少年成長 今日: 0 | 主題: 16099

積分: 5866

1423^#

發表於 11-3-30 20:03 |只看該作者

本帖最後由 bebeyan 於 11-3-30 22:21 編輯

回覆 SandraLo 的帖子

Sandra,

上星日亞女在社區中心發脾氣,職員講左比姑娘聽, 昨天有姑娘打比我傾, 幫我轉介了社工跟進. 不過唔知要等幾耐. 亞女仍是處處相迫, 明明我話爸爸唔關電視, 佢又我話佢, 我再話是爸爸,不是你. 她仍是話我話她. 這星期發現佢咀部會不自控的張合,幾分鐘一次, 我懷疑是情緒問題. 我真不知道我們的管教出現了什麼問題.

私人傳訊

積分: 33215

1424^#

發表於 11-3-30 23:06 |只看該作者

bebeyan 發表於 11-3-30 20:03
回覆 SandraLo 的帖子

Sandra,

bebeyan :

假如阿女只在家中(或你在的時候)才是這樣, 在學校或你不在時不是這樣的, 那多是attention seeking, 而不是什麼情緒問題, 但若她在學校及其他地方也是這樣, 則須要找學校社工轉介去做個智能心理評估.

你是不是full time mom ? 日間是誰帶她的？你晚上和她有沒有bed-time story的時間？

你的獎勵計劃唔work, 係因為沒有清楚界定怎樣才算是「乖」, 更何況要去量度怎樣才是「最乖」呢？這樣便很容易引起爭拗. 舉個例：一個媽咪返工前同囝囝講：「你乖我返嚟就請你食糖啦」, 到放工, 平日好難先自己完成功課嘅囝囝話：「我今日好乖, 一早做好晒功課, 俾糖我啦！」
媽咪答：「唔係喎, 婆婆話你今日打爛咗隻碗, 冇得食糖！」阿仔當然大喊！問題响邊？媽咪冇一早define乜嘢先算係乖, 對囝囝好唔公平, 佢做好晒功課, 付出嘅努力係一d 回報都冇, 空歡喜一場, 獎變成罸(罸冇糖), 咁係咪唔講獎重好呢？！其實個媽咪要講清楚点先算乖, 亦可以分開時段嚟獎, 因一日咁長, 小朋友冇可能全日樣樣都做得好, 而獎勵亦應該針對佢嘅弱項嚟獎, 重要設計到佢攞得到嘅先有用同有意思！

好似你個case, 針對番佢經常發脾氣, 可將每晚分數個時段, 例如一小時為一節, 那一個時段沒有發脾氣的話就可有一個貼紙 (獎時要口頭讚), 但怎樣才算發脾氣亦先要搞清楚, 不能她不高興或你不高興時就當她發脾氣！

私人傳訊

bebeyan

積分: 5866

1425^#

發表於 11-3-30 23:38 |只看該作者

回覆 SandraLo 的帖子

Sandra,

Thank you 你花了甘多時間教我處理女兒的問題. 我知亞女係嚴重的 attention seeking. 爸媽不在的時候,她是比較乖. K2時, 平日上學情緒是很隱定 (老師認定), 但有1次, 我和爸爸出席學校運動會, 她又因小事大發脾氣, 老師勸她,她還出手打老師, 最後2個老師,請我們先離開,關埋門把她攪定, 老師說第一次見她是這樣子. 以前她還顧及面子, 在外面的脾氣收斂一點, 這一年,就開始不理什麼地方,什麼人都會發很大脾氣.

平日工人揍她, 她都有發脾氣,不過始終工人就佢, 比較快平伏. 我都同姑娘講, 亞女末必要社工跟進,不過我應該會需要多D, 可能是我們出現了問題,因為她在學校是很好的,學校是不會理會的.

我會再試試你的獎勵計劃. 佢都幾古惑,晚晚發唔發脾氣都要問我禮物. 我以前晚晚 bed time story, 上了小一就多數一星期一至兩次,因為佢成日都攪得好晏唔訓覺.有時就同佢按摩下,傾下計先訓覺.

私人傳訊

積分: 33215

1426^#

發表於 11-3-31 10:27 |只看該作者

bebeyan 發表於 11-3-30 23:38
回覆 SandraLo 的帖子

Sandra,

bebeyan :

個獎勵計劃你唔好進行住.......... 我依家要返工,
今晚再覆你, (例如可以獎d 乜) 因唔可以再設計錯！

私人傳訊

積分: 33215

1427^#

發表於 11-3-31 23:16 |只看該作者

本帖最後由 SandraLo 於 11-3-31 23:17 編輯

回覆 bebeyan 的帖子

bebeyan :

如她發脾氣並不是只在家, 我覺得你有須要找社工為她安排一次評估, (她的行為有點像ADHD的小朋友), 反正評估是要排的, 未必是三朝兩日可以做得到, 找私人心理學家做的話, 又要數千元, 為什麼不排呢？冇事當然是好, 有些什麼的話, 早些知道可以對症下藥, 到底是她須要特別的方法去教, 還是你須要去學怎樣教她, 糾纏下去, 對你對她也沒有好處, 特別是遲些步入青少年的反叛期時, 你怎樣教得到她呢！

私人傳訊

bebeyan

積分: 5866

1428^#

發表於 11-4-1 00:03 |只看該作者

本帖最後由 bebeyan 於 11-4-1 00:24 編輯

回覆 SandraLo 的帖子

Thanks Sandra,

我都覺得有人主動幫我轉介, 我會去試試問一問意見, 可能亞女唔需要,亞媽需要. 我2年前轉接地請教過朋友的朋友(做有關兒童心理), 她覺得是管教問題. 亞女唔知家中邊個係boss. 但亞女demanding 真係好大. 今晚太晏,我不想講故事,她有少少想發脾氣, 她討價還價, 說講4頁. 我講完又不算數,要我再講下去. 我說待明天又發脾氣, 又受了她幾腳 ( 想我罵佢), 攪到一會兒,我不罵, 跟她說其他東西, 攪了一大輪才肯放過我.

我又唔覺得亞女是 ADHA. 在學校專注力都OK,在家一定差好遠, 成績是中上. 但下學期專浬力差了一點,老師說她有發夢.但成績又沒有退步. 她是喜歡學習的, 如果不是脾氣差,她應該會做得更好.老師說她很聰明,看得到老師的心.識看時機.我聽完再想,唔通她看透了爸媽的心,知道應怎樣對付我們. 她是比同齡成熟一點. 而且她是讀直資學校, 去年考小學時都很淡定,沒哭沒發脾氣,間間都 in得很開心,結果有3間都收了.

老公說她是"港孩" 我又不認同, 她自理能力是很好,樣樣要求自己做, 要學習做,不需要人幫忙什麼. 我一直相信應該是管教問題.因學校問題不多,只有爸媽在的時侯問題就多. 媽媽對她較多, 她對媽都是最激的. 但我見亞女表弟仔,其他小朋友,其實都有發脾氣的情況,但唔會甘密&甘激 (有時臉色轉晒, 眼睛兇起來, 99 見過話有點像鬼上身). 我嘗試多種方法,請教別人都效用不大, 是有點氣累, 不過還是企起來面對.

私人傳訊

積分: 33215

1429^#

發表於 11-4-1 22:47 |只看該作者

bebeyan 發表於 11-4-1 00:03
回覆 SandraLo 的帖子

Thanks Sandra,

bebeyan :

你說「我嘗試多種方法,請教別人都效用不大」, 你知不知道為什麼呢？當你要將事件說出時, 已有機會和事實有所偏差, 因你是用你的睇法去表達, 而幫你的人再用他的理解去接收, 這樣一來一回, 和事實的差距就更大, 再專業的人, 也未必可以這樣隔山打牛式教得到你, 所以, 是管教的問題或是小朋友的問題, 你都要找幫手, 最佳方法是super nanny式的close supervision, 即錄映家中的情况給社工看, 再由社工教你怎樣處理！

難然我也肯定管教上是有問題, 但我也要在此提一提, 我至少識得兩個ADHD的小女孩是沒有學習和專注問題的, IQ也高於常人, 她們只是和媽媽整天糾纏不休, 至於她們為什麼會被診斷為ADHD, 就真的不知道了！

明天再講獎勵的問題！

私人傳訊

MicMicMandy

別墅

積分: 536

1430^#

發表於 11-4-6 19:01 |只看該作者

SandraLo 發表於 11-3-29 22:40
MicMicMandy :

你應該在他一坐低, 未開始叫時就讚他, 即壞行為未出現時就要讚他！你說一讚他他便刻意繼 ...

Sandral,

這個星期嘗試了替小兒說出他心中所想，例如「你想媽媽幫你...；陪你...」，他用手打人的情況的確少了。但如不「立即」滿足他，他卻仍用口說「打媽媽/打爸爸/打XX..」去表達稍不合他心意的事。試過連看電視，他不喜歡節目的人物/情節，他都要說「打媽媽」。我已嘗試立即更正他說「你係唔係唔鐘意剛才的節目人物...而不想是打媽媽」他說是，但不足數分鐘，他一遇到不滿又再說「打媽媽」。由於每天他說這個字的次數實在太多，真好難使用「讚」。我覺得他好像是把「打」這個字去表達不滿/唔開心，但教過無數次，佢都依然如此。雖然我知佢並非存心去打人，但若不改善，他很難和人相處及溝通。他甚至會將「打」和「痛楚」混餚，例如他見我/別人跌倒/受傷，我告訴他好痛，他會打我，真教我不知如何是好？

他近日還多了一招，就是不停是扭計，有部份好難Ignore。例如：扭唔換衫；唔去廁所；唔刷牙，由於早上時間稍緊張，再ignore會延誤到daycare。有無方法可改善？通常將近黃昏時，如當日午睡欠佳，他就會不停扭計，例如今天承諾了給他冰條，他吃過後要求再吃，我說「今天已吃過，明天可以再吃。」他不高興，當然又說「打媽媽」。我告訴他「你只是想吃冰條，唔開心現在不可以吃，並非想打媽媽」。他不停說「想呀...吃呀...」我ignore他，但不一會，他就要扭另一件事，「吃粒粒(Vitamin C 糖)」因當天已吃過，不可多吃我就用重覆的方法回應佢，當然他又重施說打.. , 他又再繼續找其他東西扭，如此類推，足足扭了大半小時，佢發覺言語扭唔到，就開始用手攪廚房的櫃，引我注意，爸爸正於此時回家，他又再重申扭之前項目，還擲玩具，實在好想佢冷靜一下，於是我叫爸爸請佢去Naughty Corner冷靜2mins。邊哭邊企之後，爸爸都解釋他被罰的原因。我知他累了，叫他洗手吃飯，又再扭及哭鬧，忍無可忍下我將帶他入睡房，唔開燈，關了他在房2mins, 他大哭，但之後就肯主動洗手吃飯。我是否錯用了Ignore 方法？我記得你說過要ignore件事，但由於佢連連不斷地扭，最後我好似不能避兔ignore了他，勞煩妳給我一些意見。

私人傳訊

積分: 33215

1431^#

發表於 11-4-6 23:16 |只看該作者

MicMicMandy 發表於 11-4-6 19:01
Sandral,

這個星期嘗試了替小兒說出他心中所想，例如「你想媽媽幫你...；陪你...」，他用手打人的情況 ...

MicMicMandy :

你囝囝好明顯是attention seeking, 而你就中招！

佢好鍾意講「打媽媽」, 係因為每次講呢幾個字, 你就會俾好多反應佢, 你間接鼓勵佐佢講！

你既然能和他講解這麼多, 為什麼會「讚」不到呢？

我們 ignore 壞行為, 包括扭和無理要求, 因扭不到他才不會繼續這樣做, 但要快見到效果, 就要讓他知道什麼才是好行為, 而這一樣就要透過讚去話佢知！

我建議你先鎖定一個壞行為去改佢, 都係用讚同ignore, 將「話」減到最少, 尤其作自己可以承受番後果嗰d (例如：唔去廁所 ~~ 唔駛糾纏, 佢鐘意咪賴囉, 重要唔好即刻同佢換褲！).

明續

私人傳訊

Ruka_shan

大宅

積分: 1664

1432^#

發表於 11-4-7 00:10 |只看該作者

Sandra,
你好, 睇到你d post好開心, 終於有個人可以幫下我;
我個囡3歲, 一直都係爺爺嫲嫲湊, 但我地係一齊住既, 所以我個囡都痴我, 我一向都有返工, 但去年有半年時間無做野陪係屋企, 變成佢越黎越痴身, 小小事都要搵我, 我真係覺得有d抖唔到氣! 問題就黎啦, 佢事事變得暴躁, 又成日喊, 要既野就一定要得到, 我試過打, 試過鬧, 就正如你d post話佢會怕你嬲而急急認錯, 而且爺爺亦時常話我成日打鬧個囡, 亦因為咁大家既關係就唔好, 但我真係好想教好佢, 至少佢唔會比人話佢係港童, 有公主病..
好似今朝咁, 我要返工, 佢就唔比我出門口, 狂扭計..我出左門口就好地地, 跟住嫲嫲話送佢返學, 因為學校門口換左新學校職員佢就唔肯入去, 好似癲左咁, 我打去問老師, 佢地話我個囡唔習慣新同事。仲有, 今晚佢突然除左條褲通屋走仲對住我笑, 我即時拉佢入房問佢做乜要除褲, 佢一見我鬧佢就好似好興奮咁, 根本就唔怕, 我真係嬲到即刻打佢屁股, 佢知痛大喊不停, 仲走去搵人求救, 嫲嫲話"鬼叫你曳"...我都唔知點做..請問我可以點? 請賜教~

thx~

我們這一家

私人傳訊

kwan1981

伯爵府

積分: 15406

好媽媽勳章醒目開學勳章

1433^#

發表於 11-4-7 09:29 |只看該作者

Sandra,
你好，朋友個女今年7歲，有事無事都會哭，係好難搞個種，我自己冇呢方面的經驗，幫唔我到個朋友，希望你可以幫到佢

今朝個朋友先俾佢個女激到自己都哭埋一份。
真實例子1：佢有字寫錯，咁我朋友就同佢講：阿女，你呢個字寫錯左喔，少左一點。佢個女就會大聲哭住講：我冇錯，我冇錯。
例子2：阿爸問個女：阿xx，你做左功課未？佢個女又大聲又惡咁答：關你咪事。
例子3：叫佢起身，佢會係張床度發皮氣，又大叫又跳又哭。
今朝個朋友先俾佢個女激到哭，7點叫佢起身，佢個女又係大哭大跳（係張床），話唔返學。咁我個朋友就話，咁唔返就唔返啦。佢個女哭得仲大聲，話唔得，要返學。到左學校門口，仲一直哭，唔返學，連校長都搞佢唔掂，最後老師強抱佢入去。
佢每次哭係可以哭3-4個鐘。

私人傳訊

Superbaby.b

積分: 5708

wyeth冷知識勳章畀面勳章

1434^#

發表於 11-4-7 12:56 |只看該作者

一開始我女女喊我會唔理佢,一收聲就錫返佢,慢慢佢就無咁易發脾氣.
越早教越好,越遲越難教

第2胎終於成功餵到人奶.重要全人奶.超有滿足感!!!!

私人傳訊

http://forum.baby-kingdom.com/viewthread.php?tid=909498&extra=page%3D1&page=4

積分: 33215

1435^#

發表於 11-4-7 21:59 |只看該作者

MicMicMandy 發表於 11-4-6 19:01
Sandral,

這個星期嘗試了替小兒說出他心中所想，例如「你想媽媽幫你...；陪你...」，他用手打人的情況 ...

MicMicMandy :

績昨

關他在房唔開燈係「嚇」佢而唔係罸, 因為他肯定大哭, 而你又會在他哭時放他出來 (因你冇講好困多久), 令他覺得哭可以改變你(放他), 在行為管理上, 這樣做收不到罸的效用, 只是嚇.
你可參考這處如何用 naughty chair :

唔打得，又唔鬧得咁点？入嚟睇「有效懲罰BB的方法」

私人傳訊

積分: 33215

1436^#

發表於 11-4-7 22:29 |只看該作者

Ruka_shan 發表於 11-4-7 00:10
Sandra,
你好, 睇到你d post好開心, 終於有個人可以幫下我;
我個囡3歲, 一直都係爺爺嫲嫲湊, 但我地係一齊 ...

Ruka_shan :

想先問: 有冇睇点用讚個topic ? 有冇試過用 ignore + 讚？
有時間睇吓呢兩個page, 剛啱有幾個case 都係講 attention seeking.

私人傳訊

Ruka_shan

大宅

積分: 1664

1437^#

發表於 11-4-8 15:07 |只看該作者

本帖最後由 Ruka_shan 於 11-4-8 15:50 編輯

SandraLo 發表於 11-4-7 22:29
Ruka_shan :

想先問: 有冇睇点用讚個topic ? 有冇試過用 ignore + 讚？

Sandra,

我有睇到讚果個topic, 我呢兩日有用, 我覺得有少少用, 但就認為可以捉緊好少少個時間.
但至於ignore, 我試過, 佢好似仲喊得勁..我係好認同佢係attention seeking, 我有試過佢喊時, 我唔理佢, 但佢會跟住我喊, 但通常呢d時候阿爺就出手氹佢..

我們這一家

私人傳訊

MicMicMandy

別墅

積分: 536

1438^#

發表於 11-4-8 19:29 |只看該作者

SandraLo 發表於 11-4-6 23:16
MicMicMandy :

你囝囝好明顯是attention seeking, 而你就中招！佢好鍾意講「打媽媽」, 係因為每次講呢幾 ...

Hi Sandral,

巳看過你所寫關於「讚」的Topic，可能我並不是「被讚」中成長的一代，實在有些不太掌握應用，不知是否理解恰當。我今天嘗試以讚去改善他唔換衫的行為，效果不錯。我在要換衫前就讚他：「BB自己懂得自己穿褲子，可以穿得好好，好叻架！」我著他坐下，他就好乖穿了。(平時他常說唔穿這條/將兩條腿刻意穿在一褲管唔合作)，跟住還好合作學穿衣。他吃早餐亦好乖，吃完還自己把杯碟放到廚房去，我又大讚他。早上首1小時多都表現好。到我要清洗碗碟時，他拉我到客廳想我陪他玩車，我著他等一下，完成會跟他玩，他就立即說「打媽媽」，我就不作聲、不望他回到廚房繼續洗，他見我不理睬他，就改為大聲呼「媽咪！媽咪！...」我唯有重申洗完碗碟才可跟他玩。他無奈地自己到飯廳弄這弄那。他一整天每次說打媽媽時，我都是以這個態度對待他(不理他/行開)，是否正確？

其實要以讚再減少兒子說「打媽媽」/打人的壞行為，是否要等到他即使發嬲仍能不說「打媽媽」先讚？還是盡量讚他一日中「其他好行為」，到他有壞行為就ignore佢呢？

私人傳訊

積分: 33215

1439^#

發表於 11-4-8 22:21 |只看該作者

本帖最後由 SandraLo 於 11-4-8 22:22 編輯

kwan1981 發表於 11-4-7 09:29
Sandra,
你好，朋友個女今年7歲，有事無事都會哭，係好難搞個種，我自己冇呢方面的經驗，幫唔我到個朋友， ...

kwan1981 :

查實..........
紙上談兵難度已經好高, 如果要咁轉接, 真係好難喎, 我想知嘅嘢, 要透過中間人去問返嚟, 重要係用文字！

如果你朋友個女已有7歲, 扭同哭鬧嘅時間可以長達3-4個鐘, 發生嘅地方亦唔單止响屋企, 連學校都會咁, 你應該叫你朋友馬上叫學校社工轉介去做評估, 睇吓有冇事, 冇事嘅話, 就即係父母管教存在好大問題, 更應藉著呢個機會揾專業人仕幫手, 甚至係現場咁去教！

私人傳訊