大仔大女媽媽會 今日: 0 | 主題: 177861

積分: 21494

好媽媽勳章

1401^#

發表於 04-9-5 16:58 |只看該作者

Re: 2004年3月半歲bb生日會

tippy,

我估'口者'喱會好鍾意食粥仔~!Trevor好攪鬼傢,如果擺佢落學行車食粥(我仲未買倒合心意既high chair >_<"),佢就唔多合作,不過如果抱住佢坐餐檯食,佢就會食晒一碗,哈...而家d細路真係人細鬼大,成日都想學大人食野!

淮山?!係咪中藥果d?我就唔會試喇...因為我唔清楚點解要俾bb食,之前又冇聽過可以放落去煲粥,所以暫時都係用d"正常d"既材料去煲喇~

丫,記起仲有可以落紅蘿蔔,等呀b有多幾隻牙仔之後仲可以切d菜粒加落去~!

各位媽咪,

想起一個問題想問問大家~
你地已經/開始計劃bb入幼稚園/幼兒園既事未呢?
呢幾日放假突然諗到呢個咁重要既問題!o向初步搜集資料後,先知道如果要俾呀仔兩歲開始番幼兒園,而家就要即刻入表!死啦,我好鬼後知後覺~!!!

§ 為左食得好又健康啲，靚太橫行廚房中… §

私人傳訊

積分: 4701

1402^#

發表於 04-9-5 18:11 |只看該作者

Re: 2004年3月半歲bb生日會

tsznok，

我奶奶話聽日煲粥比瑤瑤食，不過我想等遲小小先，如果食左粥，係唔係唔使食糊糊，跟住４餐奶呀？因為現在瑤瑤食得小，所以我仲係５餐奶，一餐糊糊，想佢食多d,仲要係３個半鐘頭就比佢食一次，我無比工人餵奶架？連奶奶我都唔比佢餵架？我呀媽就有餵，不過都好小，我多數係間房到餵，開音樂比佢聽，試過無歌聽佢唔肯食，不過今日個３餐訓左就食得好好，但次次都要拍佢訓左先食，都好鬼煩．

２歲幼兒園咁快要現在入表咩？我都唔知呀？

私人傳訊

Tippy

積分: 1329

1403^#

發表於 04-9-6 00:18 |只看該作者

Re: 2004年3月半歲bb生日會

tsznok,

你有無俾蛋黃Trevor食呀 ??
六個月大可以食得la喎, 不過蛋白好似要一歲大先食得.

私人傳訊

sammili

積分: 3841

好媽媽勳章

1404^#

發表於 04-9-6 03:57 |只看該作者

Re: 2004年3月半歲bb生日會

其實唔洗ga,我個大仔剛9月滿兩歲入幼兒園,我都係今年4,5月時幫佢報,除非你搵d好出名既名校,就可能要早小小,但都唔洗而家就要即刻入表,下年都未遲。

tsznok 寫道:
各位媽咪,

想起一個問題想問問大家~
你地已經/開始計劃bb入幼稚園/幼兒園既事未呢?
呢幾日放假突然諗到呢個咁重要既問題!o向初步搜集資料後,先知道如果要俾呀仔兩歲開始番幼兒園,而家就要即刻入表!死啦,我好鬼後知後覺~!!!

私人傳訊

cherry_min

積分: 2769

1405^#

發表於 04-9-6 09:34 |只看該作者

Re: 2004年3月半歲bb生日會

BoBo1,

你有無比d果蓉瑤瑤試下呀, 昨日我比d景恒試食, 佢食得好開心, 食左大概10匙羹, 之後開奶比佢飲, 佢飲左成6安半, 可能食左d新野好開心, 連帶飲奶都好d, 你試下比瑤瑤食下, 睇下佢對呢種果蓉有沒有興趣.

私人傳訊

kityi39

別墅

積分: 647

1406^#

發表於 04-9-6 11:12 |只看該作者

Re: 2004年3月半歲bb生日會

各位媽媽:
我囡囡食左2日粥仔,
落左d 廋肉入去煲,
第一日吾太肯食, 覺得好怪咁!
第二日肯食, 但食到半碗啦! 好過無啦!
聽我表姐講, 可以放木瓜, 都好有益 ga!

私人傳訊

積分: 4701

1407^#

發表於 04-9-6 14:49 |只看該作者

Re: 2004年3月半歲bb生日會

cherry_min ,

你係比咩果蓉景恆食呀？我比過香蕉同apple，自己用匙羹整的．

私人傳訊

cherry_min

積分: 2769

1408^#

發表於 04-9-6 15:03 |只看該作者

Re: 2004年3月半歲bb生日會

BoBo1,

我唔係自己整架, 係有一隻叫亨X牌子的果蓉, 係什果味那種, 我試左覺得唔係太甜, D味又幾好,咪試下囉, 估唔到佢食左之後, 胃口好左, 我阿媽話佢今日食奶都好D; 一陣佢會食粥仔, 之前佢都唔係太喜歡粥仔D味, 試左四日都係麻麻地, 我媽媽話繼續試啦, 佢未習慣D味道.
所以我覺得 tsznok(Trevor囝)好叻, 第一次食就可以食一碗. 我地努力吧!!

私人傳訊

Mone

積分: 1790

1409^#

發表於 04-9-6 15:49 |只看該作者

Re: 2004年3月半歲bb生日會

BoBo & cherry,
我有個朋友, 佢有三個小朋友架啦, 佢話初初比bb 食果蓉, 最好買一樽樽己經整好果d, bb 會易消化d, 佢話自己整唔可能整到現成買果d 咁幼滑, 如果bb 初初食唔適應, 自己整果時又磨得唔夠幼細, bb 會好難消化喎!! 等bb 食多幾次, 如果佢食得ok, 先自己整會好d 架!!

BoBo,
你個簽名果度係咪想寫瑤瑤出世時有51cm 呀?? 如果佢出世時51 inches, 成四尺幾高lu 喎?!

我都想我個女己經係51 inches 高呀!! 唔知要等到幾時?

私人傳訊

積分: 4701

1410^#

發表於 04-9-6 18:04 |只看該作者

Re: 2004年3月半歲bb生日會

cherry_min ,

我都係比享x個d apple汁佢飲，每次一安汁一安水，不過飲唔哂就放係雪櫃第二日再飲，但果蓉係唔係又有食唔哂夜係雪櫃第日再食都得架？我今日都比左番薯蓉佢食，食左兩匙，佢都肯食，我明天去買果蓉比佢試下先，thank you!!

各位，

我想問係地覺得買米糊好定奶糊好呀？

你地用幾多奶或水去開呀？落幾多匙糊糊．

mone,

我打錯左呀？等一陣改番．

私人傳訊

kityi39

別墅

積分: 647

1411^#

發表於 04-9-6 18:55 |只看該作者

Re: 2004年3月半歲bb生日會

BoBo,
見到你囡囡張新相, 很可愛!

我通常比米糊我個囡囡食, 米糊只會加水,
我也沒有去計要落幾多匙糊? 落幾多匙水?
我想看落去不要太稀, 不要太傑, 都會ok!
我都要請教其他媽咪, Thank U
:lol: !

私人傳訊

積分: 4701

1412^#

發表於 04-9-6 20:14 |只看該作者

Re: 2004年3月半歲bb生日會

kityi39 ，

我瑤瑤睇張就好似好肥，其實佢真人好廋架？我都覺得我囡囡好可愛，同我細個個樣一模一樣，所以我好鬼開心，等遲d我post我細個張相比大家睇下啦？

我問個姑娘，如果只係食米糊唔用奶去溝會無咁多營樣架？有奶就會飽肚d.

私人傳訊

prettyenen

積分: 1114

1413^#

發表於 04-9-6 20:50 |只看該作者

Re: 2004年3月半歲bb生日會

我個BB依兩日已經肯食糊糊了

雖然整到周圍都係，但都食到三分一碗（大人碗），依家每早食一餐

口岩口岩整著D南瓜容（係本書上睇過，話南瓜容係第一樣可以俾BB食的食物）俾佢食，佢食得好開心啊，可能係甜甜口地。希望食著會有大大，佢要三四日先有一次，真麻煩！

私人傳訊

積分: 21494

好媽媽勳章

1414^#

發表於 04-9-6 22:58 |只看該作者

Re: 2004年3月半歲bb生日會

今日好忙...

上午帶呀仔去健康院打針,呀仔冇喊,好叻仔!除左打針之外,原來健康院既姑娘會幫六個月大既bb做少少智能測驗:
1. 俾一件搖鈴玩具bb拎住,觀察佢手握物件既能力,以及識唔識得將物件左手交右手,vice verse.
2. 要媽媽扶好bb企直,睇下佢既頭仔係咪可以有力抬起
3. 問媽媽平日bb識唔識得跟聲源轉頭去望
4. 問媽媽有冇見bb有邪視/鬥雞眼既情況
5. 要bb獨自坐好,觀察佢既腰夠唔夠力
***如果bb今次唔能夠通過坐定定呢個測試,就要o向九個月大再番健康院檢查***
Trevor所有test都通過,所以下次番健康院就係一歲既時候喇...
另外姑娘亦提到轉食粥仔&2號奶粉既問題;佢話如果bb食粥,要餵埋d煲粥料先夠營養,所以最好就係餵魚粥,而瘦肉都可以食,肉要先免治,等bb易於進食,而紅蘿蔔方面,一星期最多只可以食一次,因為會令bb面黃。2號奶粉就唔使咁快轉,最好等bb有八九個月大先轉食就最好。

到下午時,我發覺Trevor開始有d燒,仲有d咳,見佢識得吐好多啖出黎,本身以為佢只係吽牙仔有微燒,但到餵粥仔時,佢食左幾口就嘔番出黎,連岩岩飲完既橙汁都嘔晒出黎,其實佢今日食奶都幾差,最多果餐只係食五安左右,我呀媽見佢咁,就憑佢既經驗話呀b一定係喉嚨發炎(我細個時個個星期都會發燒/感冒,所以呀媽好有經驗>_<"),叫我一定要帶佢去睇醫生,反而我就擔心佢既情況係因為跌親而起...睇完個兒科醫生,佢話呀b係感冒喉嚨發炎(俾呀媽講中),仲話今次既情況只係因為病,唔關跌親既事,咁我先安心番d...不過番屋企餵藥時,見佢食"四色雪糕"(四種藥)時喊到九彩,仲將其中兩種藥嘔番出黎要再餵過,攪到我心都痛埋...唉~!

醫生話食番兩日藥就ok喇喎...d細路一瘺就會瘦,又唔肯食奶...算啦,當係幫佢減肥...真呀Q! :cry:

§ 為左食得好又健康啲，靚太橫行廚房中… §

私人傳訊

JJBB

積分: 2457

1415^#

發表於 04-9-6 23:51 |只看該作者

Re: 2004年3月半歲bb生日會

tsznok,
why你囝囝咁快做智能測驗呀? jerry仔早佢一日出世, 我上星期六去打肝炎針都冇test, 要下個月9號先做wor ?-( jerry依家21磅5安, 身高72.5. 醫生話佢合比例但超重, 所以11月要返去覆診, 如果冇改善可能要轉介去睇專科wor

bobo,
係相睇, 瑤瑤都好圓潤呀, 同jerry仔好登對呀

其實會唔會佢每日份量都足夠呢, 佢平均每日飲幾多安milk同糊 ???

tippy
我都由sunday開始俾蛋黃jerry食, 因為佢唔肯食奶糊(我用2安粉開5安米糊), 但加左1/4蛋黃之后佢好鐘意呀
:-P , 之前我用carrot 水開糊佢都好鐘意, 但健康院d姑娘話唔好食咁多驚佢黃喎, 所以改試第d

私人傳訊

積分: 21494

好媽媽勳章

1416^#

發表於 04-9-7 00:29 |只看該作者

Re: 2004年3月半歲bb生日會

JJBB,

唔知呀...健康院姑娘話要今日做埋六個月既智能測驗,之後一歲先要番去再做,仲俾左幾份catalog我,係關於牙齒護理,進食固體食物&八至一歲兒童發展。

你個仔好重份量喎~~~
我呀仔病之前磅過有廿磅,高69.5CM,不過姑娘話佢既重量仲算acceptable,算係大碼b,可能我同老公都高大,老公六呎,我五呎八九左右啦,所以呀仔都咁大份,不過今次感冒完,可能會輕番d...我相信你同你老公都係好高大。

§ 為左食得好又健康啲，靚太橫行廚房中… §

私人傳訊

kityi39

別墅

積分: 647

1417^#

發表於 04-9-7 01:36 |只看該作者

Re: 2004年3月半歲bb生日會

Bo Bo,
好呀! 等你下次 post 你 d 相比我地睇,
睇下靚囡囡似吾似靚媽咪!

Tsznok,
希望 Trevor 快 d 好返!

私人傳訊

積分: 21494

好媽媽勳章

1418^#

發表於 04-9-7 07:26 |只看該作者

Re: 2004年3月半歲bb生日會

今朝一早打電話番去俾呀媽問呀b既情況...呀媽話呀b食左d藥呆晒,奶又食得唔多,尋晚半晚叫佢起身食藥&奶時,餵餵下藥又吐番晒d藥&奶出黎,最後都只係成功餵倒退燒水,跟住呀b整晚都訓得好差,不過就叫做退左燒,只係有幾聲咳...唉,有冇媽咪既bb都曾經患過感冒呀?係咪又係會病到咁樣?我好擔心呀....

今早我都覺得喉嚨有d痛,有d好乾涸既感覺,都唔知係我野到呀b定係呀b野倒我... >________<"

§ 為左食得好又健康啲，靚太橫行廚房中… §

私人傳訊

cherry_min

積分: 2769

1419^#

發表於 04-9-7 09:52 |只看該作者

Re: 2004年3月半歲bb生日會

tsznok,
近日天氣反覆無常, 小心d啦. 希Trevor囝快d好返啦! 你都要多d休息, 有唔舒服就睇醫生啦.

景恒囝昨晚由床上跌左落地, 跟住喊 :-| 他在我媽媽家中, 情況同之前Trevor 囝一樣, 我媽媽放他在大床, 以好快速的時間去取東西....景恒亦以好快速的時間轉左落地....好彩經我媽媽全身檢查, 沒有事, 頭仔無表面傷痕, 手及腳都沒有問題, pet pet都沒有明顯問題..好彩, 我已經同媽媽講留意此24小時景恒的情形, 有什麼不妥立刻通知我. 之前幾日我都提醒佢, 有其他媽咪的囝囝由床跌左落地,叫佢小心, 因現在bb一日一日長大, 今日反轉慢d, 明天可能好快.....佢同我講諗唔到佢真係轉得這麼快.

我老公話bb跌下先快d大, 我地以前咪一樣成日跌, 諗下又係. 各位媽咪,如果行開行埋, 記住放d毛氈或枕頭在床邊或地下, 以防萬一.

私人傳訊