少年成長 今日: 0|主題: 16100

2/ 好多小朋友都淨係扭媽咪爹地架啦, 佢應該都係attention seeking, 所以外人或老師面前, 會係另一個人, 你既然知道佢係咁, 亦明背後原因, 只要控制到自己做行為矯正, 即係讚賞好行為, ignore 壞行為, 便必定可以有改善.

3/ 你要俾例子先教到你点處理.

4/ 查實講唔好聽嘅說話都係attention seeking嘅一種, 例如粗言, 唔鍾意爸媽呢d, 一講爸媽就會有大反應; 雖然daddy打過佢呢樣嘢係有影響, 但如果daddy肯花d時間日日同佢玩, 佢一定唔會唔鍾意daddy.

5/ 呢類「我吾帶你走」「唔要你」嘅嚇小朋友說話, 絕對係幾時都唔好講, 因為你係向佢講大話, 到佢完全知你係嚇佢嗰陣, 佢亦會學識嚇番你, 而佢叫你陪佢, 反為係似扭多d.
如果你覺得佢欠缺安全感, 你以後講說話小心d, 係會做先好講, 半句大話都唔好講！

似乎我和你對玩的定義有頗大的差異...........

冇錯她倆要一些獨處的時間, 但在獨處之前, 囡囡要和她熟絡, 和小朋友熟絡的最佳方法是和他們玩, 而不是拿她的玩具和她玩, 因為和她熟絡之前, 姐姐仍然是外人.
懂得和小朋友玩的人即使是沒有玩具, 也可以玩到, 吸引到小朋友, 例如把幾隻膠杯子叠起來, 摺紙等等, 玩得多便熟絡了, 當她們熟絡了, 就甚麼都容易了, 如果姐姐真的不懂變化, 你可以靜靜買套玩意給姐姐, 當係姐姐的, 叫姐姐邀請她玩！

在學校發生這些事真的較少見, 因一般的attention seeking只在家發生........

基本上方法係一樣, 要work就係讚+ ignore, 如在學校不能 ignore, 便只能用讚+罸, 但老師未必明白讚同好行為的關係, 那便不能有效地用讚, 你除咗同老師講呢樣之外, 都可以試埋好行為獎勵表, 如佢該日响學校冇搣人, 就獎一個貼紙, 一星期內夠5個(視乎佢能力) 就獎些她喜愛的小禮物來加强口頭讚賞.

其實這已經是個方法了 - 由他哭！ 無論他怎樣哭都改變不到你, 加埋讚就快些！ 你說他未懂表達所以只用叫囂, 但弟弟卻懂得表達？
你可嘗試替他講他想表達的, 然後再解釋一次, 可以給他的話就給他, 不能的話,依然是要讓他哭, 否則他會愈喊愈勁, 甚至升級來要你就範！

我認識一個媽咪自己也是教育心理學家 (教人点教仔個d), 佢對住自己對孖仔都要洗出渾身解數, 你還是早些預備, 揾定專家教路！

我先答 2. 同3.

我就覺得現階段佢唔肯講sorry都唔係問題, 只要你屋企人個個都識(會)同佢講sorry, 佢就會講; 再講, 佢做錯乜都講sorry, 但講完一切照做, 你就重火！

口頭讚已經足夠, 只係歲幾的bb起初未必咁快明, 要跨張d 面部表情同身體語言, 加甜頭可以偶一為之, 主要都係俾佢知佢嘅「好行為」係會令到媽咪讚佢同好開心.

Naughty chair同推弟弟 ~~ 原先我想講處理發脾氣, 讚+ ignore 已經足夠應付, 但如果打人呢樣(唔係淨打爸媽), 就可能加埋罸好d. 你可以留意下面兩種情況：一是喊同扭, 呢個絕對係讚+ ignore可以處理到, 但推弟弟就要罸, 罸要「清」一些, 給他知道一個壞行為(推弟弟) 的後果, 就是罸 naughty chair, 但睇你講現時情況, 佢只係因為你嚴厲咁「話」佢, 佢作出反抗行為所以喊, 你可以每天早上好和平咁同佢講一次唔可以推弟弟, 推咗就會被罸naughty chair, 然後每隔3-4個鐘就讚佢一次好乖, 冇推弟弟, 如佢真係出咗手, 唔駛鬧唔駛惡, 好strict 咁即刻罸去naughty chair, 清楚咁俾佢知推咗弟弟就係罸！

喊到嘔 ~~ 呢個係黃金絕招因為此招一出, 家中各人就會忙於清理, 前事不計, 如是者佢計過有著數, 就choke自己等自己嘔！破解方法好簡單, 你同佢撐(用ignore嗰陣), 必須係响佢唔太飽嗰陣, 等佢冇咁易嘔, 甚至你可以故意俾佢餓個陣扭, ignore幾次, 佢知扭唔到, 就唔會再扭; 如某d 情況避免唔到真係嘔咗, 就視乎屋企有冇人可以清理, 你可以平心靜氣等一陣先理佢, 或者响佢扭緊嗰陣warn定佢, 如果嘔媽咪就入房, 唔係嚇, 係真係要做, 咁極有可能可以制止佢嘔！

最後, 記住必須要「言出必行」, 所以要諗清楚先好講！