少年成長 今日: 3|主題: 16100

[可能我並不是「被讚」中成長的一代，實在有些不太掌握應用] ~~ 這個我是絕對明白的, 我也是那一種人, 但我可以告訴你, 行為矯正是最有效的方法, 多花幾分鐘去學, 學了試幾次, 成功了, 你便明白怎樣work和怎樣應用在其他情況上！

你所做的：「用讚去改善他唔換衫的行為」並不對............ 首先, 唔換衫或唔做任何嘢未算得上是一個壞行為, 即使你用讚去改變他, 也應該是在他肯換衫時讚他(reinforce呢個好行為), 而不是在他換衫前讚他會去換, 因為那時好行為根本未出現,冇得讚定先, 佢唔會唔做一樣嘢但你讚佢會做佢就做！
佢今次肯穿褲, 更加引證咗佢平日嘅唔合作係attention seeking, 佢覺得搗蛋、哭鬧、話打人, 你便理他, 冇做曳嘢時反為不理！因此, 若你能正確地用讚, 必能矯正他的壞行為！

「每次說打媽媽時便不理他/行開」~~ 正確講法(做法)應該係：每次他說打媽媽時都不做反應,這與「不理他/行開」是有分別的; 沒反應是表示沒有開心或不開心, 但保持與他的溝通, 不是嬲他, 便不會令他覺得說打媽媽就可以引起你注意, 但不理他/行開有嚇和罸的意思在裡面, 我想你也不願意小朋友經常心慌慌, 而罸有罸的學問, 就像我給你看的topic, 罸是要預告的, 他要知自己做錯什麼就會被罸什麼才有效.

titanlow：

都係嗰句：佢扭得到, 点解唔扭？

你在她哭了45 分鐘時去安撫她, 給她代替品, 下一次, 便必定能哭一個鐘, 若然你在她哭了一個鐘時去安撫她, 下次又可以再長些, 不好睇少她這些成功經驗, 成功一次, 她的信心便加强一些.........

其實你不須軟也須硬, 軟是指「氹」、 offer 代替品、講數, 到頭來, 她還是學了「扭咗先」一定冇衰; 至於硬, 是指鬧, 甚至打, 亦可以算係嚇, 就算work, 都不會長遠有效, 佢又會學左鬧人, 同用暴力解決問題.

正確方法依然係 ignore, 只有「扭唔到」佢先唔會扭, 你睇咗点用讚個topic 未？

一個小朋友想扭計唔返學, 確係會出現你講嗰d 情況, 但如果夜晚瞓瞓吓都喊住話唔返學, 就有d唔尋常. 學校好多時因為唔想小朋友隨便退學, 都唔會將情況講得太差, 特別係佢冇影響其他小朋友, 所以我問你有冇親身「裝」過, 因為只有親身睇過, 先知小朋友响學校有冇d 特別事發生而唔想返學！

如果要話小朋友有壓力, 就即係有d 事响學校發生咗, 咁就唔係軟定硬對付嘅問題, 而係須要轉校或者甚至唔返學住, 但如你「装」到佢响學校係開心嘅, 咁就即係只係扭, 可以ignore, 照俾佢返！

唔同playgroup 導師會有唔同嘅做法, 你可以問吓個導師想你点配合, 一歲只係bb好多嘢都真係唔知, 唔駛expect太多！

表達開心有很多方法, 你的責任正正就是須要在他做錯時, 去教他甚麼可以做, 甚麼不可以做！你不阻止他, 難道叫他以後開心就去咬人？

佢依家係自己食飯？ 唔肯自己食嘅意思係要你餵先食？你收嘢唔俾佢食, 係會等到下一餐嘅時間先有得再食？

睇咗點用讚個topic未？

我覺得1歲未須要用 naughty chair 住.
我地想bb 改正一個我地唔想佢做嘅行為, 好多時用讚已經足夠, 而佢地嘅所謂壞行為, 多是因為未懂表達引起(就像你之前講的咬人), 所以未須要咁快就罸佢！

如你在家時小朋友也是自己吃飯, 那即是工人有依你方法去做, 穩陣d就最好装cam, 以免工人貪方便太快收碗.
若小朋友現時已可自己吃飯, 讚他多些好行為便可持續.......... 飽便不吃不是很正常嗎？