flowertree 發表於 17-4-28 21:45 
好呀，真心想學
利申：我係一個好獨立好硬淨嘅人，撒嬌去完成一d目的我唔慣，見到果d高八度扭身扭勢果d我會起雞皮，不過都有少少愚見試下分享，對於我，撒嬌有幾樣條件同做法：
1) 外表：先天生得楚楚可憐嘅細粒嘅有著數，人總有幫助弱小嘅心，特別係男人，所以點解男人大多數會揀矮過自己細粒過自己嘅女人做對象，多少來自英雄心態。咁生得高頭大碼點算？打扮女性化d, 見女人著住高跟鞋短裙，男人比較易肯幫手。
2) 態度：温柔有禮貌又多笑容嘅女人表現友善又會加分，有禮貌會講唔該多謝，幫嘅人亦會幫得順氣d, 幾多個主動想幫一個黑面神？一言九頂嘅更加自求多福好啦，多謝唔該麻煩晒呢d說話唔好省，就算對住屋企人都係，冇嘢係老馮嘅。
3) 對象都好緊要，男人想表現man, 只要肯出聲，已有一半機會，以前有個朋友同我講：點解你唔俾人錫你關心你？明明想追你都唔敢，因為你拒人千里。我果下好愕然，原來我本能上獨立變成對住心儀對象都顯得太保護自己。朋友話要俾人幫下我，求下救，就算自己做到，有人可以幫嘅時候就要適當地請人幫手，對住心儀對象絕對要俾signal佢，你係需要幫手，佢需要俾多d注意同關心，男朋友老公亦然，前面有jm提過，而真實例子係：我生得矮，我老公高我10吋有多，屋企樓底高，廚櫃起到頂，頂層果d碗碟食物盒我攞唔到，老公唔喺屋企我就擔櫈自己攞，老公喺度我就叫佢攞，佢有時都會話我冇用，咁都搞唔掂，我咪笑住話我就係貪佢夠高至嫁佢，佢會一面沾沾自喜，一面話早知揾個高d嘅。咁對住同事朋友其實原理都一樣，只係語氣態度應有不同。
花旗太太生活在花旗國，留意時差，你問我未必即時答到。
發表於 
所以唔係話嗲就有人要
返回列表
