母乳餵哺 今日: 0 | 主題: 85707

積分: 29293

126^#

發表於 07-4-1 12:12 |只看該作者

Re: 07年人奶媽媽

hi all

我都係全人奶媽媽. 囡囡25/3/07出世. 東區醫院敎我一邊一餐, 而昨天有個義工告知, 可以同一餐兩邊餵. eg, 餵左邊先, 當BB放口後, 再啜時就換另一邊. 但係咁樣, 咪會唔食清左邊. 你地係點呀???

其實我一邊一餐, 囡囡都好滿足. 可以keep到2-3小時埋身食一次. 有時因為一邊一餐, 未食那邊好脹, 我會泵出來鬆一鬆. (泵出來有2安左右). 我當儲奶.

另外, 你地的BB會唔會係半夜特別啜得耐呀??? 我囡囡連續兩晚都要啜成50-60分鐘呀???

麻煩知道我以上的問題, 告知我呀???? thanks alot

私人傳訊回覆引用

積分: 29293

127^#

發表於 07-4-1 12:15 |只看該作者

Re: 07年人奶媽媽

其實餵人奶真係幾辛苦, 真係要屋企人的支持. 不過, 我會同自己講, 人奶對BB係最好的. 點都要餵, 再辛苦都要堅持. 我相信咁樣, 慢慢家人就會接受.

私人傳訊回覆引用

杜杜

積分: 3935

128^#

發表於 07-4-1 13:33 |只看該作者

Re: 07年人奶媽媽

emeraldlam
你好丫,我都係全人奶媽媽,我個b先3個半月,餵人奶未算好有經驗,希望都可以幫到你啦。
其實一餐餵一邊已經可以了,你個初生b都可以2~3小時食一次,就等於你個b食到夠多後奶,後奶多d營養可以飽肚d,如果你夠奶的話,一餐一邊已經足夠呀。
係呀,我個b當初夜晚都要食好多同好耐架,超辛苦。但你要留意一下你個b,到十幾日人仔0個時,我0個時個b猛長期,夜晚食成2~3個鐘,仲要格1~2小時就要食,0個時我就因為唔夠訓唔夠奶要食2邊架,食完2邊都未必夠,要補奶粉。
總之你餵餵下就知幾時要餵2邊,幾時要餵1邊架啦。
加油加油~

私人傳訊回覆引用

積分: 29293

129^#

發表於 07-4-5 12:37 |只看該作者

Re: 07年人奶媽媽

杜杜
多謝你的分享. 早兩日我返健康院, 姑娘已經解答我. 佢地都話餵一邊定兩邊, 真係視乎情況而定. 幸好, 囡囡的磅重有增長...

私人傳訊回覆引用

靚靚劉太

積分: 4995

130^#

發表於 07-4-5 18:14 |只看該作者

Re: 07年人奶媽媽

我阿囝都係全人奶架, 依家3個幾月喇. 真係好開心. 不過真係估唔到餵人奶原來咁辛苦架. 我重以為呢d係天性, 係一件easy job. 點知困難重重. 初初唔夠奶, 係咁比bb啜, 啜到又損又痛, 原來姿勢唔岩. 跟住又到猛長期, 要日餵夜餵. 搞到唔夠休息, 又引發念珠菌. 好喇, 到夠奶喇, 又會有乳線塞. 塞左幾次, 重有乳線炎添. 短短呢幾個月, 真係咩辛苦野都試過. 不過, 餵下又1個星期, 餵下又1個月咁. 挨挨下就過左3個月喇. 依家向緊6個月呢個目標進發.

私人傳訊回覆引用

迪男媽媽

別墅

積分: 958

131^#

發表於 07-4-7 15:10 |只看該作者

Re: 07年人奶媽媽

hello, 大家好, 我個b係28/2出世ga, 之前一直想全人奶, 而且希望起碼餵半年, pump都買左好幾款, 點知第一個月真係好辛苦, 好遲至上奶, 而且覺得自己好少奶, 加上我已經有2個仔女, 所以好難抽時間休息, 成日都覺得餵唔夠亞b, 想放棄之際開始補下奶粉, 結果反而心情輕鬆左, 餵得順左, 依家希望即使未可以全人奶都keep住, 唔好停 :">

私人傳訊回覆引用

Mrs_Piglet

積分: 1760

132^#

發表於 07-4-17 17:20 |只看該作者

Re: 07年人奶媽媽

Harubi,

Tkx you v much for your support!!! 雖然 Jasmine重未係全人奶bb, 但係佢宜家都開始肯埋身食啦, 不過佢唔係每餐都肯埋身, but 好過無啦, 有時佢會食15mins, 有時30mins, 但係之後佢仲可以食到2oz奶粉或pump奶, 所以其實我都唔肯定佢埋身食到底有無食過, 食得飽唔飽, 我老公都有買左個nipple shield, 不過買左之後佢就肯開始埋身, anyway, 我會努力架啦, 因為重有1個月就要返工啦, 時日無多, 我要好好珍惜尼段日子

我上過你個blog, Takumi真係好肥肥白白喎, 我老公話佢個outlook 好Japanese, 成個相僕手咁

私人傳訊回覆引用

Mrs_Piglet

積分: 1760

133^#

發表於 07-4-17 17:22 |只看該作者

Re: 07年人奶媽媽

我上過你個blog, Takumi真係好肥肥白白喎, 我老公話佢個outlook 好Japanese, 成個相僕手咁

私人傳訊回覆引用

chaichai

積分: 1479

134^#

發表於 07-4-19 11:35 |只看該作者

Re: 07年人奶媽媽

hi 你地好,

我大仔飲人奶到1歲, 細女係07年1月9日出世! 我係在職mami 餵緊全人奶比囡囡! 不過我囡囡好細食, 依家只係飲緊4.5安咋! 可能佢出世輕磅(5磅3)所以細食啦! 2個月已經有12磅1喇! 依家3個月多d唔知有幾多磅呢!

我想問下你地餵人奶瘦到身未? 唔知係咪年紀大又第2胎呢, 呢胎無上胎瘦得咁快! 上胎6個月時已經瘦番未有bb前既磅數喇! 呢胎就仲有22磅未減到! 好煩呢!

私人傳訊回覆引用

jessica_mei

積分: 4794

135^#

發表於 07-4-19 12:52 |只看該作者

Re: 07年人奶媽媽

hi! 我大女十歲，細女１月１２日出世，我係餵緊全人奶比囡囡，仲要係埋身餵，所以唔知佢食到幾多，每餐１５至３０分鐘左右，我諗住餵到６個月，但我驚佢到時唔肯轉奶樽，有咩辨法呢？

　　　　　　　　　　　　　　　　可能生第二個，我而家都仲有十幾磅未減到，不過餵完人奶之後，我會努力減磅架喇！　　

　　　　　　　各位姊妹努力呀！　

私人傳訊回覆引用

Tancred

洋房

積分: 85

136^#

發表於 07-4-19 16:19 |只看該作者

Re: 07年人奶媽媽

我BB1月21日出世, 而家3個月啦! 99%人奶, 只係返工之後泵唔夠, 要補一餐奶粉. 總之我同BB一齊就一定埋身餵!

呢條人奶路真係唔易行, 我之前到母嬰健康院做產前檢查, 已經決定要餵人奶, 上晒堂, 但係都唔知餵人奶會有咁多難關!

第一關: 初初開刀之後4日至落得床, 唔可以一開始俾BB啜, BB食

私人傳訊回覆引用

carchu12

積分: 2871

137^#

發表於 07-4-21 01:13 |只看該作者

Re: 07年人奶媽媽

我係全泵媽媽，我亞囡係3月出世，剛滿月，去完磅重後總算有些安慰，由3.1kg上到4.25kg，即時已忘記了這個月的艱苦。大家要努力，我們的每一滴奶都包含了我們的"血或汗"。姐妹們，加油!!!!!!!

****未經本人許可, 不得轉載****

私人傳訊回覆引用

kwanaty

別墅

積分: 953

138^#

發表於 07-4-21 17:29 |只看該作者

Re: 07年人奶媽媽

大家好呀, 我剛榮升奶媽, 但講真人奶媽媽真係唔易做... 好大壓力~~ 我都想同大家分享下~~

我小b(仔)都係3月出世, 出世唔算重3.28kg, 滿月去健康院打針時只有4.67kg, 當時我自以為重得ok, 但回家給99說bb細粒, 好唔開心... 言下之意我湊到佢個孫"un挑鬼命"~~勁down

當晚仲問我夠唔夠奶俾bb飲, 我即時就話一定夠, 因為我so far都係全人奶, 屋企連奶粉都無買過, bb成個月都叫做有重過, 姑娘同e生話重成1kg有多己經好ok, 但係99都係咁話佢細粒... 我真係好唔開心... 個仔係我既,佢如果真係太瘦唔通我會唔緊張過佢??

但我話夠奶之後佢仲繼續講,話唔夠奶既去買罐奶粉(已經唔止一次兩次咁講)~~都未講完我已經一口拒絕話我係唔會餵奶粉... 跟住佢先無野講..

如果我真係無奶出, 補奶粉都不為過, 但我覺得唔高興既係, 我又唔係無, 又唔係唔夠, 我對bb好我先至全埋身餵人奶, 如果唔係我個仔我先唔會攞苦黎辛, 你估餵人奶輕鬆咩?

之後我返入房同小b講, 你以後幾個月時間都只會飲我既奶, 就算要食固體, 都係照飲人奶, o係我照顧你既時間裡面你唔會知道奶粉係咩味....

不過, 雖然餵人奶辛苦, 但係我覺得最辛苦既係屋企人唔支持... 好彩老公話小b重得幾好, 都係個小肥仔... 如果唔係壓力仲大, 反而真係無奶出咯

私人傳訊回覆引用

carchu12

積分: 2871

139^#

發表於 07-4-21 20:46 |只看該作者

Re: 07年人奶媽媽

kwanaty:
我同你都係3月b，大家要加油呀﹗
其他人講甚麼都唔好在意，最重要係亞b無投訴就得啦﹗夠與唔夠只有亞b呢個老細才知，所以你亦無需太過唔開心，努力做好我們份工就得啦(direct report to BB)﹗你不如當佢太關心bb咪得囉。
加油呀﹗
:-P

****未經本人許可, 不得轉載****

私人傳訊回覆引用