影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1421#
發表於 14-8-20 09:17 |只看該作者
關仁隱事:「文文」幾分姿色扮上菜

𠵱家啲𡃁妹拍咗一部劇,加上黐到個藝人做男友,就當正自己紅咗咁,真係唔知碇!好似喺劇集扮後生珠珠嘅「文文」,因為有兩分姿色,矮冬瓜個仔對佢嗒糖,「文文」即刻食住上公開拍拖,開始有啲名氣,態度就變得臭寸,有次本來2點幾到電台做訪問,點知遲大到個半鐘,嚟到一句道歉都冇,仲叫助手下次唔好約咁早,記者問佢攞電話,佢仲好寸咁話:「我唔會畀私人電話你,只會畀助手電話你噃。」咁嘅工作態度,如果仲有得做落去,真係恭喜佢囉!

「文文」 =王吻亦
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1422#
發表於 14-8-21 09:05 |只看該作者
關仁隱事:「廚師」唔拍戲為啖氣

「廚師」上年同「富哥」一齊拍咗部戲,強國個票房出奇地好,今年即拍續集,不過「廚師」獅子開大口要加片酬,揸弗人「大肚」即刻飛起佢,搵「影帝」幫手。查實「廚師」突然獅子開大口係有原因㗎!因為佢根本就唔想拍,所以開高價,如果畀得起錢,咪睇錢份上拍囉!佢唔想拍嘅原因係頂唔順導演,試過好幾次俾導演爆粗鬧,因為導演都有份量唔敢還拖。工作人員每次見佢俾導演鬧完,就即刻叫助手畀支雪茄佢食,好用力吸,再好大力噴番啲煙出嚟,chok住條氣,用咁嘅方法發洩都好新鮮。

「廚師」= 謝檸檬
「富哥」= 周潤髮
「影帝」= 張+輝
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1423#
發表於 14-8-22 09:10 |只看該作者
關仁隱事:「哈里」唔識分人造人

今時今日,靚唔靚唔係話靠天生就得,有唔少年紀輕輕愛美嘅男男女女整容整上癮,尤其係日日對住鏡頭嘅藝人,郁啲就話要整,有時真係整到冇咗自己!話說一班藝人、歌手同富二代喺韓國開P,大家玩得開心打成一片,各自搵partner跳舞,富二代「哈里」同韓星「脆脆」鬼咁好傾,仲跳咗好幾隻舞,中途佢哋分開咗一陣,返轉頭哈里打算繼續同韓女攬吓、跳吓舞啦,點知傾傾吓先知佢係另一個人,哈里仲話:「嘩!整到一模一樣。」相當爆笑。

「哈里」=
「脆脆」=

點評

simple430  「哈里」= 精精 C6 ?  發表於 14-8-26 17:51
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1424#
發表於 14-8-25 09:26 |只看該作者
關仁隱事:「大口仔」「飛人」為錢反面

由電視撈到電影「大口仔」一直都有陣江湖氣,所以遇見睇唔過眼嘅事佢都會出聲,亦都因此贏到好多觀眾嘅支持。好似喺飛蝗事件成日為港出聲,搞到好多強國嘅人民、特別係網上嘅一班「糞青」,都以推倒佢為己任。早排大口仔咁啱就拍咗導演「飛人」套新戲,要係內地上映。班內地戲院佬已經講到明話如果你搵大口仔上嚟,你就千祈唔好上嘞,雖然大口仔一副大冇畏精神話要去,為咗唔得罪班米飯班主,飛人惟有放棄好朋友。聽聞自從大口仔被老友勸退宣傳之後,兩個人個心都有啲唔舒服,冇以前咁老友同多偈傾嘞。

「大口仔」= 道聞窄
「飛人」= 鵬浩長




很想知道,追夢的人是如何踏出第一步?


珍珠宮

積分: 49843

開心吸收勳章 最關心BB問題熱投勳章 畀面勳章


1425#
發表於 14-8-25 23:26 |只看該作者

回覆:"Apple關仁隱事"一齊諗

888




子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1426#
發表於 14-8-26 08:56 |只看該作者
關仁隱事:「阿水」靚衫一借冇回頭

內地花旦一個一個走出國際拍西片,越嚟越有成績,好似「阿水」最近套戲戲份又多又有發揮,票房更加唔錯,應該陸續有機會。「阿水」捱咗好多年先有成績,又搵到錢又有製作公司,佢都好珍惜,每次出嚟活動見記者都會同唔同牌子借大堆靚衫做戰衣,以最佳狀態示人。可惜「阿水」佢有個壞習慣,就係成日玩有借冇還,佢試過有幾次,同啲品牌借咗幾件靚衫,借完一輪,活動都去完就冇晒影,公關打畀佢又唔聽電話,最後要搞到啲公關踩上酒店拍門,佢先無奈喺自己收拾好嘅行李拎番出嚟畀人,大家都搞到好尷尬。


阿水 = 你丙丙
很想知道,追夢的人是如何踏出第一步?


伯爵府

積分: 19013

環保接龍勳章


1427#
發表於 14-8-27 12:44 |只看該作者
本帖最後由 chingcging 於 14-8-27 17:47 編輯

「間尺」整容失敗被恥笑

「間尺」喺呢行打滾多年,雖然演技隨住年齡有啲進步,但個樣就不敵歲月摧殘,年過三張嘅佢皺紋開始生出嚟,間尺為咗保持住個樣真係乜都試,除咗整咗個鼻之外,有二五話畀關仁知,間尺早排仲去打蘋果肌,可惜貪字得個貧,兩頰變得又硬又唔自然,唔知係咪未消腫關係,雙眼好似逼埋一齊㖭,真係有啲嚇人!由於間尺得罪人多稱呼人少,公仔箱啲同事見到佢,都喺背後掩住嘴偷笑,其中有個同事仲抵死,趁佢行過講:「咁嘅樣都可以做主角。」因為冇指名道姓,間尺惟有忍住道氣當聽唔到,在場其他人都笑爆嘴。

「間尺」= 羊兒?


大宅

積分: 4407


1428#
發表於 14-8-28 04:00 |只看該作者

引用:+本帖最後由+chingcging+於+14-8-27+17:47+

原帖由 chingcging 於 14-08-27 發表
本帖最後由 chingcging 於 14-8-27 17:47 編輯

「間尺」整容失敗被恥笑
我估係塵剪棚,英文名頭兩個字母同間尺一樣。




子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1429#
發表於 14-8-28 09:19 |只看該作者
muffinmama 發表於 14-8-28 04:00
我估係塵剪棚,英文名頭兩個字母同間尺一樣。
勁!!
很想知道,追夢的人是如何踏出第一步?


大宅

積分: 4407


1430#
發表於 14-8-28 10:20 |只看該作者

引用:Quote:muffinmama+發表於+14-8-28+04:00+我

原帖由 22May 於 14-08-28 發表
勁!!
哈哈,我都係估下。我係你的粉絲,因為我8,十次有八次都要等你開估。



點評

22May  大家互相交流    發表於 14-8-28 10:55


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1431#
發表於 14-8-29 09:21 |只看該作者
關仁隱事:「大隻佬」碌爆卡冇錢買衫

娶咗個嫩妻嘅「貓貓」,佢哥哥「大隻佬」近年主力做教練,唔少圈中人都跟佢學,收入應該唔錯。日前關仁去到某時裝店shopping,有個sales問另一個係咪留咗件二千幾蚊嘅衫,嗰位sales就大大聲話:「係呀,大隻佬留咗,佢諗住碌卡畀,點知碌爆咗,佢又冇足夠現金喺身,咪叫我哋留住過幾日嚟買。」其實間舖附近都有自動櫃員機,要攞錢都好易,同埋𠵱家一般收入穩定嘅人,信用卡嘅限額都唔會太低,但大隻佬都碌得爆,睇嚟佢都幾大使。

「貓貓」= 杜得米
「大隻佬」= 杜得痣


很想知道,追夢的人是如何踏出第一步?


大宅

積分: 1759


1432#
發表於 14-8-31 03:34 |只看該作者

引用:(綜合報道)(星島日報報道)「拉仔」的現任已

原帖由 simple430 於 14-08-16 發表
(綜合報道)(星島日報報道)「拉仔」的現任已經是第六個名媛女友,平均一至兩年換畫一次,富貴老竇看在眼內不 ...
邊個係 拉仔?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1433#
發表於 14-9-1 09:02 |只看該作者
關仁隱事:「世界仔」「人造人」有一手

成日勁晒身家嘅「人造人」,最近搞到一身蟻,包括被揭同唔少異性有過親密關係,估唔到外表成個怕醜仔嘅「世界仔」,原來同人造人都有一手。世界仔近年喺內地發展,知道人造人有間大公司,就同佢一齊合作搞活動,就係咁兩個越傾越埋,雖然當時世界仔身邊已經有女朋友,但比人造人整容外表同冧仔功冧掂,背住正印女友偷食。不過,佢哋撻着幾個月之後,世界仔發現人造人搞活動啲數唔清楚,先至知原來呢個女仔呃錢呃飯食,於是即刻同佢劃清界線。

「世界仔」= 你燦心
「人造人」= 角尾尾
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1434#
發表於 14-9-2 09:11 |只看該作者
關仁隱事:「蜆殼」攞威變失威

好多藝人鍾意帶住仔女出席活動,晒吓幸福。「浮瓶」同「蜆殼」母女逢首映必到,逢到必早,已係風頭家族。關仁聽聞蜆殼日前搞生日P,諗住大搞一番搶曝光威番吓,佢當然廣邀好多嘉賓喇,不過點到諗唔到最後畀𡃁模搶晒鏡,激到壽星女生蝦咁跳。關仁聽聞蜆殼為咗成為全晚焦點,唔單止當晚扮到彩雀咁靚,仲事前特別send短訊畀嘉賓,接受媒體訪問,話題一定要圍繞佢生日,最終人算不如天算。關仁就覺得蜆殼咁做唔夠大方,如果係咁不如閂埋門搞P,包保自己做硬唯一主角。

「浮瓶」= 扣紅瓶
「蜆殼」= 糖背C
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1435#
發表於 14-9-3 09:06 |只看該作者
關仁隱事:「大冬瓜」有眼無珠睇錯人

「大冬瓜」一向義字行頭,娛樂圈邊個有困難佢都好樂意出手相助,不過大冬瓜呢排好苦惱,周圍同朋友呻自己睇錯人,話當初見「小魚兒」有頭腦但冇人賞識,幫對方穿針引線介紹佢識大老細。𠵱家小魚兒越撈越掂,仲成為大老細得力助手,點知小魚兒食碗面,處處為難大冬瓜,搞到佢同大老細反晒枱。關仁聽講大冬瓜其實都係出於一片好心,向監製推薦咗幾個妹妹仔拍劇,成功彈出後,就想乘勝追擊幫佢哋接多幾個重要角色,可惜畀小魚兒阻撓,唔知係咪擔心班妹妹仔會影響佢自己捧嗰班人嘅地位呢?

「大冬瓜」= 憎至矮
「小魚兒」= 魚泳山

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1436#
發表於 14-9-4 11:47 |只看該作者
關仁隱事:「懵豬」俾幕後呃錢

出名懵盛盛嘅「懵豬」出道以來都冇變過,即使撈咗咁多年娛樂圈,佢都好似冇學精過。關仁個朋友仔同佢一家係世交,佢八畀關仁知懵豬啲兄弟姊妹原來都係一樣咁懵盛盛,所以就算懵豬入咗娛樂圈後,出過咁多次醜都冇學精過,就算跟咗「壽人」都係無補於事。經典係有個圈中經常同人借錢冇還嘅幕後,懵豬已經借過幾次錢畀佢,分別以「醫病」、「個女開學」同「屋企人有事」等理由借錢,壽人亦唔止一次話呢條友專呃人。不過當呢位幕後好有創意咁諗過個藉口,懵豬又會好似鬼掩眼咁借錢畀人,都唔知話佢心地好定儍。

「懵豬」= 岑寶2??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1437#
發表於 14-9-5 09:08 |只看該作者
關仁隱事:「海水」唔埋堆冇得撈

「海水」一向好喜歡演戲,但多年嚟喺公仔箱鬱鬱不得志,所以決心離開向外闖,可惜發展機會仲差過以前,搞到擺檔賣嘢維生。原來海水以前發展咁差,唔關乎運氣事,係關乎佢唔肯埋堆。話說試過有個幕後高層本來好中意搵海水拍嘢,但有幾次個幕後搵海水同成班工作人員食飯吹水,海水推完一次又一次,個幕後覺得海水好唔識做,於是開劇冇再預佢;另外亦有導演試過喺開工期間約海水同其他演員一齊食飯,海水一樣耍手擰頭唔肯埋堆,相當我行我素!

「海水」= 河角榮 ? 你雨陽?

很想知道,追夢的人是如何踏出第一步?


珍珠宮

積分: 46261

牛年勳章 月餅勳章 好媽媽勳章 醒目開學勳章 畀面勳章 環保接龍勳章 hashtag影視迷勳章


1438#
發表於 14-9-6 21:47 |只看該作者

引用:關仁隱事:「海水」唔埋堆冇得撈「海水」一

原帖由 22May 於 14-09-05 發表
關仁隱事:「海水」唔埋堆冇得撈

「海水」一向好喜歡演戲,但多年嚟喺公仔箱鬱鬱不得志,所以決心離開向外 ...
雖然不知答案,但我估唔係河角榮


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1439#
發表於 14-9-8 09:14 |只看該作者
關仁隱事:「吹水」搞飯局博出鏡

𠵱家啲𡃁模個個樣都差唔多,冇番啲花邊新聞或者強勁後台都幾難可以生存得耐。「吹水」算係近排上位上得快嘅𡃁模,唔係佢特別天姿國色,而係佢份人好襟撈,人前人後都識賣口乖。最近佢參加咗「閃片王」嘅新戲試鏡,要同幾十個女仔爭角色,吹水點會唔諗計出位!關仁聽幕後人員講,第一次面試之後,吹水就自動自覺話要同班宣傳搞手食飯,friend啲自然好辦事。大型記者會時,吹水由原本企第三排變企第一排,仲咁橋俾司儀抽中上台玩遊戲,又多一個出鏡機會,餐飯真係抵請啦!

「吹水」= 寸嘴Barbie
「閃片王」= 星爺


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1440#
發表於 14-9-10 09:21 |只看該作者
關仁隱事:「清清」鬥晒命亂吹水

銀幕前嘅明星名人個個都博搶鏡、博上位,咁樣自然名利雙收,但原來幕後一班公關都鬥個你死我活,𠵱家做親公關嘅都有番咁上下知名度,唔係星級公關,就係有名嘅名人後代,有名自然朋友多,容易請到名人明星去佢哋搞嘅活動,一舉多得。話說有位星級公關「清清」自己搞咗間公關公司,一向都有唔少大客仔,有一次喺派對撞到競爭對手「公子」,一齊同個巨星傾偈交流,話題圍繞近況同有咩活動搞,點知清清就話自己有好多活動,當晚都有單大型活動搞緊,公子聽到當然不是味兒,喺佢明查暗訪下,發覺清清原來係亂咁吹,公子知道咗好激氣,仲話佢係大話精!

「清清」= 趙識G
「公子」= 丁紙高

很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo