daisydaiswong 發表於 21-6-9 02:28 
我帶左仔仔去check左，確診係自閉譜系，但智力都正常
呢幾日同老公都唔係好開心，調整緊個心情
...
自閉譜系好闊，只要唔係典型自閉但有自閉特質就歸類係自閉譜系，亦未必一定係阿氏保加。以我仔為例，佢係自閉譜系，但自細佢好多嘢講，亦有眼神接觸，好鍾意痴住人，如果佢鍾意你，佢會吋步不離跟住你，呢D都同典型自閉唔一樣，但佢有語言表達問題，講嘢冇頭冇尾，有時又跳咗部份細節，要了解佢講嘢，有時要好似福爾摩斯查案咁續樣問，問完續個細節「重組案情」。平常人係唔會覺得佢有自閉問題，所以去到4歲幾至確診，由個仔3歲幾到4歲幾我同老公兩個同個仔做過好多測試，問咗好多人，包括老師、社工、校長、醫生，轉介又轉介，最後做咗一次前後8個小時嘅測試，終於發現個仔嘅問題，果刻如釋重負，係呀，你冇睇錯，因為只要知道問題喺邊至有方法幫到佢。
而家我仔已經上高中，學習上冇好嚴重問題，佢係算幾聰明果種，但一牽涉到語言、文字理解就打晒結，佢好怕失敗，想要科科A，而家反而要幫佢減壓，只要唔係懶，佢攞C攞D都冇問題，只要唔係唔交功課。
My 2 cents: 唔好將仔女同其他人比較，只比較佢自己，呢類小朋友要不斷重覆提點，其他人學3次記得，佢地學30次都仲係重覆犯同樣錯，人家細路大大吓可以放心，我果個越大越令我唔放心，佢果種大頭蝦加小朋友行徑，有時明知佢自己都唔想，係佢disability嘅特質，但真係好忟好忟果陣我同老公都忍唔住省佢一餐立立令，所幸係佢本質係乖，只係青春期少年，完全係天天新款天天令人「驚」嚇。
花旗太太生活在花旗國，留意時差，你問我未必即時答到。
發表於 
而家上緊啲課程教我哋家長點樣同小朋友溝通教佢哋點樣表達自己，希望第時嗰條路唔好咁辛苦
返回列表
