stkyo 發表於 11-5-4 05:32 
如果我阿媽咁樣講，話我嫁左出去。。。我會好傷心囉！嫁左出去唔等於無左個關係架嘛。。。
我阿媽反而無 ...
唉, 大姨婆認定既野, 呢世都覺得係咁, 佢成日話我懶, 乜都唔做, 同大魚腸講, 話我細果乜都唔做架, 我幾鬼嬲呀, 唔駛做, 我6歲已經捧住盆水係門口洗碗啦, 隔離既當兄弟姊妹, 個個都可以去玩, 我就"咩"住我D細妹睇人地玩, (大姨婆為左追仔, 生完一個又一個, 佢生完放低就出去做野, 我地由細到大, 都係阿爺湊, 我同我對落個妹就輪流湊細果D囉, 本應我同我個妹都係讀上晏班既, 大姨婆話有冇人湊細個D, 佢將我個妹轉左讀下晏班, 我就下晏睇D妹, 我細妹就上晏睇囉, 所以我好鬼憎大姨婆, 生生埋埋, 自己又唔理, 攪到我童年極度唔開心!!)
另外, 屋企窮, 所以做外發, 成間屋唔係膠花就係手襪, 做極都做唔完, 有時冇野做, 大姨婆就叫我地推架車仔, 去D工廠大廈, 逐間逐間去問, 睇下有冇外發做, 當時我10歲到啦, 我真係好鬼憎, 幾時先可以脫離呢D生活?!
早排我入院, 咁大姨婆通常下晏黎一黎睇我, 跟住就去飲下午茶, 個日佢睇完我就走左, 我對面床既院友, 佢同我講: 你媽話你好懶, 係屋企乜都唔做喎!! 我當堂想喊, 佢第一次見人, 就同人講呢D野, 係咪收下把口都唔得? 我同大魚腸講, 我係咪真係懶成咁? 大魚腸話梗係唔係啦, 屋企好多野都係你做, 你阿媽覺得你懶, 佢就一世都覺得係咁!! 
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
今日我有好豐富既收獲。
返回列表
