又到我機場在真team分享後記既時後啦!
首先我地琴日一心去機場接我地既真兒，我地去到機場Ａ大堂發覺冇乜fans，只見到幾個AOA既男飯，同時又見到上次車洪基個司機同翻譯姐姐，而且仲見到FNC啲工作人員，咁心諗實係呢度等就冇錯....
當我地掛住傾計之間，發現司機哥哥同翻譯姐姐唔知幾時閃左，加上等左咁耐都唔見李在真出黎，心知覺得有啲唔對勁，但我地見到FNC啲工作人員仲喺度，而且我地有順風耳既姊妹仲聽到FNC啲工作人員話仲有70件行李仲未出，就唯有跟住佢地繼續等....直至FNC啲人都出左閘都唔見我地個在真，就知道肯定出事了，加上我地司機打比我話在真已經走左，我地又要9秒9跑返上車去追趕李在真.... 真係跑都氣都咳!
係返酒店既路上，我地只見到AOA/ Nflying既旅遊巴，但就一直唔見在真架車，
後來酒店team話比我地知，在真已經返到酒店了，可惜我地遲左
我地到酒店坐低冇耐，就見到AOA/ Nflying到酒店，因為我對佢地0興趣，所以都冇乜去望佢地...就繼續坐低飲野....
飲到咁上下，人有三急去厠所，去完厠所返黎，我地眼利既在真team姊妹就好似見到一個金毛仔懷疑係星既物體係電梯步山，由於我地係今日係一心捕捉在真，知道呢隻一定唔係在真，就同洪基team姊妹講，好似有星出去喎，點知洪基team姊妹仲話邊個黎，係咪Nflying...結果冇理會繼續飲野....
點知隔一陣我地收到消息，雞已經上左星車出左去，原來個金毛物體真係我地隻雞，由於佢變左髮，大家驟眼睇唔認得
結果我地好後知後覺既洪基team又要再次出動....
但由於我地在真team，未見在真出黎，我地唯有繼續留守酒店。
待續。。
發表於 
返回列表
