原帖由 小路 於 11-1-23 10:06 發表 
MC，你亞娘咁架！真係無野好講，個人都唔舒服仲喪打黎，只係為D咁小既事！都唔分輕重，仲要話唔打黎無野同人講！呢D野有咩好講呀！真係好人好姐都激壞呀！你都唔好咁上心！呻完就算，等身體好番先同佢地食飯啦！有心食幾時食又有乜所謂！佢都唔 ...
比大魚腸炳完之後, 呢兩日冇再打黎啦, 不過今日星期日, 佢唔駛幫我妹睇小朋友, 今晚一定又話冇人同佢食飯, 要過黎攪攪陣!! 仲有就係次次上親黎, 一定買勁多生果, 唔貴唔買個隻, (上次買左8個恐龍蛋, 成8蚊一隻, 結果擺到爛晒都未食, 因為我食唔到, 其他人又冇去拎黎食), 我好肉痛, 話我姑寒都係咁話, 佢就話：爛左咪劈左佢囉, 幾唔閒!!(佢最鍾意係佢D朋友面前SHOW 野, 買野去我屋企, 咪又得講囉!!)
我姑9係老實人, 又係好慳個隻, 大姨婆上親黎就SHOW 野比佢睇, 又話件衫買左2千幾, 又話唔食隔夜餸, 上黎食飯會吩咐我地煮乜餸先岩佢胃口, 我姑9 就唯唯諾諾, 佢講乜就聽乜, 仲叫我要聽婆婆講野, 要尊重老人家喎, 我真係比佢地兩個激到彈彈下!! 我知大姨婆D性格, 成日用錢去衡量野,貴既就一定好, 一聽見係CHEAP 野, 掂都唔掂。
好多時, 佢SHOW 野我都冇理佢(係唔想理),佢就話我：成個你死鬼老豆咁, 十問9唔應!! 我應乜野唧? 跟本我就唔認同佢D洗錢方法, 好似幾十萬未開頭咁, 事實上佢又唔係有錢喎, 不過我D 妹會成日比錢佢, 盡量滿足佢!!
我好人好姐, 真係唔介意攪去邊度食, 我係大女, 唔去大姨婆果度, 好自然黎我呢度, 我都鍾意熱鬧, 不過家陣攪成咁, 真係冇心機再去理其他。
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
D 人打電話比我, 我都冇心機講
。 大姨婆成日打黎, 我姑9話我唔舒服, 聽唔到電話, 大姨婆就話打到我聽為止。咁夜晚我叫大魚腸打比大姨婆, 睇下有乜咁緊要, 大姨婆第一句唔係問我病成點, 係問30號點呀? 大魚腸平時對佢都好恭敬, 果晚火都黎埋, 
話：佢家陣都病到死死下, 已經煩到嘔, 仲邊有心機去諗30號點? 大姨婆聽到之後梗係唔LIKE 啦, 又係樹發爛左, 又話全世界人就我, 去我個度, 家陣又話唔知到時點?
當還完架啦!!
發表於 
我仲以為係大姨婆個99添。。。
返回列表
