U r not alone. 其實我同你情況差唔多。有時工作甚至超過十小時。不過我只得一個仔。我唔敢生多個係我明知自己冇可能照顧多一個。或者你嘗試調節一下自己嘅諗法，適當情況下為平衡生活作一啲改變。我諗喺工作同家庭兩者中必須作取捨。小朋友想媽咪回家後陪佢地係正常因佢地掛住你。佢唔睬你或者唔搵你玩你仲擔心。或者試下轉一轉工作模式或轉工，多番啲家庭樂保持同家人良好嘅關係，當仔女步入青春期時唔會因同父母關係唔好而反叛或者學壞。一家人健康快樂遠勝任何事情。互勉之
睇完你咁講,真係唔明點解當初要生小朋友,仲要2個添?老實講,小朋友扭你痴你係正常,而且小朋友好單純,佢地呢個階段好需要父母的愛,父母關注,視父母為學習榜樣,但小朋友只係見到媽媽每日早出晚歸,講真,你賺到好多錢,事業有成又如何?小朋友心智發展最重要,日後你唔好後悔點解個仔唔跟你,個小朋友性格點解會咁,呢D就係現今社會父母造成?你要反問自己事業重要還是家庭重要?點解要為咗份工而放棄跟子女相處?如果老公負擔得起,點解唔停一停,諗一諗,可以轉工作環境/半職/其他可能?如果連跟子女相處時間都交俾工人,你真係絶對無資料做媽媽,唔好怪我咁直接,我自己係FTM,講真仲辛苦過返工,無工人幫,無假期,無私人時間,全天侯24HRS ON CALL,但我好ENJOY每日跟小朋友相處,因為我知道將來佢大咗,開始獨立時,會離我越來越遠,有自己圈子,所以趁小朋友仲細,有得攬好攬,有得錫好錫,呢個寶貴時間我唔想錯過,俾錢係買唔到!希望樓主三思
發表於 
返回列表
