰骨，仲可以順便修埋雙腳的線條，係咁多咋，因為唔想一次個開咁多範o黎做，驚一開始就做咁多肌肉太痛會放棄呀。我諗每樣開始時做一個星期先至再加多另一樣及慢慢o黎增加下數。

又暫時為自已訂了下一次上磅的日期是31/10，比兩個星期時間自己，希望到時會有好消息啦。

老細又返轉頭，要pit了~bye!

Hi~Hi~大家好，我係家姐Christy抱住細佬佬Brian係媽媽的小樹熊啊 :lol: :lol: [img align=left]http://www.dotphoto.com/SAN1/92/EE/8F/i92EE8F4B-1C48-48B1-87BD-50E0FF12FDBF.jpg[/img]

私人傳訊

積分: 63287

2025勳章蛇年勳章牛年勳章 2018復活節勳章

122^#

發表於 04-10-18 22:54 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

Summer123,
別灰心呀! 由而家開始,再努力過吧~! 好快又可以追返架喇!
我磅數都沒變~今朝磅108,哈哈~好似好輕咁,點知剛剛磅過,又係111.2 ! 真係變化大呢~

小樹熊,

「另外我飲的花茶唔係乜乜牌子o架，只係在媽媽買開茶葉果間野度買，入面有d普利、玄米、玫瑰花......，我都唔係諗住靠佢減肥，只不過希望腸胃好返D幫到我去廁所就OK了」

啊~怪錯了你添! 別介意呢~ 咁你就乖喇! 哈哈~贊返你乖,係咪開心d呀?!
如果你去toilet唔順,可以吃多D蔬菜,生果!或者食乳酪都唔錯。(都係約莫150Kcal.)
你個減肥計劃都唔錯oY! 少食多餐都幾好PLAN 喎~唔好迫得自己咁緊!慢慢來吧~我地會支持你架!
不過,你都幾勁喎!可以做到提腿30o下! 我覺得好辛苦呢~!不過,又確實幾好! 等我今晚都唔做SIT UP,試下學下你,睇下做唔做到30咁多先~ :mrgreen:

Childhood is journey, not a race.

私人傳訊

積分: 3637

123^#

發表於 04-10-19 11:43 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

Bluecat,

我諗你的情況都可能因太大壓力所以在不自覺得利用食野o黎減壓，因為在食的過情當中心靈得到滿足所以有機會一次比一次食得多、食得狂。

我有兩個朋友，識了十幾年了，我地不是成日見面的，而是在那班朋友堆當中約兩、三個月攪一次生日聚會，因為有成6、7個人而且為了遷就大家不同的放工時間所以通常都會訂自助餐。因為食物種類多、時間長，覺徥比較適合一班朋友傾o下講o下食o下的聚會

但是那兩位班友每次都見她們食食o下轉頭又去廁所，兩個輪到o黎的，入去十分八分鐘後又出返o黎再食過，初時頭頭的幾年我都沒有為意，只係覺得她們好勁食好多野都得，可以一直撐到甜品都仲可以，點知試過幾次我咁橋又去廁所，點知聽到有人嘔的聲音，我仲出到去同d朋友講笑咁講：:入面有人食到嘔~"，點知一說真係全桌的人都靜哂望住我，見他們咁反應、席間仲月人同我打哂眼色咁，我當然覺得事有QK所以就改改話題當冇事發生一樣。

後來同D朋友靜靜咁傾過先至知大家一直懷疑那兩位朋友，有了扣喉的習慣，只係沒有人夠譫問她們而已。事情過了好幾年，約5、6年吧，期間每次聚會都見她們進進出出廁所，我地都會在言談間提O下她們食少一點及不要因為食而做一些傷害食己身體的事。

以我所知她們有去看過醫生亦都接受過情緒輔導，現在她們仍有大吃大喝的習慣，只是不再見她們往廁所扣喉，體型當然一日一日壯大呢，但做朋友的可以嚾說的都做了，要是她們選擇不聽，我亦真是沒有其他辦法，唯有叫成班老友再有聚會不要選擇自助餐，我們不可阻止他吃幾多落肚、但係可以選擇環境去避免製造機會她們狂食。

呢幾天我都開始對自己說，壓力大時找點其他事做，公司柜內的零食我已乖乖放回家中了，柜內得梳打餅、即沖麥片及茶葉，看似好"O掛"乜都冇乜味道，但好彩由我第一次有BB開始早餐已經改為桂格燕麥片，每朝一杯，到10點零鐘肚餓時飲多杯加兩片梳打餅，只是到下午茶時間就會心思思想找點吃的。

丫~還有午餐各位是食什麼? 我是帶飯的，所以比較容易控制，只是要提提老公買菜時記得買多D菜比我留飯用。

今日只是減食的第二天，公司仍舊好忙，希望柜桶冇零食後，我可以將精神全部專注落工作上，唔去諗壓力、唔去想塞點食物落口，咀郁郁的工作就好了。

大家努力呀~

Hi~Hi~大家好，我係家姐Christy抱住細佬佬Brian係媽媽的小樹熊啊 :lol: :lol: [img align=left]http://www.dotphoto.com/SAN1/92/EE/8F/i92EE8F4B-1C48-48B1-87BD-50E0FF12FDBF.jpg[/img]

私人傳訊

summer123

積分: 3772

124^#

發表於 04-10-19 12:34 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

大家好

昨天我又開始運動了
唉！
停了兩個星期
再停下去
就要前功盡棄了

今天下了課
會再去運動
明天晚上和老公去聼Eagles的演唱會
後天晚上趕回碧桂園
接著又是幾天輕鬆，愉快的假期

回到香港后
要等到聖誕節纔有假期了

私人傳訊

積分: 11510

125^#

發表於 04-10-19 12:50 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

hi~!我入嚟撘訕可以嘛...我都係啱啱早四日前開始我既減肥計劃...你地係做咩運動去減肥???我上個星期係我有生以來第一次俾人話我小腿粗,仲話未見過啲咁厚肌肉既腿...即刻當堂無心機咗幾日...係呢,對於肌肉型既小腿,你地認為做咩運動可以減到呢...我上網睇過,佢話小腿標準既尺吋,係身高既1/5...我度過,我係比標準粗咗寸半(14吋,即係標準既尺吋應該係12吋半至啱)...咁我五呎五吋左右,咁算唔算好粗...?

我依家點減,我都只係响運動方面着手,都係臨瞓之前進行(人地話臨瞓俾自己忙啲,瞓覺時會減到肥架...網上講的...),我會做十至廿下SIT-UP(台灣靚仔---郭品超教既正確姿勢,話個零禮拜見效,唔知會唔會有番條腰呢??),跟住做十至廿下掌上壓,每邊廿下壓腿(坐响地板做,肚脯貼住大脾...唔知大家明唔明),向後咬一咬腰,就係咁...至於食野,半夜照食野,不過我已經忍痛戒咗薯片兩個月左右...得卦,總之無早前咁重,依家KEEP住百二磅(之前百三磅)...就係咁.

私人傳訊

積分: 3637

126^#

發表於 04-10-19 15:46 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

summer123,

其實你係邊類教師 (幼 / 小 / 中 / 大學????) 做老師會不會在教自己的小朋友時更有心得及方法呢? 做學校工都幾好，至少小朋友放假時自己又放假可以齊齊找節目 / 去旅行。我大家姐以前是做學校書記的，一早便10幾年，點知上年暑假前一天 (即返學的最後一天) 突然被校長解顧了，都幾可惜的份工做了咁多年......

你倆夫婦乜是Eagles迷嗎? 須然我不是"迷"，但我見老公假期一有時間就播佢地D歌，話要試機喎，唉~試乜鬼野丫，佢係向樹扮試機，其實係聽佢地D歌，講真我唔熟亦唔算熱衷、亦都唔多記得D歌詞，但幸好我唔會抗拒聽丫，因為真係幾好聽啊。不過今次據聞D飛好貴呀。好好享受O下二人世界啊。

bandband,

見你話跟南灣食譜減肥，成績好嗎? 見你講話做運動減肥，但小心train到一身肌肉呀，例如Sit up 是分開兩個姿勢的，

1) 最普偏的訓平仰臥是訓練腹部正面的肌肉，即係一盤見到d猛男小腹的6o舊、8舊肌肉。

2) 就是train小腹左、右兩邊的肌肉，姿勢有點似普通的sit up但係上身提起時是要：右手手爭拉上向左邊腳的方向，盡量慢慢的提高、慢慢的放回，但記住回落時不要全完放鬆訓哂係度。

做sit up呢吋數會好明顯的減了，側身睇時都會覺得條腰幼了，但係如正面睇呢就會向兩邊橫向的拉開了，因為小腹兩邊的肌肉train完後比較發達的啊

另push up撐上壓須然會令胸口肌肉結實d，但係同時會令前臂、手臂、肩膀及背肌肌肉發達啊，所以小心減肥變根肉人啊。

如果你想減部份已是屬肌肉，就千萬不要做重量訓練 (例如push up、舉瓦零)，同埋做每一個動作時要盡快完成，不要拖慢來做。

如已是肌肉型的想條線條呢，要利用速度、每次用較短的時間分開幾組的完成。

唔知你明唔明我講乜呢?? 丫~即係咁

重質不重量 == > 訓練肌肉
重量不重質 == > 收線條

質的是代表重量，量的意思就是做的數量、下數。

OK???

Hi~Hi~大家好，我係家姐Christy抱住細佬佬Brian係媽媽的小樹熊啊 :lol: :lol: [img align=left]http://www.dotphoto.com/SAN1/92/EE/8F/i92EE8F4B-1C48-48B1-87BD-50E0FF12FDBF.jpg[/img]

私人傳訊

積分: 63287

2025勳章蛇年勳章牛年勳章 2018復活節勳章

127^#

發表於 04-10-20 00:09 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

小樹熊,
我昨晚做了50下提腿,分開2次做,都ok喎。不過,辛苦過做sit up! 但相對,又好似收效D。我會努力的!唔知減唔減到小腿呢?!

SUMMER123,
加油呀~記得放假唔好放縱喎! :mrgreen:

呀!各位會員,我想問下,你地減肥時,家人/朋友會唔會支持你地?
(如: 進餐時會否陪你地食得清D? & 鼓勵你地;
還是常常叫你唔好減,又用美食引誘你?）

Childhood is journey, not a race.

私人傳訊

積分: 11510

128^#

發表於 04-10-20 01:27 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

小樹熊,

你好pro呀~~~!!!其實我本身係屬於腰短腳長既人(真係腳長佔咗成個身高既三分二,好誇張...),所以個肚有少少肥肉就會好勁,嗰陣我有咗九個星期(懷孕),就已經見肚同埋着唔到牛仔褲...=.= 所以基本上我條腰係未曾瘦過,只會變本加厲,依家腹部真係成一個球形!!!同埋我依家未收效條腰兩側已經係闊...早前我都聽過朋友講話我呢啲係要食藥先至減到,但係我本身唔想靠食減肥藥,但又真係怕好似你同我朋友咁講,會練到變成一舊肌肉...

但嗰次睇完台灣個綜合節目,嗰個郭品超(佢本身係有健身教練牌),佢教嗰套sit-up真係好有說服力,同你講既差唔多,都係唔係成個身瞓落嚟,都係keep住收緊成個腹部,但係手勢就有啲唔同,佢就係手握拳頭,然後貼近耳仔位置(好似俾人罰堂扭耳仔),下巴掂住條頸,腿照樣係九十度角啦,但係腳板就只係腳踭掂地,腳尖向上...

我暫時覺得佢真係有效過以前傳統既sit-up姿勢,因為每次我一做完十數吓,真係成個腹部實哂,但真係未知做到吓個星期,條腰會唔會減到吋...因為我生完仔之後,even曾經回落至110磅,但條腰都仍然係廿九吋,家吓仲離譜,卅二吋...=.=

至於我上身,我本身四肢都無乜點肥或者鬆,甚至無所謂既bye-bye肉,但我胸部真係無嚟彈性囉,真係'the'架!雖則戴bra我都係戴75B,但係'禁'落去真係唔覺有咩彈性可言,軟林林咁...唔知掌上壓可唔可以令佢有番啲彈性同挺番啲???尤其我一打平瞓低,個胸平到同男人無乜分別...ai...山仔都無...

至於對腳,依家我臨瞓都會舉高對腳一陣,等啲血唔好咁集中响條小腿度,網上面話咁樣無咁易有蘿蔔腿喎...唔知係唔係...

至於我早前跟既the north beach diet...我無跟好耐喇,因為要額外煮自己嗰份,要額外用多啲煮飯錢,所以依家我都無用,不過嗰次試呢個方法真係俾我減到八磅,連老公都話我細咗個碼,算係咁~~~!!!至少有成績睇到嘛~~~!!!依家我係戒零食為主,尤其係我至愛既薯片,有時半夜諗起佢,真係好想食佢一大啖架~~~!!

不過無計,為咗減肥,我都唯有忍...

話時話,我都幾鐘意Eagles樂隊架~~~!!!尤其個bass佬,雖則真係老咗啲,但真係幾有型,尤其嗰次睇佢地隻live dvd,佢唱嗰首'LOVE WILL KEEP US ALIVE'(唔記得係咪呢個歌名,總之首歌係有呢句歌詞啦),真係冧到暈,佢地每個人把聲真係好靚,個個好識得唱歌~!超正!!!

私人傳訊

積分: 11510

129^#

發表於 04-10-20 01:32 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

是是但但寫道:
呀!各位會員,我想問下,你地減肥時,家人/朋友會唔會支持你地?
(如: 進餐時會否陪你地食得清D? & 鼓勵你地;
還是常常叫你唔好減,又用美食引誘你?）

基本上係個個都舉腳支持我減肥~~!!!除咗我奶奶~!我奶奶可能本身個人好瘦,所以佢一直堅持,女人肥肥地先至好睇...^^:我隻佬支持我既程度係,每逢我薯片零食癮一發作,佢就會堅持唔俾我買/唔會買俾我食,所以都幾得架!至少我咁樣都忍咗兩個月唔食薯片!仲未破戒!希望我咁樣可以有番條腰啦~~~!!家吓我卅二吋腰,我隻佬條腰竟然KEEP住'年年廿五吋'∼∼∼！！！xyz@@@###~~~!!!><:太過份喇~~~!!! :evil:

私人傳訊

b+ab

民房

積分: 28

130^#

發表於 04-10-20 07:37 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

我幾日無食澱粉質啦...
不過都無輕到
好似仲重左1磅呀
點解呀??

你地食左幾耐先見效呀 ??

私人傳訊

積分: 63287

2025勳章蛇年勳章牛年勳章 2018復活節勳章

131^#

發表於 04-10-20 23:10 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

b+ab,
不可不吃澱粉質呀! 澱粉質是每日不可缺少的!

「平日每餐均需有澱粉質的存在。只要保持碳水化合物及葡萄糖的供應充足,體內的新陳代謝便可維持在最理想的狀態,幫助消耗卡路里。正確的營養攝取量是每餐中有一半的食物提供碳水化合物,1/4的肉類及1/4至1/3的蔬菜,遵循這個營養均衡的飲食法,可有效減低胡亂飲食而致肥的危機!

整天禁食澱粉質會令血液中的葡萄糖減低,從而刺激身體分解脂肪,提供熱量進行新陳代謝,達到燃燒脂肪､減輕體重的目的,但此方法亦有潛在的危險性,因為脂肪代謝的同時,亦會令血液中的酸性物質增加,影響身體的酸鹼平衡,嚴重者會引致酸血症,甚至昏迷。同時由於缺乏多種維他命和礦物質,必須吃補充劑平衡。」

以上文章是從書中找出的,是由醫生分析的,醫生見議唔好戎澱粉質呀!希望大家唔好為佐減肥而攪壞了身子呢~~! 其實平日食野時食得清淡d,不要暴飲暴食,再加平時多 d 郁動,已經可以達減肥效果喇! 雖然係慢d,但總好過弄壞自己身體。慾速則不達嘛~~~!
大家不如都來響應下,做個健康靚靚媽咪吧~!

Childhood is journey, not a race.

私人傳訊

summer123

積分: 3772

132^#

發表於 04-10-21 08:54 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

樹熊

對，我老公是Eagles的fans
I am a high school teacher.

Welcome!!!!!
——————————————————————————

我昨晚去看了演唱會
所以就沒去運動
唉！
減肥真是終身事業
但是只要不要老想這是爲了減肥
少吃多動其實也是最好的養生之道不是嗎？

姐妹們，
讓我們重新面對運動減肥這個理念
把它當作強身之道
就沒有那麽辛苦
而且
也持久

我們都要加油啊！！

我的體重現在是108磅-49公斤

減囘一點
但是距離最好的48公斤—106磅
還是胖了
before the birth of my baby
I weighted 46 Kg which is 103磅

離目標真遠

我剛剛開始在停了兩周以後
又開始運動健身
希望在11月底以前可以減到47.5公斤

是但，

我這一兩天到大陸度假
不能上網
這裡你多多擔待了

私人傳訊

積分: 63287

2025勳章蛇年勳章牛年勳章 2018復活節勳章

133^#

發表於 04-10-21 13:16 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

summer123,
我近日都沒有將「減肥」呢樣野咁focus了! 好像已經成為習慣,雖然體重只是輕微下調,但卻覺得咁樣好舒服,冇咩壓力。今早唔著衫磅,只有107!哈哈! 好happy!不過,著返衫+牛仔褲又109lbs。平日放工回來食完野就維持110-111 lbs。
哈哈~我都話d磅數好飄忽架啦~ anyway見到10x lbs都滿足到少少。& 我隻大隻「比」瘦佐半吋,都算唔錯喇!去到呢個階段,開始有返d自信,可以慢慢減,冇咁辛苦,又持之以恆!大家都要努力呀!

你同老公去玩兩天呀?! 帶埋你的寶貝「洋洋」去嗎? 好sweet 呀! 你就好啦~ 我都希望我老公可以陪下我....。不過, 都係唔洗望了! >.<

既然去玩就唔好過份就住飲食,只要唔暴食就ok喇!回來再發力吧~ 咁樣先可以relax 地過一個開心假期嘛~!and then,你距離你既目標唔係好遠o者,過多一､兩個月應該減到吧~

玩得開心d喇! 減肥?! 返到黎先再諗啦~

Childhood is journey, not a race.

私人傳訊

積分: 3637

134^#

發表於 04-10-21 15:29 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

bandband,

你睇電視的方法算是好正確了，他說的重點主要是被開做sit up者錯誤用力的機會，因為舊式的好用易就會用錯位借錯力，例如用條頸、頭或利用隻手做力拉上身起來，那便範反了利用腰腹肌肉了。

有冇試過用重身的夫啦圈呀? 每晚鈕30分鐘真係修到腰o架，不過我個囡要同我係房先至肯訓、亞囝又要我暗訓，晚上一定實行唔到，因為我自身難保一約比周公fully booking。

放假想鈕o下都唔得，因為囡囡Christy見到我拎夫啦圈就發狂，兼且我怕轉時撞親囡囡啊。你去買隻重身d的、粗d的大約佰幾蚊，做開sit up拉闊了的腰都用得。須然貴但係幾有效o架。

summer123,

玩得開心d啊，最多肥了咪返來再減過囉，記住workhard, playhard,

是是但但,

我開始了4天，其實都有偷食呀，試過偷食齋燒鵝、芝士脆圈、冰條....真係低打啊

偷食了並冇覺得後恢，只是安慰自己食少少O者，比起之前食咁多已經好好了， :mrgreen:

其實屋企人都冇話支持定唔支持，老公就叫我唔駛減喎，有個肚腩仔幾得意

亞媽只係叫我記得用腰封，我已連續用了3個幾月，由加大碼轉到依家用中碼，日日用初時頭頭用的一個月已經可以修到著得返以前的褲 (28-30褲頭)，但我都有提過似終著得唔好睇，因為覺得D肉仲係鬆泡泡，所以除了減食外真係要做返一D運動先得，希望個body shape firm 返D。

暫時減食都叫""基本上""做到，唯獨是飲湯就真係減唔到 (係唔想減啊 :mrgreen: )，因為媽媽一星期起碼煲3、4次老火湯，我一晚可以飲4、5個湯碗的湯，通常一放工就去佢屋企飲一大碗先 (我同媽媽住埋同一個屋苑 :lol: )，根住攪掂哂兩位小朋友後就會一齊落去婆婆屋企準備食飯，咁飯前又起碼飲一大碗，飯後又飲起碼兩碗。

可能由細訓練到大變了像皮肚，就算食到幾飽都好一樣可以飲多兩、三碗湯，真係飯可以唔食，但係媽媽煲的湯唔可以唔飲呀，因為真係好好味啊

Hi~Hi~大家好，我係家姐Christy抱住細佬佬Brian係媽媽的小樹熊啊 :lol: :lol: [img align=left]http://www.dotphoto.com/SAN1/92/EE/8F/i92EE8F4B-1C48-48B1-87BD-50E0FF12FDBF.jpg[/img]

私人傳訊

積分: 63287

2025勳章蛇年勳章牛年勳章 2018復活節勳章

135^#

發表於 04-10-21 23:12 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

小樹熊,
你話你偷吃零食,哈哈! 講個秘密你知,其實我每日都有重有食d 「立雜野食」架! 如:紫菜(因為低卡,所以大量吃,幾十包) 或乳酪或朱古力布丁(9x kcal,唔夠100kcal) 無辦法呀~我地呢d食開零食既,要戎真係好辛苦! 預期壓迫感越大,反彈力越強,咁不如減量,唔好強迫自己完全戎掉~! 嘻嘻! 咁樣會令自己覺得冇咁悽涼嘛~(但最好盡量揀d「低卡」既,會好d) 不過,有d 我就完全戎佐,如: 薯片(最愛的熱浪) ,朱古力(明治有果仁個隻),呢兩樣都係我死穴!一食就唔曉停架喇! 所以,我唔敢買,以前每次買時,都同自己講,唔一次過食晒咪得囉~分幾次食唔會好肥嘛! 但.....每次都係忍唔住食晒! 所以,而家索性唔買!

飲媽媽靚湯嘛~我都有架! 不過,每次只飲一碗囉~! 嘻嘻!我唔敢飲咁多。不過,如果你媽媽煲既係用「瘦肉」,都唔會好肥既~但若果那天你飲佐湯,咁相對你那天既食量就要注意了!應該減返d。之前,有d 專家教過,如果想瘦d,可以將湯放雪柜,雪過了,再拎出黎,撇去面層的油,咁就冇咁肥喇! 不過,唔係人人都肯飲「隔夜湯」......。剛剛煲好既靚湯,又的確好難忍住唔飲!

我屋企都有之個「重」既呼拉圈喎!但我係o係d屋村商場既文具舖買架! 當時都好似係 $30-50咁上下,唔洗百幾蚊喎! 如果有興趣,可以去d 屋村商場文具舖睇下,應該唔洗咁貴。
係呀! 玩呼拉圈的確唔錯架~ 我條腰減到2吋半,都係靠「佢」咋 ~~~! 如果玩到既,真係值得一試架!如果每日玩佢一小時,包你一個月見效呀~!(當然要配合飲食啦~)

我由第一天開始減肥,每日都會做舉起雙手既動作,一日大概做二百零下咁上下。(分開幾次做。) 如是者,就黎減肥兩個月喇!(差兩日),對手臂d肉而家實佐好多!以前成日同人bye bye,而家已經冇咁bye喇! 而家雖然都重好粗,有9吋半,但望上去,外觀都覺得好睇佐,冇咁肉騰騰! :mrgreen: 大家可以仿傚下。或者可以買d啞鈴(for 女仕用既) , 每天舉下佢,可以收緊返 D 肉,firm D!不過,如果係舉啞鈴/水樽之類既,動作就要放慢返些少喇。

哈哈~其實我都係睇埋睇埋D雜誌教既,&呢度聽下個度知下,再講返出黎,如果大家覺得我講得唔o岩,可以提出黎糾正下我~ 因為費時大家信錯了我,而我又繼續誤導大家同我自己!純粹互相交流下~! 大家學多d,知多d,咁就可以一齊瘦快d 啦~

Childhood is journey, not a race.

私人傳訊

cjessjess

積分: 4512

136^#

發表於 04-10-22 09:15 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

我可以搭訕嗎?
好失望呀, 開始減肥都有20日啦......只係秀左2-3磅 :cry: 我生完BB3個月啦, 仲有10磅要減(5呎5吋, 以前唔夠120磅), 宜家仲係127磅..........我以經食好少野, 加埋去朋友度做機減肥(一向下身都勁, 所以想試不修線條), 但效果唔係咁理想 :cry: 之前坐完月盲腸炎所以無乜做運動.....宜家就返工啦, 仍然著唔到制服 :cry: :cry: 如果唔食澱粉質係咪真係會秀呢

游水減肥快唔快見效呢

我好內疚, 今晚食左好多野, 我下個星期一生日呀 :exclaim: :exclaim: 係咪生日都無野食呀 :evil:
有時真係有D'lau'個女, 唔係佢我就唔使咁辛苦減肥同埋有個裂哂既肚 :cry: :cry:

我們的相簿

私人傳訊

積分: 11510

137^#

發表於 04-10-22 12:56 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

小樹熊,

我之前都係玩呼拉圈減腰,因為要成日做先至有效,同埋有次我老公聽收音機聽啲醫生講,話玩呼拉圈好容易整傷腰間既肌肉,所以我都唔敢再玩,同埋,我屋企既空間太少,我一玩,我老公同個仔就要入房,否則佢地無論企响廳任何一個位置都會俾我撞倒,非常唔方便..

其實如果飲湯時隔走啲油,都唔會影响減肥架,反而你飯前先飲一碗湯,等自己食量少啲,都會有助減肥,^^我都好鐘意飲湯架,不過自己就少煲,多數都係去奶奶屋企時有得飲湯,好在我奶奶煲啲湯真係好少油(真係唔知佢點可以煲到咁清又無乜油浮响面...)~!我依家研究緊網上面介紹啲減肥湯水,如果有效又易煲,我會上嚟介紹俾大家~!

私人傳訊

積分: 11510

138^#

發表於 04-10-22 13:11 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

cjessjess,

你又唔駛咁諗既,我覺得你係心急啫,講真,你能夠減到磅已經係有成績架喇,我嗰陣頭頭生完仔,都要成半年後先至瘦到變番110磅,你有無做產後運動?同埋你有無用腰封?我覺得生完頭頭呢啲一定要做到足囉,如果唔係,個肚一定好難修到,我見我有啲朋友甚至係我亞媽,都係無做以上兩點,結果生完咁耐,個肚同埋身形都係咁大,好似有咗成六七八個月咁,所以一定要做;

至於戒澱粉質,醫生話唔好長期戒囉,會搞亂身體既新陳代謝同埋荷爾蒙既運作架,會弄巧反拙,要戒都係間唔中戒兩個星期左右好喇,如果真係鐘意食澱粉質既野,咪盡量揀啲糙米飯,麥包嚟食囉,至於生日,^_^話到明生日大哂嘛!食一日半日好嘢,我覺得無問題囉,飯後飲番杯綠茶,去一去油膩...同埋,你本身係咪好鐘意食肉?如果係,你可以買番啲山楂(乾貨舖買),買啲枸杞,然後沖熱水飲,因為我响書同網上都係講,山楂對於食肉獸嚟講,係對減肥去油好有幫助,基本上佢專係針對食肉獸,你都可以試吓...

總之減肥呢啲野慢慢嚟啦,真係唔好心急搞到自己心情唔好,講真囝囝囡囡真係心肝定嚟架!好似我個仔咁,有時我覺得自己真係好肥有啲唔開心,我問個仔:"媽咪係咪好肥?",佢都會冧番我話:"唔係,媽咪好瘦架!",可能家吓你囡囡仲係'一舊飯',未識得咁冧你,但大個啲你一定好慶幸生咗個咁可愛既囡囡!

大家一齊ADD OIL啦~~~!!!

私人傳訊

積分: 63287

2025勳章蛇年勳章牛年勳章 2018復活節勳章

139^#

發表於 04-10-22 13:27 |只看該作者

Re: 有冇人係靠自己減肥成功架?(唔食藥!唔用機!)入黎傾下oY!

cjessjess,
咁你又唔好嬲個女! (不過,我諗你都係講下笑o者~) 你個女咁可愛,都嬲唔落啦~!

游水係咁多種運動之中,修身得比較全面。(以我所知) , 可以修得平均d。游一個鐘大概可消耗五百幾kcal.,不過,呢個只係約數,要視乎你點游,如果只係浸下水,好「輕can」咁郁下,咁梗係冇效,亦唔會點消耗kcal. 啦~

另外,至於唔食「澱粉質」減唔減到肥---
(請refer我前面講過既 )
唔食澱粉質,會帶來壞處,身體沒有均衡既營養,會很容易導致「休克」,甚至「昏迷」!我建議大家最好唔好試......。

「做機」減唔減到,我冇試過,所以真係好難答你。
如果可以的話,我覺得做靠自己做運動比較好!令自己身體健康D!做帶氧運動就最好,但若果沒時間,可以試下行下樓梯,急步步行,或在家中做下Exercise! 平時沒做開運動既,可以頭頭試下做15-30min.,慢慢再遞增上去,唔好一下子做咁多令自己過累而驚佐､厭惡佐,唔想做。

食野方面,你可以試下煮食時落少d油,最好就多用蒸､煲､「鄧」既方法來煮食,冇咁肥膩。出外吃飯､飲野,亦盡量去甜&走油,戎食/少吃零食! 如果自己係屬於「胃食」多於大食個種,可以「少食多餐」,除了三餐外,可以在三餐之間,吃一些如:梳打餅､生果､脫脂/低脂鮮奶,用這些既健康又冇咩kcal.&脂肪既食物來增加飽肚感,繼而令三餐不會吃過量,自己亦唔會餓,成日有野食。

至於生日喇喎,就俾自己relax一天啦~唔好過份暴吃就可以了! (哈哈!可不要吃掉一整個蛋糕呢~~!) 最多咪許個生日願望,希望自己可以變回 fit､靚､正媽咪囉~! 不要太心急減,只要你好好改善你的生活習慣(食清d,運動下),日子有功,一定可以變回靚靚媽咪架!

在這,先祝你生日快樂!再祝你早日達成心願-減肥成功!

Childhood is journey, not a race.

私人傳訊