吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 07年7月預產期準媽媽 part 11

大仔大女媽媽會今日: 0|主題: 177861

收藏本版

發帖

返回列表

跳至頁

樓主: sammischu

[2007年] 07年7月預產期準媽媽 part 11 [複製鏈接]

71 727374 75...87

viv-viv

大宅

積分: 1660

1441^#

發表於 07-5-15 13:22 |只看該作者

Re: 07年7月預產期準媽媽 part 11

TL,
出街食唔好食汁獻呀...贊育/qm個營養師話街外野食汁獻好易出事...切記切記
我出街食都'盡走'or搵hot water 洗咁d汁獻至食...再唔係又cut食少羹飯...

祝你今日番余醫生度checkup一切順利~~

TL 寫道:
yynets & 睡公主,
re:產假
因為我開刀,上胎都係放前1後9

viv_viv,
你要放鬆d,食番多少少o野,o吾好再比自己瘦o勒.
我今晚都返Dr Yu 到覆診,希望一切正常啦!
我有晚一時大意,去o左食越南o野,食o左咖喱,蕃茄牛尾,喇沙,油酥餅 + 大大碗飯撈汁, 呢餐飯後拮手指,居然去到10 我估咖喱同牛尾都落o左好多糖

My lovely boy Andrew was born!
He is a July piggy!
viv-viv = andrew-mama

私人傳訊

tsznok

侯爵府

積分: 21494

好媽媽勳章

1442^#

發表於 07-5-15 13:30 |只看該作者

Re: 07年7月預產期準媽媽 part 11

hello~
尋晚o向公司做到八點幾九點,今日成個人超累,腰骨又超痛...突然好想去海灘行下!

係呢,我想問下有經驗o既媽咪...究竟開刀生BB o既感覺係點o既呢?
會唔會feel到醫生摷個肚傢?之後又要痛幾多日呢?

呢排諗緊不如今胎開刀算,唔好搏喇,一來自己年紀廿到尾,體力又差d,二來唔係次次都可以好似上次咁好彩生到big baby...總之,好緊張呀!!!

§ 為左食得好又健康啲，靚太橫行廚房中… §

私人傳訊

stanbb

大宅

積分: 1919

1443^#

發表於 07-5-15 14:10 |只看該作者

Re: 07年7月預產期準媽媽 part 11

頭先lunch 見到林翠苗係九龍城快開張嘅 cambridge medical　ｃｅｎｔｒｅ　掛名．

私人傳訊

野人好索子

伯爵府

積分: 17054

1444^#

發表於 07-5-15 14:37 |只看該作者

Re: 07年7月預產期準媽媽 part 11

Zi 寫道:
............
RE:野人好索子
我都係唔會再買大肚衫裙囉~ 之前去旅行搭朋友買左D泰國超大條既吊帶彩染裙，五顏六色，大紅大紫咁....本來諗住著唻訓覺既~ 不過家陣蘿咁大個肚我諗我著出街都無人笑卦~ ?-(

我屋企附近有似有間賣泰國服飾的鋪頭,去睇下會唔會有收獲先!!! :mrgreen:

私人傳訊

野人好索子

伯爵府

積分: 17054

1445^#

發表於 07-5-15 14:39 |只看該作者

Re: 07年7月預產期準媽媽 part 11

hildakam 寫道:
野人好索子, penguinmui ,

幾日唔見妳哋上來啊~~

我阿仔都係咁ga, 有時, bb踢到個肚盪來盪去, 就諗住叫老公摸吓比佢知道踢得我幾痛啦, 點知老公隻手一到, 阿仔就唔郁, 隻手一拎走, 佢又踢, 我同老公講話阿仔蝦佢, 唔踢比佢玩, 我老公就話"哼!等我咁鍚你, 買咁多嘢比你, 唔同我玩!"

e.......原來你有掛住我架!!!!

我老公直頭話小公主出左黎之後要打下佢屁股添呀!!!!!

:mrgreen:

私人傳訊

jackie_lau2000

大宅

積分: 3103

1446^#

發表於 07-5-15 14:56 |只看該作者

Re: 07年7月預產期準媽媽 part 11

viv-viv

我係10:40分呀..到時真係可以見到了...係呀..5月24 日係公眾假期...,下次我會同醫生講轉番星期四下午...

其實上次醫生同我講已經要3星期檢查一次, 但唔知點解我個排版寫4星期後覆診, 以我記得36週先開始2星期一次booking..

今日唔知係咪呀小B 轉得太勁定係禽晚同個C6執衫...攪到我個肚下面勁痛, 連行路都好似隻龜咁慢....

~~小囡食魚骨事件~~

講樣野你聽, 係上星期六本來好開心, 跟住同媽咪, 細佬食飯, 點知食食下, 我個囡勁喊話痛, (當然佢還未識講點解痛啦), 跟住我工人話我知食完魚就喊, 咁我咪用隻手幫佢摸下睇下搵唔搵到條骨, 點知攪了成15分鐘都搵唔到, 但我個囡仲不停咁喊住指住個口話痛呀..痛呀....最後唔點點好...就call 999...跟住救護員都搵唔到條骨, 唯有送去醫院, 我諗今次實有排攪啦...因小朋友怕痛, 實唔肯張大個口俾醫生check...終於好快就見醫生了, 點知囡囡我懂事肯張開個大口俾醫生check..但係今次醫生用雪糕棒來檢查, 所以都係搵唔到魚骨.(跟住囡囡又喊過, 當時個心真係好痛呀..)..之後醫生就用了一個好專業的工具, 好似"廉刀"的(我見到都驚同我心痛)..放落我囡囡個口到...醫生就同我講, 肯定有排check同會勁喊..如果搵唔到仲要留院觀察呀...於是我就同囡囡講一個我平時有同佢講的故事係關於一個勇敢的小孩睇醫生,"而故事係講有位小朋友開頭睇醫生時好驚,唔肯張開口, 但到最後醫生幫佢檢查完口腔後, 只係打了一支針,雖然係有少少痛, 但最後都好番了".. ....我就叫佢再張開口俾醫生check, 點知囡囡真係好快就張開大口, 而幸好地醫生亦好快速地係舌頭後面接近口龍位搵到一條1.5cm長的魚骨......真的好好彩呀...希望大家都唔好有我這個經驗呀...

tsznok

其實你頭2胎都可以自己生, 今胎都沒有問題嫁...對自己多些信心, 你實掂嫁....其實開刀唔係咁好..一來對bb唔好, 2來自己多條疤痕, 對身體又唔好...好似咁來以來, 天氣一乾燥, 疤痕就會好嫁, 又唔補得....傷口要成個月先真係復完...我眼見能夠順產的媽咪都好怏康復嫁...

私人傳訊

sammischu

大宅

積分: 1984

1447^#

發表於 07-5-15 15:31 |只看該作者

Re: 07年7月預產期準媽媽 part 11

jackie,

你囡囡好勇敢呀~~ 真係有驚無險, 好彩囡囡合作, 醫生手快, 唔使留院, 如果唔係有排搞.........

其實見到呢件事件, 再想返個次tsznok既小朋友唔舒服, 我發覺做mami真係遇事既時候要冷靜, 有時我會諗, 到我bb出世, 遇到意外/生病, 我可唔可以冷靜堅強咁面對/解決? 呢d真係有排學, 就快做mami先發覺自己既mami真係好犀利~~

私人傳訊

tsznok

侯爵府

積分: 21494

好媽媽勳章

1448^#

發表於 07-5-15 15:32 |只看該作者

Re: 07年7月預產期準媽媽 part 11

jackie,

我其實係驚bb到時太大隻我生唔出咋...
好似呢三個月以來,我嘔左16磅出o黎,上星期六去照呀b時仲諗...唉,我乜都食唔到,希望呀b唔好比正常細左好多就好喇,但點知o向冇得食o既情況下佢都比正常大左差唔多1 week,醫生話我生開大隻b,通常都一個比一個重傢喇...云云;上次二弟都9.3磅,如果今次三妹(or弟)重過9.3磅,我真係冇信心順產... :-(

§ 為左食得好又健康啲，靚太橫行廚房中… §

私人傳訊

hildakam

大宅

積分: 3108

1449^#

發表於 07-5-15 15:39 |只看該作者

Re: 07年7月預產期準媽媽 part 11

野人好索子,

我梗係有掛住妳... :-( :-( 自上個星三惠氐個talk之後同妳講過野...就唔見咗妳幾日喇...仲有其他mami都唔見咗...少咗一半人咁...呢度變得好冷清呀...

打屁股少事啦, 我要咬我個仔個pet ga~~邊個叫佢係咁踢一邊, 踢到我痺哂!!

私人傳訊

tsznok

侯爵府

積分: 21494

好媽媽勳章

1450^#

發表於 07-5-15 15:46 |只看該作者

Re: 07年7月預產期準媽媽 part 11

sammi,

唔止要冷靜呀...仲要加幾分狠心...
我唔好彩啦,生兩個仔都有d事要發生,好似大仔初生時有心臟問題啦,到二弟而家要o向泌尿科跟進... 有時d醫護人員捉開個仔去做d抽血打針o既事情時...聽到個仔o向入面係咁狂喊,真係想衝入去打人抱番個仔出o黎傢!!!!但諗番轉頭,人地都係幫緊個仔...唔忍心d都唔得~~~~

jackie,

你都好冷靜會call白車,俾我都會驚~~所以而家我俾大仔二弟食魚都勁小心,我好怕細路仔"更"骨~

§ 為左食得好又健康啲，靚太橫行廚房中… §

私人傳訊

3cats

大宅

積分: 2122

1451^#

發表於 07-5-15 16:10 |只看該作者

Re: 07年7月預產期準媽媽 part 11

viv-viv:

我諗我要一路duk手指到生.

咁你係醫院係咪都係食1800卡路里的餐單呀?

但上次營養師話我地每日唔可以食多過6兩肉，菜就可以任食．

而營養師反而叫我地飲ｍｉｌｋ，　因一杯ｍｉｌｋ等於７杯豆漿喎．

所以我依家早餐飲無糖豆漿，每日都會飲一包屋仔脫脂奶．

我上星期入院時到輕左２ｋｇ．但ｂｂ就1.33kg, 正常.

係呀, 糖尿科姑娘係叫銅酸係會影响bb IQ, 所以我地唔可以因血糖就唔食野.

私人傳訊

penguinmui

大宅

積分: 1441

1452^#

發表於 07-5-15 16:16 |只看該作者

Re: 07年7月預產期準媽媽 part 11

好嬲呀!!!!
2/5 時, 領事館已經出左紙, 今日 15/5 0岩0岩打去比 agent 問佢入境處出左白咭 number 未, 佢話未, 話係十四個工作天入境處先出白咭 number, 計落咪要 21/5?! 跟住我問佢出左白咭之前, 究竟幾時個工人先可以到, 佢話要等多兩個月!! 話出左白咭, 之後等 4-6 星期, 之後再等 14 日個工人先可以黎香港! 跟住我同佢講, 妳老闆當初話五月尾六月頭個工人就可以到, 但依家同我講要七月?! 我叫佢老闆打比我. 佢個原因話係最近多人申請工人, 所以會慢左. 我覺得並唔係藉口, 今日咁多人生, 一早都多人申請0架啦! 我唔會接受咁既原因!!!! 等佢老闆打黎, 我再問佢!!
好嬲呀!!!!好嬲呀!!!!好嬲呀!!!!好嬲呀!!!!

私人傳訊

jackie_lau2000

大宅

積分: 3103

1453^#

發表於 07-5-15 16:19 |只看該作者

Re: 07年7月預產期準媽媽 part 11

sammishu,

當時真係好擔心呀..雖然今次係工人餵魚俾囡囡食, 但係好奇怪地今次我沒有嬲過工人...因覺得責任其實係自己到呀....唯有下次小心些...同埋好彩今次都唔算好嚴重..但學到就係自己要冷靜先...否則小朋友就更加驚嫁嘞..

tszont,
我邊到有咁叻...其實call 白車的建議係我老公呀..因我老公要返工, 我唯有問佢點做...佢建議係call 白車, 因囡囡年紀少, 唔識講, 同埋驚自己搭車途中有事唔知點算呀..如call 白車, 途中有乜野事都有救護員係到呀...
原來係咁嘅原因....但醫生有乜意見呀....佢有沒有建議你開刀呀...