少年成長 今日: 0 | 主題: 16099

積分: 39732

畀面勳章貢獻勳章環保接龍勳章

1522^#

發表於 11-7-5 09:01 |只看該作者

HI SandraLo ,

我有野請教你呀~
我個仔17個月大,佢由細到依家D脾氣都唔係好好, 成日都無啦啦發脾氣, 會撞頭落地, 打自己面..... 平時係由公公婆婆湊,仲會湊埋我家姐個仔16個月大, 我阿仔D玩具比表弟搶左玩時,佢會發脾氣咬表弟, 已經咬過幾次,話過佢唔好, 之後都會再係咁~

最近幾日, 佢既脾氣仲差呀, 一發脾氣, 就大喊大叫,撞頭打自己面, 抱佢又好大力推開你,扭曬腰.....成個人好似癲左咁,點"呵"返佢都唔得, 真係大喊左成10MINS, 嚇到我死死下,因為之前未試過咁, 但當時我又好嬲,所以都有大聲話佢,打佢大脾幾下,可惜仲喊得更大聲............ 當晚食飯,阿仔又唔滿意我冇用大人匙餵佢食飯,佢又發脾氣,大喊, 我老公好嬲大力打左佢手背一下, 果個位會好痛, 所以我就叫佢唔好打, 打都唔係打果個位,同埋打佢都冇用......之後阿仔比我呵返~

第2日,阿仔起公公婆婆度又係咁, 要公公呵左好耐,搵其他野引佢注意佢先停......

都唔知點解哩2日佢會咁樣, 同老公傾過,佢話佢阿媽話一定要大大力打佢,佢先唔敢, 但我話打佢冇用GA, 阿仔要用軟功教佢.....而且佢喊緊時仲要大力打落去,佢喊得仲勁, 喊到冇氣咁滯....

唉,我都唔知點教好呀?!

私人傳訊

積分: 33215

1523^#

發表於 11-7-5 23:30 |只看該作者

幸福謝師奶發表於 11-7-5 09:01
HI SandraLo ,

我有野請教你呀~

幸福謝師奶：

我估你一定未睇過我答嘅任何一個post 啦！
打固然係唔得, 唔係work 唔 work 嘅問題, 即係話, 即使佢因你打痛佢而唔敢嘈, 但佢會學咗你打人、用打人來解決問題, 同邊個惡可以打人就邊個話事！
我今日咳到死, 啱啱食咗四種藥, 你睇住我上個post 講点用讚個topic先, 明晚再覆！

點評

幸福謝師奶問你lo ^^'
你take care 呀!!! 發表於 11-7-6 08:55

私人傳訊

積分: 33215

1524^#

發表於 11-7-6 22:50 |只看該作者

幸福謝師奶發表於 11-7-5 09:01
HI SandraLo ,

我有野請教你呀~

幸福謝師奶：

你要先留意以下的犯錯位..........
十幾個月重係bb, 未識用語言表達, 佢有唔開心或要求, 多數只能大叫大喊........
而佢地每次大叫大喊, 就被認定係發脾氣, 被打或被駡.......
被打或被駡時他可以怎樣？咪又係喊！？
問題來了, 當他大喊時, 你們又怎樣？
每次他大喊, 他起先是被罵或打, 但不要忘記, 他最後都會得到你的安撫、呵番！！
即是說, 他愈來愈習慣用大喊來向你要求, 因為愈喊得快和愈喊得大聲, 所得到的反應 (回應)就愈快！
咁你諗唔諗得通佢点解佢脾氣愈來愈大？
你睇咗点用讚未？

私人傳訊

小羊羊迎迎媽咪

積分: 7307

1525^#

發表於 11-8-7 23:08 |只看該作者

Dear SandraLo ,
我囡囡8歲,近排試過幾次同我地d朋友出街食飯有d問題,如問佢食唔食蠔仔粥佢話食我地先叫,但嚟咗唔係平時食個d弼咁杰就只係飲晒d水唔食其他,因為我想佢知道就算唔鍾意食起碼都食一碗因為你佢有份話食,結果用盡咩方法+解釋佢都唔食仲勁發皮氣又+三白眼,請問可以怎樣做呢?
請幫忙謝謝

私人傳訊

積分: 33215

1526^#

發表於 11-8-8 15:13 |只看該作者

小羊羊迎迎媽咪發表於 11-8-7 23:08
Dear SandraLo ,
我囡囡8歲,近排試過幾次同我地d朋友出街食飯有d問題,如問佢食唔食蠔仔粥佢話食我地先叫,但 ...

小羊羊迎迎媽咪：

你意思係佢之前係唔會咁亂order , 定係order 咗都肯食？
同埋唔會發脾氣？

私人傳訊

BBbaba..

大宅

積分: 4682

wyeth冷知識勳章畀面勳章環保接龍勳章親子達人勳章

1527^#

發表於 11-8-8 17:55 |只看該作者

Hi SandraLo,
睇咗部份你嘅post, 但真係睇唔哂~因太多
之前做咗好多好後嘅野，如鬧佢、打佢！想問現在跟3.8歲小朋友解釋媽咪之前既行為，係咪傻傻地？究竟佢會唔會明呢？
看了你的文章，知道利用讚去解決！但總有過度期~以前佢打我，我會擺衣架赫佢，佢重打，我就真係打落去！現在我好想從今以後唔打佢，因為我唔想佢再打我！所以，佢打我，我由得佢打，真係冇還手，淨係解釋佢聽打人唔岩！佢打到我肉又痛、心又痛，我真係當埸喊！佢話：「唔準喊！」重話：「佢係小朋友所以唔可以打佢！」我話：「之前係你曳先打你！媽咪真係唔想打你！」佢話：「係你唔岩！你打我所以你曳，咁我依家咪打你囉！」

救下我！
如何是好？！

私人傳訊

積分: 33215

1528^#

發表於 11-8-9 21:40 |只看該作者

BBbaba.. 發表於 11-8-8 17:55
Hi SandraLo,
睇咗部份你嘅post, 但真係睇唔哂~因太多
之前做咗好多好後嘅野，如鬧佢、打佢！想問現在跟3.8 ...

BBbaba :

3歲8個月點會唔明？你唔駛担心, 佢咁細個, 你由依家開始做番啱嘅方法, 佢一定會改變！
首先, 你唔駛特別去解釋之前打佢嘅行為, 如佢challenge你, 你講一次「媽咪之前做錯咗」就夠.
睇你寫佢駁你呢d 說話, 其實你已和他陷入「口舌之爭」, 進入了你話佢, 佢話番你嘅階段, 這是絕對須要同打人一齊處理的！
好啦, 我先要知道多一些：
他有弟妹嗎？
除了打人和駁咀, 他還有發脾氣的問題吧？
你有罸過他嗎？怎樣的情況下罸？有效嗎？他的反應怎樣？
他最喜歡的玩意/玩具是什麼？
你和他一起玩, 玩得最開心是什麽？
他最不喜歡你做什麼？

私人傳訊

BBbaba..

大宅

積分: 4682

wyeth冷知識勳章畀面勳章環保接龍勳章親子達人勳章

1529^#

發表於 11-8-10 16:40 |只看該作者

So happy to see your reply!
1. 獨子
2. 是，很小器，經常叉腰、反白眼（家長從未有此行為), 口邉常掛「哼！我嘍你！」（我平時冇咁講！」
最近，一見到我就，係又喊、唔係又喊！工人姐姐放假自己啾果日，嘩！我就人都gin,喊不停！但姐姐啾反，就全日好乖+唔喊！我放工一到屋企...又黎！

究竟點解決？

3. 講一次唔聽，講兩次唔聽，重狂喊，我就羅衣架+最後警告，重發gin,就打嘞！最近，未攞衣架，一起身，在後抱住我對腳叫：「唔好呀！媽咪」其實，我冇唸著打，我話：「咁你乖，我就唔打啦！」
試過罰企，但當我下次拒絕佢要，又話我唔岩，罰我企！呢種種行為，我明白孩子就像一面鏡！但當佢有唔岩行為時，淨講同讚，又未必work，需要時間~現在有D迷網！
4. 最like watch DVD movie, lego, drawing~
5. 其實只要我陪佢，做乜都好開心！包括做功課（呢樣真係托賴）！
所以我喺屋企，shi shi都要陪~同姐姐當然唔要陪啦！
6. 最唔鐘like我大聲、講電話（喺格黎曹曹閉）、玩iphone(一見倒就話要比佢玩！）
其實有好乖既時，不停話「好鐘意你！」、「哦！我知道啦！」、「唔該！媽咪~」
但今朝早我返工，就狂喊，已經兩、三年未試過咁！平時講：「bye bye mammy」就ok la!
多謝你的幫忙！

私人傳訊

積分: 33215

1530^#

發表於 11-8-10 22:42 |只看該作者

本帖最後由 SandraLo 於 11-8-10 22:49 編輯

BBbaba.. 發表於 11-8-10 16:40
So happy to see your reply!
1. 獨子
2. 是，很小器，經常叉腰、反白眼（家長從未有此行為), 口邉常掛「哼 .....
但當佢有唔岩行為時，淨講同讚，又未必work，需要時間~現在有D迷網！
.........

BBbaba :

你囝囝好明顯係 attention seeking, 放心, 忍吓口, 照住做, 好快搞掂！

你睇咗点用讚個topic 未？讚錯係無效架 (特別係有唔岩行為時讚, 讚乜？)！
如果已經睇咗, 依加再温一次先.

你囝囝係要你响屋企時全程俾 attention 佢, 你話佢又好, 鬧佢又好, 打佢都好, 總之就要同你「互動」, 就係佢目的！
因此, 你要先發制人, 俾佢知唔做曳嘢就會攞到你最多注意！簡單講, 針對番佢平日做得最多最難搞嘅曳嘢讚佢, 記住係一開始同佢一齊, 呢d 曳嘢必須要未出現, 就讚佢先有效！！
舉例, 佢成日出手打你, 你一見佢就要讚：「囝囝好乖喎, 冇打媽咪」, 每隔一兩個鐘就讚一次, 讚亦可以用獎嚟加强, 例如讚完之後, 就話「咁乖, 媽咪同你一齊砌 lego啦」; 當佢發現唔做壞行為先會得到你的讚獎同attention 時, 好行為就會持續！

當你第一次讚時,可能會令佢「突然醒起」打人習慣而出手打你, 唔緊要的, 你扮唔知做第二樣嘢就得, 切忌俾反應, 否則, 就變成「佢做好行為同壞行為」都攞到你嘅 attention !!! 有冇唔明？

p.s. 每期先針對一至兩個壞行為, 成功介除, 再進行另一樣, 期間有d 乜唔順眼嘅曳嘢, 可能要忍一忍口唔好話住先！

私人傳訊

natalie_lee1010

積分: 6261

好媽媽勳章醒目開學勳章畀面勳章環保接龍勳章

1531^#

發表於 11-8-12 08:55 |只看該作者

我仔而家2歲9個月,見到d哥哥姐姐,就好鐘意肉緊咁衝埋去,met/推人地一野...佢知道唔岩..次次鬧佢,佢都話"唔推,唔met架,sorry"

試過罰佢企,佢可以企好耐架...

有一次係商場果d電器舖,播緊喜羊羊,但佢急尿,我話去完廁所先睇啦,好啦,去完啦,點知出返黎,見到個姐姐係度,6-7歲啦...佢就好嬲喇...一野推開人,跟住佢話"唔鐘意姐姐,唔鐘意姐姐,到果晚,都同我講,唔鐘意姐姐睇喜羊羊"....呢d都叫有目的架,唔想人一齊睇,佢有時無啦啦走去推人...我先唔知點攪....用你呢個方法,贊我試過喇///好似對佢唔太work~~

再講講,佢又好鐘意bb/細過佢果d wo,會走去同你握下手,攪下人....

其實真係好唔開心...有時出街,係咁同人say sorry~~
返pg又係,同男仔相處無野,有個女仔既,人地未返,佢就係咁問"彤彤呢"...到人地返喇,佢又係好肉緊走去met/推人...

我鬧又鬧過,贊又贊過,罰又罰過....都唔知可以點...係咪要帶佢睇醫生呀...

私人傳訊

BBbaba..

大宅

積分: 4682

wyeth冷知識勳章畀面勳章環保接龍勳章親子達人勳章

1532^#

發表於 11-8-12 13:58 |只看該作者

SadraLo,

謝謝您！
我會再嘗試，而且重溫左讚既topic, thanks!

私人傳訊

Michley

複式洋房

積分: 229

1533^#

發表於 11-8-13 11:33 |只看該作者

Hi, Sandra

你好! 我有問題想請教你。

我BB1歲,

1) 他喜歡和我作對, 譬如他拿住個奶樽想掉落地, 我會話"NO", 他會望住我跟住即時放手掉奶樽, 跟住我會話他"曳曳", 他就望住我系甘用手抓自己手臂或者抓頭, 我話"你再抓我就打手手ga la", 他就更加抓多幾下, 我就捉住他手手打2下, 他會掙脫再抓, 我再抓住他雙手唔比抓就大哭直至有人tum番他為止~~~~我應該點處理先正確呢, 因為我發覺警告&打系唔work?

2) 我BB無耐性, 我想他學會坐high chair 用膳, 頭5分鐘還可以, 跟住就唔耐煩用手抓頭抓手, 同他講"NO", 無效, 跟住就比玩具他玩分散他注意力就喂他食野, 食到幾啖就開始掉玩具, 同他講"幫你執番就唔好再掉啦, 唔系就唔比你玩ga la", 但依舊再掉, 如果他掉第三次我就會唔比他玩當懲罰, 跟住就扭計哭唔食要落地~~~~~請問我應該點train 他耐性呢?

3) BB喜歡痴住daddy/ 麻麻/ 甚至工人都唔系甘痴我, 我一樣有同佢玩, 玩得好開心ga, 不過他曳時系我打&鬧他的次數多D (因為麻麻錫個孫會tum他, daddy唔點鬧他, 工人就只會同他玩), 但我並唔系一錯就打, 系警告過唔聽先打手手。~~~~~~請問我做法是否有問題? 怎樣先令bb喜歡我多D呢, 但又唔想縱BB, 對錯的問題要正視?

希望你能夠解答我的問題啦! 謝謝!

私人傳訊

積分: 33215

1534^#

發表於 11-8-13 22:21 |只看該作者

natalie_lee1010 發表於 11-8-12 08:55
我仔而家2歲9個月,見到d哥哥姐姐,就好鐘意肉緊咁衝埋去,met/推人地一野...佢知道唔岩..次次鬧佢,佢都話"唔推,唔met架,sorry"
....用你呢個方法,贊我試過喇///好似對佢唔太work~~
...

natalie_lee1010 :

你會唔會係响錯嘅 timing讚所以唔work ?
睇咗点用讚個topic 第一二個post 未？
想問：唔係你同囝囝一齊個陣, 佢會唔會去met 人？
除咗呢樣, 佢有冇其他壞行為？

私人傳訊

natalie_lee1010

積分: 6261

好媽媽勳章醒目開學勳章畀面勳章環保接龍勳章

1535^#

發表於 11-8-13 23:00 |只看該作者

回覆：SandraLo 的帖子

除左呢樣，無咩話特別攪唔掂既，佢係對女仔特別抗拒，男仔同年齡既都無太大問題，佢同個個一齊都會咁，大家都好頭痕，贊既方法，我再睇過，都會再試過，我係唔明點解佢咁唔鐘意女既小朋友
我有諗過係咪有次去婆婆度，隔離屋有兩個姐姐入左黎，我仔去到門口已大喊，跟住我媽叫兩個姐姐走，佢先肯入去，但果兩位姐姐都無攻擊過佢呀

私人傳訊

積分: 33215

1536^#

發表於 11-8-13 23:09 |只看該作者

Michley 發表於 11-8-13 11:33
Hi, Sandra

你好! 我有問題想請教你。

Michley :

你必先要睇咗兩個主打topic 嘅第一、二個post 先............
1/ 「我再抓住他雙手唔比抓就大哭直至有人tum番他為止」 ~~ 請掉轉身份諗一諗！俾人氹個感覺好唔好？好嘅話, bb 做咗乜嘢就有人氹？咁嗰樣嘢對於佢嚟講, 咪一定係好同乖個囉！因為做咗就有獎勵(有人氹)啦！
假如你係極度唔願意bb 喊, 何以要氹他, 讓他選擇喊呢？又或者話, 你既然覺得佢做錯, 点解最後係氹呢？咁佢点知邊d 應該做, 邊d 唔應該做？你搞亂哂佢喎！
2/ bb 冇耐性係正常的, 佢抓頭你就有嘢俾佢玩俾佢掟, 咁佢下次幾大都抓咗先囉, 呢d 係行為定律！你既然會响食飯嗰陣俾玩具佢, 咁即係食飯嗰陣可以玩啦, 到佢掉玩具落地同你玩「佢掉你執」, 你又拎走玩具, 咁佢當然係喊啦, 難度佢識講：「媽咪, 唔該同我玩完先食飯啦？」你想佢食飯食得好, 首先係要肯定佢係餓先得.

好啦, 你睇完点用讚, 睇吓有乜問題, 搞掂 1/同2/, 3/ 你自然冇問題架啦！

私人傳訊

積分: 33215

1537^#

發表於 11-8-14 22:27 |只看該作者

natalie_lee1010 發表於 11-8-13 23:00
除左呢樣，無咩話特別攪唔掂既，佢係對女仔特別抗拒，男仔同年齡既都無太大問題，佢同個個一齊都會咁，大家 ...

natalie_lee1010 :

想問吓你囝囝嘅語言能力係点？按道理佢嘅年紀應該可以表達自己喜好, 你有冇响講故事時間同佢傾吓？例如点解唔鍾意嗰兩個姐姐？推人會唔會係想同人玩而唔識表達？

私人傳訊

natalie_lee1010

積分: 6261

好媽媽勳章醒目開學勳章畀面勳章環保接龍勳章

1538^#

發表於 11-8-14 22:55 |只看該作者

回覆：SandraLo 的帖子

我仔語言能力都ok,我自己覺得佢係好明顯唔鐘意姐姐既，好似去餐廳，入到去見到有姐姐坐係度，就會大叫＂唔鐘意姐姐＂，愈紮後多辨既愈唔鐘意，我有問過佢點解唔鐘意，佢唔識答，咁我再問佢鐘唔鐘意哥哥弟弟，佢會話鐘意，係女性既小朋友就麻麻，但佢會同表姐同埋隔離屋姐姐玩。我都唔知點攪好，好唔開心架，又嘔知點幫佢

私人傳訊

Michley

複式洋房

積分: 229

1539^#

發表於 11-8-15 10:24 |只看該作者

回覆 SandraLo 的帖子

好多謝你丫 Sandra !
我已經睇左part I & part II, 好有道理, 我會去試試!

1) 其實唔系我tum 佢ga, 系daddy/ 麻麻tum 番佢, 自然甘搞到仔仔當我系衰人lor, 唉~

好似今朝甘仔仔系都要痴住daddy, 但我老公要返工, 走左之後, 佢就喊晒口, 我話"daddy 要返工ar, 番黎再同你玩啦", 佢唔聽系甘喊, 跟住我無理佢, 唔望佢, 喊左10~15分鐘到就自己收聲, 跟住我望住佢笑, 佢又笑番, 我話"bb唔喊好乖wor", 後黎玩左一陣, 走過黎伸只手仔打左我只手2下話"曳曳", 跟住走開, 唔比我抱佢, 示意姐姐過黎抱佢~~其實我甘做有無做錯? 應該點做?

其實我苦惱緊, 我之前做錯左既方法固然要改, 但我系全職媽媽, 日間主要系麻麻&姐姐湊BB, 佢地唔會跟呢個方法做, 以我一人之力, 可能好難做, 都唔知點算...

私人傳訊