懷孕前後 今日: 2 | 主題: 330589

積分: 6299

1501^#

發表於 07-10-29 21:57 |只看該作者

原文章由 奶粉妹 於 07-10-29 21:18 發表
呢2日有d野有感而發,想同大家呻下!
我在大肚3個月時,屋企因為有d問題,我同爸爸關係鬧都好差,當時真係兩父女好似世仇,佢都話過唔再認我做女,我都話過我無錯,唔會認錯.
事隔都2年,我生bb無通知過佢,滿月酒都無請佢離飲 ...

m&m, 唔好諗到咁灰. 有機會睇下同你阿爸可唔可好返, 我知我講到好容易咁, 不過都係個句, 我自己未經歷過, 但係見到好多人都係父母走左先後悔點解係佢地生前唔做好d, 我老公以前好忙, 到佢阿媽過身先後悔點解唔陪下佢多d. 當然我唔係當事人, 講得容易. 但係做得兩父女, 都係有緣份. 唔好怪我多口.

私人傳訊

Winnie_C

積分: 7177

1502^#

發表於 07-10-29 23:00 |只看該作者

今日我地結婚周年，啱啱同牛奶妹去迪士尼玩完返黎，佢玩得好開心，赲到係車度瞓著左，總結咁多年黎，最開心都係呢一刻。

LOLO,

可能真係出牙呀，牛奶妹都係出到亂左龍，我而家都冇再同佢數出到第幾隻，因為我都分唔清邊隻打邊隻，只係知道佢出牙果輪就特別炆熷，唔肯食野。

亞希子,

牛奶妹而家都要我地同佢擦牙架，要慢慢哄先得，草草咁叻仔既，你有乜野妙法呀？

M&M,

睇完你既感觸我都好感動，諗起我自已爸爸眼都紅晒。佢又係唔係度喇，有好多野真係補償唔到，希望你可以快O的解到呢個結，一家人開開心心啦。

私人傳訊

積分: 2649

1503^#

發表於 07-10-29 23:06 |只看該作者

ccue,

過咗去既就尤佢過去吧,唔好諗太多以前啦,好好享受目前妳老細係幾咁可愛啦,至於生唔生多個咪順其自然囉,生開就有架喇,

喂,妳隻老番我想要呀, 生日會果日順便拎埋比我得唔得呀.

係呀,我而家減緊第二轉,希望減到110磅,變番去做女果個階段,唔知得唔得呢.

呢個計劃唔使做劇烈運動架,但每天起碼要行一萬步啫.都唔算辛苦.

私人傳訊

積分: 6299

1504^#

發表於 07-10-29 23:09 |只看該作者

原文章由 Winnie_C 於 07-10-29 23:00 發表
今日我地結婚周年，啱啱同牛奶妹去迪士尼玩完返黎，佢玩得好開心，赲到係車度瞓著左，總結咁多年黎，最開心都係呢一刻。

LOLO,

可能真係出牙呀，牛奶妹都係出到亂左龍，我而家都冇再同佢數出到第幾隻，因為我都分唔清邊隻打邊隻，只 ...

今日都係我阿爸阿媽結婚週年! 咁啱嘅. winnie, 希望你同你老公年年都咁開心. 如果我可以係我結婚週年生2號就好, 咁年年都係好好嘅回憶.

私人傳訊

積分: 2649

1505^#

發表於 07-10-29 23:12 |只看該作者

winnie,

結婚週年快樂呀,祝妳兩公婆永遠都咁恩愛,牛奶妹就越大越可愛啫．．．:mrgreen: 去廸士呢咁開心呀,有冇睇埋煙花先走呀,我地下個月３號都會去住番晚呀,小b豬實好開心啫。

私人傳訊

積分: 6299

1506^#

發表於 07-10-29 23:15 |只看該作者

ccue,
以前d野唔好諗啦. 想生咪生多個囉, 唔洗諗chance 唔 chance. 順其自然. 我老公個陣時都係咁諗, 諗住大吉利士都有2號, 好似好灰咁. 不過冇理由咁諗去生bb, 我都係為左b女有個伴, 同佢一齊成長同分響, 將來多個人扶持, 即使我第時bye bye左, 希望兄弟姊妹, 血濃於水, 多個人look out for one another.

我地最近成日講, b女做霸王嘅日子時日無多啦...

如果你有衫仔, 又啱2號天時, 麻煩係留比我吖.

私人傳訊

Winnie_C

積分: 7177

1507^#

發表於 07-10-29 23:18 |只看該作者

FLO,

多謝晒，我都希望有機會好似世伯、伯姆咁白頭頭老，兒孫滿堂！

私人傳訊

積分: 2649

1508^#

發表於 07-10-29 23:25 |只看該作者

m&m,

原來妳都有個咁既心結既！唉,真係一家唔知一家事,但時間應該可以冲淡一齊既,希望妳同妳爸爸能夠打破呢個冰山,重拾父女情啦．．．

生日會果度妳遟啲先覆我都得,我攪緊張電子邀請咭,會電郵寄比妳地,到時妳再响電郵度回覆番我都未遟既,:mrgreen:
我都己經預留咗張枱比'師奶兵團'架喇, 隨時出現都得架.

私人傳訊

奶粉妹

積分: 3013

1509^#

發表於 07-10-29 23:38 |只看該作者

Flo,Winnie,亞希子:
多謝你地既安慰!事隔都2年,前果排我亞婆過左身,我地兩父女無法唔見.但2日既白事,我地一句說話都講唔出,只係眼神上接觸過.
我好明白你地既意思.只係時間上大家都未放底,我真係有唸過係咪要到佢就離唔係樹,大家先可以解開呢個結呢??
我2年離,都好堅決唔會同呢個人有計傾.但突然間呢2日,我既堅決好似軟化左.體會唔同左.覺得親人好可貴,或者就係昨晚對父女感動左我,好似"丁"一聲醒左咁.
我有好羨慕亞flo,lo lo,winnie......有個咁為自己個女既爸爸.
我有埋怨自己既爸爸唔好,比唔到一個好童年我,係心靈上好似缺乏左好多.所以點解我成日提醒sumusm,要為森仔爭取,因為我都係過來人,有d野係空白就係空白,將來好難補償.
或者有一日個天會比我可以放低一切,大家再續父女緣,但這天要等待幾耐,連我自己都唔知.

私人傳訊

奶粉妹

積分: 3013

1510^#

發表於 07-10-29 23:40 |只看該作者

winnie:
一家人開開心心咪好囉!人最緊要就係開心.:lol:

私人傳訊

積分: 2649

1511^#

發表於 07-10-29 23:41 |只看該作者

亞希子，
我小b豬參加咗嘉諾撒既baby clinic,包埋驗牙兩次,但每次都係數下佢出咗幾多隻呀同擦得乾唔乾淨就算,牙醫仲話如果佢有啲牙仲未出都冇辦法喎,因唔可以夾硬拔佢出黎.

我都諗住要帶小豬定期檢查牙齒,等佢知道自己既牙齒係幾咁重要先.

私人傳訊

積分: 6299

1512^#

發表於 07-10-30 00:04 |只看該作者

原文章由 奶粉妹 於 07-10-29 23:38 發表
Flo,Winnie,亞希子:
多謝你地既安慰!事隔都2年,前果排我亞婆過左身,我地兩父女無法唔見.但2日既白事,我地一句說話都講唔出,只係眼神上接觸過.
我好明白你地既意思.只係時間上大家都未放底,我真係有唸過係咪要到佢就 ...

我老公有個朋友, 同佢差唔多大, 細時屋企環境麻麻, 屋企又重男輕女, 佢係全家人唯一讀到書個個, 但係佢阿爸阿媽唔好講話鼓勵佢, 重成日想佢快d唔讀書出來做野. 佢好細個就要出來幫補家計, 後來讀到大學, 都係自己諗辦法.

佢自己都講明佢阿爸對佢唔好, 佢嘅童年一d都唔快樂, 亦都冇物娛樂可言, d兄弟姊妹細時都對佢唔好, 但係而家個人大左, 都係覺得血濃於水, 自己老豆家姐阿哥阿妹, 佢對佢地好好, 幫得就幫. 佢個人都好硬淨, 所以我諗佢都有d體會.

私人傳訊

CCUE

積分: 1386

1513^#

發表於 07-10-30 00:26 |只看該作者

m&m,

原來你同你呀爸d關係唔係咁好, 因為我識你以黎見你從來冇提過呀爸, 又見你呀ma嗰時係你度幫你湊bb, 我仲以為你呀爸已經唔喺樹, 所以唔敢問, 不過我地唔知成個故事, 所以好難comment, 但係始終父女一場, 如果你態度軟化, 而佢又表現得好想同你好番, 咁就慢慢見下面law, 最緊要有人肯踏出第一步, 你做左人呀ma應該心胸廣闊左, 係咪:-P

私人傳訊

CCUE

積分: 1386

1514^#

發表於 07-10-30 00:28 |只看該作者

winnie,

恭喜哂喎, 唔怪得之咁開心去disney, 頭先打比你又唔講, 真係神秘!

私人傳訊

wongwongbb

積分: 4703

1515^#

發表於 07-10-30 00:30 |只看該作者

M&M,

做左人父母，你好應該知道每個父母都係愛錫子女，都會為子女著想，唔係淨係我地父母先係咁，你父母都係既。你呢個時候唔能夠同你baba講到野，唔代表將來唔得，以前你企得硬，但唔代表今日你仲要企咁硬，人大左應該好多野都睇得化喇，你所講同baba之間既唔開心事，你咪自己衡量下，究竟你想要自己響親戚眼中既形象，想要尊嚴，定係想重拾家庭溫暖，上一代個個為搵食，唔識得咩叫家庭既愛，覺得個責任係mama負，自己要出去打仗，返到屋企又無從發洩就自然會用小朋友出氣啦，呢d係上一代好common做法，所以同屋企既小朋友溝通少，亦唔擅於表達，更加莫講話關心啦，但學我c6話齋，我地個年代父母唔做野真係食咩丫，佢地都係為家庭出去拼搏，就自然要犧牲家庭時間，佢地點都估唔到原來對小朋友成長有間大影響，會令我地覺得缺乏左父母愛，會空白左腦海既某一片段，但佢地出發點都係為屋企，佢地無錯既。
我屋企就係咁，所以我都唔係太多細個既記憶，但我明白囉，亦從來無諗過無得怪佢地，我地外表唔會做到扶住父母出入咁關心，唔會一日到黑問佢地好唔好，但自從我結左婚，我搬離屋企，就開始關心多左屋企，雖然我老豆當初都有d覺得我煩唔多理我，但其實心裡面好開心，以前我老豆有咩都放響心，有唔舒服都唔出聲，而家我多左問下佢，佢牙痛都話我知，因為覺得有人關心，大家既關係開始更加好，佢都放低大男人既尊嚴，肯開聲關心下我地，我地個個都知其實大家都係唔識表達，唔係唔關心，只要其中一方肯付出，對方一定感受到既，結果未必係好好架，可能過程亦都艱辛，但做左咪得囉，諗下結果可能係一家人重拾家庭溫暖，而唔需要等到有日佢病左你先去同佢再傾計。無論呢段再能夠相處既時候有幾長幾短，好過再一次有段時間空白左第日後悔，係架，要好大決心同勇氣，但係你地始終係一家人，有咩唔可以好好傾下，仲講咩尊嚴，作為女兒咪自己行出第一步囉，我知道好難，但係如果你有一刻覺得自己係時候要做，咪行動囉，但唔好迫自己，一步步來，仲要係你覺得時機成熟先，你而家有小朋友，我覺得佢地可能係好好既橋樑，有小孩緩和下氣氛好好多，慢慢黎啦，你想既一定做到。
我表妹當年都好嬲我姨丈，關係差到又係唔認架，我不斷勸佢，結果佢到今日都可以肯認返個老豆，大家生活都唔錯丫，但記住，唔好迫自己，因為勉強會太辛苦，等你覺得時機成熟先做，慢慢來，一家人又唔係有咩深仇大恨，一定可以修補既，睇下你決心去到邊遮。
我花咁多時候"說教"，無非係唔想你再一次響家庭上有咩遺憾，過左去就算啦，無謂執著，時間過左就無得追，但如果你都係行唔出第一步都唔緊要既，因為我唔知你地既誤會有幾深，或者係咪真係好難修補，最重要同自己講第日唔會後悔就得喇。

[/url]

私人傳訊

CCUE

積分: 1386

1516^#

發表於 07-10-30 00:33 |只看該作者

多謝哂你地嘅留言, 我都係一時間見你地發生咁嘅事加埋個夢先諗起 , 不過琴晚同老公講, 原來佢都發過一個類似咁嘅惡夢, 所以我同佢都話呢d係陰影, 就算點唔諗, 佢永遠都係刻左喺我地內心嘅深處, 所以我呀ma以前同我講話有句說話叫養兒100, 長憂99, 真係講得冇錯!

私人傳訊

CCUE

積分: 1386

1517^#

發表於 07-10-30 00:42 |只看該作者

flo,

好呀, 等我遲少少執下先, 希望18号去carol度可以比你!

私人傳訊

CCUE

積分: 1386

1518^#

發表於 07-10-30 00:48 |只看該作者

carol,

嘩, 咁大想頭想減番到110, 我都想呀, 但係仲爭成10lbs度, 宜家都係55kgs, 不過如果好似你咁日行1萬步應該都會好快, 不過我覺得生完, 就算個磅數減到, 個身形同以前都係爭d, 不過大家都努力啦!

好呀, 我一於送你barney3碟套裝做小b豬嘅賀禮呀

講笑咋, 如果你一隻都冇, 咁我整哂我有嗰d比你!

私人傳訊

chintaitai