我之前咪話已經嬲左2日唔出聲既, 琴日佢地又"矮"又"西", 咁我開晒條件, 佢地都應承左!! 好左冇一日, 頭先為左一個電話, 又同霸王女開大片!!
咁今日霸王女放學返黎差唔多4點3, 因為佢5點要學琴, 咁就拿拿淋換衫食野啦, 咁岩電話響, 我係廳, 佢係房, 我以為係大魚腸打返黎搵佢, 我叫佢聽啦, 佢話唔得閒聽, 我話你老豆喎, 佢一睇個電話NO. 原來係cheap fd 打比我, 佢即刻發火, 將個電話掟落sofa 度, 係咁鬧, 話我好唔聽電話, 阻住佢!!
我禁住度火, 同cheap fd 講完, 先同佢開片, 兩個係咁鬧鬧鬧, 我話要c, 佢打比大魚腸, 話我又係樹發癲, 佢唔講佢掟電話件事, 大魚腸叫佢快d食野跟住去學琴, 等佢今晚返黎先講!! 大魚腸收左線, 大家仲鬧緊:
我: 聽個電話5秒都唔駛, 真係咁阻你?!
女: 係, 明知我唔得閒架啦!!
我: 你係廁所係咁整個頭, 你自己side 晒d時間, 又係樹發脾氣!!
女: 總之佢打黎就係佢錯, 佢唔打黎我咪唔會發囉!!
我: 咁如果阿婆打黎呢?
女: 我咪聽囉, 佢打黎有乜好野丫?!
我: 如果人地話比我知樓下火燭呢?
女: 我唔理, 總之我以後唔會聽電話!!
我: 得, cut 左個電話佢囉, 大家都有手提, 以後都唔駛為左聽電話而鬧交, 仲有我以後都唔會做屋企既野, 大家各自攪掂, 還掂你要計得咁清楚丫ma !!
*********************************************************
(你地唔好以為我地好似普通講野咁, 大家係喊晒, 仲要勁大聲指住對方黎鬧個隻!!)
我真係好q憎自己架, 明明知佢c性不改, 但次次都比希望自己, 對自己講佢會改架, 改改改, 改佢條命呀!!
我都唔明點解我養佢, 要成日比佢鬧, 比佢鬧完仲要煮飯比佢食? 我呢d人真係唔c都冇用!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
所以如果黑面神係度，我既活動空間只局限係房間架咋！有時放假早返屋企，佢同個女係廳，我咪係房囉！
好心抱！
返回列表
