仲有之前save左bk mama教的薑醋食譜,諗住試下整比自己食:
材料：薑10斤、甜醋兩大樽(可以去買小樽裝, 唔夠醋再加入去)、大瓦煲一個、小瓦煲一個, 豬腳+雞蛋(生左先買)。
1. 首先買10斤薑, 刨皮, 略拍, 用白鑊加少少油炒十幾分鐘。
2. 將甜醋煲滾, 落所有薑, 煲1個鐘, 熄火, 唔好用野了佢, 由得佢擺係度, 隔日再煲滾, 如是者一路重覆隔日煲滾,d 薑會越煲越縮, d 醋浸唔過薑面就要加醋落去, 加醋後必須再煲滾。
3. 生左之後, 12日可以派薑醋, 咁係第9日就買新鮮豬手或豬腳, 有人鍾意買豬手, 有人鍾意豬腳。豬腳買返黎飛水, 我會再用水喉水沖乾淨d 油。如果方便有人可以幫你買野, 你就先買兩隻豬腳, 如果唔方便, 你就一次過買幾隻, 飛晒水後, 食幾多就煲幾多, 未煲個d就放入冰箱, 下次想煲個陣就拎出黎, 沖去d 冰, 就可以放入d 薑醋裡面煲。
講返d 豬腳點煲, 豬腳出水洗淨後, 預計下會派幾多比人, 就由大瓦煲個邊筆適量既薑同醋去小瓦煲, d 人多數都係鍾意食豬腳同雞蛋,薑唔駛筆咁多, 咁大瓦煲既醋一定要蓋過d 薑面, 唔駛筆太多醋去小瓦煲, 唔夠醋再加新醋。小瓦煲有薑醋,就放豬腳落去, 煲1小時後熄火, 唔駛理佢, 第2日再煲, 第3日再煲, 基本上煲3日已經夠淋。講埋雞蛋, 雞蛋都係同豬腳差唔多, 煲2、3次已經好入味, 好多人會係派比人之前一日先落蛋, 因為d 蛋會越煲越硬, 但係越硬既蛋就越補, 你可以煲耐左既蛋留返比自己食。雞蛋就烚熟去殼, 就咁放入去煲就得。
**緊記, 薑醋煲滾之後唔好了佢, 所以最好食完之後再煲滾, d 薑就由大瓦煲過邊筆過去, 因為薑要煲好耐, 所以d 人都係煲一次, 豬手豬腳就可以不停咁加, 唔夠醋都要加, 大瓦煲既薑係每次筆完去小瓦煲之後都要煲滾, 只要滾就得, 唔駛煲太耐。
滿月後d 薑醋未食晒, 可以放入雪櫃, 食幾多就煲幾多。第一次煲個陣, 你可以下醋、薑一齊煲, 大滾後轉中小火續煲1小時, 熄火, 唔駛理佢, 隔一日煲滾就得, 唔駛再煲1個鐘。(你可以係煲之前, 將d 薑攪下佢, 將底個d 攪上面, 面個d 就攪落底!咁先至煲滾。緊住, 煲滾之後唔好攪!)
薑方面, 唔一定要老薑, 如果買唔到, 就用平時煮飯個種薑都得, 唔好子薑。
[ 本文章最後由 jazzdawn 於 08-8-8 01:28 編輯 ]
http://lbff.lilypie.com/CsFWp8.png" width="400" height="80" border="0" alt="Lilypie Breastfeeding tickers" /></a>
發表於 
返回列表
