凌陵綾 發表於 22-12-20 08:52 
特技定特效呀？
低成本又冇短劇咁低成本嘅，可能A/A+吧！
反正話S/S+嗰啲，實際亦唔係套套掂，啲錢唔知洗去 ...
嘉行幾有眼光，一直簽嘅唔少靚仔靚女，又或者係有特色藝人，起碼有辨識度，但人多資源自然分太薄，一直由楊冪帶住新人，希望新人有機會可以上到位，好角色都唔少，但就係除咗楊冪同熱巴叫做而家一線外，好多都係遊走於二三線，不過有幾個都算好彩，可以做到小成本劇男女主，好似高偉光、張雲龍、祝緒丹、黄夢瑩、劉芮麟、賴藝。仲有兩個童星黄楊鈿甜同張茗燦，睇下後續有冇機會發展。
我最初睇張彬彬係《三生三世十里桃花》，雖然佢係男二，角色都有發揮，之後《秦時麗人明月心》《烈火如歌》《小女花不棄》《暴風眼》角色唔差，就係唔爆紅，去到《司藤》，以為可以紅一圈，點知又係無以為繼，最衰之後又遇上新冠疫情，有套劇因為佢當封喺疫區，被直接換角，《月歌行》我睇咗第一集，特效真係差少少，可能係近年仙俠劇太多，實在千篇一律，冇晒特色，佢同徐璐又冇咩CP感，但不能否認，張彬彬古裝扮相不比其他男演員差，起碼身裁管理得唔錯，佢五官又幾上妝，本身佢把聲幾好聽。
花旗太太生活在花旗國，留意時差，你問我未必即時答到。
發表於 
返回列表
