dorisfung 寫道:
家嫂，我好忙，亦同自己講過office hour要專心工作，盡量少返學。但今朝見到你最後一篇message，我好心痛，忍唔住要上黎搭下嗲。
你話：
「...anyway....其實我真係好想走出呢個困局...
谷到喊→2公婆鬧交→同朋友/媽咪呻→朋友/媽咪擔心...
無幾耐.......又谷到喊→又2公婆鬧交→又同朋友/媽咪呻→又朋友/媽咪擔心.....」
其實關於同其他人既相處，先姑勿論對方啱唔啱，總之...我覺得要自己長期活在壓力、唔開心之下，其實真係好無謂。你問下自己，人生為乜？點解要一而再，再而三咁耿耿於懷？
你無法改變對方的傳統思想或行為，但你絕對有能力改變自己對事情既睇法。就算你認為佢地幾唔啱都好，事情過去後毋須反反覆覆成日諗番。好多野愈諗就只會愈勞氣，但對事情又無幫助，何必呢？
我地每個人都願意聽你呻，唔會覺得你煩。但當夜深人靜，你搵唔到人傾訴既時候，辛苦既只會係你自己。最好既解決辦法，仲係令自己真真正正釋懷呀！
我唔係叫你要由好討厭6299，變成好愛佢地。我只係希望你可以凡事看輕一點，好好享愛你丈夫俾你既愛護，你子女俾你既關懷。唔好因為討厭某一啲人，而影響你既快樂人生。
唔識講野既校長上
發表於 
返回列表
