其他親子社群 今日: 0 | 主題: 1218

積分: 8369

1401^#

發表於 05-7-9 11:11 |只看該作者

Re: 有無做傳媒工作的媽咪

綽芝媽咪：
綽芝睇那個醫生？現在出了院，但好返哂未呀？

wandy & sunmoon：
視光師話芝芝的散光是先天性問題，眼球不夠圓喎∼

如果不盡快戴眼鏡，有機會導致弱視。芝芝的散光，我敢肯定是百分百遺傳，事關我家三姐妹都有散光，我媽和幾個阿姨、舅父都係深散光的人，其中一個阿姨有弱視，近年可能年紀大，視力開始愈來愈弱，幾近盲。

私人傳訊

sunmoon

大宅

積分: 1205

1402^#

發表於 05-7-9 13:31 |只看該作者

Re: 有無做傳媒工作的媽咪

唉!我女都因為食太多荔枝搞到發燒同扁桃腺發炎，個工人又要睇醫生，真係忙死，個女死死地話要瞓，都知大鑊，瞓瞓吓面同咀都紅哂，一check之下40.9度，即刻拉佢起身浸水同食藥，好彩而家都冇咩，一粒荔枝3把火，我次次食得多都頂唔順成晚喉嚨痛，點知個女同我一樣，真係唔到你唔信，最搞笑係啲醫生死都話就算係都係荔枝有菌，不過啲糯米磁實在太吸引

綽芝媽咪,

咁kelly好番啲未呀?

yy,

以後煲湯落多啲杞子，食多啲胡蘿蔔素嘅嘢或維他命，教芝芝好好保護眼睛啦

私人傳訊

積分: 10963

1403^#

發表於 05-7-9 15:53 |只看該作者

Re: 有無做傳媒工作的媽咪

sunmoon,
咁你要好好睇住自己呀!唔係到時大吉利是連你都病就麻煩囉!不如你將holly同工人暫時安置在99度啦!

yy,
咁芝芝要盡快配帶眼鏡，唔係第日d散光加深就煩囉~

私人傳訊

積分: 8369

1404^#

發表於 05-7-9 18:17 |只看該作者

Re: 有無做傳媒工作的媽咪

sunmoon：
荔枝幾好味都好，也別吃太多呀！或者食完就飲少少鹽水，幫助下火。

holly現在好返未呀？

芝芝每星期總有兩、三餐吃紅蘿蔔，我打算買過張小童書桌給她用，現在她有時在飯桌做功課，有時在茶几做，坐勢始終不好。

wandy：
嘻∼剛才「蛇」了出去，和老公帶芝芝去配眼鏡，視光師安慰我說，只要小心保護雙眼，散光不會加深太多，反而每個人天生有少少遠視，大大下遠視會減，變成近視，到時真係要加倍小心啦！因為我老公有800度近視，我未做手術前也不弱，有500度呀！

私人傳訊

積分: 10963

1405^#

發表於 05-7-9 18:46 |只看該作者

Re: 有無做傳媒工作的媽咪

yy,
你今日都要返全日呀?睇唔出你兩公婆d近視都好勁bor!小心芝芝呀!

私人傳訊

錢綽芝媽咪

別墅

積分: 631

1406^#

發表於 05-7-9 22:41 |只看該作者

Re: 有無做傳媒工作的媽咪

各位姊妹
綽芝今日已無發燒,睇嚟休息多兩日會康復

[img align=right]DSCN0160[/img]

私人傳訊

積分: 9256

1407^#

發表於 05-7-10 23:24 |只看該作者

Re: 有無做傳媒工作的媽咪

各位媽咪,
唔好意思呀, 我部電腦short左, 上唔到網, 用我佬部電腦上到網, 不過打唔到中文, 所以一直無留言畀你地添!

綽芝媽咪,
kelly退燒就好喇, 邊個醫生咁鬼衰呀, 你地睇左佢五年, 佢都竟然拖症, 最憎d醫生拖症, 尤其拖細路仔既症, 真係五行欠

sunmoon,
holly一定係食左好多好多好多粒荔枝喇, 竟然食到扁桃腺發炎! d荔枝果然厲害! 不過我都唔好得幾多, 我食左一細杯雪糕咋, 食完已經即刻食番杯暖水架喇, 但都喉嚨痛, 之後又係發燒流鼻水, 足足又病左個幾星期, 真係撞鬼!

佢地講得啱呀, 你都係將holly同工人姐姐隔離下好呀, 事關臨生之前真係唔好病呀, 好鬼麻煩架! 我就係一個好好既例子, 我臨生之前兩日, 有班大學同學唻我屋企玩, 我記得果晚我唔知飲左佢地買上唻既菊花茶之類凍飲, 飲果陣都仲好地地既, 但當晚半夜就唻料喇, 個喉嚨開始痛, 第二朝瞓醒仲咳添, 跟住已經即刻睇醫生架喇, 但都趕唔切呀, 因為我一病, 就無可能係兩日好番的, 起碼一星期呀! 就係咁, 我就係病住唻生個女, 生完之後, 唔係即刻食補品, 而係食西葯呀救命, 仲要足足食左成三個星期先叫做好番d, 然後再食中葯清下個底, 先至可以開始補補個身子咋! 但我因為咁樣病一病, 補遲左, 而家個身體係超級勁差架, 只要食少少凍野, 我都會喉嚨痛, 咳, 流鼻水,發燒, 所以你千祈唔好搏呀, 真係將佢地隔離下好d, 等佢地好番先再親親holly啦!

yy,
你又係咁深散光架, 我都唔弱架, 我散光雖然無你咁深,但除左眼鏡, 一樣係乜鬼都睇唔到架, 直頭係要聞報紙果隻呀!

wandy,
你點呀? 身體復元得八八九九未呀? 幾時得閒出唻吹下水呀?

私人傳訊

sunmoon

大宅

積分: 1205

1408^#

發表於 05-7-11 11:25 |只看該作者

Re: 有無做傳媒工作的媽咪

多謝各位關心，我女已經冇事嘞，至於我工人佢係耳仔方面嘅問題，佢自己撩穿耳膜，成50%穿咗，搞到又發炎又流血，睇咗幾次醫生，遲啲仲要做補耳膜手術，但係而家佢仲有時頂唔順都要睇醫生，所以不怕傳染，只係又要搵人同佢睇醫生比較煩，我試過要wear the mask 同埋阿女喺emergency 同佢等睇醫生，最驚唔小心領嘢就慘嘞，好在仲有阿奶奶幫手ja，唉!工人有事，自己又大肚仲撞啱阿女又病，都咪話真係幾係架!

十月,

乜你咁大件事，咁你而定以後真係小心身子嘞!我會引以為戒架嘞，如果你第時再生咪要把握機會補番身，聽講坐月係最佳時機進補，女人嘅生理機制可以重新調整，我睇你會唔會寒底?飲多啲當歸紅棗水，平時當水飲應該都有用喎

私人傳訊

積分: 10963

1409^#

發表於 05-7-11 20:22 |只看該作者

Re: 有無做傳媒工作的媽咪

十月,
我而家好得7788啦，可以出聲講野啦!你幾時ok就call我啦!我每逢weekdays的0930-1600都ok架!

一係就約出沙田行街街啦! :mrgreen:

私人傳訊

錢綽芝媽咪

別墅

積分: 631

1410^#

發表於 05-7-11 22:43 |只看該作者

Re: 有無做傳媒工作的媽咪

sunmoon同各位姊妹
個工人咁大件事呀!小心處理,好彩有奶奶幫手,如果係我就死囉,一定無人理呀!
講真我個女入院個星期心情好唔好,個佬有一日掛住燒野食都唔睇個女,屋企人一個都無人睇個女,連工人都問我點解無人睇kelly,我反覆係度諗係咪自己問題,或都自己乞人憎搞到個女無人理,到了kelly出院後,尋日去完教會後,心情諗通了好多,我將內心的不滿同老公講,講完心情好了好多,我乜都擺係心度只同朋友講都無助解決事件,今日同佢講了佢都承認自己有錯,佢屋企人都有些錯,經過自己檢討下或許自己都有錯,故我決定去改善,不是正是每次都是埋怨,今星期六我打算去完睇恐龍骨後去搵奶奶,現在心情好了好多,難得有你地班姊妹聽我呻下,多謝你地呀 :-( :-( :-( :-( :-(
多謝你地支持! :-P :-P :-P :-P

願主祝福你們! :mrgreen: :mrgreen:

[img align=right]DSCN0160[/img]

私人傳訊

積分: 9256

1411^#

發表於 05-7-11 23:03 |只看該作者

Re: 有無做傳媒工作的媽咪

sunmoon,
其實我都有諗過架, 我都知道, 如果生多件, 今次可以坐月坐得好d的話, 我既身體會回復得快好多的, 但係生多件...唉...我自問真係...湊唔掂呀!

wandy,
我逢星期二&四下午同埋星期五朝早下午都得架, 你ok就通知我啦!

綽芝媽咪,
加油努力, 我地一定支持你架!

私人傳訊

積分: 8369

1412^#

發表於 05-7-11 23:49 |只看該作者

Re: 有無做傳媒工作的媽咪

十月：
生多個....真係唔講得笑。

你有沒有睇中醫調理下？

綽芝媽咪：
與99相處是一門好深奧的學問，我都鑽研緊。

wandy：
就算好得7788，都要take care呀！

sunmoon：

她用棉花棒「了」穿？

私人傳訊

積分: 10963

1413^#

發表於 05-7-12 12:32 |只看該作者

Re: 有無做傳媒工作的媽咪

綽芝媽,
同老公無事就好囉，飲得杯落囉!希望你一家人可以快快樂樂咁一齊生活啦!

十月,
好呀!到時我call你啦!
你唔好諗住坐月養好過自己身體，而生多一個呀!要諗清楚呀!生好易，湊就......我自己都覺得好辛苦，無論體力上or金錢上，都要用多好多架!不如學yy話齋去睇中醫調理下身體好過囉!

yy,
知道啦!我會小心d架啦!thanks!

sunmoon,
而家點呀?ok?

私人傳訊

積分: 9256

1414^#

發表於 05-7-12 14:57 |只看該作者

Re: 有無做傳媒工作的媽咪

wandy,
我當然唔會因為想養番好個身體而生多件啦, 講真, 要生多件, 唔係唔得既, 第一樣野要做既, 就係before bingo之前, 一定要搬番近阿媽, 我自問一個人響將軍澳呢邊, 湊住一個小可愛, 都仲勉強應付得到, 嘩, 痾多件喎, 我諗我個身體未養番好, 我都已經畀兩件小魔怪玩c左喇! 第二樣野要做既, 就係請個工人畀我, 咁阿媽就幫我湊件細既, 工人就幫我料理屋企家務同煮三餐我地吔, 而我就專責湊女返學放學兼教做功課上課外活動等等...你知嘛, 當我一諗起, 嘩...大熱天時, 孭住件細既, 拖住件大既, 又要去街市買餸, 又要湊返學放學, 又要教做功課, 又要帶個大既去課外活動, 不如我c左佢算喇, 真係諗下咋, 條腰骨都痛呀!

私人傳訊

sunmoon

大宅

積分: 1205

1415^#

發表於 05-7-12 16:07 |只看該作者

Re: 有無做傳媒工作的媽咪

十月，

生多件真係一啲都唔簡單，好在你阿媽幫到手，不過住近啲都好重要，請人經濟方面又有壓力，有時仲要勞氣，仲有如果老公成日都咁忙自己亦都好吃力，好似我咁剩係做司機都夠忙，所以我而家裡頭嗰件好似洗衣機成日咁郁仲勁過holly，真係好驚生出嚟之後俾2條化骨龍左右圍攻，真係好鬼恐懼，所以好認同你嘅擔心

yy,

都唔知佢用乜鬼撩穿，成50%穿咗，如果佢唔醫佢嘅聽覺可能剩番好少，遲啲要同佢做test睇吓情況如何，先安排做手術

私人傳訊

積分: 9256

1416^#

發表於 05-7-12 16:19 |只看該作者

Re: 有無做傳媒工作的媽咪

sunmoon,
嘩, 你仲要做埋司機, 好辛苦既呢! 好彩我唔識

私人傳訊

積分: 10963

1417^#

發表於 05-7-12 18:16 |只看該作者

Re: 有無做傳媒工作的媽咪

十月,
咩呀!我咪已經抑鬱緊啦，食緊精神科藥物啦!

到8月禧禧都返家姐間nursery時，我就會free好多囉!

可以去搵d course讀下呀!我諗住去讀保安員的course呀，好嗎? :mrgreen:

私人傳訊

錢綽芝媽咪

別墅

積分: 631

1418^#

發表於 05-7-12 22:46 |只看該作者

Re: 有無做傳媒工作的媽咪

WANDY
你講真的嗎?小心啲好喎!你讀保安做乜鬼呀!以後要做食蕉呀 :mrgreen: :mrgreen: :mrgreen:

sunmoon:你陀一個又發生咁多事都好辛苦,自己要保重身體呀!不要捱壞咗呀 :lol: :lol:

yy;大家努力呀!做人難做人老婆更難呀
十月:多謝你支持呀,話事話我都未見過你呀
我9月會幫綽芝開生日會,預計會係9月3日星期六下午深井或荃灣區,你地記得預時間出席呀!

[img align=right]DSCN0160[/img]

私人傳訊

積分: 9256

1419^#

發表於 05-7-12 23:52 |只看該作者

Re: 有無做傳媒工作的媽咪

綽芝媽咪,
唔駛客氣啦, 不過話時話, 雖然我唔係基督徒or天主教徒, 但係我好認同有宗教信仰的確係會令一個人響精神上有所寄托的, 如果夫婦兩人都有相同信仰, 咁就更加有幫助! 所以讀U時(我讀宗教哲學系架), 好多同學都話要搵番有相同信仰既伴侶, 佢地話咁樣溝通會好好多喎!
係喎, 上年都無出席到綽芝既生日會添, 今年預埋我同我個小可愛丫! 不過咁呀, 我呢就路盲唻架, 深井我真係唔曉得去呀, 如果荃灣就好好多喇, 起碼我識得有個愉景新城, 哈哈!

WANDY,
咁多野可以讀, 做乜要讀食蕉啫? 將來阿女返學, 我都有諗過學下野架, 不過就真係無諗過食蕉喎!

我淨係諗住學下人整餅, 學下插花, 織下冷衫之類咋, 搞乜你要揀D咁鬼辛苦既野唻讀架?????

私人傳訊