Mablelin 發表於 20-6-25 18:06 
找到這套有羅晉，問下版主正5 正先
真愛的謊言之破冰者我冇睇過，見網上評話毀譽參半，話劇情反駁不合理，但普遍肯定羅晉嘅演技好，佢做一個臥底警察，因為接近大毒梟而離開女友，七年後大毒梟為咗可以掌控佢而將佢女友拉入局。羅晉係男演員中少有帶有溫柔暖男氣質嘅其中一個，有人話佢把聲唔得，我又覺得好舒服，佢台辭功力唔差，鶴唳原聲演出幾好，陸劇好多男女主角都係配音，本身演同聲都得嘅唔係好多，有時聲唔得靠配音搭夠，有部份聲OK，但唔及配音好，於是好多劇（特別係古裝劇）男女主聲音都熟口熟面，來來去去都係喬詩語、季冠霖、邊江、張杰四個人嘅聲。
其中原音嘅古裝劇比較少，近期嘅有知否知否應是綠肥好瘦，如懿傳（除咗霍建華，話因為佢講嘅國語帶有口音），鶴唳華亭，瑯琊榜（好多個主要演員都係原音），天盛長歌，那年花開月正圓等。
講番呢套真愛的謊言之破冰者，如果聽羅晉的話應該值得開，不過我唔知套劇本身劇本得唔得，你如果睇完報告下。
花旗太太生活在花旗國，留意時差，你問我未必即時答到。
發表於 
冷血呀我
返回列表
