worthy 發表於 17-4-14 19:36 
回覆 jpwy 的帖子
我完全照顧唔到. 之前同依家都好多回覆叫我要照顧好自己, 對自己好, 要活得開心.我係完 ...
如果每個人都長期自己照顧自己, 點解要結婚? ＞＞＞你呢個觀念，當初真係唔應該結婚，結婚唔係要人照顧你，係因為你愛另一半，你想照顧佢，要人照顧自己呢種係包養唔係愛，咁阿伯都照顧咗你咁耐，而家佢唔想再照顧，幾廿年冇功都有勞，臨老做錯少少，俾你無限放大再放大，心有外騖都只係想緊癢緊嘅階段已經見光死，可能人家隻手仔都未拖到，只係FLIRT咗一陣就俾人打入十八層地獄，認錯認衰都唔得，要佢寫悔過書，對男人唔得下下逼佢去死角，有時女人要知幾時收口，有時無聲勝有聲，仲有就係得些好意需回手，武則天幾有霸氣，去到垂垂老矣又有邊個仲理佢？
喺老公心有外騖之際, 又有幾多個可以咁冷靜唔知唔理, 繼續自己活得開心?? 可能好多人係勉強喺度麻醉自己. 因為真係痛到無可承受. ＞＞＞無錯，係有過程，冇可能一下就可以睇化，但你個唔冷靜期太耐啦，有幾多個男人可以忍咁耐？老公而家唔care唔理你，係都仲留喺點罰佢點折磨佢果個階段，你幾時開竅呀？個男人已經由知衰去到覺得煩，去到心淡去到放棄，去到唔痕唔痛，你唔再踩上D心口咪就咁停喺度，你再逼佢就差在幾時上律師樓架咋。問題係：你真係會離婚咩？如果係唔會，咁你就夾喺而家呢個位，唔上又唔落，你唔自己去搵出路要靠人的話，祝你好運啦。
幾十年都係同個老伴過生活, 霎時間要我去揾返好多朋友, 興趣, 自己嘅生活我真係唔知去邊度揾!!! ＞＞＞你係第一日就錯，將婚姻變成一個墳墓，邊個話婚後唔可以有朋友？你一結婚就冇晒朋友，定係你自己唔去維繫友情，搞到朋友走晒？女人總要有D閨蜜或者外家人可以傾計，可以無條件無因由撐你，如果你冇的話，由今日去開始搵番D舊朋友，同D親人聯絡下，好話唔好聽，就算唔係離婚，男人普遍比女人短命，有日老公走先你點？跟埋去？
話你好多次，唔好靠人俾存在價值俾自己，自己都唔識愛自己，叫人點愛你？唔識愛自己，你點去愛人？
花旗太太生活在花旗國，留意時差，你問我未必即時答到。
發表於 
返回列表
