自由講場今日: 179|主題: 1354213

收藏本版

發帖

返回列表

跳至頁

樓主: Eclipse_2006

醫院臨盆醫護沒空港婦自行產子 [複製鏈接]

3 4 5 67

mysonson2003

洋房

積分: 148

121^#

發表於 06-11-27 09:05 |只看該作者

Re: 醫院臨盆醫護沒空港婦自行產子

隨時一屍2命架喎, 如果胎位不正, 孕婦有高血壓, 嬰兒過大生吾出局死點算!!!!

私人傳訊

睡覺

大宅

積分: 3761

122^#

發表於 06-11-27 09:46 |只看該作者

Re: 醫院臨盆醫護沒空港婦自行產子

我都有類似經驗，又係六年前，
當時雖然未有自由行，但政府產檢果度都滿是大陸人。

我生阿仔到最後產程時(開晒喇)，d護士碰巧交更，走晒去，(人家剛好最後產程生得先走左去，仲走左去好耐)，最衰臨走前仲留低一句話﹕「無咁快架....」咁就走左去。(剩返一個坐在遠遠托住頭望著別處發呆的小護士看守)

我阿仔仲係早產一個月添架，我望住老公，話，咁即係掂？又話開晒可以生，但又話無咁快，咁要唔要用力生？點生？無咁快？咁即係可以生得未？結果等左好耐佢地先入黎(半小時以上)，見到我都未生得，才好緊張話咁耐都生唔出，個b又唔係大b，一堆助產士走晒入黎睇我，差點要鉗出來，因為最後產程用左個半小時，超出初產婦產程限定時間半小時，bb個頭仲夾左係產道差不多個半小時喇.....，佢地後來教左我點樣用腳力生，我最終也生到了，

點解唔早d入來教我生？如果我當時係好似而加咁多大陸人(其實都多，但因係千禧近年尾，要生ge都生得七七八八，所以產房當日好少人)，我阿b可能.....

仲有，去產前檢查時，d護士態度係好差，差到我想哭，後來先聽某些好人d的醫護人員講話因為佢地太忙，所以脾氣好暴躁，叫我忍耐下....

好，之但係，又有一次去產檢，未輪到聽心跳前，我在布簾內聽到個醫生同個大陸口音的孕婦講話，佢話那孕婦有高血壓，希望佢入院，但個準媽媽唔想，周旋左好耐下，但個醫生依然態度超好，個大陸孕婦話要拿貨到大陸賣.....咁個醫生問是否好好賺，嘩，個醫生咁好人，同人閒聊起來添，而且仲態度好好咁不停勸個孕婦入院，咦？咁好脾氣ge？

我心諗，發達喇，輪到我時，我想我也可以問下醫生我擔心的幾個問題喇。點知到我時，個醫生突然變得好cool，態度冷淡，我才一開口問佢問題，佢語氣已經好差，我都忍，我再問一個，佢個樣立刻變得好厭煩，又好唔耐煩咁話﹕"又乜呀？"...我最終忍不住當場哭起來，話點解佢對方才個孕婦咁好，我只係問佢兩個問題都咁對我﹗:-(

我當下的感覺就是﹕佢歧視香港人？？點解對個大陸來的孕婦咁好，對我咁ge？定係因為佢被那孕婦搞到好煩，把氣出在我身上？

咁，我唔知真正原因，但想講，個醫生成個style都唔似香港人...似大........唔知有無關。

我擔心，第時香港會愈來愈分化，香港人和大陸新移民的子女，唉........
新移民子女因為從小便受到所謂的歧視(如別人都有爸媽，他們的爸媽卻在大陸；又或從小便是領綜緩長大，自尊自信偏低)，他們的心理成長多多少少都會有問題，咁，將來他們的發展或許有四種可能性﹕

(一) 唔做野，取綜緩。
(二) 破壞治安，打家劫舍，無所不作
(三) 努力奮鬥，唔衰得俾人睇，但他日即使成功也是冷酷無情，不擇手段，不講人情，因為本身心中充滿憤恨，。如遇到被"看扁"，就好似徐..........
(四) 一個正常人 (但case可能不多)

咁，其實都唔關li班細路事，唔係佢地想要選擇在香港出世，要怪就怪他們父母的自私..... 怪大陸和香港政府的"自私":cry: [quote]
hakkantai 寫道:
6年前我生大仔個時都已經係咁,助產士入

誰會直率地說出所認識的真實？有所認識的少數人，愚蠢地不隱蔽自己充實的心，向愚民們說明他們的感情和見識，他們總是被人磔死或燒死。歌德 <<浮士德>>入來做下test，不同的人對事情有不同的看法和感受﹗

私人傳訊