吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 9|主題: 16126

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

71 727374 75...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1441^#

發表於 14-9-10 09:48 |只看該作者

關仁隱事：「花仔」踢帆布出街

夾Band出身嘅「花仔」有個物業，以前佢隊Band嘅所有獎座同有紀念價值嘅物品都放晒喺個物業度，仲將個地方畀咗佢力捧嘅樂隊「帆布」嚟練歌同居住。早排傳出花仔將個物業賣咗，但關仁聽聞花仔其實冇賣呢個物業，佢只係重新裝修租咗畀人。至於點解咁做，聽聞原來花仔因為一啲小問題同隊band反晒面，將佢哋踢出街之餘，連帶原來花仔隊band嘅嘢都要搬走，𠵱家啲嘢由帆布keep住，佢哋要再搵地方安置。

「花仔」= ??
「帆布」= C 痾 STAR

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1442^#

發表於 14-9-11 09:07 |只看該作者

關仁隱事：「脹爆」搵到盟鼻菩薩

「脹爆」早排好少出嚟擾民，原來因為佢未搞掂啲賭債，俾有關人士安排咗佢喺賭場「做啲嘢」當還債，所以佢每日都好似返工咁，日日要坐船去澳門開工。不過，關仁收到風佢條數啱啱搞掂晒，𠵱家仲要女友喺九龍租埋屋畀佢住，衣、食、住、行又照起晒，所以話呢，男人真係唔使靚仔，又或者呢啲就叫冤豬頭都有盟鼻菩薩啦！

「脹爆」= 丸聞安?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1443^#

發表於 14-9-12 09:13 |只看該作者

關仁隱事：「小珍」靠精幹撐腰

成日話新人切忌輕佻浮躁，未紅已擺架子更要不得，之前喺公仔箱套劇跑出的「小珍」，同「精幹」嗰仔拍緊拖，加上有精幹呢個未來老爺撐腰，就覺得自己好紅。作為新人嘅小珍已經有唔少壞習慣，話說去商演就玩遲到，又唔跟客戶指定dress code，人哋要求佢着短褲，佢偏偏堅持要着長褲，原本應承咗幫客戶宣傳，但就一味拖字訣，又話拍緊劇，最後仲玩no show。其實小珍後生女有心入娛樂圈，就應該要有好嘅工作態度。聽聞佢對傳媒嘅態度都係一般，試過有記者問佢攞電話，拒絕唔畀唔緊要，仲同佢嘅工作團隊講：「個個都畀，我咪好唔得閒。」

「小珍」= 王吻亦
「精幹」= 憎至矮

點評

muffinmama 一定係得罪了關仁，隔發表於 14-9-13 06:41

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1444^#

發表於 14-9-15 09:14 |只看該作者

關仁隱事：「靚B」借衫不成發爛渣

之前關仁都講過，「晴天」同「靚B」雖然係同公司小花，經常要孖住出席活動，但佢兩個唔妥到出晒面，私底下完全冇偈傾。關仁聽聞靚B本來同「好友」間舖頭借開衫做嘢，每次都會同好友傾好先借，點知有次靚B喺冇通知好友嘅情況下，踩去人哋舖頭借衫，完全係奉旨嗰種。當日唔喺舖頭嘅好友知道後，覺得自己唔受尊重，加上佢知道晴天原來同靚B勁唔妥，於是叫職員唔好再借衫比靚B出席活動，靚B知道被拒之後發晒癲，話明明之前借開衫都冇問題，有乜理由今次借衫會唔得，喺人哋間舖頭度嘈到拆天，真係好冇品。

「晴天」= 黃指晴
「靚B」= 黃尾奇

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1445^#

發表於 14-9-16 11:49 |只看該作者

關仁隱事：「數目」屈人送名牌紅酒

高層「數目」愛貪小便宜，最鍾意暗啞底叫人送禮。之前公仔箱想加強攻勢搵外援幫手，搵過搞笑好得嘅「矇豬眼」幫手，不過條件未傾人哋已經say no。點解，咪係數目惹嘅禍，矇豬眼有輪唔多掂嘅時候，想入公仔箱拍嘢挽救番啲人氣，約過數目食飯，點知個飯局唔係講工作，只係不斷講個人喜好，仲暗示自己好鍾意一支名牌紅酒，支酒要成10幾萬。嘩！個口大過獅子，矇豬眼唔係畀唔起，不過就不忿高層太大貪，真係睬你都儍。

「數目」= 620
「矇豬眼」= 盧海月月鳥

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1446^#

發表於 14-9-17 10:06 |只看該作者

關仁隱事：「醒目女」出騷耍大牌

韓國藝人喺香港越嚟越受歡迎，唔少商場、演唱會搞手都鍾意搵韓星做嘉賓，不過佢哋嘅排場、架子都好大。好似女團「醒目女」早前喺香港開騷，未演出已預早派專人嚟香港傾流程，除咗揀歌之外，醒目女喺台上每一個走位都唔可以有差錯，而司儀問題亦需過濾，感情事當然係禁忌，淨係商討呢啲細節都要足足兩日時間。關仁有位朋友有幸入後台，一心諗住搵偶像影番張相，但即使見到醒目女近在咫尺，佢身邊啲工作人員個個惡形惡相唔畀埋身，連大合照都拒絕，真係同親民發哥天壤之別。

「醒目女」= Wonder Girl?

韓國唔識

點評

rhinegarden Miss A 發表於 14-9-19 15:31

很想知道，追夢的人是如何踏出第一步?

私人傳訊

GMGM

男爵府

積分: 8705

1447^#

發表於 14-9-17 11:03 |只看該作者

回覆 22May 的帖子

「醒目女」= 秀智

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1448^#

發表於 14-9-18 09:22 |只看該作者

關仁隱事：「甲組腳」寸人握手冇誠意

好好先生「甲組腳」啲際遇真係唔多好，次次紅歌唔紅人，搞到好多人都戥佢唔抵，其實佢唱歌、外表都唔差，都唔明點解上極到上唔到一線，唔知佢係唔係見得太多見高就拜見低就踩呢啲事，所以佢之前就寸爆啲人𠵱家都唔攞出真心出嚟，就連握手都hea過人，佢叫人哋唔想握就不如慳番啲力，搞到佢握完都懷疑對方隻手有冇骨㖭。嘩！睇佢咁激動，似乎佢出嚟工作時被人冷待喎，咁又係，佢係呢行撈咗咁耐，都叫做有啲資歷，畀人咁樣冷待法都一定會唔高興啦。

「甲組腳」= 涼汗聞

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1449^#

發表於 14-9-19 09:40 |只看該作者

關仁隱事：「一把劍」去飯局又食又拎

𡃁模經常被嘲胸大冇腦同cheap，成日俾人爆佢哋好多都經營副業，同埋手腳唔乾淨，關仁近排都聽到一單笑料，話說𡃁模「一把劍」成日以登台為名，返內地賺人仔，不過當然唔係捽碟唱歌咁簡單，佢都成日出席富豪飯局，黐飲黐食仲賺大利是。一把劍仲貪上癮，關仁聽聞佢成日去完飯局都一定又食又拎，如果佢打包啲未食晒食物都叫有衣食，但關仁就聽聞佢成日吩咐侍應另叫炒飯炒麪，唔知佢係咪真係咁大食，食飽都要拎上房，佢仲貪到連酒店房雪櫃嘅汽水、啤酒，甚至零食統統掃走，好似餓鬼咁，所以𠵱家一把劍入咗神憎鬼厭名單，係人都怕咗佢。關仁覺得佢可以將啲罐裝飲品都放入拖篋拎走，唔怕重呢吓先叫人佩服。

「一把劍」= Phoebe? Jeana?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1450^#

發表於 14-9-22 09:09 |只看該作者

關仁隱事：「大聲公」救女唔使冇書讀

唔少名人明星都想仔女讀名校威威，不過就算畀佢哋個仔女入咗名校，讀唔讀得成又係另一回事。好似「大聲公」同「型爆」咁，佢哋個女讀書成績本來未夠資格入名校，但型爆同名校高層拉關係，令個女年前成功入讀。之但係，大聲公同型爆兩公婆成日各有各忙，冇時間睇個女啲功課，結果囡囡成績一落千丈，早排考試更加係全級包尾，按學校規例，要被踢出校冇得留級，大聲公兩公婆知道之後，即刻用盡方法同人脈去補鑊囉！

「大聲公」= E神
「型爆」= 除好型

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1451^#

發表於 14-9-23 09:18 |只看該作者

關仁隱事：「才子」連老竇都冇錢醫

係人都知「才子」空有一身才氣，但財氣就欠缺，𠵱家叫做有啲小生意仔，但據聞都係佢老婆科水畀佢，雖然佢以前都叫做風光過，但𠵱家真係一落千丈，好多人都覺得佢冇骨氣，明明老婆都退出咗，點知因為要賺錢而要出返嚟做嘢，人人都覺得佢真係嫁錯郎，不過才子除咗唔係好老公外，原來亦唔算係孝順仔，關仁聽聞佢老竇身體狀況麻麻，但因為才子唔生性，搞到佢老竇冇得靠個仔幫佢比龐大嘅醫藥費，最後都係多得識咗幾十年嘅老友幫手，暗地裏幫才子老竇補貼醫藥費，咁先可以度過難關。

「才子」= 危震

點評

simple430 生舊义燒好過發表於 14-9-23 09:37

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1452^#

發表於 14-9-24 09:15 |只看該作者

關仁隱事：「艇仔」掃貨強國味濃

已經轉戰內地好幾年，做演員兼出品人嘅「艇仔」，近年間中會回歸拍港片。咁多年喺內地搵人仔梗係賺唔少，但艇仔始終搣唔甩鋪shopping癮，經常四圍入貨先滿足。關仁有朋友有日喺北京某名店見到艇仔開開心心咁掃貨，佢表現相當豪氣，唔使半個鐘艇仔已經掃咗幾個新款手袋，之後就碌卡畀錢走人，算係滿載而歸。而間名店見有大客嚟幫襯又點會得失客人，所以經理親自送埋艇仔出門口，非常好招呼，關仁位朋友形容艇仔喺內地咁多年，作風舉止已經似足內地同胞，幾年間改變都咪話唔大。

「艇仔」= 業船

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1453^#

發表於 14-9-25 09:16 |只看該作者

關仁隱事：「罐頭」收過百萬闊少禮物

因為另類聚會上位嘅「罐頭」，佢自從無約一身輕就好自由，四出接job頴銀，罐頭成日話唔拍拖住，其實佢繼續等目標釣金龜，罐頭早排被指搭上闊少，其實佢哋喺夜場相識，罐頭好主動箍實闊少。除咗黐飲黐食，佢當然係咁要闊少買名牌，罐頭好識揀，次次人哋畀個budget佢揀禮物，罐頭實會自動波將預算調高最少一倍，佢恃住願者上釣，關仁收到風啲追求者因為迷暈得一陣陣，次次都甘願鬆手，罐頭身邊嘅闊少其實遍及中港澳三地，佢一星期單係收禮物都過百萬。

「罐頭」= C O F F E E

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1454^#

發表於 14-9-29 09:40 |只看該作者

關仁隱事：「百厭星」玩慣人驚被玩

「百厭星」平時好口臭，又鍾意整蠱人，玩人嘅時候梗係好開心，但之後就怕俾人尋仇報復，所以百厭星無時無刻都處於高度戒備狀態。關仁聽百厭星身邊朋友講咗一個笑話，話說有日佢喺屋企收到一個大郵包，正常人當然會即刻拆嚟睇吓係乜，但百厭星就擔心好似拍戲情節一樣，驚有炸彈，寧願擺喺屋企幾日都唔敢拆。直至有日一位喺外國、冇見好耐嘅朋友打嚟，問佢收到份禮物開唔開心，想畀個驚喜佢，百厭星先恍然大悟，原來係自己諗多咗。

「百厭星」= 你C折

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1455^#

發表於 14-9-29 09:49 |只看該作者

關仁隱事：「斤両」收完錢唔肯扮鬼

每年萬聖節，香港嘅主題公園都會大搞活動，大家齊齊扮鬼扮馬慶祝一番。最近主題公園嘅全新萬聖節項目陸續推出，當然要搵吓啲紅星坐鎮，推銷一下，今年好多明星都拍心口（即係唔收錢）出席，仲扮鬼扮馬玩得好開心，但係巨星「斤両」就堅持唔肯扮鬼造型現身，仲多多要求，話自己唔可以喺背景板前面影相，又唔會入鬼屋咁，雖然佢係以慈善關係畀面出席，但原來都收咗5位數字利是，佢咁唔合作，搞到大會鬼咁唔開心。

「斤両」= 羊千嘩

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1456^#

發表於 14-9-30 09:16 |只看該作者

關仁隱事：「DD」暗撬紫紫飯碗

之前都講過宅男勁冧嘅「DD」，跟同公司嘅「紫紫」面和心不和，聽聞有次佢哋兩個一齊出席活動，當佢哋企埋一齊大合照嗰時，DD同紫紫表面就笑晒口咁好開心，但DD擺甫士嗰陣，就乘機向紫紫批踭撞咗一下，紫紫雖然冇即場向DD發脾氣，但係之後紫紫就喺啲工作人員面前鬧爆DD。又有一次佢哋兩個出席一個電視台活動嗰時，電視台本來想搵佢哋一齊做訪問，點知DD話：「唔使搵佢喇，我一個做就夠喇！」電視台啲工作人員聽到佢咁講，唔使問都知道佢哋兩個發生乜嘢事啦。

「DD」= 黃尾其
「紫紫」= 黃紙情

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1457^#

發表於 14-10-3 09:50 |只看該作者

關仁隱事：《水賊王》好邪演員鬥出事

呢期公仔箱開緊嗰部劇《水賊王》可以話勁邪，有份拍嗰啲演員先後出問題。好似「負加減」同「大隻佬」先後撞車，男主角「大熱」又因為重病搞到拍唔到落去要換人。原來唔單止佢哋，擔正做第二女主角嘅「末期」，原來日前拍外景時唔小心割傷咗隻腳，搞到血流如注，好在包紮好傷口之後冇乜大礙。不過，有唔少幕前幕後就話呢部劇開拍冇幾耐已經咁多事發生，覺得邪到不得了，好擔心嚟緊唔知又有邊個中招，所以要求公司拜多次神求安心喎。

《水賊王》= 《張保仔》
「負加減」= 傅嘉莉
「大隻佬」= ??
「大熱」= 黃浩然
「末期」= 邵美琪

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1458^#

發表於 14-10-3 09:51 |只看該作者

關仁隱事：「阿巴」專搵短期飯票

𡃁模年年有新人鬥性感上位，一班真正行時裝騷的熟模都嫁得七七八八有好歸宿，不過「阿巴」就冇咁好彩，失婚後又冇乜嘢工作，成日都係出吓活動過日辰。其實佢都有晒打算，出活動都係想保持有曝光率，真正目的係裝備自己搵個另一個依靠，佢仲成日去做運動識異性，當中佢鎖定搵啲已婚有米人士，皆因只係求快，搵短暫飯票，火速轉畫絕冇問題。之前阿巴就同過氣選過美嘅才女「海參」齊齊爭仔，對象又係已有家室，最終阿巴梗係爭贏，不過最後都係拍幾個月散拖又分手。

「阿巴」= M I A 塵靜2

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1459^#

發表於 14-10-3 09:53 |只看該作者

關仁隱事：「賈哥」叫「公仔麵」執包袱

今年大台搞咗個「靜蠅蠅」選美會，成個選美都好少傳媒報道，連賽前泳衣記者會，都係得小貓兩三隻去採訪，係歷年罕見。其實都係怪「公仔麵」同傳媒關係太差，覺得佢成日大細超，件事連高層都察覺到，早前開會就向公仔麵喺大興問罪之師。
「賈哥」自從公仔麵入主咗，就冇啖好食，俾人蝦到上心口，𠵱家有咁好機會，即刻係大會度，有意無意咁狂插佢，仲要句句有骨咁警告佢話：「自己搞番掂，唔係執定包袱啦！」雖然公仔麵𠵱家係老細身邊嘅大紅人，但搞單咁嘅嘢，佢自己都腳震震。

「公仔麵」= 魚泳山
「賈哥」= 憎厲真

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1460^#

發表於 14-10-6 09:27 |只看該作者

關仁隱事：「少爺」偷食浪接浪

近期娛樂圈有好多偷食新聞，唔係背妻偷食就係搶人老公，次次新鮮，最近就有一單新鮮熱辣嘅背妻偷食新聞，有傳有財有勢、外形高大威猛嘅「少爺」同「妹妹」兩個人係真心相愛，但少爺始終都係有婦之夫，所以到今時今日都唔可以認定妹妹。不過傳言少爺背住老婆唔只得妹妹一個咁簡單，背後仲有大把女埋身，唔少仲係圈入面嘅靚女姐仔，其中C小姐人靚身材又好，把口仲好識𠱁人，所以甚得少爺歡心，所以少爺又出錢幫佢搞生意，人前人後都錫到燶，最近仲有傳佢係小四㖭，娛樂圈嘅感情世界真係七國咁亂。

「少爺」= 你+X
「妹妹」= D e o n
C小姐 = 周獸拿