自由講場 今日: 631 | 主題: 1359096

積分: 45197

母親節2025勳章認識瑞士牛牛第一回畀面勳章

121^#

發表於 25-2-7 08:33 |只看該作者

咁你個女又真係乖喎，我仔都係由細到大我地兩公婆親自教，同你一樣細細個已經set好多家規，食飯要點、同長輩講嘢要點先至尊重同有禮、接嘢要雙手接、做嘢講嘢要有禮貌⋯⋯ 咁多年都係你有你教；佢有佢做！久唔久乖一次就要你讚到佢天上有地下無咁～

私人傳訊

積分: 21045

122^#

發表於 25-2-7 08:42 |只看該作者

tutik 發表於 25-2-7 07:15
樓主有無仔？或者有二個就會明不同細路的確有落差，表演出來被大部分人眼中既乖有出入，但不影響小朋友日後 ...

非常認同！仔同女已經好大差別。女真係一般來講係易教D，七、八歲前。

但我有個朋友，佢就係好似樓主咁，從個女B B時已經立好多規矩，諗住從小教起。個女三歲前好work, 我都覺得佢個女好乖。但三歲後，小朋友開始有自我意識，真性格出晒嚟。反叛有主見，會駁嘴，受軟唔受硬，非常活躍。

最近同呢個朋友出街，佢先感嘆話以前都以為D小朋友曳係父母唔識教，而家先知其實同個小朋友性格好大關係。

私人傳訊

做個靚太

水晶宮

積分: 50850

123^#

發表於 25-2-7 08:50 |只看該作者

回覆樓主:

有咩所謂呢～
我個女都係，佢未識講野，我已經同佢講道理，食飯教坐定定只係基本，咁我個女真係乖，而且生性，係有時會比較古惑，個個都話我識生～
到我細女，同大女完全兩種風格，無論我點教，就係唱反調，非常跳脫，我明白因才施教所以會用其他方法，係有好左嘅～
但必須承認，性格真係天生嘅，所以我都慶幸，大女係比較受教，亦比較識諗，細女唔係無得教，而係比較難，要花多D心機，有D人係自己無耐性，又賴個小朋友，所以自己個女好就得，人地點諗，理得佢la～

私人傳訊

積分: 21045

124^#

發表於 25-2-7 08:56 |只看該作者

jenny729 發表於 25-2-6 20:15
樓主我明你喎，我有一仔一女，仔有ADHD，周圍跑，我自己係大學degree專修SEN嘅，自細知佢與別不同於是集中 ...

你個例子，好似因為你對阿仔有所控制，所以佢成績唔錯。

但我大仔都有ADHD, 我有比佢玩iPad 同打機，亦唔算嚴謹控制呢樣嘢。但我大仔讀書由細已經唔洗點操心，到考公開試成績都非常之好。我知道係佢本身性格生性，聽教，佢考試期間都有打機，但自己控制時間。

所以，就算有ADHD, 成績好唔好，都同本身性格好大關係。

私人傳訊

20162016

翡翠宮

積分: 81528

125^#

發表於 25-2-7 08:58 |只看該作者

simpleAA 發表於 25-2-7 01:40
會唔會人哋已經教咗，但都係唔聽話，所以人哋先覺得你囡乖，起碼教咗佢都會聽話
...

呢啲就要等樓主去問啦

私人傳訊

鴨鴨比

積分: 42904

126^#

發表於 25-2-7 09:05 |只看該作者

有啲真係後天乖
有後父、母嘅小朋友，多數成熟好多識討好大人
人哋真係為咗生存
我女有個同學仔真係年年都考第一，佢啊爸好自豪咁話完全唔洗補習，初頭以為人哋真正學霸，到佢細佬入學，兩姐弟完全唔同姓，就知係二婚新組合家庭，個細佬日日放飛自我，家姐就要好(emoji)慎照顧細佬，好令人心酸

私人傳訊

積分: 21045

127^#

發表於 25-2-7 09:14 |只看該作者

本帖最後由 aidan08 於 25-2-7 09:21 編輯

happyLC2006 發表於 25-2-6 18:33
好認同你，有好多放養嘅家長會羨慕我哋仔女咁乖，唔使勞氣，其實佢唔明白我哋係幾努力。
我女細個嘅時候， ...

呢樣我諗我有資格回應吓。因為我有一個好乖的大仔，而家已經十六歲，有ADHD，成績好，人人讃乖。我亦有一個好難教，唔聽話，暫時仲不斷教緊佢禮貌規矩，但未見到好好outcome 嘅六歲細仔。

我想講嘅係，你所見到別人嘅「唔捨得鬧」，其實好多時都唔係事實。好多時係因為家長明白小朋友性格，唔想大庭廣衆或喺其他人面前去鬧去教而已。你個小朋友可能好受教，一叫就停，一糾正就接受，好似我大仔咁。其實好多小朋友好反叛，越鬧越差，或者會好激烈反駁，場面可能會好尷尬或者影響其他人。嗰D家長好多時選擇返屋企先教，但就比人話「唔捨得鬧」。就好似我細仔咁。

我都係「受害人」之一，百詞莫辯！我知道有個乖嘅小朋友嘅家長會好容易咁去批評人，因為我未生細仔前都會。但生咗細仔後，我知道「喺人哋面前唔鬧」，唔代表「唔捨得鬧」。

樓主呻個女比人讚乖好似自己無份教無付出咁。其實真係好唔知足。因為點都好過有個難教的小朋友，被好多未經他人苦嘅家長話自己「唔捨得鬧」同「唔去教」吧？

私人傳訊

happyLC2006

男爵府

積分: 6235

128^#

發表於 25-2-7 09:31 |只看該作者

aidan08 發表於 25-2-7 09:14
呢樣我諗我有資格回應吓。因為我有一個好乖的大仔，而家已經十六歲，有ADHD，成績好，人人讃乖。我亦有一 ...

你所講嘅情況我明白嘅。
因為我身邊亦有好朋友嘅一對仔女都係同樣情況，明明出自同一家庭，一個好聽教，一個好難教，所以我都認同天生性格都有好大關係。

至於你講嘅家長難處，我亦相當明白，對於呢種家長嘅苦衷係絕對值得包容嘅。
而我講緊係一啲真係唔識教嘅父母，甚至小朋友做咗錯事都仲笑笑口，甚至鬧返人嗰種父母。
好多時會遇到頑皮嘅小朋友，見到佢哋父母識得唔好意思，識得教小朋友講對唔住，其實係完全唔會怪佢哋。
是否需要喺大庭廣眾鬧仔，其實真係冇問題嘅。

私人傳訊

pochario

積分: 24960

129^#

發表於 25-2-7 09:32 |只看該作者

Nbs 發表於 25-2-6 17:37
我兩個女，都係咁湊咁教
大嗰個好難湊好難教，坐唔定，非常active
細嗰個好乖好定，我話乜佢都話好，聽教好 ...

x2，有啲真係天生，樓主做法我都係差不多，除咗做練習，小朋友都係由細俾人讚乖讚到大，但我覺得我嘅教育只佔部份，主要都係佢天生性格受教。

私人傳訊

pochario

積分: 24960

130^#

發表於 25-2-7 09:40 |只看該作者

花生蘿蔔發表於 25-2-6 20:34
其實先天真係佔絕大部分因素。我見過教得好差嘅家長，一樣有好乖巧、脾氣好好嘅小朋友。

與其認為人哋否定 ...

啱聽

，so far我覺得我個小朋友係嚟報恩嘅，不過唔知我累積嘅福德可唔可以令佢持續報恩落去

私人傳訊

Nbs

水晶宮

積分: 64244

131^#

發表於 25-2-7 09:42 |只看該作者

pochario 發表於 25-2-7 09:32
x2，有啲真係天生，樓主做法我都係差不多，除咗做練習，小朋友都係由細俾人讚乖讚到大，但我覺得我嘅教育 ...

係呀
我細女3 歲，見我叫家姐做功課（其實家姐學校無功課，係我自己比10 mins 左右的練習佢做），會自己出聲話我都要做功課，甚至家姐唔喺到佢自己一早起身都會拎支筆拎本簿出嚟劃劃劃話做功課。。。家姐同歲數時係跑過不停根本唔會坐定

私人傳訊

lukelukeu

男爵府

積分: 6376

132^#

發表於 25-2-7 09:44 |只看該作者

本帖最後由 lukelukeu 於 25-2-7 09:44 編輯

wan_sosin 發表於 25-2-6 22:56
通常有個乖孩子嘅媽媽，好容易覺得「只要教」小朋友就會乖

幾個家姐啲仔女個個都好叻又超乖，所以當我生左個仔時，我先發覺點解不似預期？點解我個仔未識行就學人琴高琴低，孭帶孭住我個仔都可以係咁了人地鋪頭嘅野，仲手腳并用？
後來先發現佢有adhd, 好彩唔嚴重，都唔會影響學業。

所以我真係覺得樓主曲線讚自己個小朋友

私人傳訊

Ahbee02

男爵府

積分: 9558

133^#

發表於 25-2-7 09:44 |只看該作者

我相信天生同後天父母教導，兩者都有嘅。

我仔好平時好調皮，但做功課從來吾使我提醒催促，佢響學校已經做左大半，返到屋企會即刻做功課。呢樣野我已經好感恩，真係死少好多細胞

私人傳訊

鴨鴨比

積分: 42904

134^#

發表於 25-2-7 09:45 |只看該作者

樓主未有二胎
細多數都古惑好多、職業騙子
兩個不停打交、鬧交，真係日日新鮮日日金，有幾咁崩潰
所以終於捱到佢哋返學，耳根清靜左好多

私人傳訊

wan_sosin

積分: 49784

135^#

發表於 25-2-7 09:49 |只看該作者

aidan08 發表於 25-2-7 08:32
你講得無錯！仲有，嗰D無仔女又好鍾意批評人嘅人都係，以為只要有教就會乖。

我以前都會有呢類想法，因為 ...

我細個就係囉，四兄弟姐妹好生性，父母無學識，生活艱難佢哋顧住搵錢開飯，我幼稚園已自己返學，媽媽無時間理。
但係我哋四個都乖，唔會走出街玩，有野食四個分，斯文有禮，我中學攞操行獎。
我仔就係點教都反叛唔乖，4歲評估ADHD+反叛，反叛都可以天生，ADHD未算煩，反叛好麻煩，你教佢咩佢都覺得係錯，佢嘅做法先正確。
咁唔代表我唔理唔教，我一樣教咗佢16年。由細個大量投訴，到今年有人竟然同我講，你個仔幾有禮貌幾斯文，十幾年心血，都無白費。
但同嗰啲細細個講兩句就聽話真係差天共地。

私人傳訊

annie133

公爵府

積分: 26363

136^#

發表於 25-2-7 09:56 |只看該作者

castle100 發表於 25-2-7 07:57
回覆 annie133 的帖子

大仔細個食飯快、講乜做乜⋯⋯、但冇細佬咁醒⋯⋯

你請工人都知啦，一係醒但唔聽話同串
一係聽話但蠢
請正個又醒又聽話仲要唔俾人教壞，中六合彩啦

私人傳訊

lojo11

翡翠宮

積分: 99209

2024年龍年勳章牛年勳章

137^#

發表於 25-2-7 10:07 |只看該作者

我都好認同以上JM嘅講法.. 性格的確好重要...

私人傳訊

Ftmagic

子爵府

積分: 12912

138^#

發表於 25-2-7 10:07 |只看該作者

cmcn 發表於 25-2-6 17:49
讚你個女乖，吾等於你冇教。
教，都要個小朋友乖先受教。
最後:你個女真係乖

說出重點來

私人傳訊