moon姐個佛教網有焰口法會, 我又分享下我上次去焰口法會既情況.
焰口法會我既理解其實就係超渡一d過咗世既人或者遊魂野鬼, 主要係施食俾佢哋(我唔知佢同蒙口施食有咩分別, 因為我無參加過蒙口). 據說係要7個高僧(總之要男人)主持既. 咁我上次去呢, 係下午開始. 焰口之前會先放生. 大概5點左右法會開始啦. 成個過程大概4個鐘. 大家排排坐, 唸經, 上香. 會有本書俾你跟住嚟唸架, 真係要唸晒成本書先完架個法會, 所以都幾長. 咁法會開始前要先寫定你想超渡既人, 如果無咩人想超渡呢, 你可以寫你歷世冤家債主. 咁唸經唸到中間個法師就會開始召
. 首先係讀晒參加者寫上去要超渡既人名, 叫晒佢哋嚟, 跟住就叫各方既遊魂野, 每叫一批都會念一個咒再做一個手印. 咁唸晒成本書, 個法會就完喇. 之前參加者寫低既超渡名單就會化晒佢.
我參加嗰次喺佛堂, 我哋坐喺室內架, 好多人坐得好密架, 但係唔知點解成個過程都覺得好凍, 有時仲覺得有d發毛既感覺. 但係法事完咗之後, 我哋一踏出佛堂, 竟然發覺原來出面好暖架喎, 仲暖過喺裏面啊, 咁即係...
講咗咁多, 放焰口有咩好處呢? 簡單d嚟講, 你超渡咗你既冤家債主, 仲有d唔識既孤魂野, 都一定係功德嚟既, 亦都可以減低你d債主對你既怨恨. 不過由於都真係會叫咗好多, 所以老弱病者, 身體精神欠佳者, 就要小心d諗下去唔去喇.
欲知前世因 今生受的是 欲知來世果 今生作的是
是故莫以善小而不為, 莫以惡小而為之
Karma - What you put out into the world comes back to you.
How you live you life determines what kind of life you will have.
發表於 
早晨
返回列表
