香港18區媽媽會 今日: 1 | 主題: 156995

積分: 955

121^#

發表於 07-5-7 17:17 |只看該作者

Re: 07年度入讀士德荊冕堂既朋友仔入來傾下啦

今天問過教務處職員,她說不會有家長會講解,但遲些會再有通告講解各項安排,又會有親子遊戲週,相信到時會講明每月學費收多少,何時交學券等,總之不會多於學券制所訂的限額.

有關校服方面,如今個星期不到學校購買,便要自行到校服店(聽唔清是金倫還是金龍)購買.學校說是星期一,三,五穿校服,星期二,四著運動衫,加上距離開學還有三個半月,唔知囡囡會長高多少,可能冇幾耐又要再買過,所以我暫時只會各買一套,冷衫則會比現時的衣服買大一個碼.

私人傳訊

cy-121

積分: 1521

122^#

發表於 07-5-7 20:04 |只看該作者

Re: 07年度入讀士德荊冕堂既朋友仔入來傾下啦

我都係各買了一套, 冷衫買大一些。
運動衫我個囡選了暗紅色

Meira's Blog

『耶和華是我的牧者, 我必不至缺乏。』

私人傳訊

idj

複式洋房

積分: 339

123^#

發表於 07-5-7 23:59 |只看該作者

Re: 07年度入讀士德荊冕堂既朋友仔入來傾下啦

ahboo,

校服店名係叫「金綸」，店於太子道西（火車橋側，近花墟）。

你係唔係今日playgroup完結後到校務處詢問架？可能我地見過面。

私人傳訊

積分: 955

124^#

發表於 07-5-8 00:40 |只看該作者

Re: 07年度入讀士德荊冕堂既朋友仔入來傾下啦

Hi, idj,

係呀,是否由你親自帶小朋友上pg架?如果係,我地一定見過面,你的寶寶是男是女?相信將來還會有很多見面機會,請多多指教

另外,唔知你是否知道今天的英文老師Mr David是代替Mr Dale的新老師還是part time呢?唔知囡囡將來是否由他教英文?

私人傳訊

積分: 3548

125^#

發表於 07-5-8 10:16 |只看該作者

Re: 07年度入讀士德荊冕堂既朋友仔入來傾下啦

all,
我買左兩套校服同運動服, 兩個size, 一套just fit, 另一套就大一個碼, 冷衫就only買左一件, 我想問下你地知唔知使唔使買黑/白鞋返學呢?
另, 我問過關於自動轉帳一事, 其實我都想每個月自己比, 但係佢地話一定要做, 我問如果冇呢兩間bank的點算, 佢地就話要問下可唔可以用第二間bank 的...但結果我都做左HSBC的autopay... :lol:

ahboo,
hi! 我諗我尋日見到果個女仔係你個女la! 因為你個女同我個仔講佢叫ahboo....haha~~（我個仔就係著住叮噹衫果個

）

私人傳訊

積分: 955

126^#

發表於 07-5-8 10:49 |只看該作者

Re: 07年度入讀士德荊冕堂既朋友仔入來傾下啦

Hi, rabbit_chan2222,

幸會幸會! 我也估不到囡囡會同人講佢叫ahboo,因為佢比較少這樣稱呼自己.屋企人成日話囡囡好似電影<怪獸公司>個女仔ahboo,囡囡細個果陣又成日睇這套電影,所以我才以ahboo為名.

我也忘了問鞋襪的要求,星期五再問過

私人傳訊

積分: 3548

127^#

發表於 07-5-8 11:04 |只看該作者

Re: 07年度入讀士德荊冕堂既朋友仔入來傾下啦

ahboo,
你尋日係咪同老公同個女去架? 你個女係咪著住粉紅色裙仔?
校務處咪問你個女英文名ge? 我都聽到你老公話就叫boo...可能你個女都聽到la, 所以佢咁講, 我個仔唔知點解話比你囡囡聽自己叫susan, 攪到你囡囡都咁叫佢, 比佢笑C我ar...

P.S. 你囡囡個樣真係有幾分似怪獸公司的阿boo..

私人傳訊

積分: 955

128^#

發表於 07-5-8 11:28 |只看該作者

Re: 07年度入讀士德荊冕堂既朋友仔入來傾下啦

rabbit_chan2222,

咁啱有人叫阿boo添,我諗你係遇到另一pair家長,噚日是我自己帶囡囡去的,我個女不是穿粉紅色的那個小朋友,她是穿粉紫色的,唔緊要吖,星期五又見,趁最後一堂pg,到時打過招呼好嗎? :-P

你個仔又幾搞笑喎,介紹自己做susan,係咪屋企有人叫susan,所以佢一聽到是說英文名便這樣叫.話時話,你幫阿仔改了英文名未?我還未幫囡囡改呀!

私人傳訊

積分: 3548

129^#

發表於 07-5-8 11:38 |只看該作者

Re: 07年度入讀士德荊冕堂既朋友仔入來傾下啦

ahboo,
下...咩咁橋ar? 又有人同你個女都係叫阿boo?! 仲要係同學仔添...

佢係返上午校架...haha

我冇返pg ga, 我要返工唔得閒返ar! :lol: :lol: 希望家長會有機會見下la!

屋企冇人叫susan, 可能我個仔個名音有D似(佢叫himson) 所以佢咁講la... :lol: :lol:

私人傳訊

積分: 955

130^#

發表於 07-5-8 12:06 |只看該作者

Re: 07年度入讀士德荊冕堂既朋友仔入來傾下啦

rabbit_chan2222,

himson跟susan個音又真的很近似,唔怪得之你個囝囝會咁樣講囉.

我相信我認得你個囝囝,希望家長會有機會見 :-P

咁開學果陣既親子遊戲週,你有冇打算請假陪囝囝返學呢?

私人傳訊