自由講場 今日: 1264|主題: 1357797

大家不要以為只有樓上嘈到樓下,其實唔係, 因我身受其害
。

我住村屋頂層, 樓下二樓新搬黎, 父母係附近開食店，D小朋友好夜瞓, 試過半夜二點幾, 點幾, 十二點幾係到追趕跑跳撞, 有物件重力撞擊 wall and floor聲, 枱櫈和櫃拖拉聲,
有金屬物跌地聲, 我辛苦到除咗瞓唔到, 個心仲 “翳”到好似透唔到氣咁。除此之外,佢地關大門和大閘都好大聲, 佢地每日出入次數頻繁, 每次我個心都好似跳出黎咁。

如是者我忍咗三個星期, 我終於忍唔住打電話比業主同佢呻, 我話樓上樓下, 我想大家開開心心咁住, 唔想傷和氣, 麻煩佢幫忙同佢講吓, 咁佢好明白我既處境, 就幫我同佢個業主講, (大家唔同業主, 但2個業主係親戚)。咁就少咗追趕跑跳撞既。佢個業主仲轉達話一早就要同佢講喇。 咁我一心比人適應新居, 人地開舖, 晚上至有時間搬野, 又覺得小朋友對新居好奇和興奮, 咪冇投訴囉。

其實之後我每日瞓前都好有壓力, 要早過佢開始嘈就瞓著, 如果佢有聲先, 我就好難瞓得著(唔知大家明唔明)。

我係一個全職返工既媽咪, 早上七點起身整早餐和食盒比阿仔, 晚上六時回家, 晚餐、洗碗、跟功課。只有係星期六下午同星期日至有時間處理家務、買定一個星期既餸、送出送入小朋友學野, 做好晒呢D野至謂之有真正既休息。 咁我就係到昨日下午四時許至真正有得坐低,開部DVD 黎睇 (係criminal minds), (老公帶了阿仔去學游水),
好不幸樓下既父母不在家, 但有人係到睇住。 咁第二段所講既各類聲音就黎料喇, 仲加埋推冧椅子再拖拉既聲音。由四時許嘈到六點, 我除咗不能集中睇碟外, 心情真係惡劣到心跳加速, 血壓上升 (晚上9時幾, 老公幫我度, 上壓150幾), 咁我就火滾到好大力咁關門外出避難, 經過佢門口, 有把女人聲話, 人地嬲喇, 你再係咁我打比你媽咪話佢知架。真係嬲到震, 有大人係到都唔阻止, 佢自己都聽住咁嘈唔辛苦咩?
跟手我繼續落樓梯, 有個細路開門, 我冇望佢係男定女, 聽到佢响我扮鬼臉聲, 跟住就好大力咁閂門, 我去到樓下大閘就超大力咁閂閘, 因我真係好氣頂。

各位, 我之所以打咁大段野, 係想話比大家知, 針唔吉到肉係唔知痛既。 有人話幾點幾點至可以投訴, 有人話玩吓都唔得? 在我聽來, 佢下午嘈, 咁以上既苦咪要忍下去, 不能投訴?最後, 我到現在都沒有怪D小朋友, 我怪既係照顧佢既人, 佢地只會害咗D小朋友!
如果佢搬黎早過我續約, 我就唔續喇, 仲有成9 個幾月, 點算?

呻完。