吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 如果咁既情況，會否cut興趣班？

自由講場今日: 2212|主題: 1366751

收藏本版

發帖

返回列表

跳至頁

樓主: zitamamama

5 678 9...12

積分: 61733

121^#

發表於 21-9-8 09:21 |只看該作者

zitamamama 發表於 21-9-8 09:05
琴同游水。

琴, 係要時間練的。學到上去, 還要學樂理, 有5級樂理才可考琴6級或以上。

游水, 如果想去比赛, 就要操水。我仔小時, 學曉3式就停止跟教練上堂. 識咗游水就可以玩其他水上活動如風帆、獨木舟。

建議你看得長遠d, 不要只看目前的時間表。

私人傳訊

ckmammy

男爵府

積分: 6444

122^#

發表於 21-9-8 09:23 |只看該作者

回覆 zitamamama 的帖子

睇咗咁多留言有人叫你cut番人有人叫你cut 興趣班。但睇得出你點都唔想cut工人，咁就唯有每人cut一個興趣班。你話而家每人上緊四至五個興趣班，即係兩個運動加一個琴同畫畫？如果喺呢四樣嘢入面小朋友最冇天份或者可有可無就cut 嗰樣。
我小朋友細個嗰陣都學五六樣，所以好明白要cut都唔係容易事。但我小朋友喺美國讀書，平日唔使上功課班又無私補，連功課都無所以先有時間學咁多嘢。但其實而家去到中學，以前上既興趣班已經唔係佢而家鐘意做嗰啲，上過就算㗎啦。你情況唔同，要動用私己錢上興趣班，咁不如減一兩個。

私人傳訊

Liuvyn

子爵府

積分: 10722

馬年勳章 2026勳章母親節2025勳章 2025勳章蛇年勳章 2024年龍年勳章牛年勳章開心吸收勳章

123^#

發表於 21-9-8 09:23 |只看該作者

回覆 zitamamama 的帖子

其實兩個小朋友唔洗兩個工人，我屋企得一個工人，但個工人已經係好得閒，冇野做。至於興趣班，其實唔洗咁多，比番小朋友自己選兩三個，專心學好一樣已經夠。反而做家長真係要陪多d 小朋友成長，感覺你地好似打機玩緊育成遊戲咁，每日只要比飯同補習興趣班細路，佢地就會大個。而且你要為退休準備，儲多個錢，其實呢樣都係為細路，等佢地日後冇負擔，雖然佢地日後可能都未必會理你。

私人傳訊

canies

翡翠宮

積分: 97287

124^#

發表於 21-9-8 09:26 |只看該作者

回覆樓主:

畀我會Cut興趣班，不過你唔捨得嘅咪用私己先頂兩年囉，好快過啫。

私人傳訊

zitamamama

伯爵府

積分: 18273

125^#

發表於 21-9-8 09:29 |只看該作者

polliebb 發表於 21-9-8 09:14
本帖最後由 polliebb 於 21-9-8 09:16 編輯

又話每人4-5樣？如果得琴同游水可以keep，但要用私己另計， ...

本帖最後由 zitamamama 於 21-9-8 09:29 編輯

一音一體係琴同游水
另加溜冰，畫畫，跳舞。

如果一定要cut就溜冰。小朋友去溜冰其他當去玩，疫情停咗之後佢要求去。

私人傳訊

canies

翡翠宮

積分: 97287

126^#

發表於 21-9-8 09:31 |只看該作者

zitamamama 發表於 21-9-8 06:30
功課班4點完，之後個d係在家私補。
6點左右完成。

幾多年班呀？其實你已經有私補，考慮下自己放大假跟一輪功課，養成自己做功課習慣，你就唔需要去功課班，反正屋企有工人睇住。

私人傳訊

lovelybaby2015

水晶宮

積分: 62216

畀面勳章

127^#

發表於 21-9-8 09:32 |只看該作者

Cut興趣班

仔女開始大，無論讀乜學校，始終成績重要
細個時，就話發展興趣，到大d，搵到自己真正喜歡，係時候要專注其中一丶兩樣（或者兩丶三樣啦）再長久學落去。唔想張張刀，但無張利
有時間都應該休息下，對學習丶健康都有好處！

我自己d仔女，之前每人學7丶8樣，實在太多，尤其大個咗學校又多咗活動！根本無咁多時間！

所以大家坐埋，傾吓邊d最想學。其實發覺原來有d 班，根本是因為習慣咗上而上丶或者上唔上都得! 咁多班，一定有preference！

私人傳訊

yuensiu

珍珠宮

積分: 38416

減齡達人勳章開心吸收勳章認識瑞士牛牛第二回認識瑞士牛牛第一回 BK Milk勳章

128^#

發表於 21-9-8 09:35 |只看該作者

回覆樓主：

本帖最後由 yuensiu 於 21-9-8 09:41 編輯

咁多興趣班

我之前星期六上開2個，個時就2個小朋友時間我要夾啱先報興趣班，再報多都唔得比老公鬧了，星期日就比佢地休息。疫情之後興趣班都cut埋，仔中學乜都無上了，叫去游水都唔肯去。
女只學畫畫咋，平日放學之後去補習社，放工自己去湊返屋企，又要默書，測驗考試，想上興趣班都無咁多時間比佢上。

私人傳訊

birdbird

水晶宮

積分: 61733

129^#

發表於 21-9-8 09:36 |只看該作者

zitamamama 發表於 21-9-8 09:29
本帖最後由 zitamamama 於 21-9-8 09:29 編輯

一音一體係琴同游水

你星期日帶小朋友去溜冰就已經可以減一樣興趣班啦。

要撹清楚小朋友跟教練上堂的目的, 係為學技巧還是只是消磨時間。若是後者, 在冇乜閒$的情況下,家長不如自己帶小朋友去做果樣活動。
親子時間, 如到郊外野餐、露營、去沙灘玩下水, 到小朋友上咗中學之後就會愈來愈少。趁呢幾年小學好好把握親子時間好過花錢花時間在興趣班上。

私人傳訊

minna456

大宅

積分: 3984

130^#

發表於 21-9-8 09:38 |只看該作者

兩個小朋友, 要三個工人?

私人傳訊

skytobb

大宅

積分: 4509

BK Milk勳章

131^#

發表於 21-9-8 09:49 |只看該作者

關於樓主補習想了解下,為何功課班完了還有私補？在功課班做功課之後請老師再溫習？
如果你興趣班唔想cut,試下唔去功課班,小朋友自己做功課,訓練佢地自律,私人老師黎對功課加溫習2個鐘,因為唔太明白去了功課班還有老師上門私補是什麼原因.

私人傳訊

lojo11

珊瑚宮

積分: 100381

2024年龍年勳章牛年勳章

132^#

發表於 21-9-8 09:52 |只看該作者

坦白講，游水、畫畫、溜冰呢啲真係可有可無，要消閒，一兩個興趣班好夠！每人兩個興趣班，叫佢地自己揀！一係你用私己錢頂住！比我就會cut興趣班，除非睇到佢有潛力衝出香港（係都只會一項興趣吧）

私人傳訊

testher

男爵府

積分: 7533

133^#

發表於 21-9-8 10:00 |只看該作者

樓主，我係你會cut 工人+ 部分興報班，我記得你之前講過小朋友讀津校，2個小朋友興趣+學野都要洗你2萬5，即每人用你$12500 實在太多了，你不如留啲錢俾佢哋大啲升學用好過啦。
學得多補得多唔等同成績會好。
一個工人湊2個小學完全足夠，唔明點解要請2個，因為你話興趣班多數星期六日先去，咁功課班2個小朋友唔係同一間？私補唔係一齊屋企進行？
如果係既話，一個工人都夠用

私人傳訊

asweetmom

珍珠宮

積分: 41094

134^#

發表於 21-9-8 10:00 |只看該作者

回覆樓主:

你想大家支持你不減興趣班，大家都支持又有何用，大家不會替你支付，大家更不可能逼迫你老公支付，你又不想自己支付，此事無解。

私人傳訊

薯圈

珍珠宮

積分: 42576

135^#

發表於 21-9-8 10:03 |只看該作者

yurijm 發表於 21-9-8 08:59
佢其中一個工人又唔係自己用
其實等於俾娘家家用
支出好拮据

本帖最後由薯圈於 21-9-22 07:49 編輯

.

私人傳訊

yurijm

珍珠宮

積分: 48826

136^#

發表於 21-9-8 10:06 |只看該作者

薯圈發表於 21-9-8 10:03
喔~我突然明解晒！

即係一般都夠用，而家突然要負擔埋娘家工人，老公又唔肯再比多d, 要用私己比娘家。

係，所以我先問樓主係咪有必要請兩個工人
大家都冇見到樓主話有個工人唔同住

可能有啲jm因此誤會樓主一家用三個工人
咁有錢，上來問意見太傻

私人傳訊

ckmammy

男爵府

積分: 6444

137^#

發表於 21-9-8 10:11 |只看該作者

如果我係樓主我會cut一個工人，cut 埋功課班, 叫小朋友自己做功課。但係會請私補針對學術上最困難嘅問題。興趣班會cut溜冰，因為實在係冇乜太大用途。除非小朋友溜冰係特別出色就cut 另一樣。

私人傳訊

ken6555

男爵府

積分: 5562

138^#

發表於 21-9-8 10:12 |只看該作者

arale1668 發表於 21-9-8 08:48
成件事都已經唔關cut唔cut興趣班事

都唔知樓主生小朋友目的同意義係邊，生左出黎只交托俾工人

絕對同意

私人傳訊

秋天與楓葉

珍珠宮

積分: 32599

139^#

發表於 21-9-8 10:16 |只看該作者

本帖最後由秋天與楓葉於 21-9-8 10:36 編輯

家長要諗清楚報興趣班嘅目的
要精進一項興趣，係落堂之後都要花時間同心機去不停練習，練畫、練琴、練舞、練溜冰…..就講練琴，愈學愈高級就要花愈長時間去練

忙完學業，有幾多時間去練習，相信大家都好清楚

純粹鍾意一項活動去參加，有必要一定要係參加興趣班？更何況依加問題係入不敷支？到入不敷支都要俾小朋友去做主導？（小朋友好鍾意唔cut得興趣班）
做人要睇餸食飯，而且你老公意見先最重要，問老公好過網民

你老公唔支持太多興趣班唔止係錢嘅問題，兩夫妻已經好忙而少親子時間，到假期小朋友又忙於參加興趣班
點解硬要俾興趣班綁住？唔可以空出一個假日，一家人hea足全日？

既然星期六日係自己湊，大可以假日同小朋友去游水、溜冰，慳錢又增加到寶貴親子時間
親子時間對小朋友同大人都好重要，但你偏偏忽略咗，繼而埋怨老公付出嘅金錢唔夠多、對小朋友教育太hea，呢個係一個警號

樓主～你自覺自己出錢為仔女報好多興趣班就係最好嘅教育，而一直漠視老公意見，兩夫妻喺管教仔女上要有共識係好重要
凡事要平衡！

點評

beebee67890

發表於 21-9-8 14:06

私人傳訊

CCHINGC

子爵府

積分: 12137

140^#

發表於 21-9-8 10:26 |只看該作者

我自己就無論如何每個月都會儲起最少10%，指嘅係最艱難但有收入情況，我地宜家小朋友仲細，使費少D，就盡力儲多D，起碼要儲50%以上，以作日後不時之需，例如失業、工人突然唔做呀、娘家需要多D支援呀等，我都有能力俾，如果長遠要俾多舊錢，我會盡力係其他支出度cut，例如仔仔剛一歲，報左每星期返一次playgroup，月費千五蚊，我就係其他支出度cut，盡力保持儲蓄力