silvia_ng 寫道:
頭先帶左monica去急症室..........因為佢既情況比我預期既更利害...........
你地仲認唔認得呢個係monica?
唉..........原來佢藥物敏感.......食完藥攪到咁。 :-(
我一返到屋企, 見到佢咁既樣, 我直頭忍唔住喊左出黎.......好慘呀 :-(
大粉果 寫道:
Carol,
究竟何時應該給與懲罰？
我們在日常生活中應該先與孩子建立起溝通，父母明白孩子的想法，孩子明白父母的説話、指示，要是雙方都有充足的溝通，而你也多次告訴他哪些事不能做，但他還是做的話，你就有理由去懲罰他，否則就是“不教而誅”。這樣說好像很空泛，我就擧一個例子：
孩子要拿你的錢包來玩，而你認爲孩子不應該玩錢包，於是就不給他了，他要搶，你就要告訴他，錢包不是玩具，你要玩就玩你的玩具（你拒絕他之餘，還告訴了他一個道理，就是：玩具可以拿來玩，錢包不能拿來玩），如果還是不能制止他的行爲，你就要想一下，我已經不下5次告訴他那是不能玩的嗎？如果不是的話，就不要懲罰、責駡他，可以用另外一些他喜歡的東西引開他，如果已經不下5次告訴過他的話，你可以相信，即使你再警告他5次，他也不會遵從你的指示，這時候你就可以罰他站了。罰他站前，再告訴他：錢包不是玩具，你要玩就玩你的玩具；罰完後就叫他過來，擁抱住他，再次告訴他：錢包不是玩具，你要玩就玩你的玩具，然後要求他說對不起/把手放在眉毛下做對不起的動作，最後可以吻一下他來安慰他。
還有兩個必須留意的重點：等待的時間、一貫性。孩子一般反應都比較慢，要是你要他做他不願意的事情，就更慢了，所以，你警告他後，視乎情況，應該給與20-60秒的時間等他作出反應。一貫性就是，你自己不要前後矛盾，有時候給他，有時候不給，家人之間也應該有共識，不要媽媽不給，爸爸給，爺爺不給，奶奶卻給等。還有，你的警告語句也需要一貫性，不要這次說：錢包不是玩具，你要玩就玩你的玩具；下次說：干嘛拿我的錢包？找死嗎？
你也可以想一下：在不用上班的日子裏，你一天跟孩子有多少次衝突呢？如果很多的話，是不是你跟你的孩子的溝通不足呢？或者是溝通不得其法呢？
haileymama 寫道:
[quote]
大粉果 寫道:
特別新聞報告：
[本報訊] 昨天一名樣貌不凡的0508爸爸偕同他的蜜糖、寶貝到一位0508的蠆王家探望其兩只小x。大家談天、玩耍了兩個多小時，最後，該爸爸的蜜糖提出要跟蠆王一起去吃炭烤大肉腸。該爸爸見蠆王一個人要帶兩只小x，就自告奮勇為他抱其中一只小x。大家吃完了炭烤大肉腸後，該爸爸就想把那只小x還給蠆王，豈料那只小x斷然拒絕，該爸爸無奈只好多抱一會兒，在其後的5分鐘内，曾經試圖把該只小x還給蠆王，可是儘管試了10次，還是不成功，最後惟有強行把該只小x還給蠆王，結果......
Mei721 寫道:
係人地個blog度抄左d野同大家分享下.....
今日想同大家分享下我由上一份工作所學到既知識。正軒未出世之前﹐我響大學協助做研究工作﹐一做就做左四年半﹐主要工作係觀察子女(約3-8歲)同父母之間既 interactions﹐得閒又做下 parenting classes 既傳譯､助手､翻譯下問卷､照顧小朋友﹐後期仲負責下搞 training 訓練新人......等等。入職時﹐要連續兩個星期朝九晚四淨係返 training﹐學到既﹐真係終身受用﹗用﹐唔單只用響小朋友身上﹐只要靈活變通一下﹐其實可以用響任何既人際關係﹐可以算係溝通既技巧﹗
小朋友講咩都好﹐係咪都要應下佢﹐一句﹕「OK﹗」､「好﹗」､「哦﹗」......好過唔應佢﹐唔好令佢覺得你唔理佢﹗
同小朋友相處既時候﹐儘量表達多D你係比緊注意力佢﹐方法係
形容下佢做緊既野﹕「你用緊藍色畫公仔喎﹗」､「你玩砌圖好有耐心﹗」､「你用lego砌緊間屋呀﹖」
重複番佢講既野﹕小朋友﹕「我煮緊紅蘿蔔比兔兔食。」家長﹕「你煮緊紅蘿蔔比兔兔食呀﹖」呢D說話一D都唔廢話﹐小朋友聽到會知道你留心聽緊佢講野﹐佢會好開心﹐亦都大大有助牙牙學語既小朋友。一齊時比多D注意力佢﹐平時就唔會咁渴求你既注意力。
講批評既說話﹐中國人特別叻﹗普遍黎講﹐西方人係讚多過彈﹐中國人就完全相反﹐做得好係奉旨﹐做得唔好就鬧﹔以為讚得多會壞就唔讚。成日比人鬧既滋味﹐我唸好多人都知。儘量少D批評啦﹗凡事都有兩面﹐就算幅圖畫畫得好差﹐都可以讚下佢既努力既﹗
讚美都要有技巧﹐唔係一句﹕「good﹗」､一句﹕「乖喇﹗」就當係讚左﹗應該要指明讚緊D乜野﹐越明確越好﹐要小朋友明白佢下次要點樣做至會得到人欣賞。例如﹕「唔該晒你執番好D玩具﹗」､「睇完卡通片自己熄電視咁就乖喇﹗」､「應承左畫完公仔訓晏覺你依家畫完訓覺就好抵錫喇﹗」
「讚美」同「鼓勵」係有D分別﹐呢度我唔多講﹔最好多D鼓勵﹐少D讚﹗
發指令既技巧我覺得係最重要﹗要正面､直接､明確﹗
正面﹕「慢慢行﹗」(vs.「唔好跑呀﹗」)､「對腳放番低﹗」(vs.「唔准擺對腳上檯﹗」)､「睇電視要過番黎茶几後面﹗」(vs.「睇電視唔准坐到咁前﹗」)......。聽落好似好簡單﹐但留意下身邊既人﹐原來大多數人都習慣講負面﹐咩都話唔比､唔准﹐對於一個小小小朋友黎講﹐咁咩先係准呢﹖﹖從大人既角度睇﹐無唸過原來你淨係話唔准咁﹐其實細路唔知應該點做你至滿意﹐例如睇電視點為之唔好咁近﹖對於大D既小朋友黎講﹐更會養成反叛既性格﹐偏向唔服從､唔妥協﹗一句講晒﹕惡教﹗
直接﹕「執番好D玩具﹗」(vs.「你執唔執番D玩具呀﹖」)､「食野留心D唔好跌到週圍都係飯﹗」(vs.「如果你食得乾淨D咪好囉﹗」)､「望住我﹗」(vs.「你望左去邊呀﹖」)......。講野間接､隱晦﹐完全係一個壞習慣﹐要小朋友做野更加唔可以比個錯誤既信息佢以為有得選擇﹐所以指令唔應該有問號﹐即使係反問都唔應該。
明確﹕「跟住條線寫﹐寫字要寫響個格入面。」(vs.「寫好D啦﹗」)､「快D著好鞋襪要出門口啦﹗」(vs.「快D啦﹗」)､「放低對腳﹐pat pat要貼住張凳。」(vs.「坐好D﹗」)。唔係你肚裡面條蟲真係未必知你想點﹐譬如你話靜D﹐咁你係想佢完全唔出聲﹐定只係細聲D講野呢﹖再譬如計數計極都錯﹐你同仔女講﹕「又錯啦﹗唸下啦﹗」你想佢唸下點解一加一唔係等於三﹐應該等於幾多﹐點知仔女會以為你叫佢唸下點解又錯﹐點解成日都計錯數﹐結果唸極都唔識計﹐覺得自己好失敗﹐從此唔鍾意計數﹗
仲有要留意既係﹐每次發出一個指令﹐要比D時間佢實行﹐最少五秒。千祈唔好一輪嘴叫佢做呢樣果樣。更加唔好同另一家長講相反既野﹐一個叫小朋友去食飯﹐另一個叫佢做埋D功課先﹐咁你叫個小朋友應該點做﹖
發指令既技巧其實再複雜D﹐不過講住咁多。有無唸過「獎賞」同「賄賂」有咩分別﹖我地既理論係﹐「哪﹐我比粒糖你食﹐你唔好嘈住我傾電話喇﹗」咁就叫賄賂﹔「哪﹐如果你可以細聲D講野﹐等我靜靜地講完電話之後就獎你食糖啦﹗」呢D叫獎賞﹐分別就係要做好左先至有甜頭﹐而唔係比左甜頭先令佢去做。
小朋友發脾氣､大喊大叫既話﹐唔好哄佢﹐最好唔好比注意力佢﹐望都唔好望﹐但又唔好走左去由得佢為所欲為﹐叫佢自己冷靜左收聲唔喊再過番黎你身邊﹐你最好坐響佢面前睇下書唔騷佢。好似今日咁﹐我個女發脾氣﹐我照舊叫佢冷靜左收聲唔喊就過黎﹐發洩左一輪佢自己就冷靜左走埋黎攬住我對腳講﹕「對唔住﹐媽咪﹗」跟住我地就錫番､攬番﹐傾番之前為咩事發脾氣﹐唔發脾氣應該點做。
小朋友之間有拗撬､爭野玩唔緊要﹐唔好即刻插手﹐觀察下先﹐儘量比多D機會佢地自己解決問題﹐解決得唔o岩既﹐跟住再教番。如果打架一定要 time out﹐每一歲既年紀要time out一分鐘(i.e.三歲要 time out 三分鐘)﹐唔駛罰企蚊耳仔﹐就咁坐埋一邊思過就夠啦﹐time out 完左要小朋友自己道歉﹐講番做錯D咩﹐應該點做至o岩﹐跟住又可以攬番､錫番。
以上講既一切純屬參考﹗管教既學問實在好深奧﹐唔係三言兩語就講得晒﹐而且應付唔同既小朋友亦有唔同既方式﹐唯有邊做邊學啦﹗
[quote]Edgar媽 寫道:
粉爸 & all mami,
話說edgar 而家識開鞋櫃, 琴晚比我見到佢拎左自己平時著去街對鞋出黎, 開住個櫃門, 將對鞋又擺入去又拎出黎, 佢係單手拎住對鞋放入去一陣又拎番出黎, 總之就係拎住唔放手, 咁我就用粉爸教o既方法同佢講, "對鞋唔係玩具, 唔係要黎玩o既, 係去街先著o既, 而家唔係去街, 你擺番好對鞋去玩其他玩具啦", lee 番說話我重複左不下10次, 佢都唔理我, 仲試過望住我眨實對眼好耐 (好似d 細路人"廟"人咁), 之後我搶左佢對鞋又再重複句說話一次, 佢一比我拎左對鞋就喊仲先坐後訓左o係地, 我唔理佢坐埋一邊睇書, 佢喊左一陣(正確黎講係mark 大口丫左幾聲眼有少少淚光)就走左黎我度拖我去玩
請問我做得arm 唔 arm ? 我搶佢對鞋arm 唔 arm ? 仲要唔要罸佢?
發表於 
咪咁誇張啦，Monica係小病，仲要係好快就好返果隻，唔係噩耗啊 
雖然有d藥水比較難飲, 但佢又唔捨得唔食塊餅 
返回列表
