夫婦情感 今日: 4 | 主題: 42777

積分: 30295

121^#

發表於 07-2-14 01:59 |只看該作者

Re: 我唔想再同99住,我好想搬,但會不孝嗎

小麵麵,
唔怪得今日見幾個topic妳都浦頭啦~ 原來囝囝早左訓~~ 係咪好爽呢~~ 哈哈~~

今日超攰啊~~ 今日12點起身, 一起身就洗窗簾, 跟住就抹窗, 原來抹窗真係一件好攰好攰既事, 好彩之前買左支玻璃水, 噴幾下, 再用廚紙抹就好靚好乾淨, 不過屋企多窗, 我隻手又短, 唔夠手長呀~~
跟住就抹神檯, 換香爐灰, 洗衫, 掠窗簾, 同老公出去食飯, 再去買d濕星野, 唱左錢入利是, 再去攞中藥, 返到屋企已經4點幾5點, 拿拿聲貼揮春(要日頭貼, 夜晚唔係咁好), 一貼就貼到7點幾, 因為我地要meet左之前果d, 最衰之前果d用雙面膠紙貼, 剷到我地死!! 跟住仲要抹好晒d門, 先好貼揮春, 貼好晒就抹鏡, 抹櫃門d玻璃, 又係搞左好耐, 結果整完晒就已經8點幾9點, 拿拿聲出去買野食返黎食, 食完仲要換床單掛返好d窗簾, 洗埋d衫(係呀, 冇睇錯, 我呢幾日每日都洗好多機衫...... 都唔知d衫點黎, 洗極都仲有!!), 到而家先可以坐底係部pc前面打返幾隻字咋~~

真係好彩, 今年老公學校提早左成個week放假, 如果唔係得我一個, 做到死都做唔完呀~~ 一定又會好似上年咁, 做到年卅晚半夜4點仲係度掃地抹地抹塵...... 希望今年唔洗啦~~

哈哈, 妳平時都想食嗎? 下次我整完之後比底妳丫~~ 我過左年得閒d應該會再整, 到時候約妳出黎high 下 tea, 唔洗屈係屋企咁慘丫麻~~

妳老公又係做百x? 我老豆都係喎~~ 不過係part time, 而家已經冇做lu, 我地幾姊弟叫佢唔好做既, 因為對佢黎講真係幾辛苦架, 我唔反對佢退休後再搵工做, 但唔好係而家囉, 因為佢份正職仲未退休架, 每日都返2份, 仲要冇雷公咁遠, 鐵打都捱唔住啦, 我仲想孝順佢多好多年架!!!
不過我媽子而家就係百x做, 做全職, 老豆介紹既, 錢唔多, 不過媽子話搵少少ok架啦, 而且呢個位又真係幾得閒, 唔辛苦~~ 哈哈~~

話妳聽, 我全家除左我妹, 個個都做過百x架~~

我老公都係我既支柱, 萬一touchwood佢有咩事, 我幫佢搞掂晒之後d野就會跟埋佢去架啦!! 我無法忍受一個冇左佢既世界......
有一日我起身, 搵勻成屋都唔見佢, 我急同驚到喊左出黎, 後尾先記得佢尋日講過佢要補課!! 雖然係虛驚一場, 但係我就知道, 幾年既同居生活, 並無將我對佢既愛轉化成感情or親情, 而係變成一種極為依戀既愛情!!!

我真係覺得好好好好好幸運, 有一個咁愛自己既男人, 而且我唔係點樣特別出色, 我唔算靚, 我唔算叻, 我唔算身材好, 樣樣野都是是但但, 求求其其咁過日子, 偏偏就遇到一個樣樣認真, 樣樣都叻, 無論工作定學業都好厲害既人, 而且識佢果陣, 佢.... 佢身材好好架, 6舊腹肌, 高大有型, 仲識"震波"架~~ 哈哈

妳話個天對我幾好~~~

我好滿足架啦~~ 我再要求多d, 個天都唔比啦!!

靜靜雞話妳聽, 當年, 係我追佢架~~~ 咔咔咔咔~~ 如果我當年為左咩"驚持"<--唔記得左點寫>"<
今日就冇左個好男人囉~~

我媽咪都係架, 不過而家結左婚, 老公幫我比埋~~
不過如果我想早d搬, 睇怕我都係要出山, 搵返份工做下lu~~

有d唔係好捨得而家既生活添~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 6329

122^#

發表於 07-2-14 23:49 |只看該作者

Re: 我唔想再同99住,我好想搬,但會不孝嗎

小寶貝兒
囝囝早訓係好事,不過亦都會好早起身,so佢早訓既話我就要早d訓,如果唔係一大清早就會係到吵吵鬧鬧,真係想死嫁

,因為我囝囝同緊我地一間房,佢訓bb床,佢一訓晒就係床踢來踢去,佢想落地都唔得,我唔會比佢落地,因為佢會上我床打擾我訓覺,一係就話要出廳,出廳...我情原佢上我床睇vcd,佢一出廳我就煩死lo,首先我會坐係到唔知做乜好,如果佢蝦我隻dog既話,我又要鬧囝囝,佢唔聽我又要睇住隻dog,怕咬囝囝,因為試過有次已經咬到手指,好彩我睇得切咬得牙印,如果唔係手指bye bye lo :-( 我囝囝緊係咸到好可憐,不過唔洗10mins......已經唔記得痛,繼續蝦我隻dog

另一個唔出廳原因就係...囝囝一定會走出玻璃門,雖然外面有鐵門隔離外面,但係厠所,廚房,狗籠都係門同門既地方(唔知你明嗎?)so我很討厭,冬天去沖涼就慘lo,你一沖完涼穿好衫,一開門....

,你話死未

你老公就好啦,有假放,我老公就慘lo,冇法啦,佢又唔係叻人,要做d辛苦工,其實好耐之前(about 10年)百x係年初一會全線關門,比所有員工放假,之後又改左部份shop要開10個鐘,之後又改......直到今時今日年中無休

其實我真係好想鬧衰百x既最高領導人,最好登晒頭條,比人知道原來百x係一間唔好既公司

你地全家都好勁喎,百x家庭

講真做過百x先知道,出面真係可以話冇一間大財團大機構既公司差過佢,真係表面好正,其實係虎穴,入左去做,一係就快d走,一係就好難走,除非本身唔等錢開飯,冇工做都唔怕啦,如果唔係既話就....做死

今年我老公冇得同我個邊親戚拜年lo,冇假期,佢另外兩個manager就可以,因為本身返早收早,我老公係最慘又最做得多野個個,但就最蝕底......點解d老板唔懂得體諒下........

私人傳訊

積分: 30295

123^#

發表於 07-2-15 13:28 |只看該作者

Re: 我唔想再同99住,我好想搬,但會不孝嗎

小麵麵,

尋日去左海洋公園玩, 好開心~~ 不過行到腳跛, 仲要夜晚去埋維園行年宵, 唔算太逼(之前試過係逼到行唔到埋去睇野, 只能夠遠望....) 不過因為行足成日太攰, 都只係係咁e行一轉就算~~

妳隻dog幾大隻架?? 佢會唔會當左囝囝係同類, 以為咬下係玩下呢?? 都幾危險~~
我地唔會養貓同狗, 因為我老公話佢冇咁好心機照顧佢地, 而且呢個係一生既責任, 佢怕負唔起呀~~ 到時害左d貓貓狗狗就唔好啦~

係咪即係廁所廚房唔係同一間屋, 行過去要穿過露天地方??
因為我老公個麻麻住緊果度都係, 廁所廚房係另外起既, 唔係屋裡面~~ 唔知點解以前d屋要咁樣設計呢?? 會唔會係想冇咁大陣味??

唉.... 而家有邊間做零售既鋪頭唔係年中無休架.....
不過妳老公係咪比人恰啊? 做左10年都冇得放農曆年?

私人傳訊

積分: 6329

124^#

發表於 07-2-16 00:57 |只看該作者

Re: 我唔想再同99住,我好想搬,但會不孝嗎

小寶貝兒
去海洋公園玩咁正

,我未同囝囝去過呀,disney就去過兩次,我其實都想同囝囝去海洋公園,不過要好早去先得,而且車程好似太遠,我地去disney係老公駕車,so好方便,最重要唔洗入場$,泊車都唔洗

,不過我老公話唔會再去第三次,好彩兩次唔洗$,如果唔係佢唔會去第二次,因為佢覺得對佢實在太無聊,而且兩次都唔太好天,其實第二次佢唔係咁想去嫁,不過應承左囝囝乾爹同佢入去,最好笑就係兩隻死佬都話好無聊,但我之前都講過唔太好玩,乾爹話要去,我地先去,so我

講真呀,無乜童真既人係唔好去,我c6同大爺(乾爹)係冇乜童真既人,so佢地唔太like disney,我諗我唔會再有機會去lo,不過我去左兩次都好夠,真係細左d lo,如果大多一倍既話我諗我老公會去多次

我隻狗其實都唔細lo,好似7歲

,我隻狗已經好皮氣lo,次次都係比我囝囝玩都過火先發出wow.....既聲,咬佢個次就係發左聲先咬,so我每次要小心睇住囝囝,一係我叫狗仔入房,我閉門,但我囝囝會發脾氣,我真係覺得我隻dog好慘

我間屋點講好呢

...就好似學校咁,課室就係廳同房,如果想去廁所就要離開課室,轉個彎就到,唔洗穿過露天地方,你諗下,你係課室上堂好舒適,但要去廁所就行出去大風d都凍死,入左廁所都唔想行番出黎

我老公只係識做野,又唔多出聲,次次都係我話一定要放邊日邊日佢先同老細講,真係少說話多做事個種人,而我就好多說話,但都會做,不過我真係好煩個種人,好多野講,多到連我媽咪都怕怕,要叫我出少d聲,但我唔講野我會死嫁,我可以同人講好耐電話,而且唔會冇野講,so我老公都比晒我講,佢唔講,我成日問佢,<我係未好多野講好煩呀>,佢會話,<你話呢>,之後我就會話<我一直都係咁啦,識我既人都知我係問問題少女>,佢就會唔出聲,我會講多一句<我唔出聲就唔會係我lo>,佢就會話<所以我未比晒你講lo,我講多幾句你就驚lo>

其實我老公做着哩個位就真係唔湯唔水,我希望佢可以快d升多一級啦,不過升職係好講運,有d人唔洗點做就有得升,有d做到死咁就遲遲都未有得升,真係(低不成高不就)

私人傳訊

積分: 6329

125^#

發表於 07-2-16 01:01 |只看該作者

Re: 我唔想再同99住,我好想搬,但會不孝嗎

我明天又去我媽咪到喇,星期六先返監獄食飯

祝你有個快樂新年!

私人傳訊

積分: 30295

126^#

發表於 07-2-16 22:29 |只看該作者

Re: 我唔想再同99住,我好想搬,但會不孝嗎

小麵麵,
哈哈~~ 好囉~~ 又可以放監一天!!

迪迪尼我一路都冇興趣去, 真係太細啦, 我又唔鐘意迪迪尼d公仔, 去黎唔知做乜~~

唉~~ 今日超攰....
尋晚執野抹神檯(要用碌柚葉洗生果), 搞到4點幾先有得訓, 今朝早10點就被99奪命morning call吵醒, 跟住起身又執下d地方, 陣間要拜神! 跟住就上上落落來往於屋企同99屋企之間, 跟住等埋老公返就拜神, 拜完之後已經2點幾, 老公既一個學生約食飯, 咪出去食囉, 食到3點幾4點, 返到屋企放低d野就去99度幫手煮飯, 幫手呢樣果樣, 到6點幾食飯一路都冇停過, 食完飯之後執碗, 拖地, 之後先有得抖一抖, 然後又約左老公個阿頭比底蘿蔔糕比佢, 而家先返到屋企咋.... 等陣仲要抹埋last一個房既窗, 同埋洗埋抽氣扇!!
聽日只要掃地拖地同執一執間屋就ok lu~~

搞到我而家好眼訓, 好耐未試過10點半就想訓覺.....

打住咁多先, 早d做完早d抖~~

私人傳訊

積分: 6329

127^#

發表於 07-2-21 00:31 |只看該作者

Re: 我唔想再同99住,我好想搬,但會不孝嗎

小寶貝兒
新年快樂呀!祝你連生貴子!身體健康!最重要心想事成

囝囝今日病左呀,睇開既doctor未開工,去左睇第二間,嘩!勁貴,成$240,得兩支藥水,平時睇開20蚊咋,一冇公司doctot睇就破財

所以話如果老公間公司冇咁既福利就慘lo,你知喇小朋友一有病就要睇,由其我個囝囝,次次都發燒,睇遲d都驚佢燒壞腦,上次先連續睇左兩三次,佢又柯又嘔,又唔食野,真係比佢嚇死

連續忙左幾日真係好攰,我諗明天先可以抖抖,今日我都係頂硬上咋,我真係好攰lo,下次見

私人傳訊

積分: 30295

128^#

發表於 07-2-22 02:52 |只看該作者

Re: 我唔想再同99住,我好想搬,但會不孝嗎

小麵麵,

新年快樂~~
祝妳早d搬走, 囝囝健康快樂!!!
(ps, 承妳貴言啦, 希望趕得切尾班車生返個豬仔!!

)

新年d醫生都仲有開咩??? 我屋企附近好似連d 24小時果d都冇乜開喎~~~ 咁妳搵到一間開已經好好彩架啦~~ 唔係就要入急症, 新年流流真係大吉利是囉!!

係呀, 小朋友發燒真係要睇緊d, 好易燒懷腦架~

我呢幾日都係抖, 因為由年廿九開始到年初二都冇抖過, 每日訓得3粒鐘左右又要起身拜神(由年廿九開始每日都要拜神

) 之後又要擺出個笑臉黎應酬老公班親戚!
最唔like都算係對住老公舅父個2奶, 大婆遠在外國, 自己係2奶身份仲扮晒女主人, 平時阿婆有事就出現下, 扮下考順, 實情就係起勢咁質阿婆食野, 食到佢嘔返出黎, 而家阿婆入左院, 呢個2奶就好似間屋已經係佢咁, 對住我地扮晒長輩咁, 我同老公講, 第時生左BB, 一定唔會比佢抱, 掂都唔會比佢掂!! 因為我見佢抱住B女行黎行去, 仲行出馬路, 又行近D花, 明知B女有鼻敏感都唔理, 真係行出門口比人搶左B女佢就死梗勒, 咁老點生返個女比人呀?!
而家仲比佢氹到老公個舅父同舅母離婚, 我老公同我講, 即使第日佢地結左婚, 佢都唔會叫呢個女人一聲舅母, 果日我地全程當佢透明, 唔順超咪同舅父告枕頭狀囉!! 第日唔好求我老公幫佢個便宜女入中學!!! 仲好添呀, 最好以後唔洗見, 呢D咁既親戚, 見一次眼火爆一次!!!

私人傳訊

積分: 6329

129^#

發表於 07-2-25 23:02 |只看該作者

Re: 我唔想再同99住,我好想搬,但會不孝嗎

小寶貝兒
到我病喇

係我同囝囝一齊病

有好多次都係咁,佢病病下就會連我都病,真係慘 :-( 新年病就唔係咁好,有好多野都唔食得,而且又冇心情,食左d藥好想

,但又要睇住囝囝,到佢訓左我又唔想訓,總之就慘啦 :-( :-(

私人傳訊