自由講場今日: 268|主題: 1367695

收藏本版

發帖

返回列表

跳至頁

樓主: sandylaw

★自由講場國際學校★ ~ 返學..上堂..答問題之中六下學期 [複製鏈接]

69 707172 73...158

wendykaka

翡翠宮

積分: 91289

好媽媽勳章畀面勳章

1401^#

發表於 07-8-13 05:25 |只看該作者

鋼牙女友校內犯眾憎
憑住一雙巧手可以演奏出色音樂嘅「中國鋼牙」，佢大部份時間都喺世界各地巡迴表演。中國鋼牙早排以優秀人才身份攞咗香港身份證，佢當然可以隨時隨地，有時間就黎香港，佢個「跟得女友」就冇咁方便。關仁八到中國鋼牙最近用人事關係，幫跟得女友申請入讀咗「星訓書院」，跟得女友就可以用學生身份留港，中國鋼牙一得閒就飛返黎同佢短敘。
跟得女友因為係靠人事入學，令到好多打崩頭先入到學嘅同學好唔順氣，加上跟得女友恃住男友係名人，態度囂張，所以喺校內都好鬼乞人憎。

私人傳訊

wendykaka

翡翠宮

積分: 91289

好媽媽勳章畀面勳章

1402^#

發表於 07-8-13 05:28 |只看該作者

整容細妹失寵累男友
整容姐妹花嘅「整容細妹」同「可憐小生」拍拖都唔短日子，不過佢兩個近來嘅際遇就真係差天共地，整容細妹得罪咗老闆大鑼，所以依家公司全力力捧出碟嘅「慘情女歌手」，唔多理佢，連三色台都因為咁即時擺咗佢入雪櫃，早排嘅宣傳片頒獎禮，個女主角獎寧願畀喺三色台好少曝光嘅「水桶恩恩」都唔畀整容細妹。至於可憐小生仲仍然好得三色台高層嘅寵愛，不過佢同整容細妹一齊合作嘅電視劇，就由復活節拖到暑假都未上到，如果套劇變咗倉底貨，都係因為整容細妹拖累咗可憐小生。

私人傳訊

wendykaka

翡翠宮

積分: 91289

好媽媽勳章畀面勳章

1403^#

發表於 07-8-13 05:37 |只看該作者

搖搖、搭搭吸毒毀星途
呢排娛樂圈掀起吸毒風，有個報道仲刊登女星交易短片，因為照片打晒格，搞到大家都喺度估究竟相中人係邊個。其實藝人吸毒時有所聞，「搖搖」就係其中之一，佢尤其鍾意上台表演時，搞到自己個人飄飄浮浮咁，覺得個人 high 啲，上台表演個 feel 好好多，而同佢反咗面嘅老友「搭搭」亦都係同道中人，但因近年撈唔掂，錢唔多，於是以最平方法搞 high 自己，就係玩天拿水燒膠。關仁就覺得佢地咁搞，簡直自毀前途兼教壞人。

私人傳訊

wendykaka

翡翠宮

積分: 91289

好媽媽勳章畀面勳章

1404^#

發表於 07-8-13 05:41 |只看該作者

癲尼姐奄尖激對手
圈中好多前輩級嘅演員係好有演員道德，所以拍攝期間，佢地嘅要求特別高。聽講「癲尼姐」係表表者，話說佢早排幫「毛冷台」拍劇，佢就要求多多，除咗成日要改劇本改對白外，有一次同啱啱過檔毛冷台嘅姐仔「二索琪」做對手戲，其實二索琪份人一樣奄尖腥悶，麻麻煩煩，話說嗰場戲講佢地飲湯，好簡單嘅一場戲順利拍完，二索琪拍完就拿拿臨換衫收工，點知癲尼姐事後諗到碗湯放少咗幾粒南北杏，竟然要求重拍，立即搵劇組啲人急召二索琪返黎，為咗咁小問題，二索琪梗係唔制，自此兩女就開始唔妥。關仁聽到都覺得問題唔大，癲尼姐嘅要求似乎就吹毛求疵咗啲，都唔知佢係為咗部劇，定係為咗啖氣咯。