吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係唔知點算好-深層矛盾 3

婆媳關係今日: 2|主題: 27775

收藏本版

發帖

返回列表

跳至頁

樓主: A.Yin

5 678 9...87

A.Yin

積分: 3719

121^#

發表於 12-7-30 07:21 |只看該作者

唉，我真係＂有冤無路訴＂，班澳洲X人真是好懶好懶唔想做嘢，我都好被動，我可以講的，反駁的都做哂。他們最尾的答復係＂give us some time" ，我暫時見步行步啦。依家一日未收到降書，一日都要番公司坐陣，不如講番現況的關鍵人物呀Y，等我舒緩下，我已經失眠了兩晩

有jm問點解有公司電話，我諗呀Y應該有自己個寶貝仔的咭片嘅，因為她前年過來的時候都有問我攞我嗰張，上次產檢俾她捕到，檢完行去姑娘度book 時間時她都有＂順手＂攞枱面D咭片。經過她打電話去公司件事其實我都驚她上我公司搞事架，希望唔會啦

C6嗰晚番嚟同我講呀Y打去公司D嘢
（已經成為他公司最近的＂gossip", 慘~

），雖然或多或少是個junior誤會但當時睇得出他真是好無奈好難受但又畢竟係自己呀媽嗰種屈住屈住想發洩又冇得發洩的心情。而我自己就覺得打電話去公司仲要係總機而唔係自己部門可以唔係問題，造成咁多滋擾都唔緊要，但你講埋D無聊嘢，仲要開緊會就真是好難接受。呀Y由始至終都係她要點就點，她唔會理你咩環境咩情況，她只會以自己喜惡行事，尤其對後輩，所以我真是怕咗她。

AWY,我同C6講算啦，唔打都打咗，惟有嚴厲D同她講唔好打公司啦！C6發悔氣話唔打呀！唔想煩唔想同她講嘢唔想理她。咁我話你現在火遮眼但你唔面對, 她實繼續打，她今日冒險打公司可能因為X人搵公主，她又急啦，呢單嘢對於她來講唔搵你唔通搵律師咩，就算搵律師，呀Y都一定要搵到你為止架啦。咁再三勸喻之下C6就同呀Y FaceTime. 因為我本身以為facetime可以錄低的，有咩事可以做證據但原來冇得録，咁我喺鏡頭外聽而且我錄了音（雖然唔可以做evidence但檔係一個record)

Y：你個老婆呀，依家XY（policx)搵上門了，咁點呀！下? 她要搞成點先安樂呀！屋又唔俾人住，間屋都俾咗你哋啦，dump低我哋，大肚又點呀唔洗理屋企人呀！她平時係唔係乜都唔做坐喺度等你伺候？依家連XY都搞埋，睇下她仲可以搞D咩出嚟

C6：你講咁多又點？你點解唔問下你契女做乜偷嘢

Y：偷咩，攞嚟用下之嘛，咁她喺度住的時候夠食你廚房D朱古力，用你D毛巾，我夠用你D米煮飯啦，唔見你老婆告我偷嘢？你聽到她嗰日點同我講嘢？牙尖嘴利無大無細她就最叻

C6：你都打橫嚟嘅，廢事同你講，總之一句講哂，唔好再打嚟公司

Y：咩呀？呀媽打俾個仔都唔得呀？你間咩公司？你哋一日唔搞番惦我就日日打，打到你哋同XY銷案為止，等你老婆懶巴閉用下都話偷

C6：好！咁一拍兩散囉，我惟有同移民局講你攞咗個business visa根本唔係商業用途的，日日無所事事，連公司（@@的公司）做乜都唔知的睇下人哋查唔查你？

Y（尤如發癲一樣，唔係太清楚她講乜）：你個X街仔，我生錯咗你，（喊）我養你育你你咁樣同我講嘢？連我D朋友都話你俾你老婆影響哂，你連邊個係呀媽你仲知唔知？我過來為了邊個？你哋唔想理人（公主），好！見你老婆大肚又乜乜乜咁，我咪過來幫你好好照顧囉（我諗呀Y可能得到商人支持已經將guardian一事合理化！），我咁辛苦，你連住都冇同我住過，你老婆趕我哋走（唉~

唔知係唔係代C6開條件時又俾商人擺上枱

）飯都冇同我食過，我做你呀媽吞咗啖氣都算了，你依家叫移民局過來拉我？？

你喺咪痴咗缐呀你！你知唔知你老婆成家人都好有問題，我以前未接觸太多唔知，連你呀姨係外人都話佢哋絕！個呀爸淨係識粗口爛舌，個呀媽又出爾反爾搞到個表弟依家失業喺屋企，又遲早學壞！你結婚無耐連呀媽都趕走，以後仲得了？

C6（好彩都發火地幫我護航）：有問題嗰個係你你一直唔知，你仲好意思走去話人？外父因咩事要講粗口你心知肚明，外母邊有可能幫人搵工？你要怪就怪炒他嗰個，個死仔要學壞你連人哋呀媽你個妹都唔怪你走去怪我老婆呀媽？

係！我係唔想同你一齊住你可以話我不孝亦可以話我因為孝，唔想同你日嘈夜嘈，個個聽你支笛聽你D歪理，你要人行東無人可以行西，你認為對人好人哋就一定要接受，你認為人哋唔好就全世界都要唔用腦認同。

Y（可能冇嘢好講）：我知同你個衰仔講乜都冇用，你一日有老婆一日就唔要呀媽架了，好！睇住嚟啦，總有一日你知你老婆有問題你遲早喊住番嚟求我，到時就知呀媽好就知呀媽重要了！

我依家同你講你好快D搞番惦它（8妹公主一案），唔係你唔洗叫我呀媽，人哋學生妹乜都唔識，過來住又冇得住，用件嘢都要俾人搞上X館，仲成世界嘅？你哋點對得住人哋屋企呀？點同你呀爸交代？

C6：我最後同你講一次，有人偷嘢我老婆報案，天公地道，冇人可以幫她（8）求情，你要搵人同她上X館翻譯一係你搵律師，唐人街大把。
你唔好再打嚟公司，我係你個仔，你真係有事可以打我手提，我聽到自然會聽，但你唔可以搞到我老婆搞埋我公司，就係咁多。我唔想再講了亦冇嘢好講，你唔好話我cut你缐。係咁！

就是咁呀Y第一輪＂求情＂完
但係第二日，自白書事件結束後，唔知公主爸同商人俾了咩壓力呀Y，她變個臉又再戰江湖。

私人傳訊

cottonballball

男爵府

積分: 5755

122^#

發表於 12-7-30 07:51 |只看該作者

回覆：真係唔知點算好-深層矛盾 3

呀Y真係

私人傳訊

Horace_b

男爵府

積分: 8893

好媽媽勳章

123^#

發表於 12-7-30 08:05 |只看該作者

回覆：真係唔知點算好-深層矛盾 3

呀Y真係勁過丁蟹！

我做精神科, 強烈覺得佢有personality disorder, 佢直頭強過我d clients!!

私人傳訊

愚妹妹

公爵府

積分: 29436

2018母親節勳章 Poo得好勳章笑得好勳章瞓得好勳章開心吸收勳章最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回叻叻勳章 wyeth冷知識勳章 BK Milk勳章 DHA勳章育兒性格勳章

124^#

發表於 12-7-30 08:25 |只看該作者

引用：呀Y真係勁過丁蟹！我做精神科,+強烈覺得佢

原帖由 Horace_b 於 12-07-30 發表
呀Y真係勁過丁蟹！我做精神科, 強烈覺得佢有personality disorder, 佢直頭強過我d clients!!

...

請問以你專業知道，可5可以令病人強制八入院治療？對住d 咁既＂patient＂，人都

私人傳訊

goosema

翡翠宮

積分: 92484

畀面勳章 BK猜猜猜慶中秋 BK Milk勳章

125^#

發表於 12-7-30 08:40 |只看該作者

引用：呀Y真係勁過丁蟹！我做精神科,+強烈覺得佢

原帖由 Horace_b 於 12-07-30 發表
呀Y真係勁過丁蟹！我做精神科, 強烈覺得佢有personality disorder, 佢直頭強過我d clients!!

...

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

Horace_b

男爵府

積分: 8893

好媽媽勳章

126^#

發表於 12-7-30 08:40 |只看該作者

引用：Quote:原帖由+Horace_b+於+12-07-30+發表呀

原帖由 愚妹妹 於 12-07-30 發表
請問以你專業知道，可5可以令病人強制八入院治療？對住d 咁既＂patient＂，人都

...

香港係有法例（Mental health ordinance) 強制有精神問題既人入院治療，不過係要當事人mentally unstable到傷害自己或他人先有機會用得著，而且要得法官同意。阿Y到時一定死都拗番生！事實係personality disorder個案係好煩，不過除非佢自x，唔係好難捉到佢入院，況且，PD係無藥醫！

私人傳訊

goosema

翡翠宮

積分: 92484

畀面勳章 BK猜猜猜慶中秋 BK Milk勳章

127^#

發表於 12-7-30 08:41 |只看該作者

回覆：A.Yin 的帖子

唉

澳洲d x人真係超懶..

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

yuenyuen126

男爵府

積分: 7482

128^#

發表於 12-7-30 08:58 |只看該作者

私人傳訊

菜菜媽

男爵府

積分: 6121

129^#

發表於 12-7-30 09:11 |只看該作者

引用：唉，我真係＂有冤無路訴＂，班澳洲X人真是

原帖由 A.Yin 於 12-07-30 發表
唉，我真係＂有冤無路訴＂，班澳洲X人真是好懶好懶唔想做嘢，我都好被動，我可以講的，反駁的都做哂。他們 ...

又再戰江湖？唔好呱！

My sweet family

私人傳訊

birdy09

翡翠宮

積分: 86809

牛年勳章 2018父親節勳章 2018母親節勳章 2018復活節勳章 15週年勳章親子王國15週年勳章熱血勳章玩具勳章畀面勳章好媽媽勳章醒目開學勳章環保接龍勳章大廚勳章親子達人勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章 DHA勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章美好大世界2017勳章開心吸收勳章瞓得好勳章

130^#

發表於 12-7-30 10:49 |只看該作者

A.Yin 發表於 12-7-30 07:21
唉，我真係＂有冤無路訴＂，班澳洲X人真是好懶好懶唔想做嘢，我都好被動，我可以講的，反駁的都做哂。他們 ...

你 99 真係痴得超級"暈循"

私人傳訊

leung_g

大宅

積分: 1912

131^#

發表於 12-7-30 10:53 |只看該作者

support you

私人傳訊

Erised

男爵府

積分: 5056

132^#

發表於 12-7-30 11:14 |只看該作者

唉，睇到人都癲。

你大肚婆兩日唔訓覺，真係鄧你辛苦。好好保重同休息呀

私人傳訊

angieody

大宅

積分: 2460

133^#

發表於 12-7-30 12:21 |只看該作者

回覆 A.Yin 的帖子

Y理天后....原來係洗腦教育能手!!!!
你c6比佢害得好慘...

私人傳訊

k-k-mummy

男爵府

積分: 5048

134^#

發表於 12-7-30 14:46 |只看該作者

真係唔知點算好-深層矛盾 3

呢個係特久耐力賽，既然xx叔叔都話give them some times, 咁你要好好抖抖，瞓番夠先再諗。
瞓醒，抖夠就諗諗，係時候反客為主，主動出擊，好似你爸爸主動打電話俾大官咁

係時候set個time limit for receiving "降書", tell them: if no 降書 is received within x days, futher action will be taken, eg. a letter will be sent to the school and immigration dept., student extend visa should be impossible

←My little Son

私人傳訊

A.Yin

大宅

積分: 3719

135^#

發表於 12-7-30 15:02 |只看該作者

多謝關心，我其實未至於無得瞓，只是精神緊張唔瞓得耐，加上個肚可能大得滯壓住膀胱，晚晚去幾次廁所，去到一到某個時候就會自己彈起身好似喪屍咁夢遊去廁所。之後就會好難瞓番。
我依家好佩服要番工的大肚姐妹們，我個肚頂住我完全埋唔到寫字枱，各位仲要番到臨生前一個月，我真係五體投地，母愛真偉大。

講番呀Y。第二日，老豆KO公主爸之後，我同C6喺遠離巿區的河邊小屋諗住過一個週末，釣緊魚的時候，呀Y又打嚟，C6冇意識咁聽咗，我可能心情幾好就用口型叫C6開speakerphone 嚟聽下！

我聽到嗰時呀Y已經喊緊：.......你呀爸要我搞番件事呀，點搞呀？關我咩事呀，你快D搞番惦佢呀，我又唔識英文點搞呀，點解冇人理會過我感受呀，我一個女人仔做得D咩。

C6：我求下你，你唔好煩我哋啦，我都就嚟痴缐㗎嘞。你想點啫，我幫你唔到呀，你唔好再縱個女仔啦，你仲識唔識分是非黑白

Y：我點唔識分？個嘢都俾番你哋啦，想點啫依家，氣又出咗，嘢又攞番乜彩都俾你老婆攞哂啦，唔洗尾彩都攞埋呀嘩？我真是唔明，你哋大人哋咁多，做埋父母了，都唔放過個細路女？人哋大把前途，你哋要點先心熄，洗唔洗趕人番大6？你哋到底要我點吖？我點解要咁命苦，個仔同個新抱喺咁俾氣我受，俾麻煩我執手尾。

C6（當時雙手抱頭，電話放在大脾上面）：我已經唔識同你溝通，你的問題我唔識答，你的要求我亦冇可能幫你完成。我唔知可以點，你收手啦，我痴缐架嘞，你俾我靜下。

Y：你叫你老婆同我講，你叫她過來

我見C6真是好唔開心就聽啦，費事c6唔開心就熄咗speakerphone.

我喂完之後，Y就話：唉~呀家嫂我保你大，你放過（公主）啦，我喺你##，你檔我拜你求你，你想點啫，你要搞到人哋點你先安樂？你呀爸咁叻咁巴閉人哋呀爸（公主爸）都無哂辦法，你乜氣都出夠啦，洗唔洗叫你呀媽閙埋我？係唔係咁樣你會下啖氣吖，係我俾你呀媽鬧囉。我都唔明點解你就生都搞咁多嘢，你係唔係產前抑鬱（嗰個係你呀哇）要搵個人俾你折磨下？她同她屋企都想解決件事點解你死咬住唔放，你係唔係覺得咁樣好開心，你成家變態架咩？

我：唔該你講嘢尊重D，咩叫變態？我俾人偷嘢，點解唔可以報警？我真係唔明你呢D咩原因。我爸爸都係因為她爸爸要我寫自白書先幫我處理，我諗亦唔關你事，請你要識得尊重人。

Y（無啦啦由喊的聲線變成鬧人）：我先想嚟問你咩叫尊重，你識唔識尊重我同@@呀？我哋叫你收手你做乜唔收呀？你要我同你@@求你跪你定你想我同你@@鬧交呀？你識唔識做人新抱？唔識就學，唔學就離婚去第二個家，冇人留你

我（超興）：我離唔離婚唔到你理，就算你今次冒你個仔簽名都冇用，因為要當面簽的。我一直都唔識用你套方式做人新抱，亦無諗過要學，你有咁的要求可以同你個仔講，我冇權阻止你。我X已經報咗，我唔會無啦啦withdraw ,有人要偷嘢就自己付出代價，與人無尤

Y（潑婦駡街語氣）：我係唔係冒簽關你咩事呀，幾時輪到你做新抱理？你要咁氣燄等你做99先講啦，唔好唔記得你佗女咋

我：我佗女佗仔都係自己小朋友，我相信父母同子女講的係關係唔係性別，你生仔做99唔見得有咩特權，我亦感覺唔到你同（c6）的關係特別比我同我父母好。

Y：得個講字，生唔到仔就就生唔到仔啦，我哋依家X家叫你唔準告！你係都要告，你點同你@@交代？我做##的算係咁了，幫你幫到盡啦。為咗個心口針攪到神憎鬼厭你值唔值呀你！你係唔係要我同你呀媽講你幾小器呀！你係唔係要煩到你@@呀？你估你@@會鬧你呀？俾人知道我做##唔識教咋！

我：我唔知你繼續講呢D嘢有咩用，你第一傷害唔到我，第二唔會令到呢件事有咩改變。唔該你唔好妄想呢件事你再打俾任何人會有咩改變，或者你嘥時間去搵個律師會更好，我已經講過好多次告她的係XY唔係我，我係受害人\證人，我只要講出事實。唔好意思我要收缐

呀Y就係咁＂求情＂了