少年成長 今日: 0 | 主題: 16099

積分: 33215

1544^#

發表於 11-8-16 23:04 |只看該作者

Michley 發表於 11-8-15 10:24
回覆 SandraLo 的帖子

好多謝你丫 Sandra ! 我已經睇左part I & part II, 好有道理, 我會去試試!

Michley :

如你已知竅門, 多用讚加 ignore 來代替乜都「話」佢, 加埋同佢玩多d/ 講故事, 係可以抗衡得到老人家嘅氹, 但你要預咗佢响你面前乖, 响縱佢嘅人面前就曳、扭！

「玩左一陣, 走過黎伸只手仔打左我只手2下話"曳曳", 跟住走開, 唔比我抱佢, 示意姐姐過黎抱佢~~其實我甘做有無做錯? 應該點做?」 ~~ 你做咗d 乜？佢打你嗰陣個樣係點嘅？會唔會佢覺得打係遊戲？

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 33215

1545^#

發表於 11-8-17 22:53 |只看該作者

gladbb 發表於 11-8-16 12:07
回覆 SandraLo 的帖子

Hi Sandra,
我個仔19個月, 佢一開心就好肉緊咁四圍咬嘢/人。我畀佢咬過好多次。佢一咬完我我已即時好惡咁叫佢唔好, 唔準咬，亦都試過放佢落床仔等佢冷靜下，同係未咬之前讚或警告過佢. 但都無效。佢一興奮就好似失控咁咬.請問可以點呢? Thanks.

gladbb :

19個月bb 未可以用言語表達自己, 於是另找方法去讓你知他開心.........
雖然你好惡咁叫佢唔好, 但仍然算係 acknowledge 咗佢..........
放佢落床仔冷靜亦應該唔會有乜效用, 因為佢未必知去床度代表冷靜, 又唔算罸, 又冇開始同完嘅時間, 佢瞓又係上床........ 唔同naughty chair or naughty corner.
現時如你囝囝未會去咬其他人/小朋友 (只咬你同daddy)的話, 你可從三方面著手：
一是要讚, 讚嘅 timing 好重要, 最好加埋一d 獎勵, 如抱一抱高佢, 要開心的, 但起初唔好太顛, 以防他又失控. 二是每當他咬你的時候, 你要 ignore 佢, 當冇事發生, 咁佢用咬人去表達開心就「落空」, 達不到他所預期的「俾你知佢開心」！三是教識他用另一種方式表達來代替咬, 例如教他說「好嘢」同拍手, 你又跟埋一齊做去acknowledge佢開心, 三管齊下定必可以改善！

私人傳訊

stepyau

積分: 1385

1546^#

發表於 11-8-18 14:56 |只看該作者

SandraLo,

謝謝你的分享。我有問題想請教，我囡囡2歲，喜歡講“打人”，本來很多時候是“講”，情況是1）有時候是玩，明知我地會話，佢專登挑戰我地，2）有時候是佢想做一樣野我地唔比，例如佢坐在餐椅上衰衰的，姐姐怕她碰到玻璃枱，叫她落地下，佢就話“打姐姐”。現在開始慢慢發展到出手。

試過ignore，罰企，打都無用，問佢知不知，她會答知，但問佢以後還做不做，她會答做。

之前會同我地講good morning，now不會了；叫佢講，佢會答"no 啊！"

現在她專唱反調，我們真的不知如何入手。

好無助。

謝謝。

私人傳訊

gladbb

積分: 3778

陪月勳章

1547^#

發表於 11-8-18 15:22 |只看該作者

回覆 SandraLo 的帖子

Thanks Sandra. 我試下, 但一定ignore唔到, 因佢咬人實在太痛, 唔喝佢佢都唔放開口.

私人傳訊

積分: 229

1548^#

發表於 11-8-18 16:07 |只看該作者

回覆 SandraLo 的帖子

Sandra:

其實仔仔系嬲我系佢扭計喊果陣無比反應佢無理佢, 同埋我阻止佢搵daddy (因為daddy 要番工), 所以收聲唔喊之後就走過黎細力甘打我手兩下再話我"曳曳" lor。不過佢話我曳果陣個樣唔惡又唔系笑, 系認真加小小嬲樣lor。

我e家學緊用讚+ignore, 雖然有時讚左佢之後會唔記得左點乖再曳過, 成功次數亦唔多, 但見到佢系有D改變, 因為阿仔好受落"讚"ga, haha~ 真系好多謝你! ^^

私人傳訊

積分: 33215

1549^#

發表於 11-8-18 22:38 |只看該作者

Michley 發表於 11-8-18 16:07
回覆 SandraLo 的帖子

Sandra:
其實仔仔系嬲我系佢扭計喊果陣無比反應佢無理佢, 同埋我阻止佢搵daddy (因為daddy 要番工), 所以收聲唔喊之後就走過黎細力甘打我手兩下再話我"曳曳" lor

Michley :

呢件事上你冇做錯, 只係佢俾人氹慣咗......... 講到尾佢根本就知 daddy 係要返工, 唔會同佢玩, 喊亦唔係代表佢傷心, 而係佢喊親就有甜頭offer, 咁喊咗先係永遠冇衰, 當然好易喊就啦, 呢d 係惡性循環囉！
查實令你同佢關係唔夠同 daddy/grandmom好嘅原因, 唔係你唔氹佢, 而係你話/鬧佢！你盡量用positive reinforcement 啦, 即係讚佢嘅好行為嚟代替「話」佢一個壞行為, 睇睇你之前所講嘅：

1) 他喜歡和我作對, 譬如他拿住個奶樽想掉落地, 我會話"NO", 他會望住我跟住即時放手掉奶樽, 跟住我會話他"曳曳", 他就望住我系甘用手抓自己手臂或者抓頭, 我話"你再抓我就打手手ga la", 他就更加抓多幾下, 我就捉住他手手打2下, 他會掙脫再抓, 我再抓住他雙手唔比抓就大哭直至有人tum番他為止~~~~我應該點處理先正確呢, 因為我發覺警告&打系唔work?

佢好明顯係attention seeking, 引你去話佢, 然後搞大等你打佢, 同你糾纏互動！拆解方法係你唔好俾佢牽動情緒, 因你依家所做嘅嘢 ~~ 你「話」佢 → 佢唔高興抓自己 → 你再「話」/打佢 → 佢發爛揸喊, 係完全在佢掌握之內！你要盡量控制自己情緒, 對壞行為唔好俾咁多反應, 因為咁只會令佢做多d 引你, 同時, 你要俾佢知道某d事做咗嘅後果係乜, 例如你明知佢抓自己手臂引你話, 你要由得佢抓損, 佢要痛先知唔好咁做, 咪容乜易大大吓佢知你緊張就升級撞頭埋牆！！

私人傳訊

積分: 33215

1550^#

發表於 11-8-18 22:41 |只看該作者

stepyau 發表於 11-8-18 14:56
SandraLo,

謝謝你的分享。我有問題想請教，我囡囡2歲，喜歡講“打人”，本來很多時候是“講”，情況是1） ...

stepyau :

你睇睇我啱啱答完Michley 個 post 先！

私人傳訊

積分: 33215

1551^#

發表於 11-8-18 22:42 |只看該作者

gladbb 發表於 11-8-18 15:22
回覆 SandraLo 的帖子

Thanks Sandra. 我試下, 但一定ignore唔到, 因佢咬人實在太痛, 唔喝佢佢都唔放開口 ...

gladbb :

避都避唔到？

私人傳訊

積分: 229

1552^#

發表於 11-8-19 12:49 |只看該作者

回覆 SandraLo 的帖子

Sandra, 其實佢已經抓損過好多次啦, 流晒血, 個傷口未好又再抓損過, 重複又重複, 所以佢唔care 呢D損痛ga, 甘我可以點做先唔中阿仔圈套又可避免佢抓手抓頭呢? 我試過用其他野引開佢注意, 譬如佢喜歡的玩具, 書, 音樂, 初時還可以, 後黎都唔再WORK LU...

私人傳訊

stepyau

積分: 1385

1553^#

發表於 11-8-19 15:33 |只看該作者

Hi Sandra,

Thank you，但我個女成日講“打婆婆”、“打爺爺”、“打mami”、“打xx”，“對壞行為唔好俾咁多反應, 因為咁只會令佢做多d 引你”即我對佢講打唔比反應，這個容易，但“你要俾佢知道某d事做咗嘅後果係乜, 例如你明知佢抓自己手臂引你話, 你要由得佢抓損, 佢要痛先知唔好咁做, 咪容乜易大大吓佢知你緊張就升級撞頭埋牆！” 是不是說我要加一項“罰”呢？因爲佢講打沒有什麽特別的後果的。

Thanks.

Stepyau

私人傳訊

積分: 33215

1554^#

發表於 11-8-19 23:09 |只看該作者

Michley 發表於 11-8-19 12:49
回覆 SandraLo 的帖子

Sandra, 其實佢已經抓損過好多次啦, 流晒血, 個傷口未好又再抓損過, 重複又重複, 所 ...

Michley :

「引開」一定唔得！咁即係唔係正面面對, 亦即係佢「抓自己」呢個壞行為, 你反為會用佢鍾意嘅嘢嚟獎佢, 重係排住隊咁嚟, 你係佢, 你重抓唔抓？你係鼓勵緊佢去抓喎！相信而家你一家人都係咁做, 所以佢愈嚟愈抓得多！
佢最鐘意乜？ (玩、食、玩具), 最唔鍾意又係乜？你有冇用過罸？係点罸法？

私人傳訊

積分: 33215

1555^#

發表於 11-8-19 23:30 |只看該作者

stepyau 發表於 11-8-19 15:33
Hi Sandra,
Thank you，但我個女成日講“打婆婆”、“打爺爺”、“打mami”、“打xx”，“

stepyau :

查實講打XX絕對可以 ignore, 唔好理, 出手打嘅話, 你都要睇吓佢係咪引你話佢......... 你話佢唱反調, 好明顯都係想引起注意, 現階段我覺得唔須要罸住...........你睇咗我簽名位嘅兩個主打topic 未？(第一、二個post only)

私人傳訊

積分: 229

1556^#

發表於 11-8-20 10:16 |只看該作者

回覆 SandraLo 的帖子

佢最中意 "玩, 食, 玩具, 聽歌, 睇嬰兒學習VCD, 出街街",
最唔中意系 "坐hight chair食野, 刷牙, 抹嘴, 搽cream系面上, 拿走佢中意的玩具, 比人話/打",
你話罰, 甘我應該點罰呢? 請比意見!

私人傳訊

積分: 33215

1557^#

發表於 11-8-20 18:11 |只看該作者

Michley 發表於 11-8-20 10:16
回覆 SandraLo 的帖子

佢最中意 "玩, 食, 玩具, 聽歌, 睇嬰兒學習VCD, 出街街",

Michley :

佢唔鍾意坐hight chair食野係因為乜？唔鍾意被困定係唔鍾意食？

私人傳訊

積分: 229

1558^#

發表於 11-8-22 09:54 |只看該作者

回覆 SandraLo 的帖子

系唔中意被困. e家成日喜歡大力掉野tim.

私人傳訊

ShingYan1

積分: 4442

1559^#

發表於 11-8-22 13:42 |只看該作者

Dear SandraLo,
你好呀。我係今年四、五月時請教過你，有關我仔仔時常講過「打」字及用手「打」我和我先生、姐姐嘅事件。當時我地有用「讚」及「ignore」的方法，阿仔稍有改善，但我地沒有貫徹及持續執行(真失敗)，而家佢嘅情況變得很差，我昨天係屋企對住佢喊咗兩次，我真係唔識點教佢，當我喊第二次時，佢已經無動於衷，唔好意思，我想再請教你，佢而家咁嘅情況係咪已經唔可以再用「讚」及「ignore」的方法呢?(因為我嘗試再去「讚」他，我話：「咦，你冇講個打字，好乖喎，咁佢就即刻打打打打打，我唔敢再提呀。」) 我係咪要去搵專業人士呀? 應該由那個途徑搵呢?
我講一講佢現時嘅情況，阿仔而家27個月大，佢由今年約一月開始，就時常講過「打」字及用手「打」我和我先生、姐姐，係最初時我地真係打番佢，諗住佢會驚，點知係冇用，變本加厲，跟住去到四、五月時，請教過你之後，就用「讚」及「ignore」的方法，稍有改善，但我們沒有持續。佢係上星期一開始返N1，返咗四日就發燒，第五日冇返，但佢到星期日(即昨天)嘅脾氣好似失常咁，一遇到做唔到嘅野(例如將條毛巾掛係晾衫架度，唔係我要求佢做，係佢自己玩)，佢做唔到，攞條毛巾埋嚟打我地，自己係間屋度沖來沖去，又用手狂打我地，跟住係完全失控咁喊、狂講「打呀、打呀…………」及喊，唔要爸爸、媽媽抱，但我先生去攬實佢，驚佢亂撞會撞親，佢嘅失控情況約持續幾分鐘，跟住我先生氹佢，同佢講吓其他野，佢就慢慢回復正常，但隔一陣，佢自己玩玩吓車，冇端端又忟，跟住又開始發狂失控，尋日試過三、四次，以前從未試過這種失控情況，我見到之後，我好驚好心痛，驚佢有情緒病，我係佢面前喊，但佢冇反應。我唔知佢有呢d情況係咪下列原因：
1. 返學? (佢只返了四天，暫時每天一小時，第一天可以全程陪佢，佢冇喊過，第二天分離五分鐘，佢冇喊，第三天分離二十分鐘，佢喊，第四天分離三十分鐘，都喊，老師話佢喊得最犀利。)
2. 唔舒服? (佢星期四晚開始發燒，星期五冇返學，同佢去睇醫生，佢勁喊，因佢很怕睇醫生，一入到診所便狂喊。)
3. 兩歲幾出牙? (佢指住話牙仔痛，但我睇唔到佢生”菲知”定”出牙”。)
我唔知係咪上述各種原因加埋，引致到佢咁。
我自己係一個好冇耐性又好忟憎嘅人，我好多時開頭都好言相向話佢，但佢唔聽，我就忍唔住鬧佢，教唔聽就向佢發脾氣，我知道佢學咗我好多，我會努力去改，但暫時我可以點幫佢呀? 我唔夠膽向係佢面前提過「打」字呀。唔好意思，實在太長篇了。

私人傳訊