少年成長 今日: 0 | 主題: 16099

積分: 33215

1462^#

發表於 11-5-12 19:17 |只看該作者

jandk 發表於 11-5-12 01:32
SandraLo,
hi, 我d事想請教你. thank you
我囡囡20months, 最近食飯食得好差, 以前可以食3/4碗, 最近食幾 ...

jandk :

我想問：佢食飯之前嗰一餐係食乜？幾點食？兩餐若只隔4個鐘, 可能重未餓！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

Con401

積分: 3433

1463^#

發表於 11-5-12 20:38 |只看該作者

回覆 SandraLo 的帖子

通常係呢2種情況下發脾:

1. 想行去某一個地方而我哋唔比佢去，例如廚房、廁所。

2. 阻止/攞走佢當時做緊ge嘢，例如: 玩緊玩具、洗澡前玩緊盤水、好投入咁玩緊D唔係玩具ge嘢。

發脾氣時會:

"咬"腰，不斷左搖右擺個身體咁一路咸。

我通常會喺30秒之內用成功地其他嘢引開佢，然後佢好似無事發生過一樣咁開始玩新嘢。

還有，咁容易引開倒佢會唔會顯示到佢ge專迬力不足呢？兩者當中有無關係呢？

唔該妳！

私人傳訊

積分: 33215

1464^#

發表於 11-5-12 22:33 |只看該作者

本帖最後由 SandraLo 於 11-5-12 22:35 編輯

Con401 發表於 11-5-12 20:38
回覆 SandraLo 的帖子

通常係呢2種情況下發脾:

Con401 :

「可以」比「逃避」更嚴重, 視乎小朋友性格.

嚴格嚟講, 你所講嘅1.and 2. 唔算係發脾氣, 佢只係「表態」, 如果你繼續依家嘅方式 ~~ offer代替品, 咁過多幾個月, 就變成「脾氣」啦！

試想吓, 佢想去某處你唔俾, 佢玩緊玩具你又去拎走, 佢唔識講, 除咗用喊表達, 佢可以點？好啦, 佢用呢d喊、「典」嘅壞行為表態, 後果係乜？不單止冇後果, 重會因此有更好的東西給他, 那若你是他, 下次你會怎樣做？當然時愈喊愈大聲, 愈典愈勁啦, 若說他這是發脾氣, 你是在教他用發脾氣來向你要求啊！

要拆解嘅第一步, 就係唔好怕佢喊, 得嘅就俾佢, 危險、唔得嘅就永遠都唔俾, 要喊由得佢喊, 咁佢先知世上有嘢係唔搞得同唔做得！

私人傳訊

積分: 33215

1465^#

發表於 11-5-12 23:18 |只看該作者

ShingYan1 發表於 11-5-12 09:15
Dear SandraLo,

Hello, 你好呀。我有d野想請教你呀。我係新手媽咪，我個仔仲有個幾星期就兩歲了。記得大概 ...

ShingYan1 :

揾專家又唔駛.........

如果我叫你 ignore 佢打人, 包括打人呢個動作或者口講打, 完全不作反應, 你做唔做到？

而為咗配合呢個行動, 唔適宜返playgroup 住, 得唔得？

私人傳訊

積分: 4442

1466^#

發表於 11-5-13 12:58 |只看該作者

本帖最後由 ShingYan1 於 11-5-13 12:59 編輯

Dear SandraLo,

多謝你的回覆。但本人仍有下列問題，煩請赐教，謝謝。
- 要ignore佢，當佢只係用口講”打”時，係屋企我們會容易做到，但若在街上，例如在酒樓，d侍應行埋嚟執野時，如佢咁講，係咪我地都唔好比任何反應呀? 又例如見到人時，我地會叫佢叫人，佢通常第一個反應就係講個”打”字，咁係咪暫時唔好叫佢叫人住呢? 因為如果我地一叫佢叫人，而佢又講過”打”字，我地就一定會即刻話佢唔啱喎，應該叫姨姨。
- 但當佢用手打我地時，如果我地ignore佢，佢就會打到我地應佢為止，咁係咪即係尤得佢打? 定係我地要去一個佢打唔到我地嘅地方呢? 因為有時我地食緊飯，佢就會行埋嚟打我，係咪我要離開飯枱唔食住，走去佢打唔到我嘅地方呢? 抑或在ignore佢同時要分散佢注意力，等佢唔好再打，即係好似我地食緊飯時，佢走埋嚟打，咁我地就唔好望佢、應佢，但同時我會同爸爸講，咦….電視幾好睇喎 / 電視個哥哥係度做緊嘜呢…..等等等等，等佢嘅注意力去咗第二度從而唔再繼續打我地，咁做算唔算ignore佢呢? 另外，如果係街上，抱住佢而佢又打我地，我地點樣可以ignore佢? 係咪即時放佢落地呢?
- 至於暫時唔比佢返playgroup，可唔可以解釋吓點解呢? 佢而家係每星期返一次，逢星期六9:00 – 11:00，仲有七堂要返。
唔好意思，太多問題了，謝謝回覆。

私人傳訊

積分: 33215

1467^#

發表於 11-5-13 23:14 |只看該作者

ShingYan1 發表於 11-5-13 12:58
Dear SandraLo,

多謝你的回覆。但本人仍有下列問題，煩請赐教，謝謝。

ShingYan1,

你先睇睇呢個 topic 以下呢幾個 posts, 都係問打人的 :
Nov17, 09
post # 406 / 414 問
post# 419 答
post #422再問
post#428 答
(明續)

私人傳訊

積分: 4442

1468^#

發表於 11-5-13 23:36 |只看該作者

SandraLo 發表於 11-5-13 23:14
ShingYan1,

你先睇睇呢個 topic 以下呢幾個 posts, 都係問打人的 :

ok, 唔該哂。

私人傳訊

積分: 33215

1469^#

發表於 11-5-14 22:54 |只看該作者

本帖最後由 SandraLo 於 11-5-14 22:59 編輯

ShingYan1 發表於 11-5-13 23:36
ok, 唔該哂。

ShingYan1 :

查實你都明白佢依家係用咗「打」嚟同你地玩、溝通同引起注意, 若想他介甩, 第一樣就是要他知道：你們對「打」再沒有反應, 所以他打是沒有意思的！「沒有反應」包括對他打你們及話打你們時, 你們不會鬧, 不會罸, 不會話, 不會特別望他, 也不會嬲, 由得他打(應該唔會好痛)*, 有飯照食, 有嘢照同佢講, 就像他沒有打過或說過個打字！不用担心他不知道打人是不好的, 因你已講了一百次, 你也不是要他忘記打, 因為他已經做了幾個月, 不會忘記, 所以你對他講十次也不會因此「提醒」他由不打變成打, 相反, 他沒有打的時候, 你要讚他好乖沒打人 (每日起碼5次), 起初兩三次他聽到打字會打的, 你要對他的打冇反應, 或索性在讚他時捉著他的手來讚, 確保他打不到, (加上笑臉和嘉許的眼神); 隨著打就冇人理, 唔打先有人注意同讚, (可以用錫、呵、攬來加強讚的效果)你好快會見到改善！

我說不好返 playgroup住, 是明白到有其他人(特別是家長)在場的時候, 你很難對他的打不作反應, 但 ignore 是要貫徹執行, 唔可以做吓又唔做, 咁冇效之外, 下次再做番重要雙倍時間, 一係你叫工人帶佢去啦！

如果响街度 ~~ 你實行 ignore嘅頭兩日最好留响屋企先, 讚咗都有十次你睇到有用時先去街, 一出街就keep住讚, 相信會ok.

* 分散注意力當然唔係 ignore, 而係俾緊extra attention, encourage佢做多d 呢個行為 ! ~~ 請睇番上一版post #1457 同 post # 1464.

私人傳訊

積分: 4442

1470^#

發表於 11-5-15 14:22 |只看該作者

Dear SandraLo,

明白哂 & 唔該哂，希望可以快d上嚟報喜啦。多謝你。

私人傳訊

積分: 4442

1471^#

發表於 11-5-23 13:23 |只看該作者

本帖最後由 ShingYan1 於 11-5-23 13:25 編輯

Dear SandraLo,

你好，我實施咗一星期嘅ignore + praise，想匯報一吓進展，睇吓有冇要改善嘅地方。
其實星期一至五比較容易處理，因為個五日阿仔係唔會出街，每日對阿仔嘅時間就係放工後(即晚上七時後)。頭兩日阿仔當然有向我及老公講”打”，我地當然ignore佢啦，另外，佢亦都有無端端走埋嚟打我，我亦都ignore佢，佢冇癮，就去打爸爸，爸爸亦ignore佢，佢打咗一陣，冇人理佢，佢就自己去玩，當然我地係佢冇打人時會讚佢。我亦都叫埋姐姐配合，係佢冇打人時就讚佢，但當佢打姐姐時，我就叫姐姐唔好比任何反應佢而慢慢行開，因為始終人地都係打份工，冇理由任人打。跟住個幾日，我同老公都覺得佢進步咗少少，少咗無端端講個”打”字及行埋嚟”打”我地，但當佢一發脾氣，佢就好自然講過”打”及會”打”我地，其實呢一點我地係咪唔好ignore(因為我覺得佢呢個行動唔係seek attention，而係習慣咗發忟憎就係打)，應該好平靜咁解釋比佢聽，發忟憎係唔需要講呢個字及唔洗打人。因為其實之前餵佢食飯，如果佢唔想食，佢就會講個”打”字，咁我就同佢解釋，係唔需要講呢個字，只係話比我地聽”飽飽”就得嘞，咁佢而家又做到喎。
至於到星期六及日就比較難處理，因為星期六我放假，星期日就我同老公都放假，姐姐都話佢呢兩日係比較扭計。為咗配合ignore呢個行動，我星期六冇帶佢返playgroup，因為係學校真係冇可能任佢打，老師亦都會話我。所以我就帶咗佢去公園，so far都冇嘜問題。但當我抱佢去買蛋糕時，佢就一手打落售貨員姐姐個膊頭度，個一刻我即刻話佢唔啱，亦有叫佢向姐姐道歉，其實我咁做冇ignore度佢，啱唔啱呢? 但佢打到人，真係無辦法唔即刻制止佢。不過，唔知點解，佢去到人迫的地方，佢會話”打”及會用手”打”人。至於星期日，因為有朋友嚟我地屋企，佢比小朋友唔小心撞到個頭，咁佢就走埋爸爸度喊及發忟憎(打爸爸)，咁我地及我朋友都有叫佢唔好咁，我地咁做法係咪ignore得唔徹底呢? SandraLo, 請問你有冇其它補充，可以提一提我地做得更好呢? 唔該哂。

私人傳訊