烹飪搵食 今日: 10 | 主題: 139207

積分: 2106

121^#

發表於 03-10-9 20:31 |只看該作者

Re: 買左個新焗爐,點用呢?

各位,我有大收獲,要向大家報下料先!我頭先在吉之島買了一個pyrex玻璃dou,係透明的,可以入oven,microwave,雪櫃同埋洗碗碟機,有蓋,而家sale真係好抵,原價$115,而家賣$45.8,最抵係佢個蓋本身都係隻碟,即係好似買左兩樣野返來咁,個dou的size係直徑8.5吋,深3吋,個蓋就深1.5吋,細d的size就賣$3x,唔知點解呢個款特別平,但係其他就只做8折,我買時剩返5-6套,如果大家有興趣快d去睇下!報料完畢.

私人傳訊

積分: 4462

122^#

發表於 03-10-9 21:26 |只看該作者

Re: 買左個新焗爐,點用呢?

ii-3,

"手製餅乾&烘焙點心"
朱古力曲奇(70個)

無鹽牛油 170克
糖粉 100克
鹽一小撮
全蛋 50克
低筋粉 180克 + 可可粉20克 +泡打粉半小匙
朱古力碎 200克

1.牛油恢復室溫後,用手指背壓至軟化.用打蛋器(不用電動)攪拌,讓牛油再軟化成濃稠狀.
2.加糖和鹽.用打蛋器再搞至混合.
3.加入一半蛋,搞勻再加入其餘份量.再搞勻.
4.上述三種粉一齊過篩,加入用膠刮刀切拌,半混合就可以.
5.加入朱古力碎,搞到完全混合.
6.焗爐預熱185度.
7.舖好焗爐紙,用匙舀起放上盤,,兩件中間留5厘米.
8.焗爐降為165度,放進曲奇,烘18分鐘即成.

注意,焗爐既大細會影響烤焗既時間長短同温度,我自己既只有13litre,所以起碼會減10至15度,時間都會縮短,睇住會穩陣D.
其實呢個食譜重有兩款變化,自己又可以改下加D果仁提子之類,都唔錯架.

Dau,
係呀,我用轉盤,就係睇左cookeasy去實惠買個十蚊裝豉油樽果D圓形可以轉既盤來用,真個D轉盤起碼要八十蚊架.

私人傳訊

ii-3

別墅

積分: 761

123^#

發表於 03-10-10 09:15 |只看該作者

Re: 買左個新焗爐,點用呢?

Thank you Blythemia, I will try it tomorrow.

私人傳訊

Dau

積分: 2106

124^#

發表於 03-10-10 10:50 |只看該作者

Re: 買左個新焗爐,點用呢?

blythemia,
請問cookie果到你話"..用膠刮刀切拌,半混合就可以"係咪即係用膠刮刀求其lo下就得,跟住再加朱古力碎完全混合是否都係用刮刀lo?另外如果我有曲奇模,呢隻cookie係味用唔著呢?
我昨日去jusco睇下d打蛋器,kenwood 175w,雙頭,係你recommend的頭大大腳窄d的款,減價$190,另外有萬能達,watt數唔記得,又係雙頭,又係減到$190,但係佢有兩個攪面粉頭替換,你地話買邊隻好?兩隻都係手提式的!tks!
唔好意思,我係問題少婦呀!

zen,
請問muffin中的牛奶是三花淡奶定係普通鮮奶呢?tks!另外我之前買落左一d muffin模,係一層錫紙模,一層紙模,咁我應該每次放哂兩個定係只放紙果個就得呢?

另外再同你報報料昨日在log-on見到應該係blythemia用的電子磅仍然係賣$190,juso同uny同款就要$199!

私人傳訊

Zen

積分: 6954

125^#

發表於 03-10-10 14:18 |只看該作者

Re: 買左個新焗爐,點用呢?

Dau 寫道:

zen,
請問muffin中的牛奶是三花淡奶定係普通鮮奶呢?tks!另外我之前買落左一d muffin模,係一層錫紙模,一層紙模,咁我應該每次放哂兩個定係只放紙果個就得呢? 另外再同你報報料昨日在log-on見到應該係blythemia用的電子磅仍然係賣$190,juso同uny同款就要$199!

Dau

我係用鮮奶的．妳有冇買到不粘既muffin pan?我唔係太清楚妳講個ｄ係乜野模，但紙模如果無講明係入爐紙模，就唔可以焗的，會燶及燒穿的．muffin既麵糊都幾重身，鍚紙模如果唔夠堅硬，我怕入爐時會倒瀉．

另多謝妳的報料，我明天一定要去買啦！

~~~~~~~~~~~~~~~~~~~~

私人傳訊

積分: 4462

126^#

發表於 03-10-10 15:01 |只看該作者

Re: 買左個新焗爐,點用呢?

Dau 寫道:
請問cookie果到你話"..用膠刮刀切拌,半混合就可以"係咪即係用膠刮刀求其lo下就得,跟住再加朱古力碎完全混合是否都係用刮刀lo?另外如果我有曲奇模,呢隻cookie係味用唔著呢?

半混合既意思係唔駛搞到粉團完全混合,可以睇到重有d粉既痕跡,如果呢步驟就已經勻哂,下一步落朱古力再搞就會搞得太多(係呀, 一直都係用膠刮刀).呢隻係自由形狀既曲奇,佢係焗爐受熱後會塌低小小,呈不規則既圓形,唔似要造型個種,你個d曲奇模可以留番做個d要用棍碌個種曲奇.(我都有交通工具同樹葉既曲奇模,做出來好鬼靚),小朋友就最鍾意架啦.

打蛋器攪麵粉個兩棒我從來冇用過,做蛋糕應該唔係太需要,朋友就話攪麵粉團又唔係太夠力,所以都冇用.如果你覺得兩個型號差不多,就揀個馬力強d架啦.重可以試下開起來會唔會太嘈.我有朋友仔仔好怕打蛋器開動既聲,聽到會喊添 :-P

你講個種錫紙杯我都有用過,不過係做mini muffin.我當時好疑惑應該兩個一齊用定係分開用.試過之後發現兩個疊埋比較理想,因為紙o個個好薄,焗完之後d牛油沁到個紙杯透哂,唔靚又唔方便.Zen 話齋,麵糊都幾重,如果唔係用專用既muffin紙杯而係用普通蛋糕紙杯(狗牙邊薄薄地個d),就一定要有muffin tray托底,如果唔係會變哂型.唔靚仔架啦

私人傳訊

ydoris

公爵府

積分: 26202

2024年龍年勳章 2023年兔年勳章

127^#

發表於 03-10-10 15:22 |只看該作者

Re: 買左個新焗爐,點用呢?

請問成日都見要預熱個爐,其實點做架?我真係新手,咩都吾知.例如預熱180度,咁係未較到180度,幾多分鐘先得?個爐夠熱我見d發熱管會熄,咁係未要將個時間制順時針較番去零個度關機.才算預熱完畢呀?
另我見有d曲奇是唧的,但我見有好多花的咀賣,咁要買邊個花先係呀??同埋做muffin的模點樣架?我以為用紙tim.係未好似蛋撻個d咁,拿出來放係個紙度架...

私人傳訊

Zen

積分: 6954

128^#

發表於 03-10-10 15:55 |只看該作者

Re: 買左個新焗爐,點用呢?

尼個就係muffin pan，可以直接倒麵糊入去，亦可以鋪入爐紙杯才放麵糊，咁樣就放便取出

http://www.chanchikee.com/wanchai.htm

另外有ｄ可以直接入爐既紙杯，夠硬身，唔使用muffin pan都得

http://www.twinsco.com/frmpdt.htm

尼個就係制餅機，用黎唧ｄ cookie型狀出黎

http://www.wingonet.com/product/product_detail.php?lang=ch&prod_id=290

預熱焗爐即係放食物入去之前先開著焗爐，達到需要溫度之後，無需關焗，直接將制品放入爐焗

~~~~~~~~~~~~~~~~~~~~

私人傳訊

Dau

積分: 2106

129^#

發表於 03-10-10 16:35 |只看該作者

Re: 買左個新焗爐,點用呢?

Blythemia,
係呀係呀!我就係買左你講呢種模,有兩層,咁我一於放哂兩層在個muffin pan上面,實萬無一失!

請問muffin糊是否用匙羮倒在模上便可?or要用唧袋?同埋要放幾分滿呢?tks!我買左果個cookie模$29有6個,有樹,狗仔,星星,心型(1大1小)同duck duck,都好得意,所以好想玩下呀!
我聽日一於去jusco買個$190但馬力較強的打蛋器先!好多謝你成日幫我解疑難呀!

zen,
我昨日在log-on買了muffin pan,牌子係dr. cake,有d日文在上面,但唔知係咁made in japan呢?! :-P 希望係啦,因為佢冇寫!係同你上面陳枝記果個大d 6個裝果個差唔多,只係$45,好似都幾抵!咁我一於去買定料先!明天開工整muffin & cookie!但請問牛奶半杯係大約幾多?因為隻隻杯唔同,好難預啊!係呢度又好多謝你成日幫我解疑難呀!

私人傳訊

Zen

積分: 6954

130^#

發表於 03-10-10 17:04 |只看該作者

Re: 買左個新焗爐,點用呢?

Dau

如果妳有muffin pan，就唔使放鍚紙杯啦，係量杯半杯，用雪糕匙”不”出黎最放便，放８分滿就得啦．$45係貴過陳枝記少少啦，不過最緊要就腳，車錢都係返度啦．唔好客氣啦，大家交換下經驗ｏ者，我都係新手黎架咋．

~~~~~~~~~~~~~~~~~~~~

私人傳訊

積分: 4462

131^#

發表於 03-10-10 17:08 |只看該作者

Re: 買左個新焗爐,點用呢?

Dau,

唔好客氣.將麵糊放落杯時,只要用兩隻大匙舀落去就得,唔駛用唧筒.大概放七分滿就ok.如果你要做曲奇模個種,就要用第二種食譜,d麵團係要放入雪櫃一至三個鐘頭等佢變穩定至可以cut模架.呢種麵團重可以用來做雜果批之類既批底添.

私人傳訊

Dau

積分: 2106

132^#

發表於 03-10-11 11:21 |只看該作者

Re: 買左個新焗爐,點用呢?

唔好意思呀!我問題c9又有問題啦! :-P
請問可可粉是否去買一般沖熱朱古力果d就得呢?同埋面粉棒大家知唔知邊樹買抵呢?tks!

私人傳訊

積分: 4462

133^#

發表於 03-10-11 11:50 |只看該作者

Re: 買左個新焗爐,點用呢?

Dau,

做蛋糕既朱古力同可可粉都唔係普通既零食朱古力同朱古力奶粉.係超市裏面,佢地會放係做餅材料附近而唔會放係零食即沖飲品個邊.可可粉都唔平,不過有排用,因為每次落既份量唔會太多.

一般百佳惠康會賣吉百利Cadbury's,金鐘既Great 有Hersley, Citysuper同Uny就會有Van Hauten.後兩隻我都用過,覺得Van Hauten 香d同埋幼細d.如果你去開吉之島可以去超市睇下,多數會有.

你所講既麵粉棒係咪即扞麵棍?

私人傳訊

Dau

積分: 2106

134^#

發表於 03-10-11 11:56 |只看該作者

Re: 買左個新焗爐,點用呢?

Blythemia,
咁唔知jusco有冇Van Hauten呢,希望有啦!等我陣間搵下先,tks!!

我係想買用來look面粉團,用來做cookie果種棒,唔知你明唔明我講咩呢? :-P sorry,我表達能差小小!

私人傳訊

積分: 4462

135^#

發表於 03-10-11 21:30 |只看該作者

Re: 買左個新焗爐,點用呢?

Dau,

哦,你係講個枝扞麵棍,我知價錢出入可以好大,Citysuper有支雲石造添,好似近百元,我自己個支係木造,係崇光十蚊店買既,唔算特別好用,勝在夠平.吉之島十蚊店都有得買.

私人傳訊

Dau

積分: 2106

136^#

發表於 03-10-12 00:56 |只看該作者

Re: 買左個新焗爐,點用呢?

hi all,今日好開心呀,做左成晚呀茂,總算好有成績呀!老公都話好好食,muffin好鬆,剛剛好,cookie好脆,忍唔住要影d相留念,係我第一次整muffin同cookie啊,好有紀念價值

第一次都唔算太樣衰! :-P

zen教的cookie,我做原味,落左呍呢嗱油.

zen教的muffin,好味!

blythemia教的mrs. field's cookie,好香ga!

大合照

好滿足呀!

私人傳訊

積分: 4462

137^#

發表於 03-10-12 10:32 |只看該作者

Re: 買左個新焗爐,點用呢?

Dau,

你好掂呀!我個女見到mark大個口要食添.

私人傳訊

siupak01

積分: 2358

138^#

發表於 03-10-12 14:02 |只看該作者

Re: 買左個新焗爐,點用呢?

Dau,

嘩!睇到我流晒口水呀!你整得好靚呀!我前晚都整左d牛油cookies,不過,只係用唧花頭整出來,所以,個賣相吾夠給引,睇怕要買d cookies模先!

請問大家除左陳枝記(香港區太遠,不就腳),仲可以去邊度買呢?當然希望不要太貴啦!(可以的話). Thank You!

私人傳訊

ydoris

公爵府

積分: 26202

2024年龍年勳章 2023年兔年勳章

139^#

發表於 03-10-13 09:17 |只看該作者

Re: 買左個新焗爐,點用呢?

嘩,d cookies 真係好靚呀,我重未買齊工具呀,未買磅同糖粉,去我附近的supermarket無得賣糖粉,所以要下星期先至可以整啦.你地講d模係邊度買架,灣仔陳枝記有無呀,我係灣仔返工,lunch可以去買wor.吉之島比較貴,我$20先買左4個.同埋點睇邊d cookie 係用模去做架?我比教鍾意呢種cookies,小朋友會勁鍾意啦.

私人傳訊

Zen