吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公原來出軌左5年，而家我先知 (長文堅要慎入) ...

夫婦情感今日: 9|主題: 42777

收藏本版

發帖

返回列表

跳至頁

樓主: sillycandy

老公原來出軌左5年，而家我先知 (長文堅要慎入)

[複製鏈接]

5 678 9...12

cathychan0517

洋房

積分: 98

121^#

發表於 19-4-8 18:48 |只看該作者

回覆樓主:

你要加油，唔好諗太多！我們好多人支持你！
有一對咁乖巧仔女比任何野重要！

私人傳訊

cat777

別墅

積分: 755

122^#

發表於 19-4-8 21:52 |只看該作者

最重要第一樣要做既係「你要原諒你自己」
睇你既感受裡面
你好嬲自己
所以你要原諒自己
唔係你會跌入抑鬱症懷抱

梳理左啲情緒先再諗下一步

愛自己先

私人傳訊

Chu_mud

別墅

積分: 581

123^#

發表於 19-4-9 10:20 |只看該作者

sillycandy 發表於 19-4-2 09:39
很久冇上過BK，就連LOGIN / PASSWORD都忘記了，所以新登記了這個ACCOUNT，因為我呢次真係好痛苦，希望各位J ...

明白你一定好傷心，好痛苦。
睇你老公的反應，例如話主動見社工，佢係真心想繼續同你一齊。
雖然過程是不易，但到最後只要有愛，就可以解決到。
搵個好的婚姻輔導睇下，有用的。

私人傳訊

gn01816813

別墅

積分: 573

124^#

發表於 19-4-9 12:21 |只看該作者

實迷途其未遠，覺今是而昨非
比個新開始自己

私人傳訊

hkmaples

大宅

積分: 3816

125^#

發表於 19-4-10 12:53 |只看該作者

回覆 sillycandy 的帖子

其實現時社會上普遍都存在著一種潛在嘅風氣,例如: 近期洪欣,絕大部份人都係指小三, 卻好少人指摘佢老公. 所以某程度上就係幫男人壯了唔少嘅膽......講返你件事, 首先係隱瞞自己未婚,呢一點已經係有好明顯嘅意圖(唔好同我講咩受不住誘惑之類嘅說話),要知道,一只手掌係拍唔響, 老虎都唔好信. 第二,佢地2個一定係深思熟慮, 絞盡腦汁,一齊度橋先會有送禮物等等之類嘅環節, 夾埋搏你信任,放鬆警惕, 呢點已經係顯示出毫無悔意.....第三,5年了,時間唔短, 而且已經泥足深陷, 如果唔係飲大佐,你估你幾時先知? 如果係逢場作興, 而又有悔意, 可能幾次之後就已經同你坦白啦. 第四, 至於錢銀問題, 其實錢同愛并沒有必然嘅關係,比哂錢你并不能代表對愛情嘅忠誠, 因為錢係物質上(生活)嘅嘢, 愛係精神上(性格與決心)嘅嘢,有錢唔代表唔會偷嘢(例如:電視都有得睇,有d有錢人嘅細路都會偷嘢, 但佢地并不是冇錢買...). ps: 我并不是要教你點樣做,只係分析成件事比你參考,要點樣做都係你自己決定返. 祝幸福!~~

私人傳訊

wcms

大宅

積分: 1102

126^#

發表於 19-4-10 14:14 |只看該作者

本帖最後由 wcms 於 19-4-10 15:40 編輯

回覆 sillycandy 的帖子

加油，希望妳能盡快走出陰谷。但一個人行山有點危險，要事事小心！

私人傳訊

worthy

珍珠宮

積分: 44690

馬年勳章

127^#

發表於 19-4-10 16:11 |只看該作者

本帖最後由 worthy 於 19-4-10 16:17 編輯

回覆 sillycandy 的帖子

完全明白你嘅痛. 對唔住都要講句, 男人係賤嘅.

我都有過類似情況不過C6未去到同個女人一齊出去, 只係喺whatsapp調情, C6覺得無嘢. 佢都係大模私樣喺同我飲茶食飯, 出街時不停whatsapp, 當我無到一樣. 被發現之後解釋一輪但死都唔肯delete所有對話, 話要留返嚟得閒睇下.

係咪真係嬲到爆. 我好崩潰, 不停嘈佢, 結果不情不願下delete所有嘢. 點知事情無結束到. 原來嗰段時間C6覺得好煩又有D唔甘心, 佢竟然用SMS繼續同個女人聯絡 (手機短訊係逐個計錢的, 我C6係屬於孤寒嘅人. 後來我問返佢, 佢話為咗道氣, 錢唔係問題).

基於女人嘅直覺, 我個心仍然好不安. 於是有一日C6出咗去打牌, 我就用個舊手機, 買張儲值咭, 再去wechat download個女人嘅頭像, 然後同C6 whatsapp. 初初一, 兩次C6唔應我, 後來我講得深入詳細D佢竟然答我話唔方便用whatsapp, 暫時用住SMS先....當下我成個人暈低咁濟.

我發狂咁whatsapp加電話不停call C6叫佢即刻返, 佢無理我又鬧我. 我唯有叫佢返嚟之後唔好上樓, 我喺停車場架車度等佢. 佢一上車就鬧我係咪癲咗, 佢D friend係咁笑佢. 我嬲到出唔到聲, 連喊都喊唔出, 就遞咗個手機俾C6睇. C6一驚, 講咗一句 : "即係斷正, 咁你想點?" 我好想講 "離婚!!" 但又唔甘心咁益人. 當然又唔想咁就無咗一頭家. 跟住C6又話: "你都好厲害, 我初初都有懷疑係你check我, 但俾你講下講下都信真係佢揾返我....".

之後嘅爭吵討論唔詳述. C6誓神劈願係無見面無真人接觸, 叫我信佢. 佢亦知咁做過晒界, 只係當時佢份工做得唔開心我又唔聽佢講嘢, 咁啱呢個女人又同佢好好傾. C6應承我唔再聯絡.

但往後嘅兩年我非常痛苦同難過. 走上天台無數次但又無勇氣自殺. C6一唔喺我身邊我就會不其然胡思亂想, 個人好震. 好多時厘喺廁所喊. 覺得好痛但嗰種痛唔真實, 於是去按摩叫師父出盡力按我, 要按到我好痛好痛, 我先可以舒緩一下. 個師父話做咗咁多年未見過一個人咁抵得痛. 我亦成日揾好多藉口同C6嘈交. 佢點樣氹, 不停同我出街, 去旅行, 揾娛樂都無用. 到最後C6頂唔順勸我去揾社工. 見咗幾次都係無用.

我都唔知後來點解會漸漸無事. 可能就係時間去沖淡一切. C6亦做好多嘢去俾返信心我. 到今時今日有時諗起都會心有戚戚然, 但嗰種痛嘅感覺已經少咗好多.

希望樓主都同我一樣, 等時間去帶走你嘅痛. 早日回復當初嘅愉快日子! 加油

HOPE EVERYDAY IS A GOOD DAY

私人傳訊

chu媽

大宅

積分: 3492

128^#

發表於 19-4-10 19:01 |只看該作者

回覆 worthy 的帖子

我想講呢條路會係好漫長

私人傳訊

minnng

別墅

積分: 995

129^#

發表於 19-4-12 18:37 |只看該作者

本帖最後由 minnng 於 19-4-12 18:38 編輯

睇到你打俾你老公段文字我哭不停
你愛他比他愛你多
以後你要愛自己更多
愛他減少

從你兒子身上看得出你是位好媽媽
你是個好有愛的人
錯的是你老公和那女人!
真的!
你完全不用自責!
從你之前對他的信任可見你絕對是個好妻子!
真的!
以後理直氣壯對自己好!!!
原諒不了他也沒辦法
他倆一定有報應的!!!

私人傳訊

peggy851111

複式洋房

積分: 404

130^#

發表於 19-4-17 21:38 |只看該作者

回覆樓主:

我睇曬你成段故事, 覺得真係好心痛, 你真係好堅強, 我代入你嘅故事, 我係你我會崩潰發癲, 掉野斬人, 老公會頂唔住我咁癲會離婚

私人傳訊

射手貓

大宅

積分: 1990

131^#

發表於 19-4-18 04:20 |只看該作者

sillycandy 發表於 19-4-2 09:39
很久冇上過BK，就連LOGIN / PASSWORD都忘記了，所以新登記了這個ACCOUNT，因為我呢次真係好痛苦，希望各位J ...

唔關事，男人出軌實有人話女人問題
其實唔1定，個女人做得幾好都好
"本身個野壞左"就係壞左
無謂自責。

私人傳訊

mingmama

子爵府

積分: 11112

132^#

發表於 19-4-18 09:04 |只看該作者

射手貓發表於 19-4-18 04:20
唔關事，男人出軌實有人話女人問題
其實唔1定，個女人做得幾好都好
"本身個野壞左"就係壞左

無錯～許志安就係一個例子

私人傳訊

射手貓

大宅

積分: 1990

133^#

發表於 19-4-18 13:33 |只看該作者

mingmama 發表於 19-4-18 09:04
無錯～許志安就係一個例子

網上勁多人話因為sammi老又平胸，
所以老公偷食
其實係女人都會有老既1日
難道個個男人係老婆4-50時可以大條道理偷食?
再講身材更扯，全世界都知佢徧瘦
男既由拍拖到結婚會唔知?
其實人同禽獸既分別係人有思想
會分是非控制自己
連禽獸都有一夫一妻制
佢真係完全無藉口

私人傳訊

fatping

伯爵府

積分: 17141

134^#

發表於 19-4-18 13:59 |只看該作者

sillycandy 發表於 19-4-2 11:07
應該係啦! 個女人係賭場做，都唔係省油的燈，可能比佢都鬧到爆 (我老公性格都火爆的)。

可憐之人必有可恨 ...

本帖最後由 fatping 於 19-4-18 14:00 編輯

咩機會只得一次，根本佢已經做左好多次，只係你發現唔到姐，我明你既唔開心，但男人根本就係咁，佢無話唔愛你啦，反而你係佢親人一樣，無左你佢會有缺失，但男人要嘅新鮮感刺激感你係再比唔到佢，如果你仲愛佢唔想離婚，過一排冇野就重新相處，唔需要再刻意搵下佢有冇背叛你嘅證據，因為咁樣做女人好辛苦

私人傳訊

fairladycelica

民房

積分: 30

135^#

發表於 19-4-18 16:06 |只看該作者

回覆樓主:

俾個機會大家^^其實你丈夫肯同你一齊去做婚姻輔導証明佢都唔想放棄段婚姻~大家坦誠冷靜咁傾下就好好多

我有個JM嘅老公都曾經同女同事出軌，最後JM選擇原諒佢，之後仲生多咗個BB, 繼續恩愛至今已十幾年。

私人傳訊

sillycandy

複式洋房

積分: 124

136^#

發表於 19-4-29 08:36 |只看該作者

回覆樓主:

好耐冇update大家了！事情已過左一個半月，中間我老公為左我做左好多野，希望我可以原諒佢。中間我亦試過搬出去，希望冷靜下自已情緒，試下自已生活。

佢同個女人既相片，我delete哂了。佢兩部手提電話已轉左其中一部既number, 另一部因工作上用較多，可能黎緊個weekend再去同佢轉埋啦，佢話咁樣我會放心啲既話，佢一定會去做。家下未改，就先set左block哂唔係電話簿內既聯絡人。

另外，佢開左Google定位比我，隨時隨地我可以睇到佢人係邊，久唔久就視訊call我，都係希望我安心，佢冇係返工時間走左去。

我地兩個有傾左好多，由於字數所限，我陣間出第二個post再講。

私人傳訊

sillycandy

複式洋房

積分: 124

137^#

發表於 19-4-29 09:18 |只看該作者

我同老公傾左好多野，佢承認左除左呢個女人之外，之前亦有同另一個女人出軌，而果段就只係維持左個幾月，因為佢發現個女人不盡不實，而且因為同樣都係香港人，所以唔方便同佢一齊就斷了。
至於呢個點解咁耐先斷，係因為剛開始時，個女人唔會咁多聯絡。第一次見面，係我老公過澳門見佢，食完飯送佢返屋企，個女人叫佢上樓，咁就開始左了。之後第二次，係個女人黎香港搵佢，相隔左一個月多D。約佢果陣，同我老公講知道原來佢係有老婆(可能當時FACEBOOK我老公SET左同我既關係做公開，就算冇ADD佢都睇到)。一黎到香港，個女人同佢講左句「我係黎送外賣既」，咁就繼續落去了。

我老公覺得呢個女人唔係成日會搵佢，所以我唔會咁易發現，可以繼續「各取所需」。只係後來，個女人開始私下ADD佢FACEBOOK FRIEND，越來越多搵佢，慢慢就同佢開始嘈。直到有一次，嘈得好厲害果時，個女人就講左句「你咪分手囉，我就爆你大獲等你老婆知」，果陣佢先知個女人原來ADD左佢D FACEBOOK朋友同埋知道我既ACCOUNT。所以唔敢同佢分手，只希望個女人可以識到第二個男人而離開佢，佢亦有同個女人講，佢比唔到咩比佢。咁耐以黎，我老公數住個女人講過7次話要爆佢大獲，其中上年我生日當日，個女人不斷打黎，務求要阻住我同我老公整蛋糕。我老公唔聽佢電話，到中間有空檔接聽時，個女人講到「咁就FACEBOOK見啦」，所以我老公好驚。

呢排大家都會講返呢5年黎既日子佢點過，佢點呃我，同埋好後悔冇珍惜過我。佢一直以為我係會為呢D事而同佢離婚，所以好怕個女人會爆出黎，我會離開佢。佢話如果一早知道我肯原諒佢，佢就一定會好快自首，唔會拖左咁耐。佢多次多謝我肯原諒佢，同埋答應左好多次，佢餘生只會對我一個人好，唔會再辜負我對佢既愛，因為佢都好愛我，以前既佢貪得意去識女呃女人，佢以後都唔會再做。

呢個半月以來，佢同我去左好多度玩，有上大陸，有踩單車，有行山。手提電話唔係成日跟身，任我睇。黎緊仲攞左大假準備同佢去旅行。我好開心佢對我好溫柔，因我情緒而家都仲係好波動，未能完全放得低同埋信任佢。

婚姻輔導社工仲未見到(約到好鬼耐....政府野真係有排等)，仲食緊情緒藥。呢個半月中間爆左SAMMI同埋許志安件事出黎，令我情緒更加辛苦。我完全代入左SAMMI，而佢亦睇到D人點鬧許，佢都知自己係賤男。佢話將會珍惜我呢次比佢既機會，日後做返100分好老公。

雖然未知日後如何，但我感受到佢既誠意。希望我可以好快就可以放下，好快回復返正常生活吧!