alicealice313 發表於 13-4-30 06:09
早晨
80後多產媽媽萬中無一 |
|
【本報訊】一名「恨生仔」的八十後媽媽，連生四胎都是女，最後用盡生仔秘方「炮製」第五胎，終讓她如願以償生下「慈菇椗」。生到怕的她決定「封肚」，於是在開刀生產兒子時順便進行結紮手術，以為一勞永逸，豈料於坐月後不久再次驗出有孕，無奈下惟有生夠半打，家有六孩在現今香港更是萬中無一的個案。
記者：黃江奇 麥超億
梁小姐今年31歲，17歲開始懷第一胎，大女兒現已13歲，二女11歲，三女8歲，四女5歲，細仔只得七個月大，而肚裏的六千金已有五個多月。根據統計處2011年的人口普查，全港121萬核心家庭中，像梁小姐一樣有6個或以上子女的只有101個，比率是十萬分之八，故梁的個案可說是萬中無一。
「好難接受，我咁決絕做結紮手術，就係唔想再生！」即使如此，梁小姐堅持不會人工流產：「我係教徒，唔會做呢啲嘢。」她說夫婦過往用避孕套來避孕，從未試過意外懷孕：「諗住結紮安全啲，點知仲危險！」
她的四名女兒都是自然分娩，因想做結紮手術，故第五胎選擇開刀。去年9月23日，婦產科醫生靳嘉仁在荃灣港安醫院替梁剖腹產子，順便進行結紮手術，單是結紮費要3,800元：「開刀攞咗我個仔出嚟後，佢問我係咪決定唔再生，我話係，佢就喺我兩邊輸卵管夾兩隻夾。」
兒子出世後兩個多月，她又再有作嘔作悶的感覺：「睇西醫，醫生話我傷風感冒；睇中醫，中醫都話我傷風未好。」直至兒子擺百日宴，她又再嘔吐發作，翌日再找婦科醫生檢查：「點知真係驗到我有咗一個月，再問靳醫生，佢話任何結紮手術，冇一個100%安全！」
極速意外懷孕，她說壓力爆煲，情緒困擾得天天在哭：「現今社會養五個已經唔易，屋企太多細路要湊，自己又有工作，心理生理都未得，我又有地中海貧血。」
梁小姐在元朗經營時裝店，大她五年的丈夫開車房，兩夫婦算是中產，但要撫養五個小孩依然吃力。「單係四個女嘅學費、興趣班同補習費，每個月最少二萬蚊；屋租、水電煤同食，都要四萬蚊；細仔奶粉尿片，請女傭，兩公婆使費……我都唔敢計！」記者粗略計算，發現她一家每月平均開支達10萬元，還未計即將出生的六千金。梁小姐說因為「老六」，她不得不放棄部份事業：「本來有兩間舖，因為唔可以飛去外國入貨，已經執咗一間……」
採訪當日，梁小姐的四名千金剛放學回來，加上在地上爬來爬去的幼子，家像變了兒童遊樂場。她說照顧小孩少點魄力也不行，故每天要吃補血丸、鈣片和多種維他命等補充體能。
她向記者展示剖腹生產留下的疤痕，疤痕長滿肉芽有如一條大蜈蚣，「之前好幼細，隨住個肚大咗，越嚟越大，越嚟越深色，咁掂一掂都痛，着褲都痛。」她說丈夫最擔心子宮傷口會爆開。
靳嘉仁表示，手術前已向梁小姐解釋風險：「香港結紮手術嘅失敗率大約千分之五，佢唔好彩中咗！喺過去20年，我幫超過1,000名病人做結紮手術，佢係唯一一個結咗紮都意外懷孕。」靳表示，梁小姐在滿月後子宮傷口癒合理想，加上沒有宮外孕，故只要定期覆診，母子的安全不成問題。至於剖腹的疤痕生滿肉芽，靳解釋懷孕會令疤痕變得又粗又腫：「子宮爆嘅機會大約係千分之七，只要跟番38周開刀，問題唔大。」
發表於 
可能就係緣份掛！無後悔過
返回列表
