吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知應該用個乜嘢形容詞嚟形容嘅 99

婆媳關係今日: 1|主題: 27768

收藏本版

發帖

返回列表

跳至頁

樓主: ACB@2011

唔知應該用個乜嘢形容詞嚟形容嘅 99 [複製鏈接]

5 678 9...10

小寶貝兒

珍珠宮

積分: 30295

121^#

發表於 10-11-25 17:59 |只看該作者

原帖由 ACB@2011 於 10-11-25 16:08 發表

我唔知應該揾邊個位嚟加插裡段, 所以不如額外回覆裡個問題啦.......

第三者本身係一位同我好熟嘅朋友, 雖然我冇就裡件事揾佢當面對質, 佢亦冇主動同我傾過, 但當我知道 C6 咁樣嘅時候, 我依舊選擇放手由佢走, 所 ...

即係你老公同你呢位朋友而家係曖昧中?

如果係我, 即使心痛我都會主動離婚, 總好過大家都痛苦~
不過睇你寫既野, 似乎你已經有d心如止水, 咁我覺得如果你唔會好辛苦既, 是去是留都對你冇影響~ 咁又真係冇乜所謂~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

ACB@2011

大宅

積分: 1280

122^#

發表於 10-11-25 23:16 |只看該作者

原帖由 manman800800 於 10-11-25 16:51 發表
睇到你扁嘢好"鄧"你辛苦。

多謝妳對我嘅同理心........
不過我總相信, 磨練總叫人成長, 果位長輩都曾經同我講:"妳嘅思想比起四五十歲嘅人還要大", 其實我都唔知咁樣係好事定壞事.....

私人傳訊

ACB@2011

大宅

積分: 1280

123^#

發表於 10-11-25 23:30 |只看該作者

原帖由 小寶貝兒 於 10-11-25 17:59 發表

即係你老公同你呢位朋友而家係曖昧中?

如果係我, 即使心痛我都會主動離婚, 總好過大家都痛苦~
不過睇你寫既野, 似乎你已經有d心如止水, 咁我覺得如果你唔會好辛苦既, 是去是留都對你冇影響~ 咁又真係冇乜所謂~~ ...

完全正確, 何必為一時嘅唔甘心而令自己同個仔受更多嘅苦呢...@?@...只要清醒一 D 嚟去睇, 就一切都唔需要太過耿耿於懷, 依家我地大部份嘅生活費都係佢出, 咪親機儲多個錢俾自己同個仔囉, 就算萬一佢他朝一日衰到一走了之, 我地都唔洗瞓天橋底嘛, 仲要每個月調走晒儲嘅錢, 免得離起婚上嚟要俾佢分走一半呀.....不過咁...倘若佢知錯能改; 又對得我地越嚟越好嘅話, 佢有難起上嚟, 我都好願意攞一半身家嚟幫佢嘅......但係點都唔會瞓盡個身嚟幫佢囉, 唔為自己, 都要為個仔唸架~~~

私人傳訊

lihomahk

子爵府

積分: 13306

124^#

發表於 10-11-26 00:34 |只看該作者

樓主, 加油, 小心身體, 亞B出世後, 有冇考慮喂人奶, 如果懷孕期曾經出現過敏, 有機會會遺傳比亞B, 因為奶粉是牛奶提煉, 過敏的BB未必接受到架.

私人傳訊

均均媽

大宅

積分: 2249

好媽媽勳章

125^#

發表於 10-11-27 04:39 |只看該作者

樓主，點解你陀住bb你c6仲咁對你，99又咁蝦你，你都仲可以咁冷靜既？你EQ奇高，好犀利

話說6年前我陀緊大女時知道左好多殘酷既真相，當時男友即c6呃得我好甘，佢父母好憎我，淨係想要女唔要乸，媽咪又要我生左個女後過英國讀書，唔俾我要個女。。

好多好多事發生，我個時又細個，我覺得冇人信得過，個個都會呃我害我，日日喊到死，生女個朝仲喊緊

佢地對我既傷害我到而家都記憶猶新

私人傳訊

ACB@2011

大宅

積分: 1280

126^#

發表於 10-11-27 15:00 |只看該作者

原帖由 lihomahk 於 10-11-26 00:34 發表
樓主, 加油, 小心身體, 亞B出世後, 有冇考慮喂人奶, 如果懷孕期曾經出現過敏, 有機會會遺傳比亞B, 因為奶粉是牛奶提煉, 過敏的BB未必接受到架.

有呀, 我揀咗順產 plus 餵人奶架啦, 亦已經揾定一 D 如果 BB 有過敏情況出現而要轉食乜嘢嘅奶粉資料架啦.....

私人傳訊

ACB@2011

大宅

積分: 1280

127^#

發表於 10-11-27 15:02 |只看該作者

原帖由 均均媽 於 10-11-27 04:39 發表
樓主，點解你陀住bb你c6仲咁對你，99又咁蝦你，你都仲可以咁冷靜既？你EQ奇高，好犀利
話說6年前我陀緊大女時知道左好多殘酷既真相，當時男友即c6呃得我好甘，佢父母好憎我，淨係想要女唔要乸，媽咪又要我生左個女後過英國讀 ...

多謝妳咁嚟讚我呀.......
我 PM 咗個原因俾妳知.......

私人傳訊

ACB@2011

大宅

積分: 1280

128^#

發表於 10-11-27 15:49 |只看該作者

之後例牌地返 99 屋企食第二次嘅中秋飯, 一入屋佢就問我地飲唔飲湯, 我即刻好有危機意式咁問:"99 咩湯嚟架?" 佢唸咗一唸口窒窒咁嚟答我話:"雞湯嚟架咋, 啱妳飲架啦" "哦...唔該 99" 之前都提過, 我 6299 煮嘢好鐘意多鹽多糖多油, 所以碗湯例牌一個金鋼圈, C6 見我左避右避 D 油嚟飲, 咪又問 99:"你地唔係有個隔油壺架咩?" 99 又依舊輕微發爛咁答:"里 D 邊算係油嚟啫!!!" 我就依舊唔出聲由佢, 飲淨最後果兩啖倒咗佢就算喇...
等齊人, 開始食喇, 邊食邊傾嘅時候講到照到應該係囝; 同埋我未有腰骨痛, 99 話:"其實囝囡都冇所謂啦 (我唔知道佢係咪真係冇所謂嘅)......會腰骨痛架咩? 邊關事呀!!!" KN 嘅反應係:"有雀仔架..............咁咪好囉" KL 就真係好似好開心咁話:"囝嚟架?!" C6 好開心咁答:"係呀........" 62 就毫無反應............本來我都以為 6299 知道正正式式嘅第一粒孫係囝嘅話會好開心, 點知原來係錯嘅.......V.V
食完飯我同 C6 講話想飲多碗湯, 點知飲咗兩啖 62 話:"係呀, 飲多碗湯啦, D 湯好甜呀, 落咗好多螺片架" 我即刻心唸:"頂............!!!!! 都話唔食得海鮮咯" 99 即時又用賤兔斜視怒 bear 62, 我即刻對俾 C6 話唔飲喇, 好飽, 叫佢飲埋佢....事後我同 C6 解釋點解我唔飲果碗湯:"62 話落咗好多螺片架!" 連 C6 都登大晒對眼話:"係呀!!!"

私人傳訊

little_fairy

大宅

積分: 1638

129^#

發表於 10-11-27 17:34 |只看該作者

一次過睇晒咁多頁..
見到樓主c6仲好關心樓主~
我覺得你c6個心都唔野得去邊...
點解樓主會咁肯定c6同第三者有路??
如果c6個心已經唔0係你度..你有左bb佢就唔會咁高興la~同埋仲企0係你0個邊呀~

另外..你99真係...勁!!
不過對住呢d 99,除左忍仲可以點...無可能唔通句句都駁返佢..句句都上心...死好多細胞~

加油呀~樓主~祝你同bb健健康康~

私人傳訊

ACB@2011

大宅

積分: 1280

130^#

發表於 10-11-27 18:46 |只看該作者

原帖由 little_fairy 於 10-11-27 17:34 發表
一次過睇晒咁多頁..
見到樓主c6仲好關心樓主~
我覺得你c6個心都唔野得去邊...
點解樓主會咁肯定c6同第三者有路??
如果c6個心已經唔0係你度..你有左bb佢就唔會咁高興la~同埋仲企0係你0個邊呀~

另外..你99真係...勁!! ...

我好清楚知道 C6 佢未係同人地有路, 只係佢同人地有曖昧行為啫, 仲要係佢對人地有嘢多過人地對佢有嘢添, 因為我知道我朋友開始知道我知道咗里件事之後, 如果我都在場嘅 function; 佢會識得迴避下嘅, 至於我唔在場嘅 function 我就唔知喇.....我咪提過我將里件事呻過俾一個朋友聽嘅, 我估佢除咗同阿長輩講咗里件事之外; 亦都有同里位曖昧女主角傾過里件事, 因為佢曾經同我講過:"唔可以讓愛"嘅, 又或者佢抱打不平啩....而我亦好清楚咁知道, C6 冇再進攻多一步嘅原因係因為我肚裡面果個係囝啫, 係未知囝定囡之前, 我幾時要產檢, 產檢完醫生有冇話咩....etc., 佢完全唔知兼冇過問過我架.......如果唔係, 我點會對里個男人咁心淡吖...

至於我 99, 銀辛苦都只係其次架啫, 至少...我唔係同佢同住兼住得相距咁遠, 有幾大殺傷力都係久唔久一兩劑, 療完傷咪再接招囉~~~~

私人傳訊

lihomahk

子爵府

積分: 13306

131^#

發表於 10-11-27 22:38 |只看該作者

樓主, 你奶奶煮的食物, 少吃為妙, 多吃壞身體!

私人傳訊

WINGWINGGOGO

大宅

積分: 1748

畀面勳章 BK Milk勳章

132^#

發表於 10-11-27 22:59 |只看該作者

sorry呀樓主...我想問你唔驚到時阿b出左世之後你c6會同你爭阿b咩???

私人傳訊

ACB@2011

大宅

積分: 1280

133^#

發表於 10-11-28 00:53 |只看該作者

原帖由 WINGWINGGOGO 於 10-11-27 22:59 發表
sorry呀樓主...我想問你唔驚到時阿b出左世之後你c6會同你爭阿b咩???

放心, 我已經做定晒 reseach, 佢唔會爭得嬴嘅...

1. 因為佢雖然係專業人士, 但係由我識佢到今時今日, 佢冇一份工係佢自己辭職而唔做嘅, 全部都係俾人炒 or 人地叫佢自己離職嘅, 六年以嚟, 轉過至少五六份工, 而最近佢仲失業咗成年幾, 中途只係返過一份兩個零月嘅工, 之後又俾人炒咗, 即係話佢係一個收入極度唔穩定嘅人嚟嘅......
而我就剛剛相反, 我晌由識佢到依家, 都只係做同一份工, 雖然得萬零蚊個月, 但係就非常穩定......

2. 佢跟本就唔肯簽字, 所以如果佢仲搞到同我爭個囝嘅話, 佢知道我更加唔會同佢和解....

3. 佢晌識我之前已經有層樓架喇, 但係一直都唔肯搬出去住, 原因係...........佢唔可以冇咗 6299 嘅照顧
但係我晌未識佢到未同佢結婚之前都係一個人住, 可想而知我嘅獨立能力比佢強好多

4. 連 99 都知道, 如果冇我嘅出現, 佢里幾年 D 財務唔會由負變正, 所以 KN 同 99 其實都好驚我真係唔要佢架, 至少依家佢地個心幾咁唔妥我; 都仲要對我客客氣氣

私人傳訊

均均媽

大宅

積分: 2249

好媽媽勳章

134^#

發表於 10-11-29 22:09 |只看該作者

下。。你c6搞咩鬼做專業人士都會又成日轉工，又欠債架？唔怪得佢唔肯放你走啦。。。佢咁冇答烚，依賴性超強

私人傳訊

MaMaSteph

男爵府

積分: 8178

好媽媽勳章醒目開學勳章

135^#

發表於 10-11-30 15:04 |只看該作者

樓主你真係好堅強~~!!!!

但容許我講句你可能唔係咁啱聽嘅說話:

百世修來同船渡, 千世修來共枕眠~~!!

其實樓主有冇諗過俾你c6一個機會呢?? 雖然你話覺得佢好似有第3者, 但同時又冇真係發生過咩事~!! 可能佢都係一時受誘惑!!! 你當初嫁佢都係因為愛佢啫~ 同埋而家仲有個bb!! 或者可以試吓慢慢接受返佢~ 對你對個家都係好事!!! 因為我覺得一個咁堅強嘅女士係值得有幸福嘅!!!

[ 本帖最後由 MaMaSteph 於 10-11-30 15:07 編輯 ]

http://lb3f.lilypie.com/JzUop8.png

私人傳訊

MaMaSteph

男爵府

積分: 8178

好媽媽勳章醒目開學勳章

136^#

發表於 10-11-30 15:04 |只看該作者

repeat!

[ 本帖最後由 MaMaSteph 於 10-11-30 15:07 編輯 ]

http://lb3f.lilypie.com/JzUop8.png

私人傳訊

ACB@2011

大宅

積分: 1280

137^#

發表於 10-11-30 16:16 |只看該作者

原帖由 MaMaSteph 於 10-11-30 15:04 發表
樓主你真係好堅強~~!!!!

但容許我講句你可能唔係咁啱聽嘅說話:

百世修來同船渡, 千世修來共枕眠~~!!

其實樓主有冇諗過俾你c6一個機會呢?? 雖然你話覺得佢好似有第3者, 但同時又冇真係發生過咩事~!! 可能佢都係一 ...

我唔係唔俾機會佢, 而係佢好似唔想同我重建返個關係咁, 一來係佢依然要我同佢分房瞓, 二來佢依然對我朋友做緊 D 又驚俾人知但係進取緊嘅小動作, 三來佢依然佢有佢生活咁, 完全都冇尊重過我里位同屋住 (莫講話係太太).....
但係佢身邊已經有好好好好好好多人勸緊佢唔好再同我玩各自各生活, 不過佢對住人地同我都係同一個答案:"做乜要好似 report 咁啫..." 咁..........我都冇晒嘢講啦, 而且, 自從我唔問佢任何嘢之後嘅日子; 我地嘅相處真係和諧咗好多, 佢亦明顯開心咗好多.......或者里種先至係佢理想中嘅婚姻生活呢, 只不過唔啱我之嘛....

私人傳訊

ACB@2011

大宅

積分: 1280

138^#

發表於 10-11-30 16:35 |只看該作者

原帖由 均均媽 於 10-11-29 22:09 發表
下。。你c6搞咩鬼做專業人士都會又成日轉工，又欠債架？唔怪得佢唔肯放你走啦。。。佢咁冇答烚，依賴性超強

其實當我媽咪同阿嫂迫我地結婚果陣; 我都知道未係時候嘅, 之不過當時我已經知道佢咩住好多銀行同財務數, 咁我咪唸, 如果迫佢搞結婚, 咪有藉口迫到佢二按層樓嚟填晒 D 數囉, 所以我硬住頭皮嚟幫埋佢里舖, 希望佢會更加明白我可以為里段關係擺上幾多嘢, 結果數係找晒, 婚又結埋喇, 不過佢係令我失望嘅, 但係我冇後悔過幫佢......
里件事, 係我同 99 講我要同佢個囝離婚嘅果次對話裡面講咗俾佢知, 佢都即時冇晒嘢講, 因為佢冇唸過三個囝裡面最揾到錢嘅果個; 竟然係經濟最混亂嘅果個, 仲晌咁危險嘅情況下過咗六七年.............

私人傳訊

ACB@2011

大宅

積分: 1280

139^#

發表於 10-11-30 17:06 |只看該作者

中秋第二轉飯局有少少補充, 就係飯後我同 KN 傾計講起話食微波爐嘅嘢冇益, 點知 62 插咗句埋嚟話:"妳唔好成日聽埋 D 咁嘅醫學跟據啦, 果 D 咁嘅嘢, 一知半解嚟架之嘛!" 咁我又心唸:"下, 咁唔通你話食羊肉會發羊吊就係世界權威偉論咩...~_~...."
仲有, 99 買咗 D 好得意嘅杯返嚟用, 仲話:"用 D 咁樣嘅杯嚟飲水都特別開心架呵?!" 我就指一指 C6 隨口咁答咗一句話:"對佢嚟講就冇用啦, 佢都唔飲水嘅" 點知 99 竟然答我話:"不過我地一向都唔係幾飲水嘅".............咁..........佢即係想點呢............V~V

因為 99 此舉 (螺片湯事件) 令 C6 都唔再迫我返去食 D 無嗱嗱嘅飯喇, 反而想我多 D 返媽咪道食, 可能佢都知我媽咪煮嘅嘢會對個囝好 D 啩.......